Þjóðviljinn - 21.09.1982, Qupperneq 16

Alþýðubandalagið í nýtt húsnæði:
Samningarnir
undirritaðir
í gær
Tæplega 6 hundruð
fermetra rishæð að
Hverfisgötu 105
í gær voru undirritaðir samning-
ar milli Samtúns hf. og Byggingafé-
lagsins Óss um kaup á rishæð húss-
ins Hverfisgötu 105 í Reykjavík
fyrir starfsemi Alþýðubandalags-
ins. Blaðamaður og Ijósmyndari
Þjóðviljans litu við í risinu í gær
þegar Stefán Sigfússon f.h. Sigfús-
arsjóðs, Baldur Óskarsson fram-
kvæmdastjóri Alþýðubandalagsins
og Kristján Valdimarsson fram-
kvæmdastjóri félagsins í Reykjavík
skoðuðu nýja húsnæðið, sem er
tæplega sex hundruð fermetrar að
stærð.
Fyrir tæpum tveimur mánuðum
var húsnæðið að Grettisgötu 3 selt
en andvirði þess nægir að mestu til
að kaupa nýja húsnæðið, tilbúið
undir tréverk og málningu og í því
ástandi verður húsið afhent í byrj-
un næsta árs.
Baldur Óskarsson, fram-
kvæmdastjóri Alþýðubandalagsins
sagði að nú eftir að gengið hefði
verið frá kaupunum myndi Al-
þýðubandalagið efna til söfnunar
til að fullgera húsnæðið.
Þetta nýja húsnæði verður inn-
réttað fyrir fjölþætta starfsemi Ai-
þýðubandalagsins. Vonumst við til
að Hverfisgatan verði félagsstarf-
inu mikil lyftistöng, ekki síst starf-
inu hér í Reykjavík, sagði Baldur.
Stefán Sigfússon sagði að
Samtún hf. hefði verið stofnað á
sínum tíma þegar Sigfúsarsjóður
seldi húseignina Tjarnargötu 20 og
ráðist var í kaupin á Grettisgötu 3.
Þá hefði andvirði Tjarnargötunnar
ekki nægt til kaupanna og nokkrir
félagar hefðu hlaupið undir bagga
og Samtún hf. hefði verið stofnað
með framlagi þeirra og Sigfúsar-
sjóðs. Samtún hefði síðan átt og
rekið húsnæðið að Grettisgötu 3.
Sigfúsarsjóður á rúmlega 70% í
Samtúni hf. en aðrir tæplega 30%.
í máli þeirra kom fram að fyrir-
huguð fjársöfnun til að fullgera
húsnæðið fer fram á vegum Al-
þýðubandalagsins og félagsins í
Reykjavík og verður framlagið
þeirra eignarhluti í sameign með
Sigfúsarsjóði og Samtúni hf.
Það kom fram í máli þeirra fé-
lagaað mikið fé þyrfti til að fullgera
húsnæðið. f gær og dag eru haldnir
fundir í stjórn ABR og fram-
kvæmdastjórn flokksins til þess að
kjósa bygginganefnd og ákveða
með hvaða hætti verður staðið að
fjársöfnun flokks og félags.
Nýja flokksmiðstöðin er vel í sveit sett. Rúmlega
mínútugangur frá Hlemmi, rúmgóð bflastæði og
við aðalinngang er gert ráð fyrir bflastæði fyrir
fatlaða og greiðri leið á jafnsléttu í lyftu hússins. Á
stærri myndinni má sjá Stefán Sigfússon, f.h.
Sigfúsarsjóðs/Samtúns, og Ólaf Björnsson, fh.
Byggingarfélagsins Óss, handsala kaupunum, en
við hlið þeirra stendur Baldur Óskarsson, fram-
kvæmdastjóri Alþýðubandalagsins. Ljósm. — gel.
Þriðjudagur 21. september 1982
AÖ8' tmi Þjóöviljans er 81333 kl. 9-20 mánudag tii föstudags. Uta.i pess tima er hægt a6 ná i bla&amenn og a6ra starfsmenn bla&sins iþessum simum : Ritstjórn 81382, 81482 og 81527, umbrot 81285, ljósmyndir 81257. Laugardaga kl. 9-12 er hægt a6 ná 1 af greibslu blaösins 1 sima 81663. Bla&aprent hefur sima 81348 og eru bla&amenn þar á vakt öll kvöld. Aðalsími 81333 Kvöldsími 81348 Helgarsími afgreiðslu 81663
Fjöldi skipa í söluferðum erlendis:
Atkvæðagreiðsla
BSRB um samn-
ingana:
5302 sögðu
já 2105
sögðu nei
Yfirgnæfandi meirihluti félaga í
BSRB hefur samþykkt nýgerða
kjarasamninga við ríkið. I gær-
kvöldi var búið að telja þorra at-
kvæða og þá höfðu 68.1% þeirra
sem eru á kjörskrá, sagt já en 27%
sagt nei við nýgerðum samningi.
Auðir seðlar voru 304 og ógildir 63.
Á kjörskrá voru 11.423 félagar.
Þegar búið var að telja tæp 70%
atkvæða, höfðu 5302 sagt já en
2105 lýst andstöðu sinni við sam-
komulagið.
Talsmaður BSRB sagði enn eftir
að telja 537 atkvæði og yrði þeim
blandað saman við þau atkvæði
sem enn eiga eftir að berast. Sú
talning breytir þó engu um megin-
úrslit og er búist við að endanlegar
tölur liggi fyrir í kvöld.
-T- V.
Aflinn illseljanlegur karfi
„Ég ákvað í samráði við sjávar-
útvegsráðherra að þau skip sem
þegar höfðu siglt af stað með afla
sinn ti! erlendra hafna, fengju leytl
til að selja hann þar“, sagði Tómas
Árnasou viðskiptaráðherra I sam-
tali við Þjóðviljann í gær.
..Það eru þegar nokkur skip lögð
af stað með afla til erlendra hafna
og selja hann þar en auk þess liggja
í ráðuneytinu nokkrar umsóknir
um frekari sölur erlendis", sagði
Tómas Árnason ennfremur.
-Er ekki verið að flýta atvinnu-
leysi í fiskvinnsluhúsunum hér með
þessum ráðstöfunum?
„Höfuðástæðan fyrir þessum
leyfum er sú að þessi skip eru með
karfa að langmestu leyti ínnan-
borðs og ástandið í sölumálum
okkar á þeim fiski eru með þeim
hætti nú að okkur þykir ekki verj-
andi að vinna mikið af honum í
húsunum nú. Við eigum miklar
birgðir af óseldum karfaflökum og
það er verið að vinna að því að selja
eitthvað af því til Sovétríkjanna“.
—Eru mörg skip á leiðinni til út-
landa?
„Þau munu vera eitthvað kring-
um 10 talsins og ég reikna með að
þau selji afla sinn þar“
-Er eitthvað frekar að frétta af
viðræðum fulltrúa ríkisstjórnar-
innar við útvegsmenn?
„Ég reikna með að ákvörðun
sjávarútvegsráðherra um að hefja
ekki viðræður við þá um lausn á
vanda útgerðarinnar standi enn, en
annars skaltu spyrja sjávarútvegs-
ráðherra um það“, sagði Tómas
Árnason viðskiptaráðherra að
lokum. __v
Banaslys í umferðinni:
11 ára drengur lést
Ellefu ára drengur lést í umferð-
inni í Reykjavík í gær. Varð dreng-
urinn, sem var á reiðhjóli fyrir
strætisvagni á mótum Skógasels og
Stokkasels, um klukkan 10 í gær-
morgun. Hann lést skömmu síðar á
slysadeild.
Starfsmaður slysarannsókna-
deildar lögreglunnar sagði í gær að
umferðin hefði verið mikil og af-
leiðingarnar hroðalegar. Ein átta
umferðarslys urðu yfir daginn og
mikið um árekstra. Það lýsir ást-
andinu kannski best að þeir tveir
bílar sem deildin hefur til umráða
voru á þönum í allan gærdag og
komu aldrei í hús.
Gengið í arnaróðöl og þau eyðilögð:
Ovild í garð arnar-
ins í einu héraði
— segir í fréttatil-
kynningu frá Fugla-
verndunarfélagi
íslands
Alls komust 20 arnarungar á Iegg
úr hreiðrum á liðnu sumri, segir í
fréttatilkynningu sem Fuglavernd-
unarfélag íslands sendi nýlega frá
sér. Segir í tilkynningunni að varp
hafi tekist þokkalega, en alls hafi 30
pör gert tilraun til varps, en aðeins
heppnaðist varp hjá 17 pörum.
Varp varð í 7 sýslum, en alls sáust
ernir í 14 sýslum.
í fréttatilkynningunni frá Fugla-
verndunarfélaginu segir að víða
eigi ernir erfitt uppdráttar og í einu
héraði sé örninn afar illa þokkað-
ur, svo ekki sé fastar að orði kve-
ðið. Þá heppnist varp betur á stöð-
um sem eru undir eftirliti á einn
eða annan hátt.
Vegna innleggs í tilkynningunni
þess efnis, að mikil óvild sé í garð
arnarins í einu héraði á landinu,
sneri Þjóðviljinn sér til Fugla-
verndunarfélagsins og fengust þær
upplýsingar hjá talsmanni þess, að
sumpart stafaði þessi óvild vegna
hjátrúar. Aðeins tveir ungar hefðu
komist á legg þarna sfðastliðin 20
ár, jafnvel þó svo örninn sækti tal-
svert á þessar slóðir. Talsmaður
Fuglaverndunarfélagsins sagði að
nokkur brögð væru á því að þarna
væri gengið í arnaróðul og þau
hreinlega eyðilögð. Talsmaðurinn
sagði að aldrei væri of varlega farið
í návist arnarins; hann væri við-
Haförninn er viðkvæmastur varp-
fugla á ísiandi. Alls komust 20 ung-
ar á legg úr 17 hreiðrum, en varp
mistókst hjá 13 pörum.
kvæmastur varpfugla á landinu, og
bara það að hann væri hrakinn á
braut frá hreiðurstæði sínu gæti
orðið til þess að ungar dræpust.
í tilkynningunni segir ennfremur
að nauðsynlegt sé að afnema reglu-
gerð sem leyfi útburð svefnlyfja
fyrir máva og skírskotað til þeirra
líkinda, að mikill fjöldi ungra arna
hafi farist af völdum svefnlyfja sem
hann fær úr meltingarfærum mávs,
sem er ein fæðutegunda arnarins.
í fréttatilkynningu Fuglavernd-
unarfélagsins kemur fram sú ósk
félagsins, „ að setja ætti lög sem
banni ævintýramennsku með nátt-
úru íslands, eins og Hringorma-
nefnd hefur komist upp með. Allt
slíkt ætti að heyra undir Náttúru-
verndarráð og Náttúrufræðistofn-
un íslands,“ segir í tilkynningunni.
— hól.