Þjóðviljinn - 21.12.1979, Qupperneq 6

6 SIÐA — ÞJÓÐVILJINNiFöstudagur 21. desember 1979.
MINNING
Blikkiðjan
Ásgaröi 7» Garðabæ
Önnumst þakrennusmiði og
uppsetningu — ennfremur
hverskonar blikksmíði.
Gerum föst verðtilboð
SÍMI 53468
Margar skemmtilegustu og beittustu
greinar og ræður Magnúsar Kjartans-
sonar frá siðustu þremur áratugum.
Ómetanieg heimild um stjórnmáiasögu
eftir strið og pólitiska hugsun og ritsnilld
eins helsta forustumanns islenskra sósial-
ista.
Mál og menning Ifll
Guörún Ámadóttir
Guörún Arnaddttir lést þann 4.
desember og var jarðsett frá
Fossvogskirkju föstudaginn 14.
desember.
Guðrún var fædd á Eyrarbakka
4. október 1920 og voru foreldrar
hennar Kristin Halldórsdöttir og
Arni Helgason sem stundaði sjó-
sókn frá Eyrarbakka i áratugi.
Móöir Guðrúnar lést árið 1933
eneftir það ólst hún upp hjá föður
sinum oghélt heimili meö honum
i 6 ár, eða þar tilhún giftist Krist-
jáni Magnússyni málara 6. des-
ember 1953 og vantaði þvi aðeins
2daga upp á 26 ára hjónaband er
Guðrún lést.
Guðrún átti dóttur, Kristinu
Þórðardóttur áður en hún giftist
Kristjáni. Kristin er nú gift
Sævari Erni Kristjánssyni og eiga
þau saman 2 syni. Guðrún og
Kristján eignuöust 2 syni,
Magnús 25 ára húsasmiö og Arna
17 ára, nema i Tónlistaskóla og
jafnframt nemenda i hárgreiðslu
i Iðnskóla Reykjavikur.
Kynni min af Guðrúnu eða
Gunnueins og hún var ætiö kölluð
á meðal vina hófust fljótlega eftir
að þau Kristján giftust. Við Krist-
ján vorum saman i Iönskóla og
tókum saman sveinspróf vorið
1950. Viðvorum þá báðir kóngsins
lausamenn en það ástand varði þó
ekki mikið lengur. Kristján leit-
aöi fanga austanfjalls og hefur
það oft verið haft við orð að hann
hafi ekki fariö erindisleysu á
Bakkann.
Ég minnist fyrsta heimilis
þeirra Gunnu og Kristjáns I kjall-
aranum á Grundarstlg þar sem
nú er Verslunarskólinn. Þar var
ekki hátt til lofts né vltt til veggja
en vistlegt og notalegt inn að
koma. Siðar fluttust þau hjónin I
eigin i"búð á Grensásveg 60 og
hafa búið þar siðan.
Heimilið hefur jafnan verið
starfsvettvangur konunnar og
þar speglaðist hæfni hennar og
smekkvlsi og ef vel er að gætt þá
má greina fleiri eðlisþætti i' þeim
hlutum sem skópu það heimili.
Heimili þeirra Guörúnar og
Kristjáns vitnaði um smekkvisi
og reglusemi. Þar gegndi hver
hlutur hlutverki, annað hvort
hagnýtu eða listrænu. Kannski
var það fyrst og fremst einfald-
leikinn sem gaf þessu heimili svo
aðlaðandi svipmót, andstætt þvi
sem viðaugum blasirviðast hvar
nú, á ti'mum efnishyggjunnar.
Ekki verður sagt,að þau hjónin
hafi verið lik hvorki i sjón né
raun, engu aö siður voru þau sér-
lega samrýmd og á milli þeirra
rikti gagnkvæm virðing og tillits-
semi og stóryrði og skammir
munu ekki hafa heyrst á þeirra
heimili. Eitt var það I fari þeirra
beggja, sem oft bar á góma, en
það var virðing fyrir fortiöinni og
þjóðlegum einkennum.
A þessari stundu eru mér efst I
huga þær ánægjustundir er við
höfum átt saman og þá kemur
þriðji aðilinn inn i myndina en
það er Arni Guðmundsson og
hans kona, eða Arni og Kata eins
og við kölluðum þau. Gunna hafði
flest ár að baki af okkur sex, en
þrátt fyrir það gegndi hún hlut-
verki stelpunnar I þessum hópi og
þar kom til hennar sifellda glað-
værö og klmnigáfa.
Gunnu var sérlega lagið að
hagasvo orðum að hversdagslegt
umræðuefni tók á sig skoplegar
myndir og ef að einhver ætlaði að
gerast háfleygur, þá var hann
umsvifalaust sleginn út af laginu
með gamansömum athuga-
semdum.
Enda þótt við vissum að hún
Gunna gekk ekki heil til skógar,
þá hygg ég að engu okkar hafi I
hug komið þessi óvæntu endalok.
Hún bjó yfir svo mikilli lifsgleði
og hafði svo margt til að lifa fyrir
— en staðreyndin veröur ekki um-
flúin og þá vakna spúrningar um
orsakir og tilgang, en svörin eru
ekki auðfundin, því li'fsgátan er
þeim torráðin sem tileinka sér
rökfræði raunhyggjunnar og
þannig á þaö aö vera. Það er lög-
mál lífsins.
A meðan hún Gunna var á
meðal okkar þá miðlaði hún
okkur af glaðværð sinni það voru
hennar sterkustu einkenni og véi
var hennf ekki að skapi. Þess-
vegna tengist minningin um hana
gleðinni.
Kristjáni, börnum og nánum
ættingjum sendi ég hugheitar
samúðarkveðjur og óska þeim
velfarnaðar á ókomnum tlmum.
Hjálmar Jónsson.
Húsrád um raforku-
sparnaö á jólum
Nú er sá árstími, þegar raf-
orkunotkun hér á landi nær
hámarki. Undirrituðum aðilum
þykir því rétt aö koma á framfæri
nokkrum ábendingum til heimila
um raforkusparnað, ásamt
upplýsingum um nokkur öryggis-
atriöi við raforkunotkun vegna
þeirrar hátlðar, sem i hönd fer.
Tilgangurinn er ekki að hvetja til
takmörkunar á ljósaskreytingum
nú um jólin, heldur aðeins að
benda áeinföldráð til að nýta raf-
magnið betur, sem er bæði ein-
staklingum og þjóðfélaginu til
hagsbóta.
Lýsing.
Um jól og áramót er notkun
rafljósa meiri en á öörum árstlm-
um. Hér á eftir fara nokkur hús-
ráð um notkun lampa og ljósa-
búnaðar.
1) Komið lömpum þannig fyrir
að þið skyggið ekki sjálf á
vinnuflötinn. Beinið ljósinu að
vinnufletinum.
2) Stillið lampa þannig að ljósiö
sklni ekki I augun eða falli á
glansandi hluti, og valdi á þann
hátt ofbirtu. Með þessu móti
nýtist ljósið betur, og komast
má af með minni perur. Notið
rétta peru I hvern lampa.
3) A mörgum stöðum, svo sem i
eldhúsi, göngum, bílskúr o.fl.
er hagkvæmt aö nota flúrpípur.
Þær gefa um 6-falt meira ljós
en glóperur miðaö við orku-
notkun
4) Haldið lömpum og perum
hreinum. óhreinindi geta
minnkaö Ijósmagn um allt aö
þriðjung.
5) Slökkvið á eftir ykkur. Það
sparar rafmagn
6) Ef þiö hafiö birtustilla, skuluð
þið nota þá eftir þörfum. Þvl
minni birta, þeim mun minnii
rafmagnsþörf.
7) Utiljósakeðjur eiga aö vera úr
vönduðum gúmstreng með
vatnsvörðum peruhöldum.
8) Komið keðjunni þannig fyrir,
aðperurnarvísiniðurá við, svo
að vatn safnist ekki í peruhöld-
urnar.
9) Gætið þess að ljósakeðjurnar
séu vel festar.
10) Skiljið aldrei eftir opnar peru-
höldur, eða brotnar perur I
peruhöldum.
lDHafið slökkt á ljósakeðjunni
þegar skipt er um perur.
12) Gætið þess að brennanleg efni
eða leiðandi málmskraut liggi
ekki við peruhöldurnar.
13) Festir ekki ljósakeöjur t.d. I
gluggakörmum eöa annars-
staðar með nöglum, teikniból-
um, eða öðru sem skaddaö get-
ur leiðina Notiö viðeigandi
plastspennur eða llmband.
14) Rjúfið ávallt straum af ljósa-
keðjum eöa skrautlýsingu
áður en gengið er til náða.
15) Ýmisskonar jólaskraut, keypt
eða heimatilbúið er þannig
gert, að koma má fyrir I þvl
ljósaperu t.d. likön af kirkjum
jólastjörnur o.s. frv.
Glóperur af venjulegri stærö
eru yfirleitt of stórar til slíkra
nota. Þær geta auðveldlega
kveikt I pappir eða öðrum eldfim-
um efnum. Ekki ætti að nota
stærri peru en 5-10 W. Ljósa-
búnaöurinn á að vera vel festur
og rými umhverfis hann sem
mest og þess gætt, að eldfim efni
geti ekki fallið á peruna.
Iönaðarráöuneytið, orku-
sparnaðamefnd.
Landsvirkjun
Rafmagnseftirlit rikisins
Samband islenskra rafveitna.
U)0tboð!|I
Tilboð óskast frá innlendum framleiðend-
um i smiði götuljósastólpa úr stálpipum
DIN 2448, St. 35 fyrir Rafmagnsveitu
Reykjavikur. tJtboðsgögn eru afhent á
skrifstofu vorri Frikirkjuvegi 3, Reykja-
vik.
Tilboðin verða opnuð á sama stað mið-
vikudaginn 23. jan. n.k. kl. 11 f.h.
INNKAUPASTOFNUN REYKIAVÍKURBORGAR
Fnkirkjuvegi 3 — Sími 25800