Þjóðviljinn - 30.05.1986, Blaðsíða 8

MANNLIF
Stokkseyri
Stærðir
geta
verið
afstæðar
Spjallaö viö Guðmund
Sigvaldason sveitarstjóra á
Stokkseyri um atvinnumál og
mannlíf
Guðmundur Sigvaldason: Hér er gott að búa.
Guðmundur Sigvaldason hef-
ur verið sveitarstjóri Stokks-
eyrarhrepps í rúm þrjú ár.
Hann sagði í stuttu spjalli við
Þjóðviljann að sér væri engin
launung á því að greinilega
hef ði orðið vart við erf iðleika
fiskvinnslunnar inn í sveitar-
sjóð, og það væri vandamál
sem ekki væri bundið við
þennan eina stað. Hraðfrysti-
hús Stokkseyrar væri stærsti
atvinnurekandi og um leið
stærsti greiðandi opinberra
gjalda þar, og þegar erfiðlega
gengi hefði það óneitanlega
áhrif á f ramkvæmdagetu
hreppsins, sem hefði verið illa
undir það búinn að mæta þeim
samdrætti í tekjum sem erfið-
leikaraf þessu tagi hefðu íför
með sér.
- Eftir tveggja ára hlé í fram-
kvæmdum var farið út í að leggja
hér 300 metra af bundnu slitlagi á
götu í fyrra, það kostaði rúmar
tvær milljónir fyrir utan þátt raf-
veitunnar, og mundi víst ýmsum
ekki þykja það há upphæð. En
það finnst okkur, og ég nefni
þetta sem dæmi um hvað svona
stærðir geta verið afstæðar eftir
fjárhagsgetu sveitarfélaga. í ár
erum við að byrja á nýrri gatna-
gerð til að geta gert nokkrar lóðir
byggingarhæfar. Það er nú svo,
að þótt ekki sé mikið byggt, þá
hefur það verið ríkt í mönnum að
liggja ekki með tilbúnar lóðir,
þannig að við erum eiginlega í
kapphlaupi við þá fáu húsbyggj-
endur sem ætla sér þó að byggja.
Almennt má segja að skil
gjaldenda við sveitarsjóð séu
góð, og ekkert undan því að
kvarta, fyrir utan þá erfiðleika
sem ég minntist á áður.
- Nú var byrjað að byggja hér
sundlaug en framkvæmdir stöðv-
uðust fyrir þremur árum. Er á-
framhald nokkuð í sjónmáli?
- Það var farið út í þær fram-
kvæmdir á tímum mikillar
bjartsýni, en síðan hafa komið
upp ýmsar spurningar bæði í sam-
bandi við bygginguna sjálfa og
rekstur laugarinnar. Þar spilar
m.a. inníþað háa verðsemhérer
greitt fyrir hitaveituvatn, þannig
að málið er enn í biðstöðu.
- Það er auðvitað ekki hægt að
gera allt í einu, hvað er það sem
hefur forgang hjá ykkur?
- Gatnagerð hefur verið for-
gangsverkefni hjá okkur, en það
eru stór verkefni sem bíða, eins
og t.d. bygging nýs leikskóla. Það
er svolítið gaman að því hvað við-
horf til hans hafa breyst, því þeg-
ar meirihlutinn ákvað að setja
hann á stofn voru ýmsir mjög á
móti, en nú má almennt segja að
menn séu honum hlynntir og vilji
helst hlúa að honum. Annað stórt
verkefni er tengt þeim lausnum
sem hreppsnefnd hefur ákveðið
að athuga í sambandi við vatns-
veitumál, að sækja neysluvatn
vestur í Olfus. Ég tel þó að ekki
séu öll kurl komin til grafar í sam-
bandi við þá brunna sem við not-
um, þannig að þau mál verði að
skoða samhliða. Það er hins veg-
ar Ijóst að það skiptir mjög miklu
máli að hægt sé að tryggja hér
nógu mikið og nægilega gott
neysluvatn.
- Að lokum Guðmundur,
hvernig hefurðu kunnað við þig
hér?
- Ég hef kunnað mjög vel við
mig. Sveitarstjórnarmál voru
mér sæmilega vel kunnug áður en
ég kom hingað, vegna minna fyrri
starfa fyrir sveitarfélög á Norður-
landi, en ég vissi samt ekki hvern-
ig þetta starf fer fram í smáat-
riðum, frá stund til stundar. Þetta
hefur verið mér ákaflega góð og
mikil reynsla sem ég er ánægður
með að hafa hlotið.
Mér finnst mannlíf hér vera
gott og gott að eiga hér heima. Ég
er upprunninn í sveit, - kem
norðan úr Kelduhverfi, - og það
má segja að svona lítið samfélag
henti manni ágætlega. Mér finnst
samt ekkert verra að hafa annað
stærra á næstu grösum, þar sem
er Selfoss, og svo er Reykjavík
líka innan mátulegrar seilingar.
Sauöárkrókur
Himinhrópandi ranglæti
Jón Hjartarson skólameistari: Skólakostnaöarlöggjöfin felur í sér ójöfnuð
Fjármagnsskipting milli
framhaldsskólanna er himin-
hrópandi ranglæti, segir Jón F.
Hjartarson skólameistari Fjöl-
brautaskólans á Sauðárkróki.
Fjölbrautaskólinn á Sauðár-
króki hefur byggst hratt upp, en
þó er miklu enn ólokið. Skólinn
þjónar um það bil 11.000 manna
byggð Norðurlands vestra. Ellefu
sveitarfélög á svæðinu standa að
rekstri skólans á móti ríkinu, en
þar eru með taldir þéttbýlisstað-
irnir frá Hvammstanga til Siglu-
fjarðar. Fréttaritari Þjóðviljans
tók Jón Hjartarson tali. Jón sagði
Verknámshús skólans nú upp-
byggt og í fullri notkun, heima-
vist skólans er langt komin og
verður annar áfangi þeirrar bygg-
ingar að öllum vonum tilbúinn
undir tréverk sumarið 1987. Þá
ber þess að geta að íþróttahús
skólans er komið í notkun og fyrir
Iiggja teikningar af bóknámshúsi.
- Hver er staða Fjölbraut-
skólans og hver er væntanleg þró-
un mála?
„Á síðasta áratug komu fjöl-
brautaskólar fram á sjónarsviðið
og nú er að nást sögulegur áfangi í
þróun þeirra, þ.e.a.s. samræmt
skipulag með nýrri námsskrá
fyrir alla framhaldsskóla. Hingað
til hefur mátt líta á Fjölbrauta-
skóla sem tilraunaskóla. í ljósi
fenginnar reynslu er nú verið að
sníða af vankantana sem sumir
voru fyrirsjáanlegir, en aðrir ekki
eins og gengur. Hin jákvæða
reynsla sem fengist hefur af starfi
fjölbrautaskólanna, gefur vís-
bendingu um að þessi skólagerð
hafi fest sig í sessi. Fram að þessu
hefur mikill hluti af vinnu skóla-
stjórnenda farið í vinnu við náms-
skrárgerð og framkvæmdir við
uppbyggingu. Skólagerð þessi er
nú á tímamótum og nú liggur fyrir
að vinna að innra skipulagi skól-
anna svo að þeir skili betur hlut-
verki sínu sem uppeldisstofnanir,
sem þeir eru raunar öðrum
þræði.“
- Hver er sérstaða Fjölbrauta-
skólans á Sauðárkróki?
„Skólinn var í upphafi lagður á
herðar lítils sveitarfélags sem
Sauðárkrókur er, en skólanum
ætlað að þjóna mun fleiri aðilum.
Löggjöf um fjölbrautaskóla í
dreifbýli er alls ekki til. Sú lög-
gjöf sem fyrirfinnst miðast ein-
göngu við Reykjavík. Einnig er
það himinhrópandi ranglæti og sá
ójöfnuður, sem núverandi skóla-
kostnaðarlöggjöf felur í sér, ó-
þolandi, og krefst skjótra endur-
bóta. Núverandi menntamála-
ráðherra hefur gefið út yfirlýsing-
ar þess efnis að mál þessi verði
tekin upp á þingi komanda.
Ragnar Arnalds hefur lagt fram
frumvarp til Iaga um skólakostn-
að framhaldsskóla, sem er til um-
fjöllunar í menntamálanefnd al-
þingis. Það er fagnaðarefni að
umræða um þetta mál skuli nú
vera vakin á þingi.“
- Hvað er næst á döfinni varð-
andi námsval skólans?
„Nýverið hefur heilbrigðis-
ráðuneytið veitt skólanum leyfi
til að útskrifa sjúkraliða að upp-
fylltum vissum skilyrðum. Sam-
starf hefur komist á milli Sjúkra-
húss Skagfirðinga, Sjúkrahúss
Keflavíkur og fjölbrautaskól-
anna á þessum stöðum um að
standa að skipulagningu á verk-
legum þáttum sjúkraliðanáms.
Væntum við þess að geta boðið
upp á þetta nám við báða skólana
frá næsta hausti að telja. Nú er
hundraðasti stúdentinn að út-
skrifast frá Fjölbrautaskólanum á
Sauðárkróki. Frá Hólaskóla út-
skrifuðust síðustu stúdentarnir
árið 1802, og hefur því orðið um
180 ára langur sólmyrkvi í
menntunarsögu héraðsins.
Langur vegur er framundan ef
byggja á upp sambærilega
menntastofnun og Hólaskóli var
á sínum tíma. Það er því ekki
seinna vænna að bóknámshús
skólans rísi hið snarasta. Um það
vitnar brennandi þörf.“ -Ing.
Jón F. Hjartarson skólameistari Fjölbrautaskólans. Fagnaðarefni að nú skuli
vera vakin umræða á alþingi um þetta mál. Mynd -Ing.
8 SÍÐA - ÞJÓÐVILJINN; Föstudagur 30. maí 1986