Þjóðviljinn - 24.01.1985, Page 5

Grœðir 170 miljarði dollara á ári - Samheldni glœpafjölskyldnanna tekin að
bila - Afdrifaríkar uppljóstranir
Enginn mun nokkru sinni
geta gert sér grein fyrir
heildarumsvifum glæpafélags
eins og Mafíunnar í Bandaríkj-
unum. En hin skipulagða
glæpastarfsemi, sem samein-
ast undir þessum hatti og nær
frá stjórnmálaskúmum til
sorphreinsunar, þykir svo um-
fangsmíkil að sumir telja að
forsetakosningar ráði minna
um það „hver stjórnar sýning-
unni“ í stórum hluta landsins.
William Webster, yfirmaður Al-
ríkislögreglunnar, FBI, hefur
komist svo að orði að „það eru
næsta fá fyrirtæki í okkar landi
sem eru ekki undir áhrifum
skipulagðra glæpasamtaka".
Sérstök nefnd sem fjallar um
glæpastarfsemi og er skipuð af
forsetanum telur, að Mafían hirði
í tekjur um það bil 170 miljarði
dollara á ári. Það er meira en
samanlögð þjóðarframleiðsla
landa á borð við Grikkland og
Austurríki. Þetta er þó varlega
áætlað. Nýleg málaferli gegn að-
eins einni Mafíufjölskyldu í New
York leiddu í ljós, að Mafían
tekur mikinn skatt af veitinga-
húsum, flutningafyrirtækjum og
byggingafyrirtækjum í borginni.
Annað mál gaf til kynna að Maf-
íuskattur hækkaði útgjöld vegna
sorphreinsunar í aðeins einni til-
tekinni sýslu um tíu miljónir doll-
ara á ári.
Erfið glíma
Samt eru þetta allt taldir vasa-
peningar í samaburði við þær
tekjur sem glæpahringurinn hef-
ur af eiturlyfjasölu. Tekjur af
heróíni og kókaíni tryggja þær
tekjur sem nægja til að múta
þeim embættismönnum, sem
annars gætu flækst fyrir Mahunni
og ekki er hægt að meðhóndla á
venjulegan bófahátt (ef þú ert
ekki með þá verður þér kálað
lagsi - eða syni þínum o.s.frv.).
Aðalvandinn í viðureigninni
við Mafíuna er sá, að óttinn við
hinn langa hefndararm glæpafjöl-
skyldnanna voldugu genr pað
einatt nær óvinnandi verkefni að
safna þeim gögnum og vitnis-
burði sem þarf til að koma lögum
yfir hyski þetta. Til dæmis að taka
gerðu lögreglumenn nýlega hús-
leit hjá einum Mafíuhöfðingja í
New York og fundu þar ljósritan-
ir af lögregluskýrslu um náunga
þennan sem „vinsamlegur"
leynilögreglumaður hafði útveg-
að. Mafíósi þessi náði í ljósritin
meðan hann var undir rannsókn
sem meiriháttar eiturlyfjasali.
Hann stjórnaði í félagi við
nokkra menn öðrum eiturlyfja-
hring sem var talinn velta 20 milj-
ónum dollara á mánuði. Ekki
tókst að hafa hendur í hári þeirra
fyrr en þeir reyndu að selja heró-
ín dulbúnum erindrekum lögregl-
unnar.
Einnfor
að tala
Eins og kunnugt er á Mafían
bandaríska ættir sínar að rekja til
Ítalíu, nánar tiltekið til Sikileyj-
ar. Og það er haft fyrir satt að
engum öðrum en Mussolini hafi
tekist að veita Mafíunni verulega
þung högg: hann leit á Mafíuna
sem ríki í ríkinu og gat sem ein-
ræðisherra unnið henni skrá-
veifur sem réttarríki reynast um
megn.
Þess ber reyndar að geta, að
sjaldan eða aldrei fyrir hefur ít-
alska og bandaríska lögreglan
unnið betur saman að Mafíumál-
um en síðustu mánuði. Ástæðan
er sú, að áhrifamikill Mafíósi,
Tommasso Buscetta, sem hefur
unnið fyrir glæpahringinn bæði á
Sikiley, í Bandaríkjunum og í
Brasilíu, ákvað að kjafta frá því
sem hann vissi. Og það var mikið.
Svo mikið, að bandaríska lög-
reglan geymir hann nú í „virki“ á
Manhattan þar sem rafeindabún-
aður og vopnuð lögregla gætir
hans vandlega. Byssumenn hafa
enn ekki náð honum - en þeir eru
búnir að skjóta til bana mág hans
suður í Palermo.
Það heitir að „syngja“ þegar
glæpamaður segir frá samsektar-
mönnum sínum. „Söngur“ Busc-
etta hefur nú þegar leitt til þess að
350 manns hafa verið handteknir
suður á Sikiley og í helstu Mafí-
umiðstöðvum Bandaríkjanna.
Hann hefur einnig gefið mjög
verðmætar upplýsingar um það,
hvernig Mafían starfar og þá um
það, hvernig sérstakur Sikileyjar-
hópur, sem nú hefur mikið um-
leikis, gerir Mafíuna enn viðsjár-
verðari en hún hefur nokkru sinni
verið.
Hinar gömlu Mafíufjölskyldur
Bandaríkjanna voru bundnar
saman í fjölskyidutengslum, með
ströngum hegðunarreglum, þar
sem þagnarskyldan var fyrsta
lífsregla. Þessar fjölskyldur hafa
auðgast mikið og þær hafa átt í
erfiðleikum með að finna nýja
menn til að vinna verkin, vegna
þess að synirnir hafa hlotið góða
menntun og vilja stunda lögmæt
störf. Meðal þeirra eru margir
lögmenn, sem vissulega þjóna
Mafíunni á sinn hátt, en þeir
standa þó ekki í verstu skítverk-
unum.
Eldri og
yngri bófar
Til að fylla auð pláss neðarlega
í Mafíustiganum hafa verið teknir
inn nýlegir innflytjendur frá Sik-
iley. Þeir eru utan við hina
ströngu fjölskyldusiði, þeir eru
enn gráðugri og grimmari en þeir
eldri og gera sér enn síður grillur
út af því hvaðan peningar koma
eða með hvaða aðferðum. Til að
mynda voru margir hinna eldri
„guðfeðra" andvígir því, að Maf-
ína stundaði eiturlyfjasölu, en
hin nýja Sikileyjardeild hefur
stefnt í þveröfuga átt. Hún er í
nánum tengslum við alþjóðlegan
eiturlyfjamarkað og fram-
leiðslustöðvar í Rómönsku Am-
eríku og Asíu. Þetta lið lætur her-
óín og kókaín flæða yfir Banda-
ríkin í stórum stíl og stendur í
blóðugum götubardögum við alls
konar keppinauta (Því margir
innflytjendahópar hafa líkt eftir
Mafíufordæminu eins og rakið er
hér á öðrum stað).
Þessi nýja og villta kynslóð Sik-
ileyinga er að sumu leyti hættu-
legri en eldri Mafíósar, en að
sumu leyti er auðveldara fyrir
lögregluna að klófesta þá. Þeir
eru að minnsta kosti fúsari en
eldri kynslóðin til að brjóta
lögmál þagnarskyldunnar. Talið
er að Tommasso Buscetta sjálfur
hafi gerst uppljóstrari vegna þess
að hann vildi hefna fyrir morð 14
ættmenna sinna. - Þeirra á meðal
tveggja sona sinna. Aðrir hafa
„sungið“ fyrir lögregluna í
skiptum fyrir vægari dóma og
fyrir loforð um að þeir yrðu
verndaðir fyrir hefndaraðgerðum
glæpabræðra sinna um ókomna
framtíð.
ÁB þýddi og endursagði.
Pizzusambandið
komst í klandur
Lítið dœmi úr Mafíusögunni
„Söngfuglinn" Tommasso
Buscetta hefur meðal annars
tekið þátt í að koma undir lás
og slá foringjum nýlegrar lítill-
ar Sikileyjargreinar Mafíunnar,
sem hér skal sagt stuttlega frá.
Meðlimir þessarar Mafíu eru
Sikileyingar sem flust hafa til
Bandaríkjanna fyrir 15-20 árum.
Þeir réðu sig ekki hjá bandarísk-
um mafíósum heldur héldu áfram
tryggð við guðföður nokkurn á
Sikiley, Gaetano Badalamenti.
Þeir sneiddu hjá hefðbundnum
glæpamiðstöðvum (New York,
Chicago) en leituðu í staðinn fyrir
sér í fimm smærri borgum í Mið-
vesturríkjunum.
Þar komu þeir á fót pizzusölum
og höfðu þær sem felubúnað yfir
eiturlyfjasölu upp á miljónir doll-
ara. Mest versluðu þeir með her-
óín. Heróínið fengu þeir frá Ba-
dalamenti, sem flúði reyndar frá
Sikiley til Brasilíu 1981 eftir
harða valdabaráttu við aðra mafí-
ósa.
Fyrir þrem árum féll grunur á
lið þetta, sem yfirfærði furðu
mikla peninga til Sviss og gerði
undarlegar símapantanir á osti,
tómatsósu og pizzudeigi - sem
náttúrlega voru lykilorð fyrir
eiturlyf. Símahleranir og upp-
ljóstranir Buscetta hafa leitt til
þess að um 40 manns úr „pizzu-
sambandinu“ hafa verið hand-
teknir.
í gömlu og grónu Mafíunni eru
hins vegar alls um 24 fjölskyldur.
Fullgildir og innvígðir meðlimir
eru 2-4 þúsundir en undirsátar
eru taldir um tuttugu þúsund.
-áb
UMSJÓN: ÁRNI BERGMANN
Fimmtudagur 24. janúar 1985 ÞJÓÐVIUINN - SlÐA 5