Þjóðviljinn - 21.09.1985, Side 4
LEIÐARI
Höfuðborg með spillta stjóm
Hiö rétta eöli Sjálfstæöisflokksins í borgar-
stjórn Reykjavíkur hefur komiö sífellt betur í Ijós
á þessu sumri, þegar flestum eru að veröa Ijós
spillingartengslin milli flokksins og ýmissa stór-
fyrirtækja. Reykvíkingar eru smám saman að
gera sér grein fyrir því, aö Sjálfstæðisflokkurinn
virðist telja það frumskyldu sína aö standa vörö
um hagsmuni stórbísanna í borginni, heildsal-
anna, útgeröarmógúlanna og annarra peninga-
manna. Umhyggjan fyrir fólkinu sem býr í borg-
inni er hins vegar í algeru lágmarki og minnkar
sífellt. Þaö sést best á því aö fyrir hönd Sjálf-
stæðisflokksins hefur Davíð Oddsson beitt sér
fyrir hverri verðhækkuninni á þjónustu borgar-
innar á fætur annarri.
Svo rammt hefur kveöiö aö þessu, aö sjálfur
fjármálaráðherra og flokksbróöir Davíðs, Albert
Guömundsson, lét þau orð falla á síðusta borg-
arstjórnarfundi, aö til aö mynda væri ekki víst aö
hægt væri að réttlæta hinn feykilega hagnað
Rafmagnsveitunnar. En okurverö borgarstjór-
ans á rafmagni hefur leitt til þess að hjá Raf-
magnsveitunni safnast sjóðir meðan fjárhagur
borgarbúa hefur aldrei veriö jafn bágur. Albert
fjármálaráöherra lét líka í Ijós mjög alvarlegar
efasemdir um að hækkun Sjálfstæðisflokksins
á strætómiðum væri sanngjörn, og neitaöi aö
styöja hana! Þaö er einfaldlega staöreynd að
fólkið sjálft, borgarbúar, er ekki lengur þaö sem
skiptir höfuðmáli hjá Sjálfstæöisflokknum, held-
ur er forgangur settur á ættingja einstakra borg-
arfulltrúa í Hamarshúsinu, á flokksvinina í ís-
birninum, hjá Eimskip og heildsölufyrirtækjum á
borö við Garðar Gíslason hf. En fólkiö er gleymt. I
Strætómiöarnir sem það þarf aö borga eru
hækkaðir meðan gatnagerðargjöld flokksvin-
anna í fyrirtækjum eru felld niöur.
Þessi tvö gerólíku viöhorf: Annars vegar um-
hyggja Sjálfstæðisflokksins fyrir peningamönn-
unum og hins vegar umhyggja Alþýðubanda-
lagsins og hinna minnihlutaflokkanna fyrir fólk-
inu og áhugi þeirra á því að búa til manneskju-
lega byggð í Reykjavík, kom skýrt fram á fyrsta
borgarstjórnarfundinum eftir sumarið, sem var
haldinn í fyrrakvöld og fyrrinótt.
Þar voru fimm mál á dagskrá, sem öll spegl-
uðu vel hversu fjarlægur Sjálfstæöisflokkurinn
er orðinn fólkinu í borginni.
• í fyrsta lagi dagvistarmál. Þau eru alger-
lega í ólestri, faglært fólk fæst ekki til starfa af
því kaupið er svo lágt. Sjálfstæðisflokkurinn
reynir ekki einu sinni að leysa vandann, Davíð
borgarstjóri spókar sig á sundskýlunni á suð-
rænum ströndum meðan hverri deildinni er lok-
að á fætur annarri. Minnihlutaflokkarnir hafa
hins vegar lagt til að fóstrum verði boðin
mannsæmandi laun, til að hægt sé að opna
deildirnar aftur. Hvað með til dæmis að borga
forstöðukonum og öðru starfsfólki yfirvinnuna
sem Sjálfstæðisflokkurinn lætur það vinna
kauplaust í dag?
• í öðru lagi „sameining“ BÚR og ísbjarn-
arins. Öllum er Ijóst að hún ereinungis hugsuð'
til að forða ísbirninum, skuldum vöfnum, frá
yfirvofandi greiðsluþroti. Þess vegna meðal
annars greip borgarstjóri til þess örþrifaráðs að
fela bréf frá öðru frystihúsi, Kirkjusandi, til að
spilla ekki fyrir möguleikum vina flokksins í ís-
birninum til að krækja sér í feitan bita úr sjóðum
Reykvíkinga.
• í þriðja lagi hækkunin á strætómiðun-
um. Á henni var engin þörf. Borgin hefur sjaldan
staðið jafn vel, enda á undan gengin þvílík skatt-
heimta af hálfu Sjálfstæðisflokksins að menn
muna ekki annað eins. Gegn þessari hækkun
lögðust allir stjórnarandstöðuflokkarnir í borg-
arstjórn. Meira að segja Albert Guðmundsson
treystist ekki til að styðja hana og kallar hann þó
ekki allt ömmu sína.
• í fjórða lagi Skúlagötumálið. Þar ætiar
Sjálfstæðisflokkurinn að leyfa fyrirtækjum, sem
öll hafa dyggilega greitt í flokkssjóðina á liðnum
árum, að byggja í gróðaskyni allt upp í 14 hæða
stórhýsi. Gatnagerðargjöld verða auðvitað eng-
in borguð, en kannski eitthvað smáræði renni í
sjóði Sjálfstæðisflokksins í staðinn. í þessu máli
standa stjórnarandstöðuflokkarnir sameinaðir
gegn Sjálfstæðisflokknum.
• í fimmta lagi er það heilsugæslustöðin
við Drápuhlíð. Sjálfstæðisflokkurinn vill bjóða
rekstur hennar út. Það er ekkert annað en at-
renna flokksins að því að láta heilsugæslu í
borginni í hendur einkageiranum, og leyfa hon-
um að græða á sjúkum og öldruðum. Gegn
þessu standa allir minnihlutaflokkarnir.
Þessi dæmi sýna, að Sjálfstæðisflokkurinn er
á hraðri leið burt frá fólkinu. Umhyggja hans fyrir
velferð borgarbúa heyrir fortíðinni til. Hann er
flokkur þeirra sem eiga fyrirtæki og nóg af pen-
ingum. Að því ættu menn að hyggja, þegar
kosningaár fer í hönd.
Ó-ÁUT
pu öetuk alls £KK\ iavíð
Hó 'i HAFMARR'R-e>|'
f?E/KjAV'\K. oHfeiM HÆTTLilu
UANDSBY^Di.M ERawb$
H6--£6 AiÆti MBÐ
% - :■ XJFBRV 14- t&KCfr, rúERT
li. vj \ ORUG&AK/ ÞAR
W -V )
NOÐVIUINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufólag Þjóðviljans.
Ritatjórar: Ámi Bergmann, össur Skarphéðinsson.
Ritatjórnarfulltrúi: Oskar Guðmundsson.
Fréttaatjóri: Valþór Hlöðversson.
Blaðamenn: Aðalbjörg Óskarsdóttir, Álfheiður Ingadóttir, Guðjón
Friðriksson, Helgi Guðmundsson, Lúðvík Geirsson, Magnús H. Gísla-
son, Mörður Arnason, Páll Valsson, Sigriður Pótursdóttir, Sævar Guð-
bjömsson, Víðir Sigurðsson (íþróttir), Þröstur Haraldsson.
Ljósmyndir: Einar Ólason, Valdís Óskarsdóttir.
Útlit og hönnun: Filip Franksson, Svava Sigursveinsdóttir.
Handrita- og prófarkalestur: Andrea Jónsdóttir, Elías Mar.
Framkvæmdastjórl: Guðrún Guðmundsdóttir.
Skrtf8tofu8tjóri: Jóhannes Harðarson.
Skrtfstofa: Guðrún Guðvarðardóttir, Magnús Loftsson.
Utbreiöslustjóri: Sigríður Pótursdóttir.
Auglýsingastjóri: Ragnheiður Óladóttir.
Auglýslngar: Ásdís Kristinsdóttir, Guðbergur Þorvaldsson, Olga
Clausen.
Afgreiðslustjóri: Ðaldur Jónasson.
Afgreiðsla: Bára Sigurðardóttir, Kristín Pótursdóttir.
Símavarsla: Jenny Borgedóttir, Sigríður Kristjánsdóttir.
Húsmæður: Bergljót Guðjónsdóttir, Ólöf Húnfjörð.
Innheimtumenn: Brynjólfur Vilhjálmsson, ólafur Björnsson.
Bflstjóri: ólöf Sigurðardóttir.
Útkeyrsla, afgreiðsla, auglýsingar, ritstjórn:
Sfðumúla 6, Reykjavík, sirni 81333.
Umbrot og setning: Prentsmiðja Þjóðviljans hf.
Prentun: Blaöaprent hf.
Verö í lausasölu: 30 kr.
Sunnudagsverð: 35 kr.
Askriftarverö ó mánuöi: 360 kr.
Afgreiðsla blaðsins er opin á laugardögum
frá kl. 9 til 12, beinn sími: 81663.
4 SÍÐA - ÞJÓÐVILJINN Laugardagur 21. september 1985