Þjóðviljinn - 26.11.1982, Qupperneq 16

DIOÐVIUINN
Föstudagur 26. nóvember 1982
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt að ná í blaðamenn og aðra starfsmenn blaðsins í þessum sínum: Ritstjórn 81382,81482 og 81527, umbrot 81285. I jósmyndir 81257. Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. Aðalsími 81333 Kvöldsími 81348 Helgarsími afgreiðslu 81663
Afturför á sviði
jafnréttis:
Konum
fækkar við
Háskólann
Hlutfallslega færri konur út-
skrifuðust úr Háskóla Islands í ár
en árið 1980. Skipting í hefðbundn-
ar kvenna- og karlagreinar virðist
mun meira áberandi nú við Há-
skólann en fyrir tveimur árum.
Þetta kemur m.a. fram í grein sem
Guðríður Þorsteinsdóttir fram-
kvæmdastjóri Bandalags háskóla-
manna ritar í BHM-blaðið sem
kom út í gær.
Árið 1982 eru konur 34% þeirra
sem útskrifast frá Háskóla íslands.
1980 var hlutfall kvenna hins vegar
41%, en þær tölur komu fram í
Jafnréttiskönnun í Reykjavík sem
félagsvísindadeild Háskóla íslands
gekkst fyrir veturinn 1980-81. Þá
virðist ljóst að námsval er enn kyn-
bundnara á þessu ári en var 1980.
Nú er til dæmis engin kona í hópi 40
útskrifaðra verkfræðinga, en þær
voru 11% fyrir tveimur árum. Þá
bendir Guðríður Þorsteinsdóttir á í
grein sinni að hlutdeild kvenna í
hópi útskrifaðra viðskiptafræðinga
hafi á tveimur árum lækkað úr 37%
í 14% og lækna úr 22% í 13%.
Hlutur karla í hinum hefðbundnu
kvennagreinum hafi ýmist staðið í
stað eða minnkað.
Guðríður bendir á að þeir sem
luku háskólanámi á árinu 1980 hafi
sennilega byrjað nám sitt á árunum
1974-76 en margir telji að áhugi á
jafnréttismálum hafi náð hámarki
á kvennaárinu 1975. Því bendi
þessar fyrrgreindu tölur til þess að
um afturför sé að ræða á sviði jafn-
réttismála enda þótt varhugavert
sé að draga víðtækar ályktanir af
þessum niðurstöðum. Þær séu þó
vissulega umhugsunarefni.
-v.
Það er ekki amalegar drossíurnar sem nemendur VÍ koma á í skólann eins og sú sem er fremst á myndinni.
Ljósm. -eik.
✓
Vandi vegna ólöglegra bflastæða við VI:
T”r
L*.
Verða sektlr felldar
niður af Mum nema?
Mikil bifreiðaeign nemenda í Verslunarskóla ís-
lands er fleirum áhyggjuefni en íbúum við Grundar-
stíg og þeim sem leið eiga um hann. Albert Guð-
mundsson flutti nýlega í borgarráði tillögu um að
sektir vegna ólöglegra bifreiðastæða nemenda á
skólatíma yrðu felldar niður, þar sem foreldrar hefðu
miklar áhyggjur af fjölda sektarmiða!
Borgarráð fól umferðarnefnd að gera tillögur að
lausn á þessum vanda „og hafa í huga“ tillögu Al-
berts. Umferðarnefnd fór á staðinn s.l. miðvikudag
og kannaði aðstæður og verður málið trúlega afgreitt
á næsta fundi.
Guttormur Þormar, framkvæmdastjóri nefndar-
innar, sagði það varla hlutverk hennar, heldur lög-
gæslunnar að athuga með niðurfellingu sekta. Hins
vegar væru ýmsar hugmyndir á lofti í umferðarnefnd
um aðrar lausnir og var honum m.a. falið að kanna
viðhorf íbúa við Grundarstíg gagnvart einstefnuakstri
um hann, hvað margir bílar nemenda væru, svo og
hversu lengi Verslunarskólinn verður staðsettur á
þessu þrönga horni, en skólinn hefur fengið lóð í Nýja
miðbænum við Kringlumýri.
-ÁI
Tillaga um frystingu kjamorkuvopna samþykkt
103 atkvæði gegn 17
ísland og Danmörk sátu hjá
103 ríki greiddu atkvæði með til-
lögu Svíþjóöar og Mexíkó um fryst-
ingu kjarnorkuvopna í 1. nefnd
Allsherjarþings Sameinuðu þjóð-
anna á þriðjudag. Sautján ríki voru
á móti, þar á meðal öll Nato-ríkin
nema Grikkland, sem studdi til-
löguna, og Danmörk og ísland sem
sátu hjá.
Auk Nato-ríkjanna greiddu fsra-
el, Japan, Ástralía, Nýja Sjáland
og Spánn atkvæði á móti.
Auk Danmerkur og íslands
skiluðu Guatemala, Papua- Nýja
Guinea, Filippseyjar og Sómalía
auðu.
Röksemdir flestra Nato-ríkja
gegn tillögunni byggðust á því að
hún tryggði Sovétríkjunum vissa
yfirburði í vopnabúnaði, sérstak-
lega hvað varðaði miðlungsdrægar
SS-20 eldflaugar í Evrópu.
Meðal V-Evrópuríkja sem-
studdu tillöguna voru auk Svía og
Grikkja einnig Finnland og írland.
Samþykkt tillögunnar í 1. nefnd
þýðir ekki að hún sé endanlega af-
greidd. Til þess að svo megi verða
þarf hún að koma fyrir Allsherj-
arþingið. Þess er vænst að það
verði í næsta mánuði. Tillögur sem
samþykktar eru á Allsherjarþing-
inu eru ekki bindandi fyrir aðild-
arríkin. Það gildir einungis um
samþykktir Öryggisráðsins. Fullur
texti tillögu Svíþjóðar og Mexíkó
birtist í Þjóðviljanum í gær.
ólg.
Jón Jónsson, forstjóri Hafrannsóknarstofnunarinnar
um ummæli Kristjáns Ragnarssonar hjá LÍU:
*
Omaklega að okkur vegið
Það er ekki algengt nútildags að
vegið sé að stofnunum eða vísinda-
mönnum á jafn grófan hátt og
Kristján Ragnarsson, framkvæmda-
stjóri LÍÚ, gerði að Hafrann-
sóknarstofnuninni og íslenskum
fiskifræðingum í ræðu sinni á þingi
LÍÚ á miðvikudaginn. Þar sem
hann fjallaði um tillögu fiski-
fræðinga um 350 þús. tonna þorsk-
afla í ár segir hann meðal annars:
Þetta eru svo mikið umskipti að
ætla verður að vitneskja um stofn-
stærð sé af mjög skornum skammti
og vísindaleg þekking til ráðgjafar
takmörkuð, alvarleg fullyrðing en
óhjákvæmileg...
Síðan rekur hann ýmislegt úr
skýrslu fiskifræðinganna og segir
síðan: Hvaða vísindi eru þetta, eru
mennirnir að semja við sjálfa sig
um hámarksafla. Mjög alvarlegt er
til þess að vita að þekking okkar á
þessum málum skuli ná svo
skammt miðað við þá þjóðarhags-
muni sem hér eru í veði...
Mér þykja þessi ummæli gróf og
ómaklega að okkur vegið hjá Haf-
rannsóknarstofnun. Við reynum
af fremsta megni að vinna störf
okkar svo vel sem kostur er og
tökum aldrei tillit til hagsmuna-
aðila í okkar rannsóknum eða
niðurstöðum þeirra. í hverri
skýrslu sem við sendum frá okkur
byggjum við á þeim upplýsingum,
sem við vitum bestar og réttastar,
sagði Jón Jónsson, forstjóri Haf-
rannsóknarstofnunar er Þjóð-
viljinn leitaði álits hans á ummæl-
um Kristjáns.
Þá benti Jón á, að Kristján gagn-
rýndi það að Hafrannsóknarstofn-
unin setti fram hugleiðingar um
hvað valdi því að 1976 árgangurinn
af þorski virðist nú ekki jafn sterk-
ur og leit úr fyrir í fyrra.
Stofnunin hlýtur að setja fram
vangaveltur um það þar til annað
kemur í ljós, sagði Jón Jónsson.
-S.dór
Ráðstefna
um næstu helgi:
Umhverfis- og
skipulagsmál
Um næstu helgi, föstudaginn 3.
og laugardaginn 4. desember
stendur Alþýðubandalagið fyrir
opinni ráðstefnu um umhverfis- og
skipulagsmál. Ráðstefnan hefst kl.
17 á föstudag og lýkur kl. 16 á
laugardag.
Meðal umræðuefna verða:
Auðlindanýting og vægi umhverf-
issjónarmiða við staðarval iðn-
rekstrar, Stjóm umhverfismála og
umhverfisfræðsla, Náttúruvemd,
mannvirkjagerð, túrismi, útivera
og eignarhald á landi, Umhverfi í
þéttbýli og stjórn skipulagsmála,
landnýting og framkvæmd aðal-
skipulags.
Forsvarsmenn framkvæmda-
aðila og náttúruverndarsamtaka
munu væntanlega sitja fyrir
svörum á laugardag. Dagskrá
ráðstefnunnar verður nánar aug-
lýst síðar.
Gunnar kaus
í prófkjörinu
Gunnar Thoroddsen og kona
hans Vala kusu utankjörstaða-
kosningu í prófkjöri Sjálfstæðis-
flokksins í gær, en í dag fóru þau
utan á fund forsætisráðherra
Norðurlanda. Kemur þetta mjög á
óvart eftir fyrri yfirlýsingar Gunn-
ars, en prófkjörið verður nú um
helgina.
Magnús Kjartansson
Úrval
Austra-
pistla
Magnúsar
Mál og menning hefur gefið út
bókina Frá degi til dags, úrval úr
daglegum Austrapistlum Magnúsar
í Þjóðviljanum á árunum 1959-
1971.
í bókarkynningu segir á þessa
leið: „Þessir pistlar sýna ýmsar
skopiegar og undarlegar hliðar
landsmálanna á viðreisnarárunum
- og um leið birtist höfundur þeirra
ljóslifandi, hugðarefni hans og hug-
sjónir, skörp hugsun, næmt skop-
skyn, að ógleymdu frábæru valdi
hans á íslenskri tungu“.
Vésteinn Lúðvíksson rithöfund-
ur valdi pistlana og skrifar formála
að bókinni.