Þjóðviljinn - 30.05.1986, Blaðsíða 5
Ölfusvötnin alls staðar
Rœða Svavars Gestssonar, formannsAB, á baráttuhátíð G-
listans í Háskólabíói ífyrrakvöld
Það er skammt þangað til kjör-
staðir verða opnaðir í Reykjavík.
Þá þarf sigur G-listans að vera í
höfn þannig að tölurnar á sjón-
varpsskjánum um nóttina birti
okkur ný fyrirheit. Fyrirheit um
hvað? Hvað hefur gerst í kosn-
ingabaráttunni?
Kosninga-
baráttan
1. Okkar fólk og okkar blað
hafa afhjúpað spillingu íhaldsins.
Þeir fara með almannafé eins og
þeir eigi það sjálfir. Ölfusvötnin
eru alls staðar, Grandarnir hvar-
vetna. Sömu dagana berast fréttir
um vinnubrögð klíkubræðra Da-
víðs Oddssonar og Þorsteins
Pálssonar í hafskipunum og
hverju hneykslismálinu á fætur
öðru. Geislabaugur borgarstjór-
ans er mölbrotinn.
2. Það hefur einnig komið í ljós
í kosningabaráttunni að Alþýðu-
bandalagið er eini valkosturinn
gegn íhaldinu. Enginn hinna
flokkanna hefur neitað því að
þeir muni vinna með íhaldinu
eftir kosningar. Til þess að
tryggja vinstrasamstarf og sterkt
mótvægi við íhaldið verður Al-
þýðubandalagið því að verða
miklu, miklu sterkara en áður.
Engum öðrum er þar treystandi.
3. Og í þriðja lagi hefur það
komið glöggt í ljós hvernig íhald-
ið hefur ofmetnast af valdinu og
valdhrokinn einkennir viðbrögð
þeirra. Það birtist í DV fundinum
hér um kvöldið og víðar og víðar
- til dæmis þegar þeir neita að
birta reikninga þeirra fyrirtækja
sem borgin á aðild að.
4. Og valdahrokanum fylgir
siðblinda sem einnig hefur komið
ákaflega vel í ljós í kosningabar-
áttunni: Siðblindan náði hámarki
í orðum borgarstjórans um stór-
kostleg lífskjör allra þeirra sem
búa í Reykjavík.
Það er siðblinda að finna ekki
til þegar fréttir berast um að 16.
hver Reykvíkingur leyti á náðir
félagsmálastofnunar.
Siðblinda er það líka að gefa
fötluðum fyrirheit í kosningabar-
áttu 1982 en snúa baki við þeim
eftir kosningasigurinn.
Siðblinda er það líka að þola
laun sem eru 19700 kr. á mánuði
fyrir fulla vinnu eftir 15 ára starf.
Þannig hefur kosningabaráttan
afhjúpað valdahroka og siðleysi
gróðahyggjunnar, en um leið hef-
ur hún sýnt að vinstriflokkarnir
eiga fjölmargt sameiginlegt sem
kemur meðal annars fram í því að
hinir minnihlutaflokkarnir hafa
tekið eindregið undir flest bar-
áttumál Alþýðubandalagsins í
kosningabaráttunni.
Það bendir margt til þess að
það sé meiri hreyfing á kjósend-
um en nokkru sinni fyrr og viðjar
vanans haldi síður en áður og
þúsundir kjósenda hafi enn ekki
gert upp hug sinn. Ef vel er unnið
á því að vera unnt að tryggja sigur
G-listans.
Sigur okkar
- hvað þá?
Og hvað þá ef sigur vinnst,
hver eru þau fyrirheit sem sigur
Alþýðubandalagsins gæti fært ís-
lensku þjóðinni? - Þar með hefst
nýtt sóknarskeið félagshyggju og
mannúðarsjónarmiða í íslensk-
um stjórnmálum.
Þar með skapast möguleikar til
þess að koma ríkisstjórn aftur-
haldsflokkanna frá í næstu lotu.
Þar með skapast forsendur til
þess að henda báðum kerfis-
flokkunum út úr stjórnarráðinu
og skapa þannig á fslandi aðstæð-
ur fyrir valdi fólksins sjálfs, þar
sem lýðræðisleg sjónarmið eru
virt, þar sem krafan um jafnrétti
er efst á blaði, þar sem við hefjum
nýja sókn í atvinnulífinu, og vinn-
um okkur skref fyrir skref fram til
þess nýja íslands sem við eigum
að tryggja börnum okkar þar sem
Svavar Gestsson: Notum tímann vel.
lífskjör eru betri og jafnari en hér
er nú. Það er ísland sem er sjálf-
stætt og friðlýst land, lýðræðis,
menningar og jafnréttis, sósíal-
isma.
Þeir skjálfa
og skjálfa
Nú veltur á okkur öllum,
stuðningsmönnum G-listans. Við
höfum nú stórkostlegt tækifæri
sem við verðum að nota í þágu
málstaðar okkar. Frambjóðend-
ur okkar munu leggja sig fram, en
starf þeirra má sín lítils nema við
náum öll að standa þétt saman og
vinna vel. Alþýðubandalagið er
flokkur félagslegra sjónarmiða
og hugsjóna. Flokkur þar sem við
berum virðingu hvert fyrir öðru
og vitum að öll störf á vegum
flokksins eru jafnþýðingarmikil,
þar er enginn öðrum meiri á hinn
borgaralega mælikvarða.
Við sjáum nú alls staðar merki
þess þrátt fyrir hroka valdsins að
þeir eru hræddir, lafhræddir þeg-
ar þeir eru farnir að skrifa „frétt-
ir“ um myndröðun í fundatil-
kynningum Alþýðubandalagsins.
Þeir eru logandi hræddir. Þeir eru
farnir að skjálfa. Við skulum
vinna og vinna og látum þá
skjálfa og skjálfa þangað til must-
eri valdhrokans og siðblindunnar
hrynur til grunna.
Um leið og við heitum því að
starfa og starfa vel, þökkum við
öllum þeim sem hafa lagt hönd á
plóginn síðustu dagana, þökkum
þeim líka sem hafa staðið í fylk-
ingarbrjósti á undanförnum
árum, ég nefni Öddu Báru og
starf hennar sérstaklega, og við
heitum því að vinna heiðarlega
og drengilega og standa saman
sem einn maður.
Ekki fleiri Ölfusvötn - ekki
fleiri Granda - ekki fleiri Haf-
skip!
Félagar fram til starfa!
VIÐ VIUUM:
>4ðstoö við ný smáfyrirtæki.
jTi. Áhættulánasj óð og markaðsráðgj öf.
Borgin stuðli að sjávareldi á Sundunum og
úti í Flóa. Aukum fjölbreytni í atvinnulífinu -
styrkjum hugbúnaðar- og hátækniiðnað.
rryggja hag aldraðra Reykvíkinga.
Styttum biðlistana. Byggjum
þjönustuíbúðir fyrir 600 einstaklinga á næsta
kjörtímabili. Kaupum húsnæði strax og
stofnum sambýli fyrir þá sem eru á götunni.
Stóraukin heimilisaðstoð.
Durt með lágu taxtana. 30 þúsund krónur
U á mánuði fyrir dagvinnu í Reykj avík.
T 7'verfastiórnir. Valddreifingu í borginni.
ii Opnumborgarkerfiðogafnemum
einræði eins flokks. Embættismenn verði
ráðnir til fjögurra ára í senn og þjóni
borgarbúum - ekki Flokknum!
• •
Oflugt aðhald. Ekki fleiri Ölfusvötn-
ekki fleiri Granda-ekki fleiri Hafskip.
Zýðræðislega stjórn á fyrirtækjum
J borgarinnar. Borgin á 77,5% í Granda
hf., en borgarbúar og j afnvel borgarfulltrúar
hafa engan aðgang að aðalfundi, rekstri eða
reikningumfyrirtækisins. Opnum
Granda! Veitum öllum flokkum
og starfsmönnum aðildað
stjórninni.
*P
ALÞÝDU Ul
BANDAIAGIfl