Þjóðviljinn - 14.12.1983, Blaðsíða 6
6 SÍÐA — ÞJÓÐVILJINN Miðvikudagur 14. desember 1983
Nýjar barnabækur
\
Ástin grípur
unglingana
Bókaútgáfan Vaka hefur sent frá
sér bókina Þegar ástin grípur ung-
lingana eftir Armann Kr. Einars-
son. Ármann hefur um árabil verið
einn vinsælasti bárnabókahöfund-
ur landsins og haslar hann sér nú
nýjan völl á sviði unglingabók-
mennta.
f forlagskynningu á bókarkápu
segir meðal annars: Það gerist
margt óvænt á því skeiði, þegar ást-
in grípur unglingana. Áðalsögu-
hetja þessarar bókar, Jón Valur,
kynnist þessu eins og aðrir, en það
er ekki síst skólasystir hans, Hanna
Lísa, sem veldur því að nýjar til-
finningar kvikna í brjósti hans.
Þessi nýja saga Ármanns Kr.
Einarssonar, gerist í íslenskum út-
gerðarbæ. Þótt ýmsir komi við
sögu er athyglinni aðallega beint að
unglingunum á viðkvæmu þroska-
skeiði, en sá hópur er hugmynda-
ríkur, hress og skemmtilegur.
Kápumynd er eftir Árna Elfar.
Hin fjögur
fræknu
Iðunn hefur gefið út tvær nýjar
bækur í hinum vinsæla teikni-
myndasagnaflokki um hin fjögur
fræknu, Nefnast þær Hin fjögur
fræknu og F-sprengjan og Hin
fjögur fræknu og hvithattaklíkan.
Sögur þessar voru upphaflega
gefnar út á frönsku. Teikningar eru
eftir Franpois Craenhals og texti
eftir Georges Chaulet. Aðalper-
sónur eru þau Búffi Búffi, Lastík
og Doksi, ásamt hundinum Óskari.
Þessir félagar eiga jafnan í höggi
við misindismenn og skortir ekkert
á æsilega atburði og spennu í frá-
sögn. Texta hinna nýju bóka um
hin fjögur fræknu þýddi Jón B.
Guðlaugsson. Bækurnar eru gefn-
ar út í samráði við Casterman í Par-
ís.__________
Kalli og
sælgætisgerðin
Svart á hvítu hefur sent frá sér
bamabókina Kalli og sælgætis-
gerðin eftir Roald Dahl. Höfund-
urinn hefur áður unnið sér frægð
með smásögum sínum, en sagan
um Kalla hefur farið sigurför um
heiminn.
Kalli hrósar því happi að mega
skoða undur sælgætisverksmiðju
Villa Wonka og lendir þar í furðu-
legum ævintýrum. Sælgætisgerð
Villa Wonka er líka ekki nein
venjuleg verksmiðja, heldur er þar
að finna allt frá súkículaðifljóti og
lýsandi sleikipinnum yfir í ósýni-
legt súkkulaðikex sem hægt er að
hafa með sér í skólann. Sagan
minnir að nokkru leyti á til dæmis
Lísu í Undralandi. Böðvar Guð-
mundsson hefur þýtt þessa bók og
kvæðin í henni. Bókin er mynd-
skreytt af Faith Jaques. Hún er 134
blaðsíður.
„Langafi
drullumallar“
Iðunn hefur gefið út bókina
Langafi drullumallar, - mál og
myndir eftir Sigrúnu Eldjárn.
Þetta er saga með myndum og fjall-
ar um Önnu litlu sem er fjögra ára,
hundinn Jakob, og langafa sem er
góður vinur Önnu. Þau bralla
margt saman, en skemmtilegast er
þegar langafi fer að drullumalla
með Önnu og reynist alveg frábær
drullukökubakari. - Langafí drull-
umallar er þriðja bók Sigrúnar
Eldjárn handa börnum.
Orða-
belgur
Bókaútgáfan Örn og Örlygur hf.
hefur endurútgefið hina mjög svo
sérstæðu orðabók fyrir börn, Orð-
abelgur, sem ber undirtitilinn
Myndskreytt orðabók fyrir börn.
Stefán G. Jökulsson íslenskaði
textann sem er eftir Heather Am-
ery. Teikningar í bókinni eru eftir
Stephen Cartwright.
Betty Root segir um bókina á
bókarkápu: „Vonandi þykir sem
flestum börnum þessi nýstárlega
orðabók skemmtileg. Börnum
þykir fátt jafngaman og að skoða
eða lesa bók með fullorðnu fólki og
víst er að myndirnar gefa þeim ærið
tilefni til samtals við foreldra og
kennara. Tilvalið er að börnin
nefni fyrst hverja persónu, dýr eða
hlut sínu nafni og með hvatningu
og hjálp mun þeim brátt takast að
tengja orðin myndunum.
Bókin örvar einnig ímyndarafl
barna sem lengra eru komin í lestr-
arnáminu og auðveldar þeim að
semja stuttar sögur eða frásagnir“.
Börnin á
Hvuttahólum
Iðunn hefur gefið út bókina
Börnin á Hvuttahólum koma í bæ-
inn eftir finnsku höfundana Mauri
Kunnas og Tarja Kunnas. Álfhild-
ur Álfþórsdóttir þýddi söguna.
Eftir sömu höfunda er Jóla-
sveinninn, sem út kom í fyrra.
Börnin á Hvuttahólum koma í bæ-
inn er myndasaga í litum og segir
frá því þegar Elsa og Kalli fá að
fara í sína fyrstu löngu heimsókn til
frændfólksins í bænum. Þetta gerist
á öldinni sem leið.
Mauri Kunnas er kunnur höf-
undur myndasagna af þessu tagi en
hann býr bæði til myndirnar og
semur textann í félagi við konu
sína.
á töfrateppinu
Sumar bækur sameina leik og
lestur. Ein slík er bókin Bói og
Bína á töfrateppinu eftir Richard
Fowler í þýðingu Fríðu Björnsdótt-
ur. Framan á bókinni er plastvasi
og á honum sitja þau Bói og Bína á
töfrateppinu tilbúin að fljúga á því
fram og aftur um bókina með að-
stoð lesandans.
„Allt í lagi“
Bókaútgáfan Örn og Örlygur
hefur gefið út fjórar nýjar „Állt í
lagi“ bækur. „Allt í lagi“ bækurnar
eru skrifaðar af hlýju og prýddar
gullfallegum litmyndum. Þær eru
samdar með það í huga að gefa
börnum á fyrstu aldursárunum ein-
faldar, uppörvandi skýringar á
ýmsu sem þau kunna að óttast eða
sætta sig ekki við.
Þetta eru bækur til þess að kveða
niður kvíða og ótta og hafa höfund-
arnir, Jane Carruth, sem samdi
textann, og Tony Hutchings sem
teiknaði myndirnar leyst verk sitt
vel af hendi. Andrés Indriðason
þýddi textann. Bækurnar sem nú
koma út heita: Á spítala, Heillgler-
augun, Nýir vinir, Tannlæknirinn
er góður.
Undarleg
uppátæki
Bókaútgáfan Vaka hefur gefið
út aðra bókina í bókaflokknum
Ævintýraheimur Ármanns. Heitir
hún Undarleg uppátæki og fjallar
um ævintýri félaganna Óla og
Magga, og er eftir Ármann Kr.
Einarsson.
Ármann sendir sögupersónur
sínar úr daglega lffinu á vit óvæntra
atvika sem tengjast undarlegum
uppátækjum. Óli er aðalpersónan
ásamt Magga vini sínum, sem er
einstaklega glúrinn við uppfinning-
ar.
Þessi saga, sem hét áður Óli og
Maggi, hefur verið uppseld um ára-
bil og kemur nú út með breyttum
svip og nýjum teikningum Péturs
Halldórssonar.
Kysstu stjörn-
urnar
Kysstu stjörnurnar, barnasaga
eftir danska rithöfundinn Bjarne
Reuter, er komin út hjá Máli og
menningu. Þetta er framhald af
bókinni Veröld Busters, sem kom
út í fyrra og þýðandinn, Ólafur
Haukur Símonarson, fékk viður-
kenningu Fræðsluráðs Reykjavík-
ur fyrir. Ólafur Haukur þýðir einn-
ig þessa nýju bók.
Söguhetjan, Buster Oregon, býr
í Kaupmannahöfn og lendir í mörg-
um ævintýrum. í þessari bók spinn-
ast þau mörg út frá leiksýningunni
sem sett er á fjalirnar í skólanum og
Buster tekur þátt í.
Bjarne Reuter er nú einn vinsæl-
asti barnabókahöfundur Dana og
hefur samið fjölda bóka.
Kysstu stjörnurnar er 128 bls.
Aftast eru nótur að lögum sem
Ólafur Haukur gerði við texta í
sögunni.
Sigrún fer
á sjúkrahús
Barnasagan Sigrún fer á sjúkra-
hús eftir Njörð P. Njarðvík,
myndskreytt af Sigrúnu Eldjárn, er
nú komin út í þriðja sinn hjá Máli
og menningu. Hún kom út í fyrsta
sinn árið 1976.
Þetta er eins konar heimildasaga
fyrir börn. Sigrún er fjögurra ára
og þarf að fara á sjúkrahús til að
losna við hálskirtlana. Sagan lýsir
öllum aðdraganda sjúkrahúsvistar-
innar og kynnir líka veröld sjúkra-
hússins fyrir ungum lesendum.
Bókin var samin í samráði við
barnadeild Landakotsspítala.
Sigrún fer á sjúkrahús er 23 bls.,
prýdd fjölda teikninga.
Dagur
barnanna
í Ólátagarði
Hjá Máli og menningu er komin
út myndabók eftir Astrid Lindgren
og Ilon Wikland sem heitir Dagur
barnanna í Ólátagarði. Þuríður
Baxter þýddi.
Sagan gerist í þríbýli í sveit þar
sem búa sjö krakkar. Sex þeirra
eru orðnir all-stórir, en Stína, litla
systir Óla, er varla nema hálf
manneskja, hún er svo lítil. Einn
daginn lesa þau stóru um barnadag
í borginni og ákveða að halda
barnadag fyrir Stínu. En Stína
reynist ekki hafa sama smekk og
borgarbörnin og gerir sína eigin
uppreisn gegn „skemmtilegheitun-
um“ sem henni er boðið uppá.
Bókin er með fallegum litmynd-
um.
„Vala og Dórau
Iðunn hefur gefið út í annarri út-
gáfu unglingasöguna Völu og Dóru
eftir Ragnheiði Jónsdóttur. Þetta
er fimmta bókin í sagnaflokki
Ragnheiðar um þessar stallsystur,
en sögurnar gerast í Reykjavík á
stríðsárunum og þar eftir. Vala og
Dóra kom fyrst út árið 1956. Efni
sögunnar er kynnt svo á kápubaki:
„Hér segir frá skólagöngu þeirra
vinstúlkna, striti þeirra og áhyggj-
um og líka ánægjuefnum og gleði-
stundum.
Vala og Dóra er prýdd teikning-
um eftir Ragnheiði Gestsdóttur og
gerði hún einnig kápumynd. Hún
er 129 blaðsíður.