Þjóðviljinn - 27.04.1985, Blaðsíða 4

LEIÐARI
Reagan fer halloka
Fátt er ótryggara en pólitísk velgengni. Ekki
eru margir mánuöir síðan Ronald Reagan fagn-
aði glæsilegu endurkjöri til forsetaembættis og
gagnrýnar raddir á stefnu hans eins og drukkn-
uðu í þeirri miklu bjartsýni, sem forsetinn var
sagður strá um sig í bandarísku þjóðfélagi,
þegnum sínum til heilla, efnahagslífi til endur-
reisnar og Rússum til skelfingar.
Nú er sú tíð hinsvegar, að varla líður sá dagur
að ekki berist fregnir af fallandi gengi Reagans
og Reaganismans, ef ekki meiriháttarósigrum.
Innanlands gerast þær raddir æ háværari
sem hafa áhyggjur af þeirri stjórnsýslu sem
leiðir til hágengis dollarans, mikils haíla á fjár-
lögum og gífurlegs greiðsluhalla við útlönd. Og
þykjast menn þegar sjá þess merki, að þessir
þættir allir sameinist um að eyðileggja þá við-
reisn sem Reagan státaði af í fyrra, skerða út-
flutningsmöguleika og þar með auka atvinnu-
leysi aftur.
Vestanhafs jafnt sem meðal sessunauta í
Nató austanhafs heyrast vaxandi efasemdir um
harðlínustefnu Reagans í vígbúnaðarmálum.
Menn eru mjög efins um, að Reagan ætli í raun
og veru að ná raunhæfum árangri í viðræðum
við Sovétmenn um takmarkanir á vígbúnaði
sem fram fara í Genf. Menn eru líka mjög efins
um svokölluð Stjörnustríðsáform Reagans -
einnig þeir sem Natóráðherrar sem mæla með
rannsóknum á því sviði eru bersýnilega hræddir
við að SDI (Stjörnustríðsáformin) muni ekki efla
varnir gegn kjarnorkuvopnum heldur leiða til
nýrrar stigmögnunar vígbúnaðarins. í vestur-
evrópskum blöðum er tónninn æ oftar í anda
hneykslunar í bland við ráðleysi: Hvað er það
eiginlega sem herra Reagan vill? Veit hann það
sjálfur?
Meira að segja fjölmiðlastjórar Reagans,
sem taldir hafa verið flestum færari í sínu fagi,
þeir hafa brugðist. Þeir voru svo önnum kafnir
við að velja sjónvarpsvélum sjónarhorn þegar
þeir undirbjuggu ferð Reagans til Vestur-
Þýskalands nú nálægt afmæli stríðsloka, að
þeir ákváðu að senda Reagan í þýskan her-
mannagrafreit, þar sem meðal annarra eru
grafnir menn úr hinum illræmdu SS-sveitum.
Og þetta hneyksli gerðist eftir að búið var að
taka af dagskrá heimsókn í Dachau, fangabúðir
þarsem mikill fjöldi gyðinga, andfasistaog ann-
arra fórnarlamba nasismans, lét lífið.
Nú síðast hefur Reagan beðið ósigur sem er
fyrir margra hluta sækir fagnaðarefni. Forsetinn
hefur átt í tíu vikna stappi við bandaríska þingið
um hernaðaraðstoð við andbyltingarsveitir þær
sem herja á stjórn Sandinista í Nicaragua, eink-
um frá bækistöðvum í Honduras. Reagan hefur
ekki sparað fortölur og stóryrði í þessu máli,
m.a. líkt Sandinistum við Stalín, en gagnbylting-
armönnum, sem margir eiga sér fortíð í blóðugu
einræði Somoza, við feður hinnar bandarísku
byltingargegn Englandi. Reagan hefurreynt að
snúa á þingið með því að láta um skeið sem
hann ætlaði ekki að nota 14 miljónir dollara til að
senda fjandmönnum Sandinista vopn, heldur
annars konar aðstoð - a.m.k. þangað til útséð
væri um samninga við Nicaraguastjórn. En
þingmenn hafa ekki bitið á agn Reagans og í
tillögu demókrataþingmanna sem samþykkt
var, er hernaðaraðstoð við andbyltingarsveit-
irnar bönnuð.
Þetta er rpeiriháttar ósigur fyrir hinn herskáa
forseta. Hann gæti vafalaust fundið ýmsar
smugur til að hunsa vilja þingsins - annað eins
hefur gerst. En afgreiðsla málsins á þingi er
engu að síður hin merkilegasta og vonandi enn
einn forboði um hrun hins sjálfumglaða vald-
hroka sem svo mjög hefur einkennt feril Reag-
anstjórnarinnar.
- ÁB.
Ó-ÁLTT
„Mér finnst að menn ættu að gera í
almennilega bombu, séu þeir að
DWÐMUNN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufólag Þjóðviljans.
Rltstjórar: Árni Bergmann, össur Skarphéðinsson.
Ritstjórnarfulltrúi: Oskar Guðmundsson.
Fréttastjóri: Valþór Hlöðversson.
Blaöamenn: Aðalbjörg Óskarsdóttir, Álfheiður Ingadóttir, Guðjón
Friðriksson, Helgi Guðmundsson, Lúðvík Geirsson, Magnús H. Gísla-
son, Mörður Ámason, Ólafur Gíslason, Sigurdór Sigurdórsson,
Víðir Sigurðsson (íþróttir).
Ljósmyndir: Einar Ólason, Einar Karlsson.
Útlft og hönnun: Filip Franksson, Þröstur Haraldsson.
Handrtta- og prófarkalestur: Andrea Jónsdóttir, Elías Mar.
Framkvæmdastjóri: Guðrún Guðmundsdóttir.
Skrlfstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbrelðslustjórl: Sigríður Pótursdóttir.
Auglýsingastjórl: Ragnheiður Óladóttir.
Auglýsingar: Anna Guðjónsdóttir, Ásdís Kristinsdóttir,
Hreiðar Sigtryggsson.
Afgreiðslustjóri: Baldur Jónasson.
Afgreiðsla: Bára Siguröardóttir, Kristín Pótursdóttir.
Símavarsla: Margrót Guðmundsdóttir, Sigríður Kristjánsdóttir.
Húsmæður: Bergljót Guðjónsdóttir, Ólöf Húnfjörð.
Innhelmtumenn: Brynjólfur Vilhjálmsson, Ólafur Björnsson.
Bílstjórl: ólöf Siguroardóttir.
Útkeyrsla, afgrelðsla, auglýsingar, ritstjóm:
Síöumúla 6, Reykjavík, sími 81333.
Umbrot og setnlng: Prentsmlðja Þjóðvlljans hf.
Prentun: Blaðaprent hf.
Verö í lausasölu: 30 kr.
Sunnudagsverð: 35 kr.
Áskrfftarverð á mánuði: 330 kr.
Afgreiðsla blaðsins er opin á laugardögum
frá kl. 9 til 12, beinn sími: 81663.
4 SÍÐA - ÞJÓÐVIUINN Laugardagur 27. apríl 1985