Þjóðviljinn - 08.10.1985, Page 8

MANNUF
Fjörngt
Landsþing Æskulýðsfylkingar
Alþýðubandalagsins var haldið í
Ölfusborgum helgina 27.-29.
september og sóttu þingið um 60
fulltrúar víðs vegar að af landinu.
Þar á meðal voru margir nýir
landsþing Æskulýðsfyikingarinnar
félagar og að sögn þeirra sem
þingið sóttu var það eitt hið best
undirbúna fram til þessa. Megin-
viðfangsefnið í Ölfusborgum
þessa helgi var að sjálfsögðu
stjórnmálaumræða, þótt fólk hafi
einnig gefið sér tíma til að slá á
léttari strengi, einkum eftir að
skyggja tók og hugurinn búinn að
fá nóg af utanríkismálum, Al-
þýðubandalaginu og vanda þess,
húsnæðismálum, kosningarétti
og áherslupunktum ungs fólks.
Alyktað var um utanríkismál og
birtist hluti þess hér á síðunni. En
þingið einkenndist öðru fremur
af geysilega fjörugum umræðum
um hin ýmsu málefni og m.a. þau
sem upp eru talin hér að ofan.
Þingstörfum lauk á sunnudags-
kvöldið og að sjálfsögðu var þing-
inu slitið með því að Nallinn var
sunginn af eldmóði.
-gg-
Elnar og Gerður: Ágreiningsmálum erlillt of oft stungið undir stól. Ljósm. E.ÓI.
ÆFAB
Gerður Gestsdóttir og Einar Bragason: Það er bjart framundan hjá okkur
„Það kom berlega í Ijós á
þessu þingi okkar að Æskulýðs-
fylkingin er á uppleið, það er
gífurlegur áhugi meðal ungs fólks
á því sem er að gerast innan
hennar. Enda hefur starfið verið
blómlegt að undanförnu og það
er margt á döfinni", sögðu þau
Gerður Gestsdóttir og Einar
Bragason félagar í ÆFAB í sam-
tali við Þjóðviljann nýlega, en þau
voru bæði kosin í nýtt Fram-
kvæmdaráð á landsþingi Æsku-
lýðsfylkingarinnar í Ölfusborg-
um.
Gerður er 16 ára nemi í
Menntaskólanum í Hamrahlíð,
en Einar er í eldri deildinni ef svo
má segja og starfar sem trésmið-
ur.
Utanríkismál settu mjög svip
sinn á þingið. Eigið þið einhverja
skýringu á því hvers vegna ungt
vinstri sinnað fóik hefur svona
mikinn áhuga á utanríkismálum?
„Það er mikið rétt og má segja
að utanríkismál séu númer eitt á
listanum hjá mörgum félaga okk-
ar. Það er nú margt sem veldur
því, t.d. þessi sífelldi ótti við
kjarnorkustríð stórveldanna,
bombuna. Utanríkismálin eru
líka endalaust ágreiningsefni og
taka því drjúgan tíma í umræðu.
Menn greinir á um svo margt, af-
stöðu til stórveldanna og gerða
þeirra, byltingar í öðrum heims-
hlutum o.s.frv.. Það er alltaf
hægt að deila um það sem er að
gerast úti í heimi.“
Húsnæðismál fengu sinn skerf,
hver er afstaða ungs fólks til á-
standsins í dag og hvað á að taka
við í þeim efnum?
„Húsnæðismálin brenna mjög
á ungu fólki sem eðlilegt er. Það
kom skýrt fram á þinginu að fólki
óar við þeim kjörum sem boðið
er upp á til húsnæðiskaupa. Það
þarf að lækka útborgun; það
komu fram hugmyndir um náms-
mannaíbúðir; stuðningur við
Búseta. Það fékkst engin niður-
staða úr þessum umræðum sem
slíkum, en þær voru vissulega
gagnlegar og það kom m.a. fram
krafa um það á hendur flokknum
að hann fari ekki inn í ríkisstjórn
aftur nema það verði skýr ákvæði
um það í stjórnarsáttmála að
þessir hlutir verði stokkaðir upp.
Það upphófst á þinginu heil-
mikil umræða um stöðu Alþýðu-
bandalagsins og vanda hans svo-
kallaðan. Við erum þeirrar skoð-
unar að þetta verði að ræða innan
flokksins, en sem minnst utan
hans, og þessi umræða var mjög
jákvæð. Það hefur verið allt of
mikið gert af því að stinga á-
greiningsmálum undir stól í stað
þess að ræða þau og finna leiðir til
úrbóta. En það verður líka að
koma í veg fyrir að þessi umræða
um flokkinn snúist upp í and-
stæðu sína, að hreyfingin skiptist
upp í andstæðar blokkir.“
Skólamál hlýtur að bera hátt í
stjórnmálahreyfíngu ungs fólks.
„Já, já. Þau voru eitt af því sem
bar á góma á þinginu og skóla-
málastarfið er umfangsmikið
innan Æskulýðsfylkingarinnar.
Þetta er eitt af stærri málunum og
kemur líklegast næst á eftir utan-
ríkismálum hvað áhuga snertir.
Það er unnið ötult starf að stefnu-
mörkun í þeim geira innan skóla-
málaráðs. Við vonum að það
starf muni skila sér á landsráð-
stefnunni á næsta ári.“
Hvað með verkalýðsmál?
„Æskulýðsfylkingin er sósía-
lísk hreyfing og auðvitað er reynt
að halda uppi fræðslu- og upplýs-
ingastarfi meðal félaganna. Við
höfum enga galdralausn á þeim
málum, en það er almennt álitið
að okkur sé nauðsyn að geta
mótað meginstefnu í verkalýðs-
málum. Það er alls staðar vegið
að launafólki, í húsnæðismálum,
í gegnum ákæruvaldið og með
beinum kjaraskerðingum. Það er
engin spurning um okkar afstöðu
þegar út í það er spurt.“
Það er á ykkur að heyra að þið
séuð bjartsýn.
„Við erum það. Það eru sífellt
að bætast við nýir félagar og
áhuginn er mikill. Fólkið sem
starfar í Æskulýðsfylkingunni er
kraftmikið, skilar góðu starfi og
það er bjart framundan. Þetta
sést alls staðar, nú er til dæmis á
döfinni að stofna vinstri manna
félag í Menntaskólanum í
Hamrahlíð. Þetta er allt á upp-
leið“, sögðu þau Gerður og Einar
að Iokum.
-gg-
Alþýðubandalagið
13 frá ÆFR
á landsfund
13 fulltrúar Æskulýðsfylkingar
AB í Reykjavík á landsfund voru
kjörnir á félagsfundi fyrir skömmu
og jafnmargir til vara. Þessir voru
kjörnir:
Anna Hildur Hildibrandsdótt-
ir, nemi (22), Ásdís Þórhallsdótt-
ir, nemi (22), Einar Daníel
Bragason, trésmiður (18), Gerð-
ur Gestsdóttir, nemi (16), Gísli
Þór Guðmundsson, nemi (18),
Guðbjörg Sigurðardóttir, verka-
kona (24), Guðný Tulinius, nemi
(25), Guðrún Ómarsdóttir, af-
greiðslumaður (16), Hrannar
Arnarsson, nemi (12), Kormákur
Högnason, verkamaður (13),
Orri Vésteinsson, nemi (13),
Ólafur Ástgeirsson, nemi (17),
Þóroddur Bjarnason, nemi (18).
Fimm fyrstu varamenn voru
kjörnir: Óttó Másson, nemi,
Helgi Hjörvar, nemi, Helgi
Kristjánsson, nemi, Sigríður
Arnardóttir, pemi, og Bergþóra
Aradóttir, verkakona.
Suður-Afríka
Askilnaðarstefnan fordæmd
Ríkjandi þjóðskipulag í Suður-Afríku eitt
samfellt mannréttindabrot.
ÆFAB hefur unnið mikið starf
til að minna Islendinga á hvað er
að gerast í Suður-Afríku og hvatt
til refsiaðgerða gegn stjórn hvíta
minnihlutans þar í landi og að-
skilnaðarstefnu hennar. Á lands-
þinginu var svohljóðandi ályktun
samþykkt:
„í Suður-Afríku ríkir hvítur
minnihluti í krafti auðs og her-
valds. Hann flokkar fólk í æðri og
óæðri verur eftir litarhætti, og er
ríkjandi þjóðskipulag eitt sam-
fellt mannréttindabrot.
Fólk sem er ekki af evrópskum
uppruna hefur engan sjálfstæðan
ákvörðunarrétt um eigin málefni.
Það ræður ekki hvar það býr,
hvar það vinnur, né hvaða skóla
það sækir. Fjölskyldum er sundr-
að, fyrirvinnur eru skikkaðar sem
ódýrt vinnuafl í verksmiðjur,
námur og á heimili hvítra. Fjöl-
skyldur þeirra eru skildar eftir á
hrjóstrugustu svæðum landsins,
þar sem þær hafa enga möguleika
á viðunandi lífsviðurværi.
Landsþing ÆFAB ítrekar fyrri
fordæmingar samtakanna á að-
skilnaðarstefnunni og hvetur til
viðskiptabanns á Suður-Afríku.
Þar með er fótunum kippt undan
minnihlutastjórninni í landinu.“
-gg-
8 SIÐA - ÞJÓÐVILJINN Þriðjudagur 8. október 1985