Þjóðviljinn - 13.10.1982, Síða 16
mmuimí Aðalsími Þjóðvi|jans er 81333 kl. 9 - 20 mánudag til fóstudags. Utan þess tíma er hægt aö ná í blaðamenn og aðra starfsmenn blaðsins í þessum sínum: Ritstjórn 81382,81482og 81527, umbrot 81285, Ijósmyndir 81257. Aðalsími Kvöldsími Helgarsími afgreiðslu 81663
Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll 81333 81348
Miðvikudagur 13. október 1982 kvöld.
Hefjast hjarta-
skurölækningar
á næsta hausti?
Eins og skýrt var frá í Þjóðviljanum s.l. laugardag er
stefnt að því að hefja á næsta ári hjartaskurðlækningar
á Landspítalanum í Reykjavík. Grétar Olafsson, yfir-
læknir brjóstholsaðgerða á spítalanum sagði í gær áð ef
allt gengi að óskum gætu aðgerðir á kransæðasjúk-
lingum hafist þar í byrjun næsta vetrar.
Hjarta- og æðasjúkdómar eru
algengustu dánarorsakir hér á
landi en hjartaskurðlækningar eru
eina sérgrein skurðlækninganna
sem ekki er stunduð hér. Sagði
Grétar að fjöldi þeirra sjúklinga
sem vegna þessa þurfa að leita sér
lækninga erlendis nálgaðist nú 100
á hverju ári.
„Við stefnum að því að hjarta-
deild spítalans geti annast allar
skurðlækningar vegna kransæða-
sjúkdóma og skemmda í hjartalok-
um en þetta eru algengustu aðgerð-
irnar. Hins vegar mun hún ekki fást
við meðfædda hjartagalla að
nokkru ráði. Bæði er að þær að-
gerðir eru flóknar og gerðar á það
litlum börnum að til þarf sérstakar
aðstæður. Slík tilfelli þyrfti því eftir
sem áður að senda utan en þau eru
mjög fá“, sagði Grétar.
- Hver yrði ávinningurinn af
þessari nýju deild?
Að sjálfsögðu yrði stofnkostn-
aður nokkur, en þegar frá líður
myndi slík deild spara fé og tví-
mælalaust verða hagkvæm f]ár-
hagslega. Þá verður líka að líta á
þann faglega ávinning sem af þessu
yrði og raunar tel ég skyldu okkar
að taka þetta verkefni að okkur hér
heima, sagði Grétar. Við eigum á
að skipa fólki í nánast allar lykil-
stöður. Enn eru nokkrir erlendis í
námi en ef möguleikar verða á því
að það fólk geti nýtt sér sitt sérnám
í hjartalækningum þá mun það
koma heim. Ef ekki, er aftur hætta
á að það ílendist í útlöndum eða
fari alls ekki í slíkt nám.
- Hvernig stendur þetta mál í
dag?
Heilbrigðisráðherra hefur óskað
eftir nákvæmri kostnaðaráætlun og
framkvæmdaáætlun um stofnun
slíkrar deildar. Okkur yrði nauð-
synlegt að fá aðstoð á skurðstofu
Ekkert að
vanbúnaði ef
fjárveiting fæst
— segir Grétar
Olafsson,
yfirlœknir á
Landspítalanum
erlendis til þess að samhæfa okkar
fólk og við höfum fengið viss vil-
yrði þar um. Ef fjárveiting fæst nú
til að ráða í nýjar stöður á deildina
ætti okkur ekkert að verða að van-
búnaði til að geta byrjað í upphafi
næsta vetrar.
- Hvernig lítur kostnaðarhliðin
út?
Kostnaðurinn er minni en maður
átti von á. Stór hluti hans er raunar
lagfæring á skurðdeildinni sem þarf
að gera hvort eð er. Dýrasta tækið
yrði hjarta- og lungnavél sem mun
trúlega kosta um 50 þúsund dollara
eða um 750 þúsund krónur. Minn-
ingargjafasjóður Landspítalans
hefur þegar veitt 1,3 miljónum
króna í þetta verkefni og það er
ekki að vita nema fleiri styrkir
komi til, sagði Grétar Ólafsson að
lokum. - ÁI
Aka
eftlr
kvóta-
kerfi
Meirihluti bifreiðastjóra hjá
Hreyfli hefur í atkvæðagreiðslu
samþykkt að taka upp
kvótaskiptingu í akstrinum. Það
þýðir að frá sunnudagskvöldi til
fimmtudagskvölds verður
ákveðinn hluti bílstjóra í fríi og er
þetta gert vegna samdráttar í
atvinnu leigubílstjóra að
undanförnu.
Einar G. Þorsteinsson fram-
kvæmdastjóri Hreyfils sagði að 151
hefðu gfeitt atkvæði af þeim 215
sem væru hjá Hreyfli., Þar af hefðu
102 viljað taka upp kvótaskipting-
una en 47 verið á móti henni. 2
seðlar voru auðir.
Hann kvað vinnu hafa dregist
heldur saman undanfarna 3 mán-
uði enda þótt hún væri ekki minni
en á sama tíma 1980. Árið í fyrra
var hins vegar þokkalegt, að sögn
Einars. Við spurðum Einar hvers
vegna þessi atkvæðagreiðsla hefði
ekki verið framkvæmd af Frama,
félagi atvinnubifreiðastjóra.
„Stjórn Hreyfils beindi á sínum
tíma þeim tilmælum til Frama að
félagið sæi um atkvæðagreiðsluna
þannig að kvótaskiptingin næði til
allra bifreiðastjóra. Mér skilst að
þau tilmæli séu ennþá í athugun hjá
félaginu en í næstu viku hafa bæði
Hreyfill og Bæjarleiðir tekið upp
þetta kvótakerfi, þannig að lang-
mestur meirihluti leigubílstjóra
vinnur nú á skipulögðum vöktum",
sagði Einar.
Af um 280 leyfum í borginni eru
215 hjá Hreyfli. Þessi kvótaskipt-
ing verður ekki tekin upp um helg-
ar og mega þá allir leigubílstjórar
vinna eins og þá lystir.
- v.
46% aukning
á sölu
kísilgúrs
Heildarútflutningur iðnaðarvara
dróst saman um 3% að magni til
fy rstu átta mánuði ársins miðað við
árið í fyrra. Munar þar mest um
minnkandi útflutning á málningu
og lakki svo og vikurefnum ýmiss
konar.
Á síðasta ári voru flutt út 2000
tonn af málningu og lakki fyrstu
átta mánuði ársins en í ár hins veg-
ar einungis 400 tonn. Er hér urn
68% verðmætaminnkun að ræða.
Þá voru flutt út 22.000 tonn af vikri
í fyrra en aðeins 9.700 tonn á sama
tíma í ár. 1335 tonn voru flutt út af
harðfeiti í fyrra en fyrstu átta mán-
uði þessa árs aðeins 496 tonn.
Aftur á móti hefur útflutningur
annarra iðnaðarvara aukist mikið
og munar mest um kísiljárn og kís-
ilgúr. Fyrstu átta mánuði síðast árs
voru flutt út 20800 tonn af kísiljárni
en í ár er búið að flytja út um 25200
tonn. Á sama tíma í fyrra voru flutt
út 11500 tonn af kísilgúr en í ár er
búið að flytja út 16800 tonn.
Mikil ásókn hefur verið í brota-
járn til útflutnings á þessu ári og
hefur aukningin að magni til orðið
52% á milli ára. Þá hefur útflutn-
ingur umbúða utanum fiskafurðir
aukist um 105%. Útflutningur ým-
iss konar ytri fatnaðar hefur aukist
um hvorki meira né minna en
200% - að verðmæti er þar um
418% aukningu að ræða!
Flugmálastjóri gerir úttekt á rekstri litlu flugfélaganna:
Innanlandsflugið
rekið með halla
„Það iná segja að nú sé svo komið í
öllu okkar flugi innanlands að það
sé rekið á þeim grund vclli að
nánast enginn möguleiki er á því að
það geti borið sig“, sagði Agnar
Kofoed Hansen flugmálastjóri
þegar Þjóðviljinn spjallaði við
hann í gær í tilefni úttektar þeirrar
sem Flugmálastjórn gerir nú á
stöðu litlu flugfélaganna í landinu.
Agnar sagði að slík skoðun væri
alltaf reglulega í gangi, starfsmenn
Flugmálastjórnar færu á staðina og
tækju flugmenn litlu flugfélaganna
hæfnispróf af ýmsu tagi. Það hefur
Sama hver
á í hlut, segir
flugmálastjóri
komið í Ijós, eins og vitað hefur
verið fyrir, að víða er í mörgu áfátt
með öryggisatriði.
Agnar sagði að víðast væri á-
stand þannig að þegar menn væru
kannski fullir starfsorku og búnir
að reka sitt flugfélag í tvö ár án þess
að sjá fram á að endar næðu saman
í rekstrinum, væri farið út í óhjá-
kvæmilegan niðurskurð, menn
tækju á sig tvöfalda vinnu o.s.frv.
Þar sem hnífurinn stæði í kúnni
væru fjárframlög hins opinbera,
það væri hreinlega ekkert til skipt-
anna „reynt er að puðra smáaurum
hingað og þangað, þó án þess áð
nægilegur árangur fáist“, sagði
Agnar. Hann bætti við að enn vær-
um við ekki búnir að koma okkur
upp því sem kallast mætti fullkom-
inn flugvöllur.
Agnar Kofoed Hansen.
Agnar sagði að undanfarin ár
hefði verið unnið að áðurnefndri
úttekt, en síðan yrði hún dregin
saman í eina heildarskýrslu sem
send yrði viðkomandi ráðuneyti.
- hól.