Þjóðviljinn - 06.04.1986, Blaðsíða 12

MINNING
Björn Grímsson
Fœddur 15. maí 1891 - Dáinn 26. mars 1986
Björn Grímsson var fæddur að
Möðruvöllum í Héðinsfirði og
ólst þar upp hjá foreldrum sínum,
Ástu Gísladóttur frá Hrauni í
Tungusveit og Grími Björnssyni
bónda frá Stórholti í Fljótum
ásamt eldri systkinum sínum,
Sigurlaugu Soffíu og Grími.
Björn missti móður sína þegar
hann var þrettán ára gamall og
föður sinn þegar hann var
fimmtán ára. Eftir lát foreldra
sinna fór Björn til föðursystur að
Böggvisstöðum í Svarfaðardal,
en vera hans þar varð ekki löng
því stuttu síðar lést frænka hans.
Þegar Björn Grímsson var að
alast upp í Héðinsfirði þá var þar
blómleg byggð á þeirrar tíðar
mælikvarða, en nú er þessi byggð
löngu komin í eyði.
Fyrir nokkrum árum samdi
Björn nákvæma landlýsingu
Héðinsfjarðar, þar sem skrásett
eru öll örnefni sveitarinnar og
umhverfisins. Einnig skráði hann
greinargóða lýsingu á öllum bæj-
um, sem voru í byggð í uppvexti
hans. í Héðinsfirði var gott land
undir sauðfjárbú og góð silungs-
veiði í Héðinsfjarðarvatni, sem
hefur ós til sjávar. En þetta var
einangruð byggð með erfið, veg-
laus fjöll á tvo vegu, sem aðeins
voru fær gangandi mönnum.
Önnur leiðin lá til Siglufjarðar,
en hin til Ólafsfjarðar. Héðins-
fjörður er stuttur og opinn svo að
í norðanátt brýtur úthafsaldan á
ströndinni við botn fjarðarins.
Sjóleiðin úr Héðinsfirði varð því
ekki farin langtímum saman þeg-
ar svo stóð á.
Parna ólst Björn Grímsson upp
sem drengur, þar sem erfiðleikar
frá náttúrunnar hendi urðu til
þess að móta þrautseigt fólk, sem
aldrei gafst upp, en bauð erfið-
leikunum birginn. Björn Gríms-
son var einn úr þeim hópi. Hann
þráði strax á unga aldri að fá að
ganga í skóla til þess að afla sér
menntunar. En efnin voru engin
og leiðin því erfið. En drengur-
inn, sem klifrað hafði einstigi í
hinum bröttu fjöllum Héðins-
fjarðar, hann var ekkert á því að
gefast upp. Hann gekk íþá vinnu,
sem hægt var að fá á sjó og landi
og sparaði saman aura svo
draumurinn mætti rætast. Svo
þegar Björn er tvítugur, þá held-
ur hann til Reykjavíkur og sest í
Verslunarskólann, þetta var
haustið 1911. Hann útskrifaðist
svo úr Verslunarskólanum vorið
1913. Birni þótti alla ævi vænt um
þennan skóla. Hann hafði opnað
honum víðari sýn út í lífið og þar
kynntist hann mönnum sem urðu
vinir hans og hann dáði. Meðal
þeirra voru tveir kennarar við
skólann, þeir Þorsteinn Erlings-
son og Jón Ólafsson.
Eftir skólanámið stundaði
Björn vinnu, sem til féil, en þetta
voru erfið ár og atvinnumögu-
leikar minni en nú eru á landi hér.
Þann 29. sept. 1917 kvæntist
Björn Vilborgu Soffíu Lillien-
dahl, en þau unnu þá bæði á Ak-
ureyri á vegum hins mikla at-
hafnamanns Otto Tuliniusar, en
þetta var á uppgangsárum hans.
Ungu hjónin settust svo að á Ak-
ureyri og eignuðust hús við Aðal-
stræti 17, þar sem þau bjuggu
lengst af síðan og ólu þar upp
stóran barnahóp. Þau eignuðust
átta börn, en misstu eitt. Hin sjö
eru öll á lífi og hafa haslað sér völl
á ýmsum sviðum okkar þjóðfé-
lags við góðan orðstír.
Þegar ég settist að á Akureyri
árið 1926 þá bar fundum okkar
Björns Grímssonarfljótlega sam-
an og ég kynntist þeim hjónum og
kom oft á heimili þerira. Þau
voru bæði mjög gestrisin og þang-
að var skemmtilegt að koma.
Þetta voru frekar erfið ár
atvinnulega séð, en áttu þó eftir
að versna, þegar heimskreppan
mikla gekk í garð árið 1930.
Björn Grímsson var mjög fjöl-
hæfur maður og sinnti hann á
þessum árum margvíslegum
störfum, eða öllu, sem til féll.
Hann stundaði einnig kennslu
heima hjá sér og tók að sér bók-
hald fyrir menn.
Eftir verslunarskólanámið
stundaði Björn sjálfsnám um
margra ára skeið og öðlaðist
mikla menntun á mörgum svið-
um gegnum það nám, m.a. var
hann afburða reikningsmaður. Á
þessum árum var Björn mjög
virkur í verkalýðshreyfingunni á
Akureyri og vann ýmis störf í
hennar þágu.
Hann var sósíalisti af
sannfæringu og lagði mikið á sig
fyrir þá hugsjón. A skólaárunum
í Reykjavík komst hann fyrst í
kynni við jafnaðarstefnuna. Einn
af skólabræðrunum var Guð-
mundur Jónsson ættaður ofan úr
Borgarfirði, síðar lengi bókhalds-
maður hjá Völundi. Hann hafði
ungur heillast af hugsjóninni um
bræðralag manna og kynnti fyrst-
ur manna Birni Grímssyni þessa
lífsskoðun. Á milli þessara
manna myndaðist ævarandi vin-
átta, sem aldrei bar skugga á.
Þegar Björn var á ferðalagi í
Reykjavík þá gisti hann jafnan
hjá Guðmundi.
Þegar þrengja tók að fólki á
kreppuárunum þá vann Björn
Grímsson ötullega að því að
stofnað var á Akureyri Pöntunar-
félag Verkalýðsins til að halda
niðri vöruverði. Þetta félag gerði
mikið gagn á þeim tíma, þegar
mest þurfti á því að halda. Björn
stjórnaði þessu félagi um mörg
ár. Síðar var hann fenginn til að
standa fyrir Pöntunarfélagi á
Húsavík og vann við það í 5 ár, en
þá var félaginu hætt. Þá fluttu
þau hjónin aftur til Akureyrar og
stofnaði Björn þá litla verslun
sem hann rak í viðbyggingu, sem
hann reisti við hús þeirra hjóna
að Aðalstræti 17.
Árið 1963 fluttu hjónin svo frá
Akureyri hingað til Reykjavíkur
og bjuggu fyrstu árin hjá Hörpu
dóttur sinni og manni hennar,
Ásbirni Magnússyni. Björn hafði
þó ekki alveg lagt árar í bát þó
vinnudagurinn væri orðinn
langur, því fyrst eftir að hann
flutti suður þá leysti hann af í
sumarfríum við verslunarstörf.
En árið 1970 fengu Björn og kona
hans pláss á dvalarheimili aldr-
aðra að Hrafnistu í Reykjavík og
fluttu þangað. Þar lést Soffía þ.
13. sept. 1974. Missir Björns var
mikill því hjónaband þeirra hafði
alla tíð verið elskulegt og farsælt.
Þegar ég skrifa þessi kveðjuorð
þá sé ég í huganum fyrir mér
Björn Grímsson eins og ég sá
hann fyrst þegar við hittumst
norður á Akureyri fyrir 60 árum.
Hann var þá glaður og reifur,
meðalmaður á hæð og samsvar-
aði sér vel, frekar grannholda,
frjálslegur í framgöngu, með lipr-
ar og fjaðurmagnaðar hreyfing-
ar, enda mikill íþróttamaður
framan af ævi, stundaði og
kenndi glímu, og til skamms tíma
iðkaði hann sund og reglulegar
líkamsæfingar. Björn var bjart-
sýnismaður, sem trúði á mögu-
leika lífsins og landsins, sem
hafði fóstrað hann. Það var víðs
fjarri hans hugsun að gefast upp
þegar erfiðleikar birtust á sjónar-
sviðinu. Erfiðleikar væru til að
yfirstíga þá, það var kjörorð
þeirrar kynslóðar sem Björn til-
heyrði og lagði upp í lífsgönguna
á morgni þessarar aldar. Hún var
borin til að ryðja nýja vegi og
byggja bjartari framtíð fyrir kom-
andi kynslóðir í þessu landi.
Nú hefur Björn Grímsson,
einn úr hópi brautryðjendanna
kvatt okkur samferðarmennina,
sem stöndum eftir á ströndinni og
óskum honum góðrar ferðar og
fararheillar. Það er alltaf gott að
ganga til hvíldar eftir langan
vinnudag og rísa svo upp til nýrra
starfa næsta dag. - Þannig hugsa
ég mér þessa síðustu ferð vinar
míns Björns Grímssonar. Hann
var merkur maður og drengur
góður, sem gott og lærdómsríkt
var að kynnast. Hafi hann mikla
þökk fyrir störf sín í þágu góðra
málefna. Ég þakka honum sam-
fylgdina. Jóhann J. E. Kúld
langstærsta bifreiðastöð borgarinnar
með flesta 7 farþega bíla
Fljót og góð afgreiðsla. Stæði um allan bæ.
KSRARIK
Hk. ^ RAFMAGNSVEITUR RÍKISINS
Deildarstjóri
tölvudeildar
Rafmagnsveitur ríkisins auglýsa laust til umsókn-
ar starf deildarstjóra tölvudeildar.
í starfinu felst:
- Stjórnun tölvudeildar.
- Skipulagning og áætlanagerð varðandi dag-
legan rekstur.
- Stefnumörkun í tölvuvæðingu og notkun
tölva.
- Ráðgjöf fyrir notendur.
Leitað er að manni með staðgóða þekkingu á
tölvumálum og/eða menntun átölvusviði. Starfs-
reynsla áskilin.
Upplýsingar um starfið gefur forstöðumaður
fjármálasviðs.
Umsóknir ásamt upplýsingum um menntun,
aldur og fyrri störf sendist starfsmannadeild eigi
síðar en 21. apríl nk.
Rafmagnsveitur ríkisins
Laugavegi118
105 REYKJAVÍK
pQri Húsnædísstofnun ríkrisins
Tæknideild Laugavegi 77 R Simi 28500
Uiboó
Framkvæmdanefnd um byggingu íbúða- og dval-
arheimilis aldraðra Eskifirði, óskar eftir tilboðum í
uppsteypu og gera fokhelt hús aldraðra Eskifirði.
Húsið verður 315 m2, 3177 m3.
Verkið skal unnið samkvæmt teikningum og út-
boðsgögnum nr. Æ.06.01 úr teikningasafni
tæknideildar Húsnæðisstofnunar ríkisins og skal
skila 15. nóv. 1986.
Afhending útboðsgagna er hjá bæjarskrifstofu
Eskifjarðar og hjá tæknideild Húsnæðisstofnun-
ar ríkisins frá þriðjudeginum 8. apríl n.k. gegn kr.
5.000.00 skilatryggingu.
Tilboðum skal skila á framangreinda staði eigi
síðar en þriðjudaginn 29. apríl 1986 kl. 11.00 og
verða þau opnuð að viðstöddum bjóðendum.
f.h. framkvæmdanefndar
Tæknideild Húsnæðisstofnunar ríkisins
12 SÍÐA — ÞJÓÐVILJINN