Þjóðviljinn - 12.02.1985, Blaðsíða 8

MANNLÍF
Sendinefnd Grænlendinganna::
Martha Labansen frá grænlenska fé-
lagsmálaráöuneytinu, Ove Rosing
Olsen læknir, Heinz Reugboe lög-
fræðingur frá félagsmálaráðuneyt-
inu, Henriette Rasmussen lands-
þingmaður, Guðmundur Þorsteins-
son túlkur og leiðsögumaður. Mynd:
eik.
Norrœn samvinna
Afengi er hemill
Grænlensk sendinefnd kynnir sér íslenskar áfengisvarnir
Áfengisvandinn er hemill á
alla framþróun í grænlensku
samfélagi, sagði Ove Rosing
Olsen læknir, einn fjögurra
sendinefndarmanna frá
Grænlandi sem hér hafa
kynnt sér áfengisvarnir og
meðferð drykkjusjúklinga. Nú
er verið að undirbúa nýja lög-
gjöf um áfengisvandamál á
Grænlandi og töldu íslands-
fararnir að hingað mætti
sækja ýmsar gagnlegar hug-
myndir til að stemma stigu við
landlægum drykkjuskap
granna okkar í vestri.
Á blaðamannafundi Græn-
lendinganna í gær skýrðu þeir frá
skoðunarferðum sínum um stofn-
anir og hjálparapparöt íslensk.
F>au hældu breiðfylkingu hins op-
inbera og félagsamtaka hér við
áfengisvarnir, og þótti það ís-
lenskt viðhorf til fyrirmyndar að
alkóhólismi er sjúkdómur. Með
slíkum þankagangi fengist annað
sjónarhorn á þennan vanda en til
dæmis í Danmörku, og þannig
jákvæðari afleiðingar í meðferð-
arefnum, gagnvart lögum og op-
inberri félagshjálp.
Grænlendingarnir sögðu að
ýmislegt mætti læra af starfi
SÁÁ, og þau vonuðust til að svip-
uð starfsemiyrði einn þáttur
grænlenskra áfengisvarna. Um
nýhafið starf Vonar, (sjúkrastöð
fyrir norræna áfengissjúklinga)
fóru þau góðum orðum, en leist
illa á almennan útflutning græn-
lenskra drykkjumanna. Til þess
væri hvorki fé né vilji, - nema til
þess að skapa þá vissu að bati sé
mögulegur. Raunar sagði læknir-
inn í nefndinni að eitt hið lær-
dómsríkasta við íslandsdvölina
hefði verið að sjá hvernig hægt er
að virkja allan almenning til þátt-
töku í að leysa vandann.
Sendinefndin er hér á vegum
heilbrigðisráðuneytisins til að
kynna sér áfengismálin, en ein-
stakir nefndarmenn hafa farið
víðar. Þingmaðurinn Henriette
Rasmussen sagði kynni sín af ís-
lenskri friðarhreyfingu og kvenn-
ahreyfingu mjög fróðleg og mikill
áhugi á grænlensk-íslenskri sam-
vinnu um þau mál. Nefndarmenn
töldu að í framtíðinni mundu
Grænlendingar beina sjónum sín-
um æ meira að íslandi sem fyrir-
mynd og til samvinnu. Fyrsta
skrefið til að efla tengsl grannþ-
jóðanna væri hiklaust að efla
samgöngur milli landanna.
Grænlendingarnir snúa heim-
leiðis í dag.
-m
Skemmtanalífið
Þórskabarett
byrjar aftur
Nú er Þórskabarett í Þórscafé
aftur farinn af stað eftir 2ja ára
hlé. Þórscafé hefur fengið til liðs
við sig fimm kunna skemmti-
krafta, en það eru „Stjúpsystur"
þær Guðrún Alfreðsdóttir, Saga
Jónsdóttirog Guðrún Þórðardótt-
ir og grínararnir Júlíus Brjánsson
og Kjartan Bergmundsson.
Þá munu tvær hljómsveitir
leika fyrir dansi, „Dansband
Önnu Vilhjálms" og „Pónik og
Einar“. Munu hljómsveitirnar
skiptast á að leika fyrir dansi í tvo
tíma í senn, frá kl. 20.00 til 03.00.
Þórskabarettinn verður aðeins
fyrir matargesti í Þórscafé, og er
húsið opnað kl. 20.00 föstudaga
og laugardaga.
Guðrún Alfreðsdóttir, Saga Jónsdótt-
ir, Guðrún Þórðardótir, Júlíus Brjáns-
son og Kjartan Bergmundsson
mynda Þórskabarettinn að þessu
sinni.
Islandshátíð
í Luxemborg
Miðvikudaginn 6. febrúar hófst
á Hotel Holiday Inn í Luxemborg
íslandskynning sem Flugleiðirog
Holiday Inn standa að. íslands-
kynningin verður undir enska
heitinu „Taste of lceland" og í
henni taka þátt fjölmörg fyrirtæki
og stofnanir héðan að heiman.
Tómas Tómasson sendiherra
íslands í Luxemborg opnaði fs-
landskynninguna en síðan voru
Við opnun Íslandshátíðarinnar, sem
Flugleiðir og Holiday Inn standa fyrir í
Luxemborg. Frá vinstri. Erlendur
Guðmundsson flugmaður, C. Hell-
incx konsúll, Guðmundur Halldórs-
son Eimskip Rotterdam, Tómas Á.
Tómasson sendiherra, G. Hausmer
ferðamálastjóri og Einar Aakrann
Flugleiðir Luxemborg. Ljósm:
Fiugleiðir/Lennart Carlen
sýndar íslenskar tískuvörur. Það
voru flugfreyjur og flugþjónar
Flugleiða sem önnuðust tískusýn-
inguna svo og kynningu á vörum
sem útstillt eru í hótelinu. Tísku-
sýningin fór fram undir stjórn
einnar flugfreyjunnar Brynju
Nordquist, en flugáhafnir Flug-
Ieiða sem staddar voru í Luxemb-
org tóku virkan þátt í kynning-
unni. Einar Aakrann og Anne
Cerf fulltrúi hans í Luxemborg
önnuðust undirbúning af hálfu
Flugleiða ásamt kynningardeild
og söludeild félagsins í Reykja-
vík. íslandskynningin að Holiday
Inn mun standa til 24. febrúar og
mun Haukur Morthens og hljóm-
sveit hans leika fyrir dansi á
hverju kvöldi meðan íslands-
kynningin stendur.
8 SÍÐA - ÞJÓÐVILJINN Þrlðjudagur 12. febrúar 1984