Þjóðviljinn - 28.05.1983, Side 24

MQÐVIUINN
Helgin 28. - 29. maí 1983
Aðalsími Þjóðviljans er 81333 kl. 9-20 mánudag til föstudags. Utan þess tima er hægt að ná í blaðamenn og aðra starfsmenn blaðsins í þessum simum: Ritstjórn Aöalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
1% til að milda 25 til 30% kauprán
Lögbann á verðbætur
launa næstu 2 árín
,,Það fer eftir hegningarlögum”, sagði Steingrímur um hugsanleg brot gegn lögbanninu!
„Frá gildistöku þessara laga til 31. maí 1985 er óheim-
ilt að ákveða, að kaup, laun, þóknun, ákvæðisvinnu-
taxti eða nokkurt annað endurgjaid fyrir unnin störf,
eða nokkrar starfstengdar greiðslur skuli fylgja
breytingum vísitölu eða annars hliðstæðs mælikvarða á
einn eða annan hátt“.
Þannig hljóðar textinn í bráðabirgðalögunum, sem
ríkisstjórnin gaf út í gær, og þannig bannað með lögum
að greiða eða semja um nokkrar verðbætur á laun
næstu tvö ár.
Ríkisstjórn Steingríms Hermannssonar ætlar að
skammta kjörin í 2 ár eftir pöntun Vinnuveitendasam-
bandsins og byrjar með 8% 1. júní og 4% 1. sept., eða
12,3% launahækkun samtals á móti nær 60% verðlags-
hækkunum á sama tíma.
Og það er sett bann á samtök
launafólks, - þeim er bannað með
lögum að bera hönd fyrir höfuð
umbjóðenda sinna.
- „Pað fer eftir hegningarlög-
um“, sagði Steingrímur Her-
mannsson, þegar hann var að því
spurður á fundi með frétta-
mönnum í gær, hvers mætti vænta,
ef menn semdu nú um verðbætur
þrátt fyrir lögin!
- Það er þægilegt, að geta vísað á
tugthúsdyrnar, eða hvað?
I bráðabirgðalögun gærdagsins
segir hins vegar um verðlagshækk-
anir, að aðeins skuli leyfa „óhjá-
kvæmilegar hækkanir", - en við
spyrjum hvenær hafa þeir, sem
hækka verð á sinni vöru ekki talið
þær hækkanir óhjákvæmilegar!!
í bráðabirgðalögunum er tekið
fram að fiskverð og launaliður
bóndans í verðlagsgrundvelli land-
búnaðarvara skuli hækka í sam-
ræmi við laun 1. júní og 1. sept. um
8 og 4%.
Þegar fréttamönnum var kynnt
efni bráðabirgðalaganna á fundi
með fjórum ráðherrum kom fram
að hinar „mildandi aðgerðir" eru
þessar: Tekjuskattur lækkar um
1400,- krónur á mann, barnabætur
hækka um 3000 krónur fyrir hvert
barn, sem ekki hafði náð 7 ára aldri
um síðustu áramót. Lífeyrir, tekju-
trygging og heimilisuppbót aldr-
aðra og öryrkja hækkar 1. júní um
5% umfram hækkun almennra
launa. Mæðralaun, sem eru um
2500,- kr.á ári með einu barni
hækka um 100%!!, - og mæðra-
laun, með fleiri börnum um 30%.
150 miljónum króna verður varið
til jöfnunar og lækkunar hitunar-
kostnaðar. Þá er ríkisstjórninni
veitt heimild til að gangast fyrir
frestun á allt að 25% af árlegri
greiðslu af íbúðalánum samkvæmt
lánskjaravísitölu, en þó þannig að
allt lánið greiðist að lokum með
fullri verðtryggingu samkvæmt
lánskjaravísitölu.
Samtals verður varið til þessara
„mildandi aðgerða" um 400 milj-
ónum króna, en það er rétt um 1%
af heildarlaunagreiðslum i landinu,
sem þannig er skiiað til baka!!
k.
Hlutaskiptakjörum sjómanna enn raskað
39% verða tekín
framhjá skiptum
Meðal þeirra bráðabirgðalaga, sem ríkisstjórnin gaf út í gær
voru lög um ráðstafanir til að „mæta rekstrarvanda í sjávarú-
tvegi“.
Þar er m.a. kveðið á um breytingu á hlutaskiptum sjómanna, og
eiga nú 39% af aflaverðmæti að takast framhjá hlutaskiptum til
sjómanna á fiskiskipum yfir 240 lestir og 35% hjá minni skipum.
Fyrir setrtingu laganna voru 17%
tekin framhjá skiptum, með 7%
olíugjaldi og 10% greiðslu í Stofn-
fjársjóð fiskiskipa. Auk þess
greiddi fiskvinnslan sem svaraði
10% í fiskverði í olíusjóð til niður-
greiðslu á olíukostnaði útgerðar-
innar. Samtals námu því þessar
greiðslur fiskvinnslunnar framhjá
skiptum áður 27% af fiskverði, en
eiga nú að hækka í 35 og 39%.
Það sem hér er sagt er miðað við
löndun hér innanlands, en sé siglt
með afla gilda aðrar reglur.
Greinilegt er á þessum ákvæðum
laganna, að sjómenn á stærri
skipum eiga einskis að njóta af
þeirri fiskverðshækkun, sem út-
gerðin þarna fær. Fiskverð til
þeirra á aðeins að hækka eins og
laun, það erum 8% þann 1. júníog
um 4% þann 1. sept., eða um sam-
tals 12,3% til áramóta, enda þótt
verðlagshækkanir séu á sama tíma
taldar verða um 60% frá því fisk-
verð hækkaði síðast og til áramóta.
Sjómenn á bátum undir 240 lest-
um fá hins vegar í sinn hlut 4%
aukalega ofan á fiskverðið, og
dregur það þó harla skammt til að
mæta gífurlegu tekjutapi af völdum
Talsmenn hinnar nýju stjórnar á blaðamannafundi í gaer. (ljósm. Atli)
aflaminnkunar og þeirra almennu
kjaraskerðingarráðstafana, sem
ríkisstjórnin hefur ákveðið.
í bráðabirgðalögunum um
ráðstafanir í sjávarútvegi er einnig
að finna ákvæði um 10% gengis-
mun, sem taka skuli af verðmæti
útfluttra sjávarafurða, sem fram-
leiddar voru fyrir 1. júní 1983.
Ríkisstjórnin mun síðar kveða nán-
ar á um til hvaða afurða ákvæði
þetta taki og ráðstafa fé úr geng-
ismunarsjóði í þágu sjávarútvegs-
ins og sjóða hans. k.
20% hækkun á
millilandaflugi
Meðalhækkun erlends gjaldeyris
varð um 17% í kjölfar 14.6% geng-
isfellingar sem hin nýja ríkisstjórn
Steingríms Hermannssonar lét
koma til framkvæmda í gærmorg-
un. Sem dæmi má nefna að dollar
hækkar við þessa ráðstöfun ríkis-
stjórnarinnar um 17.1% og er
hækkun dollars frá áramótum þvi
orðin 62.77%, eða úr 16.6 kr. í
27.02 kr. f dag!
Það var að venju bankastjóm
Seðlabankans sem í gær ákvað nýtt
gengi að höfðu samráði við banka-
ráð og með samþykki ríkisstjórnar-
innar. Sterlingspundið hækkar við
gengisfeilinguna um 19.9% og
kostar nú hvert sterlingspund 43.30
krónur og hefur hækkað frá ára-
mótum um 61,86%. Þýskt mark
kostar nú 10.7953 kr. og hækkaði
við gengisfellinguna um 16.3% en
frá áramótum um samtals 54,58%.
Þá hækkar danska krónan nú um
15.8% og verðum við nú að greiða
3.0118 kr. fyrir hverja danska
krónu. Hækkun dönsku krónunnar
frá áramótum er því orðin 52.18%.
Hækkun á erlendum varningi í
kjölfar þessarar hækkunar á er-
lendum gjaldmiðlum kemur . til
framkvæmda strax eftir helgina í
flestum tilfellum, en nokkuð bar á
hækkunum strax í gær.
-v.
Flugmiðar til útlanda hafa
hækkað í verði um 20% þessa síð-
ustu daga og kemur þar bæði til
gengisfellingin í vikunni og gengis-
sig áður en gjaldeyrisdeildirnar
lokuðu.
Samkvæmt upplýsingum sem
blaðið fékk hjá Flugleiðum þurfa
þeir sem keyptu flugmiða fyrir
gengisfellinguna ekki að greiða
neina viðbót en mikil sala var í flug-
miðum í vor, einkum apex miðum.
Ódýrustu apexmiðarnir, svokall-
aðir „Rauðir apex“ eru nálega
uppseldir í allt sumar.
Gengið fellt um 14,6% í gær
. _ y
Meðalhækkun erlends
gjaldeyris varð 17 %
dollarinn hefur hækkað um 62.77% frá áramótum!
Miðstjórnarfundur
Alþýðubandalagsins
Fundur verður haldinn í miðstjóm Alþýðubandalags-
ins dagana 4. og 5. júní.
Fundarstaður, dagskrá og nánari fundartími verða
auglýst í Þjóðviljanum á þriðjudag.
Svavar Gestsson.