Þjóðviljinn - 14.12.1983, Blaðsíða 11
* . « I < 1
Miðvikudagur 14. desember 1983 ÞJÓÐVILJINN t- SÍÐA 11
íþróttir
Umsjón:
Víðir Sigurðsson
Jóhann Þorvarðarson.
99
Kominn
heim!“
Jóhann Þorvarðarson, miðvall-
arspilarinn úr Víkingi, klæðist að
öllum líkindum Valspeysunni í 1.
deildarkeppninni í knattspyrnu
næsta sumar. „Það er orðið ein-
ungis formsatriði að ganga frá fé-
lagaskiptunum, önnur félög eru
ekki inni í myndinni hjá mcr
lengur. Það má segja að ég sé kom-
inn heim, ég lék með Val í yngri
flokkunum,“ sagði Jóhann í gær.
Arftaki
Wilander
og Borg?
Mats Wilander, hinn ungi sænski
snillingur, sigraði um helgina í
opna ástralska meistaramótinu í
tennis. Hann sigraði Tékkann Ivan
Lendl í úrslitaleik en hafði áður
lagt Bandaríkjamanninn fræga,
John McEnroe, að velli í undanúr-
slitunum.
í Ástralíu fór einnig fram
heimsmeistarakeppni unglinga
(junior) í tennis. Þar sigraði annar
ungur Svíi, Stefan Edberg, þriðja
árið í röð og hefur enginn annar
afrekað slíkt. Edberg er spáð mikl-
um frama og telja þeir er til þekkja
að hann feti í fótspor hinna
heimsfrægu landa sinna, Wilander
og Björns Borg. -VS
Gremio
heims-
meistari
Grcmio frá Brasilíu varð
heimsmeistari félagsliða f knatt-
spyrnu á sunnudaginn með því að
sigra Hamburger SV frá Vestur-
Þýskalandi 2-1 í Tokyo. Renato
skoraði bæði mörk Grcmio, sigur-
markið í framlengingu, en Michael
Schröder gerði mark Evrópumeist-
aranna.
Julen vann
Max Julen frá Sviss sigraði í
fyrsta stórsvigsmóti heimsbikarsins
á skíðum á þessum vetri í fyrradag.
Keppt var í Sviss og annar heima-
maður, Pierre Zurbriggen, varð
annar. Júgóslavinn Franco varð
þriðji en Ingemar Stenmark frá
Svíþjóð varð að láta sér lynda sjö-
unda sætið.
Atli og Siggi í gang
í seinni hálfleik
„Þetta var ekkert sérstakur
leikur af íslands hálfu, þótt einstak-
ir leikmenn næðu mjög góðum
köflum. Alsírbúar léku handknatt-
leik ólíkan þeim sem við eigum að
venjast, nota geysilega mikið furð-
uleg undir- og gólfskot sem mark-
verðir okkar réðu ekkert við, og þá
er mikil keyrsla í vörninni hjá
þeim, nánast maður-á-mann allan
tímann,“ sagði Friðrik Guðmunds-
son, formaður HSÍ, í samtali við
Þjóðviljann í gær. ísland lék þá
sinn fyrsta leik í alþjóðlega handk-
nattlciksmótinu í Austur-Þýska-
landi og vann Alsír 29:22. Á eftir
marði Ólympíulið Austur-
Þjóðverja B-lið sitt 27:22 en auk
þessara fjögurra taka Pólverjar og
Tékkar þátt í mótinu.
ísland hafði forystu frá fyrstu
mínútu,3:l,5:3,10:5ensíðan kom
slakur kafli og staðan í hálfleik var
13:10 fyrir ísland. Þriggja marka
munur hélst fram eftir síðari hálf-
leik en góður endasprettur sá fyrir
sjö marka sigri.
Kristján Arason var besti leik-
maður íslenska liðsins í fyrri hálf-
leik og skoraði þá nær helming
marka liðsins. Deyfð var yfir liðinu
framan af síðari hálfleik en þá rifu
Atli Hilmarsson og Sigurður
Sveinsson það í gang á ný og
skoruðu hvert glæsimarkið af öðru.
Það var framtak þessarra þriggja
sem gladdi helst augað, að sögn
Friðriks, en aðrir voru daufir og
markverðirnir, Einar Þorvarðar-
son og Ellert Vigfússon, vörðu
varla skot. Ellert lék þarna sinn
fyrsta landsleik ásamt Hilmari Sig-
urgíslasyni. Hilmar kom aðeins
inná undir lokin en náði að láta
reka sig tvívegis útaf!
Kristján og Sigurður skoruðu 7
mörk hvor, Siggi tvö úr vítaköst-
um. Atli gerði 6, Þorgils Óttar
Mathiesen 4, Páll Ólafsson 3,
Bjarni Guðmundsson og Guð-
mundur Guðmundsson 1 hvor.
Þorbjörn Jensson, Jens Einarsson,
Jakob Sigurðsson og Jóhannes
Stefánsson hvfldu í gær en Friðrik
taldi öruggt að þeir Þorbjörn og
Jens lékju gegn A-liði Austur-
Þjóðverja í dag. „Það verður erfið-
ur leikur, þeir eru með firnasterkt
lið, en strákarnir ætla að berjast og
halda þeim í skefjum", sagði Frið-
rik. Þess má geta að lið Alsír fer á
Ólympíuleikana og hefur verið
stanslaust í æfingabúðum að und-
anförnu. Á móti í Frakklandi fyrir
nokkrum dögum tapaði það með
fimm mörkum fyrir Frökkum og
Svíum en sigraði Noreg með fimm
marka mun. _ VS
Stenmark
sigraði
Ingemar Stenmark frá Sví-
þjóð sigraði í svigkeppni sem
er liður í heimsbikarkeppn-
inni á skíðum, á Ítalíu í gær.
Stenmark var þriðji eftir fyrri
ferð en renndi sér glæsilega í
þeirri síðari og tryggði sér
sigur. Boran Krizaj frá Júg-
óslavíu varð annar og Steve
Mahre frá Bandaríkjunum
þriðji. Fjórði varð síðan Zur-
briggen frá Sviss sem þar með
hefur tekið forystu í stiga-
keppni heimsbikarsins með 72
stig. _ VS
Graeme Souness:
Erfítt nema
við ísland!
Frá Heimi Bergssyni fréttamanni Þjóð-
viljans í Englandi:
Mikil ánægja ríkir hér í landi með dráttinn
f undankeppní HM í knattspyrnu. Eins og
kunnugt er, lentu Englendingar í riðli með
Norður-írum, Rúmenum, Tyrkjum og Finn-
um og tvö efstu liðin komast í lokakeppnina í
Mexíkó. Það má mikið gerast, ef England á
ekki að verða annað þcirra.
Norður i Skotlandi ríkir ekki sama
bjartsýnin. Skotar eru f riðli með Spánverj-
um, Walesbúum og íslendingum og aðeins
efsta þjóðin kemst beint í lokakeppnina en lið
númer tvö fær tækifæri með aukaleikjum.
„Þetta er mjög erflður riðill, enginn leikur er
léttur nema kannski heimaleikurinn við ís-
land,“ sagði Graeme Souness, fyrirliði Li-
verpool og fastamaður í skoska landsliðinu, í
samtali við eitt ensku blaðanna nú um helg-
ma.
Hermóður túlkur
Aðbúnaður íslenska handknattleikslandsliðsins í Austur-
Þýskalandi er eins og allra best verður á kosið, gott hótel, góður
matur og frábær skipulagning á öllu. Kórónan er þó túlkur liðsins
sem kallar sig Hermóð. Hann er magister í norrænum fræðum og
talar mjög góða íslensku og hefur þó einungis einu sinni komið til
landsins. Hermóður fylgist mjög vel með íslensku íþróttalífi, fær
þar allar fregnir í gegnum Þjóðviljann sem hann les reglulega. Hann
kannaðist við nokkra leikmenn íslenska liðsins, t.d. Jens Einarsson
og Þorbjörn Jensson, og Friðrik Guðmundsson, formaður HSÍ,
lýsti yfir mikilli ánægju með störf hans í samtali við blaðið í gær.
- VS
m*wr.
Leikmenn í verkfall?
Samtök breskra atvinnuknatt-
spyrnumanna hóta nú að ekkert
verði af leik Liverpool og Newcastle
f 3. umferð bikarkeppninnar föstu-
daginn 6. janúar ef þau fái ekki
ríflegri greiðslur vegna sjónvarps-
útsendingar en gert er ráð fyrir.
Leiknum verður sjónvarpað beint.
Samtökin vilja hærri greiðslur frá
enska knattspyrnusambandinu en
síðarnefndi aðilinn vill láta rakna
af hendi. Knattspyrnusambandið
lét alls 100 þúsund pund renna til
samtakanna sl. vetur en ráðgerir
einungis 60 þúsund í ár.
- VS
Man. City kaupir
eftirmann Caton
Manchester Clty, sem leikur 12. deild
ensku knattspyrnunnar, keypti í gær
miðvörðinn Mike McCarthy frá Bam-
sely. Hann á að taka stöðu Tommy Cat-
on sem City seldi til Arsenal fyrir stuttu.
Kaupverðið var 200 þúsund pund.
Við sölu Caton fékk Billy McNeill
meiri fjárráð en nokkru sinni fyrr frá
Framtíðarmenn enska landsliðsins?
„Breytist smátt og smátt“
Bobby Robson, einvaldur enska
knattspyrnulandsliðsins, er þegar
farinn að fylgjast með þeim leik-
mönnum sem gætu orðið í blóma
ferils síns þegar kemur að loka-
keppni HM f Mexíkó 1985.
Af „eldri“ ieikmönnum, það er
að segja þeim sem þegar eru orðnir
A meðfylgjandi mynd eru verðlaunahafar í júdómóti Armanns sem
haldið var fyrir stuttu. Frá vinstri: Arnar Marteinsson, Runólfur
Gunnlaugsson, Magnús Jónsson, Karl Erlingsson, Kristján Valdí-
marsson og Bjarni Friðriksson en Bjarni varð bikarmeistari júdó-
deildar Ármanns 1983 með því að sigra í opnum flokki. Á myndina
vantar þá Gísla Wíum og Hilmar Jónsson.
fastamenn, eða svo gott sem, í
landsliðinu nefnir hann Bryan
Robson, Glenn Hoddle, Terry
Butcher, Alvin Martin, Kenny
Sansom, Tony Woodcock, Trevor
Francis, Sammy Lee og Gary
Mabbutt. Hann vonast tii þess að
geta byggt liðið í kringum þessa
leikmenn. Fjölmargir yngri piltar
eru undir smásjánni og hrifnastur
er Robson af markvörðunum Nigel
Spink frá Aston Villa og Chris Wo-
ods frá Norwich, Luton-
leikmönnunum Brian Stein, Paul
Walsh og Paul Elliott, Mark
Chamberlain frá Stoke, John
Barnes frá Watford, Dave Watson
frá Norwich, Mark Wright frá
Southampton, Gary Stevens og
Danny Thomas frá Tottenham og
.Steve Hodge frá Nottingham For-
est. Þeir Barnes og Chamberlain
hafa reyndar þegar fengið ágæt
tækifæri með landsliðinu.
„Ég mun ekki gera stórvægilegar
breytingar, þær verða að eiga sér
stað smátt og smátt. Það hefur
enga þýðingu að hreinsa til og stilla
upp 11 ungum og efnilegum leik-
mönnum í landslið,“ segir Bobby
Robson.
-VS
því hann tók við stjórntaumum félags-.
ins í sumar, og nú fylgist hann grannt
með tveimur framherjum í 2. deiidinni,
Mark Lillis hjá Huddersfield og Darren
Gale hjá Swansea.
Fulham er komið í mikil vandræði í
fallbaráttu 2. deildar og vill nú krækja í
tvo framherja, Tony Sealey frá QPR og
Tony Cascarino frá Gillingham.
Kaupin hyggst Fulham fjármagna með
því að selja velska markaskorarann
Gordon Davies.
Tottenham hefur boðið landsliðs-
markverðinum Ray Clemence nýjan
tveggja ára samning en Clemence er 34
ára gamall. Félagið hefur einnig boðið
varnarmanninum eitilharða, Graham
Roberts, samning til þriggja ára.
Carl Hoddle heitir 16 ára bróðir stór-
stjörnunnar Glenn Hoddle hjá Totten-
ham og leikur hann með unglingaliði
félagsins, sem miðjumaður. Vegna for-
falla, neyddist Carl til að fara í markið
fyrir stuttu og leika þar tvo leiki. Hon-
um hefur verið ráðlagt að leika áfram á
miðjunni, Tottenham tapaði 8-0 fyrir
Watford og 10-1 fyrir Arsenal!
Nottingham Forest hefur gert samn-
ing við fyrirliða skoska skólalandsliðs-
ins. Steve Murray heitir sá efnilegi pilt-
ur og kemur hann til Forest um ára-
mótin. Tólf félög börðust um að ná í
Murray!
-VS
Knattspyrnan á meginlandinu:
AS Roma að hlið Juventus
Brasílíumaðurinn Roberto Falc-
ao skatu AS Roma upp að hlið Ju-
ventus á toppi ítölsku 1. deUdarinn-
ar í knattspyrnu á sunnudaginn.
Roma sigraði þá Avellino 3-2 og
gerði Falcao tvö markanna. Ju-
ventus og Udinese skildu jöfn á
meðan, 2-2, og skoraði Paolo Rossi
fyrra mark Juve. Torino og Verona
skildu jöfn, 1-1, og Sampdoria
mátti sætta sig við markalaust jafn-
tefli gegn botnliði Pisa. Juventus og
Roma eru með 16 stig en Verona,
Sampdoria og Torino hafa 15
hvert.
Á Spáni lék Bernd Schuster að
nýju með Barcelona og það hreif,
hann lagði upp tvö mörk í 3-1 úti-
sigri gegn Salamanca. Real Madrid
heldur sinni forystu, vann Gijon 2-
1. Malaga og Bilbao gerðu marka-
laust jafntefli og Zaragoza og Atl-
etico Madrid skildu jöfn, 2-2. Real
Madrid hefur 21 stig, Barcelona
19, Zaragoza og Bilbao 18.
Feyenoord lék eitt toppliðanna í
Hollandi, gerði jafntefli 2-2 við
Zwolle og hefur tveggja stiga for-
skot á PSV og Ajax.
Bordeaux er með fjögurra stiga
forystu í Frakklandi, burstaði
Lille, 5-2. Laval vann góðan sigur á
Auxerre, 1-0, og er í 8. sæti. -VS