Þjóðviljinn - 30.05.1986, Blaðsíða 20

Aðalsími: 681333. Kvöldsími: 681348. Helgarsfmi: 681663.
Föstudagur 29. maí 1986 119. tölublað 51. örgangur
Dagvistarmál
Fóstrum hjá borginni fækkar
Á milliáranna 1984-85fœkkaðifóstrum um2, ófaglœrðustarfsfólkifjölgaði um29.
Frá 1982 hefur stöðugildumfóstra sem ekki hefur tekist að manna fjölgað úr 40 í 60.
Kristín Á. Ólafsdóttir: Þróunin sýnir afleiðingar láglaunastefnunnar
Fóstrum á dagvistarheimilum
borgarinnar fækkaði um 2 á
milli áranna 1984-1985 þrátt fyrir
það að 3 ný dagvistarheimili hafí
verið tckin í notkun. Á sama tíma
fjölgaði ófaglærðu starfsfólki sem
vinnur með börnunum um 29.
Samkvæmt upplýsingum frá
Dagvistun barna var fjöldi fóstra
í starfi hjá dagvistarheimilum
borgarinnar árið 1984 160 en árið
1985 voru þær orðnar 158. Á milli
þessara sömu ára fjölgaði ófag-
lærðu starfsfólki sem starfar með
börnum á dagvistarheimilunum
úr 246 í 275. Fjölgun rýma á dag-
vistarheimilum borgarinnar var á
þessum tíma 248. Frá árinu 1982
hefur stöðugildum fóstra sem
ekki hefur tekist að manna fjölg-
að um 20, eða úr 40 í 60.
„Þessi þróun sýnir ljóslifandi
afleiðingar láglaunastefnunnar,"
sagði Kristín A Ólafsdóttir vara-
formaður Alþýðubandalagsins.
„Uppeldistörfin eru herfilega
vanmetin en flóttinn úr fóstru-
stéttinni og kennarastéttinni er
staðfesting á því. M.a. þess vegna
hefur Alþýðubandalagið sett upp
kröfuna um 30 þúsund króna lág-
markslaun.
Aðgerðir til úrbóta í dagvist-
armálum almennt eru mjög að-
kallandi en það er mál manna
sem til þekkja og brennur á að
ástandið hafi ekki verið jafn
slæmt í áraraðir,“ sagði Kristín
ennfremur. „Stefna Sjálfstæðis-
flokksins sem felst í því að leggja
alla áherslu á uppbyggingu leik-
skóla en ekki dagheimili er liður í
því, en það hefur sýnt sig að þörf-
in fyrir dagheimili er lang mest,“
sagði Kristín Á. Ólafsdóttir að
lokum.
-K.ÓI.
Mannréttindabrot
Fá ekki
að kjósa
AhöfnJóns
Kjartanssonar S U lllfrá
Eskifirði haldið útá sjó
og húnfœr ekki að kjósa
þarsem íhaldið á þarfá
atkvæði.
Framsóknarmenn og íhaldið á
Eskifirði er nú að fremja
fullkomið mannréttindabrot á
áhöfn Jóns Kjartanssonar SU III,
sem er í eigu Alla ríka, með því að
halda skipinu á veiðum þar til
daginn eftir kosningar, en skipið
fór á veiðar 4 klukkustundum
áður en utankjörstaðakosning
hófst. Jón Kjartansson er á rækju
og vinnur aflann um borð. Einu
sinni síðan skipið fór á veiðar hef-
ur það komið til hafnar, en það
var til Bolungarvíkur kl. 4 um
nótt en fór út rétt áður en mögu-
legt var fyrir áhöfnina að kjósa
utan kjörstaða.
Pjóðviljinn ræddi í gær við
Hrafnkel A. Jónsson formann
Verkalýðsfélagsins á Eskifirði.
Hann benti á að útgerðarstjóri
skipsins, Emil Thorarensen væri
kosningastjóri Framsóknar-
flokksins og skipstjórinn Þor-
steinn Kristján væri í 8. sæti á lista
Sjálfstæðisflokksins, en væri nú-
verandi bæjarfulltrúi þess flokks.
Er hann þá búinn að kjósa?
„Nei, en þar sem hann er eina
íhaldsatkvæðið um borð er það
eins og að fórna peði fyrir drottn-
ingu að halda skipinu úti fram yfir
kosningar."
Útgerðaraðilar skipsins bera
því við að enginn af áhöfninni
hafi farið fram á það að fara í land
og kjósa. Þeir sem gerst þekkja til
fullyrða að hver sá sem krefðist
þess yrði rekinn á stundinni og
menn vilja ógjarnan missa pláss á
þessu fræga loðnuveiðiskipi.
-S.dór
Verkamannabústaðir
Sterkur
G-Iisti
Skoðanakönnun sem gerð var
meðal 53 starfsmanna Verka-
mannabústaðanna í Ártúnsholti í
gær sýndi, að G-listinn naut næst-
mests fylgis, eða 18 manna, en
Sjálfstæðisflokkurinn 20. A-
listinn fékk 7 atkvæði, B-listinn 3
og Kvennalistinn og Flokkur
mannsins eitt hvor. Þrír skiluðu
auðu.
Fjármálastjórn
Hagræðing borgarstjóra dýr
Kostnaður mun meiri við skrifstofuhald borgarstjórnar eftir hagrœðingartilfœrslur
borgarstjóra en áður var. Aukinn kostnaður við skiptingu frœðsluskrifstofa ítvœr
Avegum borgarstjóra hafa far-
ið tvö „sérstök hagræðingar:
verkefni“ fram í Reykjavík. í
öðru tilfellinu var mönnum
skákað til á skrifstofum borgar-
stjórnar að sagt var I sparnaðar-
skyni. Nú er komið á daginn að
kostnaður við þcssar tilfærslur
eykst um 15,4 miljónir króna.
Framreiknaður kostnaður frá
1982 færður til núvirðis væri 94,5
miljónir miðað við fyrir tilfærsl-
urnar, en áætlaður kostnaður
fyrir árið 1986, það er eftir hag-
ræðinguna er 109,9 miljónir.
Annað dæmi sama eðlis er að
fræðsluskrifstofu Reykjavíkur
var skipt upp í tvær skrifstofur,
fræðsluskrifstofu og skólaskrif-
stofu en það var gert þegar ráð-
herra skipaði annan fræðslu-
stjóra í Reykjavík en íhaldið
vildi. Kostnaður við skólaskrif-
stofuna árið 1986 er áætlaður
11,7 miljónir en kostnaður við
fræðsluskrifstofuna eina fyrir
uppskiptinguna hefði verið,
framreiknaður frá 1982, 7,6 milj-
ónir. Munurinn nemur hér 4,1
miljón.
Ættleiðingar
frá Sri Lanka
Nýrra
leiða
leitað
Ifréttatilkynningu frá dóms- og
kirkjumálaráðuneytinu segir
að á grundvelli upplýsinga um
milligöngumann um ættleiðingar
á Sri Lanka sjái ráðuneytið sér
ekki fært að heimila frekari ætt-
leiðingar fyrir milligöngu þessa
aðila. Jafnframt segir í fréttatil-
kynningunni að einungis sé um að
ræða stöðvun mála frá þessum
ákveðna milligöngumanni og að
önnur ættleiðingarmál hljóti
venjulega afgreiðslu.
Ráðuneytið vinnur nú að því
áamt félagi íslenskrar ættleiðing-
ar að finna nýjar leiðir til lausnar
á vanda þeirra sem óska eftir ætt-
leiðingu.
Listahátíð
Stranglers
kemur ekki
Rokkhljómsvcitin Stranglers
er hætt við að koma á tónleika
Listahátíðar 16. og 17. júní.
Framkvæmdastjórn Listahá-
tíðar hafði gengið frá öllum
samningum við hljómsveitina en
þá er sumum í hug þegar horfið er
auga og hefur sveitin rift samn-
ingunum án frekari formála.
Framkvæmdastjórn hátíðar-
innar reynir nú að fá aðra hljóm-
sveit til að hlaupa í skarðið.
-m
Sápan frá Lýsi h.f. litar sjóinn við Grandaveg, en þetta er hættulaust að sögn Ágústs.
Grandavegur
Lífræn sápa í sjóinn
Agúst Einarsson hjá Lýsi h.f.: Lífræn sápa sem verður til við lifrarbræðslu.
Algjörlega skaðlaus
Þetta er lífræn sápa sem mynd-
ast við lifrarbræðsluna, al-
gjörlega skaðlaus, sagði Ágúst
Einarsson framkvæmdastjóri
Lýsis h.f. þegar Þjóðviljinn
spurði hann hvaða efni það væru
sem fá að renna til sjávar frá
fyrirtækinu við Grandaveg, en
það hefur vakið athygli margra
hvernig sjórinn er þar útlítandi.
„Þetta er gersamlega skað-
laust, en það er annað sem er ör-
ugglega ekki til bóta og það eru
skolpúthlaupin hér fyrir framan.
Það eru hér ein 4 úthlaup sem
standa uppúr á fjöru,“ sagði Ág-
úst.
Menn hafa verið að velta því
fyrir sér hvort þarna væri um grút
að ræða, en Ágúst sagði það af og
frá. -gg