Þjóðviljinn - 07.05.1983, Blaðsíða 11

býr, gáfuðum og fjölfróðum ein-
staklingi, sem sameinar það besta
úr íslenskri menningu og lífsvið-
horf heimsborgarans, sem horfir
með umburðarlyndi á undarlega
tilburði mannskepnunnar við að
vera til. Enginn gleðst betur í góð-
um vinafagnaði, en sorg sína ber
hann einn. Við iélagar hans
þjáðumst aðeins með honum í fjar-
lægð þrátt fyrir daglegar samvistir,
þann langa og erfiða tíma, sem
hann fylgdi Sólveigu konu sinni
síðustu ferðina. Þann tíma sýndi
hann þá karlmennsku (ef ennþá
leyfist að nota það orð) sem ein-
ungis fólk sem býr yfir heitum til-
finningum á til, því að fjarri fór því
að hann gengi alltaf sjálfur heill til
skógar.
Vel má segja að hann hafi aldrei
verið fullhraustur. En Stefán er
maður þversagnanna. Það sem
öðrum er fötlun, hefur gert hann
að fjallamanni og göngugarpi.
Hann er mikill unnandi íslenskrar
náttúru, og enginn maður hefur
lýst eins fjálglega fyrir mér fegurð
gæsarinnar og álftarinnar og ann-
arra fugla himinsins og hann. En
því næst grípur veiðimannseðlið
hann heljartökum og hann arkar á
fjöll og miðar öruggu skoti á þessa
vini sína. Og víst er að á löngum og
leiðinlegum þingflokksfundum hef
, ég oft séð hann horfa út á Tjörnina
og skjóta í huganum hverja einustu
fiðurskepnu sem þar var að sjá,
uppnuminn af fegurð þeirra.
Og ekki minnkar þversögnin
þegar kemur að konum. Þessi
landskunni unnandi kvenna er
auðvitað einhver mesti auli í
kvennapólitík sem í flokknum
finnst. En hvað er ekki fyrirgefið
fyrir góða vísu um efnið og endan-
lega það að vera sjarmö-ör? Það er
að minnsta kosti óumdeilt, að
fræknustu baráttukonur í greininni
í gjörvallri Skandinavíu fá blómst-
ur í kinnarnar, þegar minnst er á
þennan íslenska fulltrúa í Norðurl-
andaráði, og augljóst er að þar
duga engin varnaðarorð, síst af öllu
það versta sem hann hefur sagt um
kvennabaráttuna. Það finnst þeim
bara skemmtilegt.
í allri einlægni finnst mér það
líka. Og eitt er víst að þingflokkur-
inn verður ekki skemmtilegri án
þessa óforbetranlega félaga, sem
nú hefur yfirgefið okkur. Og tæp-
lega viturri. Og víst er að við sökn-
um hans öll.
Sjálfum er honum óskað ótal
ánægjustunda í hinu nýja lífi, sem
nú hefst. Konum landsins óska ég
viðvarandi hættuástands en fuglum
himinsins hraðari vængjataka.
Fiskinum í ánum bið ég allrar misk-
unnar.
Gleðilega hátíð.
Guðrún Helgadóttir.
Sá sem lengi hefur búið undir
fjöllum kemst ekki hjá því að fylgj-
ast með öllpm þeim fjölbreytilegu
hræringum sem þessar skurfur á
ásjónu móður jarðar framkalla á
lofthjúp hennar. Ský hafa orðið
mér æ hugstæðari sem ég hef
lengur velt þeim fyrir mér, ferð
þeirra um bungu Jökulsins og
skuggaspil þeirra í hjarninu, för
þeirra fram af Hyrnunum, speglun
þeirra í vötnum og sjó - en fyrst og
fremst leikur þeirra að ljósi og
birtu, þessi endalausa umbreyting
og töfrafulla sjónhverfing sem þau
gera augu manns. Og búi menn
nógu lengi við slíkt sjónarspil fer
það að segja til sín í sálinni, menn
verða lífsfílósófar við að hugleiða
ský og þeirra vegferð á himnum.
Ég hef rekist á nokkra slíka.
Sumir menn eru líka gæddir
þessum töframætti skýja að geta
með nærveru sinni, för sinni hjá
eða skammri viðdvöl, breytt öllu í
umhverfinu í ,einni svipan, fellt
óvænta og áður óþekkta birtu á
staði sem voru mjög huldir, þeir
geta gætt umhverfið allt nýrri á-
sýnd, óvæntri og ævintýralegri og
beint Ijóma eftir nýjum leiðunt.
Einn þessara manna er Sefán Jóns-
son, sem mun sextugur í dag. Með-
an ég man vil ég biðja honumbless-
unar á þessum degi, Hvenær hon-
um brá fyrst fyrir í mínu lífi man ég
ekki, en ærin tíð er liðin síðan.
Hann hefur komið, staldrað við og
horfið síðan burt eins og skýin, en
alltaf flutt með sér sína töfrafullu
birtu sem breytti öllu í kringum mig
um leið og hann birtist.
Einn sólbjartan dag ríður Stefán
óvænt í hlað í Stafliolti, hann
langar að renna fyrir fisk í
Norðurá. Það er komið kvöld þeg-
ar hann birtist aftur, fisklaus en al-
sæll og gefur þá merkilegu yfirlýs-
ingu að einn dagur við Kastalahyl
sé á við heilan mánuð á ge.ðheilsu-
hæli, og mér komu í hug göntul
heilræði völvunnar.. „Gakktu við
sjó og sittu við eld.“ Næst þegar
hann birtist er með honum sá sér-
stæði maður Pétur Hoffmann.
Hann færir mér nýjasta vísindarit
sitt, „Állinn kann að hugsa". Þeir
eru á leið vestur á Mýrar í Ála-
veituna við Fíflholt að huga að
þessari skepnu sem finnur sig
knúna af ókunnum ástæðum að
reisa milli íslands og Saragossahafs
sér til lífs og tímgunar. Þessir tveir
félagar tala mál Snorra Sturlusonar
og Egils á Borg; verst að Snorri
skuli alfarinn úr Stafholti.
Það eru liðnir dagar þessum líkir
sem ég vil þakka vini mínum Stef-
áni fyrir; þeir gefa lífinu nýja dýpt
og ógleynranlega birtu.
Ég kann ekki að lýsa Stefáni
Jónssyni, til þess er ég ekki nógu
mikið skáld og hann of margslung-
inn maður, en fyrir vináttu hans vil
ég þakka á þessum degi, hún hefur
verið mér mikils virði, og ekki síð-
ur fyrir þær alltof svipulu stundir
sem við höfum átt saman síðustu
þrjá til fjóra áratugina. Engan
ferðafélaga veit ég skemmtilegri,
og sá vegur er ekki til á þessu veg-
lausa landi að hann verði ekki
greiðfær og fljótfarinn í samfylgd
þessa sagnamanns. Sögur kann
hann fleiri en aðrir menn, og hann
kann einnig að segja þær öðrum
mönnum betur. Skopskyn hans er
á stundum dulítið hrjúft og
harðnjóskulegt þeim sem fyrir því
verður, en miklu oftar hitt - án allr-
ar græsku, og sagan sögð sögunnar
vegna, gamanmál gamansins vegna
og þeirrar listar sem kúnstferðugt
málfar hans hefur yfir að ráða,
vegna leiks að orðum, vegna
myndar eða líkinga. Margar vísur
Stefáns hafa orði fleygar, og sjálfur
telur hann sig höfund að nýjum
bragarhætti: hinni alkunnu slitru!
Ég sýni hér (án leyfis höfundar)
dæmi um þennan bragarhátt, en
vísan er ort að afloknu gæsaskytt-
eríi á Staðastað 1977:
Gœs- eru styggar -irn- mjög -ar
einnig býsna hraðfleygar,
skot- ég hefi -ið þœr á,
án þess neina þeirra að fá.
Þótt Stefán Jónsson kunni vel að
meta leyndardóma Snæfellsjökuls
og Staðarsveitar, þá telur hann
lándið hér um kring ekki vel fallið
til gæsaveiða og sé skurðleysi eink-
urn til baga. Eg dáðist því oft að
elju hans við að elta uppi þessi ský-
sæknu kykvendi. { haustnepjunni
bjó hann um sig í grjótbyngjum á
nýræktinni við Staðará og beið
dögunar. Gervigæsir og flautu-
leikur komu að litlu gagni, enda
erfitt að hitta þegar skotið er beint
upp fyrir sig og menn orðnir stirðir
af kulda óg langlegum undir
heyrudda. Þá einu gæs sem Stefán
sótti hingað tel ég hafa fengið
aðsvif eða jafnvel hjartaslag er hún
kom auga á þennan andskota sinn á
jörðu niðri í morgunskímunni.
En það er ekki veiðimennskan
sjálf, gæsin eða laxinn, sem heillar
vin minn Stefán, heldur náttúran
með undrum sínum og töfrum.
Hann finnur til leyndardómsfullrar
samkenndar með ánni og fjallinu
og það svo, að erfiðustu fjöll hafa
freistað hans til uppgöngu eins og
sjálf Herðubreið. Við ekki lægri
þúfu hefur hann kosið að glíma til
að prófa karlmennsku sína, en það
er einn ríkasti þátturinn í skaphöfn
þessa vinar míns að dá atgervis-
menn, hvort heldur er til sálar eða
líkama. Sjálfur hef ég fáum kynnst
sem ég tel betur búna þeim kostum
sem hann metur öðrum meir, lík-
amlegri hreysti og andlegu atgervi.
Nú þegar þessi langi vetur er
liðinn er von nýrra gesta vestur á
Nes. Ég á þá ósk, að í þerirra hópi
. £ééi «i
Helgin 7. - 8. maí 1983 ÞJÓÐVILJINN - SÍÐA 11
verði vinur minn Stefán Jónsson
með alla þá birtu sem honum fylg-
ir, sögur sínar og lífsspeki falda í
gamanmálum.
Rögnvaldur Finnbogasun,
Staðastað
Kæri félagi.
Nákvæmar athuganir á gangi
himintungla ásamt dálitlu grúski í
prósentureikningi upplýsa mig urn
að þú hafi að baki sextíu ár í lífs-
göngunni. Mig langar í þessu tilefni
að senda þér bestu kveðjur fyrir
mína hönd og fjölskyldu minnar.
Þar sem svo hittist á að þú ert
einmitt um þessar rnundir að hætta
þingmennsku, vil ég leyfa mér í
leiðinni að færa þér þakkir okkar
samherjanna í kjördæminu fyrir
framgöngu þína á því sviði. Það var
okkur mikið lán að þú skyldir
ganga frarn fyrir skjöldu árið 1971
og gefa okkur tóninn - í G-dúr -
ferskan og gáskablandinn, en þó
með djúpum undirhljómi alvör-
unnar. Þetta var nýr tónn í pólitík-
inni og ómurinn hljóðnar vonandi
aldrei. En fyrst og fremst langar
migtil að lýsa ánægju minni með að
atvikin skuli hafa hagað því svo til
að ég fékk að kynnast þér og eign-
ast að vini.
Menn læra margt af vinum sín-
um. Af þér hef ég lært svolítið um
það hvernig mönnum er hollt að
hugsa í mótlætinu. Þú hefur fengið
þinn skammt af því og borið þannig
að ég hef alltaf dáðst að. Mig langar
svo í lok þessara fátæklegu orða að
þakka þér sérstaklega fyrir frábær-
lega skemmtilegar samverustundir
og vona að þær eigi eftir að verða
margar í framtíðinni þó að starf þitt
gefi ekki lengur tilefni til að geta átt
von á þér í heimsókn eins oft og
áður.
Angantýr Einarsson.
Þeir eru sjaldsénir þeir hjarta-
hlýju náttúrupungar í pólitíkinni
sem geta allt í senn: haldið hag-
vextinum í skefjum, stóriðjunni í
skúffunni og húmornum á lopti.
Einn þeirra er afmælisbarnið Stef-
:án Jónsson. Má ég lauma til hans
góðri kveðju frá okkur Stínu áður
en næsta stífla brestur fyrir til-
verknað hans. Megi Ijós hans lengi
skína, einsog gáfnaljósanna á
þingi.
- óskar
RÍKISSPÍTALARNIR
lausar stöður
LANDSPÍTALINN
AÐSTOÐARLÆKNIR óskast frá 1. júlí n.k. við tauga-
lækningadeild Landspítalans til 6 mánaða. Umsóknir
er greini menntun og fyrri störf sendist skrifstofu ríkis-
spítalanna fyrir 6. júní n.k. á sérstökum umsóknar-
eyðublöðum fyrir lækna. Upplýsingar veitir yfirlæknir
taugalækningadeildar í síma 29000.
GEÐDEILDIR RÍKISSPÍTALANNA
HJÚKRUNARFORSTJÓRI óskast á deild I Klepps-
spítala.
AÐSTOÐARDEILDARSTJÓRI óskast á deild I
Kleppsspítala.
AÐSTOÐARDEILDARSTJÓRI óskast á deild XI
Kleppsspítala.
Upplýsingar um ofangreind störf veitir hjúkrunarfor-
stjóri í síma 38160.
Ríkisspítalar
Reykjavík, 8. maí 1983.
Þroskaþjálfaskóli Islands
auglýsir inntöku nemenda skólaáriö 1983-
1984.
Nemendur skulu hafa lokið a.m.k. 2ja ára
námi í framhaldsskóla. Æskilegt er aö um-
sækjendur hafi starfaö 4-6 mánuöi á stofnun,
þar sem þroskaheftir dveljast. Samkvæmt
heimild í reglugerð fyrir skólann (9. gr. 3.)
veröa haldin stööupróf í íslensku, dönsku og
ensku fyrir þá umsækjendur er ekki fullnægja
skilyrðum um bóklegt nám.
Umsóknarfrestur er til 8. júní n.k.
Umsóknareyðublöð eru afhent í skólanum
milli kl. 10-12 alla virka daga.
Umsóknir skal senda til Þ.S.Í. pósthólf 261,
212 Kópavogi.
Auglýsið í
Þjóðviljanum
Hln fjölbreyttru einingahús frá Ösp í Stylekishólmi eru að öllu leyti íslensk
framleiðsla fyrir íslenskar aðstæður.
— Margar stærðir íbúðarhúsa — Traustir bílskúrar
— Sumarbústaðir í sérflokki — Margs konar innréttingar í öll hús
Bæklingurinn kominn
í nýútkomnum upplýsingabæklingi velur pú Aspar-einingahús sem hentar
þér og þínum. Þar finnur þú glöggar teikningar og greinargóðar upplýsingar
um alla framleiðsluna. Ef þú hefur sniðugar hugmyndir breytum vlð gjarna
út frá stöðluðu teikningunum og sérsmíðum húsið samkvæmt þínum
óskum.
Hafðu samband, við sendum þér bæklinginn.
Aspar hús
ekki toara ódýr lausn
UniboösaóOi í Rvik
KaLpþingíHúsi
Wshxnarinxiar
Sixni 86988
Stykkishólmi Símar: 93-8225 og 93-8307