Þjóðviljinn - 17.09.1986, Síða 1

1936-1986 ÞJÓÐVILJINN 50 ÁRA
MENNING
ÍÞRÓTTIR
HEIMURINN
Tollverðir
Verkfallsrétturinn seldur?
Sveinbjörn Guðmundsson, formaður Tollvarðafélagsins: Vil ekkert segja. Kristján Thorlacius: Furðulegt af ríkis-
valdinu að semja við tollverði um afsal verkfallsréttarins þegar viðrœður um samningséttarmálin eru að hefjast
Stjórn Tollvarðafélags íslands
gekk frá samningsdrögum við
fuUtrúa fjármálaráðuneytisins
síðdegis í gær. í þeim samnings-
drögum felst m.a. það að
toUverðir afsala sér verkfallsrétti
gegn þvf að fá verulegar kjara-
bætur, samkvæmt heimUdum
Þjóðviljans.
Sveinbjöm Guðmundsson,
formaður Tollvarðafélagsins
vildi ekkert segja um þessi samn-
ingsdrög við blaðamann Þjóðvilj-
ans í gær og sagði að þau yrðu
kynnt fyrir félagsmönnum á
föstudag eða laugardag og fyrr
fengju fjölmiðlar ekkert að vita.
Allsherjaratkvæðagreiðsla fer
fram eftir helgi.
„Tollverðir hafa verið eitt
sterkasta vopn BSRB í verkfalls-
baráttu samtakanna,“ sagði
Kristján Thorlacius, formaður
BSRB í gær. Aðgerðir tollvarða í
verkföllum BSRB hafa lamað
skipakomur og getað haft áhrif á
flugsamgöngur og því ákaflega
mikilvægur þáttur í verkfallsað-
gerðum.
Kristján sagði það furðulegt af
ríkisvaldinu að ganga til samn-
inga við einstök aðildafélög
BSRB um afsal verkfallsréttar
fyrir tímabundnar launahækkan-
ir á sama tíma og það ætti í við-
ræðum við BSRB, launamálaráð
BHMR og Bandalag kennarafé-
laga um samningsréttarmál opin-
berra starfsmanna.
„Ég vil vara samtök launafólks
við að láta ríkisvaldið komast upp
með að höggva svona í einstök
félög og láta það semja við þau
upp á að þau afsali sér verkfalls-
réttinum," sagði Kristján-Sáf/vd
Útvarpsmálið
Undarieg
áftýjun
, J>etta er mjög undarlegt“sagði
Ogmundur Jónasson fréttamað-
ur sjónvarpsins eftir að Ríkis-
saksóknari kynnti útvarps-
mönnum áfrýjun útvarpsmálsins
til Hæstaréttar í gær en eins og
kunnugt er voru viðkomandi
starfsmenn útvarps og sjónvarps
sýknaðir í málinu fyrir tveimur
vikum.
„Sýknudómurinn sem kveðinn
var, var mjög afdráttarlaus og svo
rækilega rökstuddur að allar for-
sendur ákærunnar eru brostnar.
Ákæran er byggð á gömlum
lögum sem eiga að fyrirbyggja
hryðjuverk og skemmdastarf-
semi. í verkfallinu var haldið
uppi fullri öryggisþjónustu og
það má geta þess að einn hinna
ákærðu sat m.a.s. öryggisvakt og
útvarpaði nauðsynlegum tilkynn-
ingum og veðurfréttum á til-
skildum tímum.“
Ögmundur sagði að það væri
gersamlega út í hött að beita þess-
um lögum gegn ábyrgri lýðræðis-
legri réttindabaráttu nema nátt-
úrlega menn vildu kveða alla
slíka baráttu niður. „Sem betur
fer eru þeir fáir hér á landi sem
það vilja þótt þeir kunni að vera
áhrifamiklir.“ -GH
Ekki átti ég von á því að menntagyðjan heilsaði mér svona kuldalega, er hann sennilega að hugsa þessi busi úr Fjölbrautaskólanum við Ármúla,
sem lenti í busavígslu í staðinn fyrir málfræði þegar hann kom í skólann í gærmorgun. Mynd E. Öl.
Góðœrið
Nauðungarsölum
fjölgar vemlega
Jónas Gústafsson borgarfógeti: Ekki hliðstæðar tölur í fjölda ára
Nauðungarsölum hér í Reykja-
vík hefur fjölgað verulega.
Það verður að leita mörg ár aftur
í tfmann til þess að finna hlið-
stæður, jafnvel áratugi, sagði
Jónas Gústafsson borgarfógeti í
samtali við Þjóðviljann í gær.
Nauðungarsölur á vegum em-
bættisins eru þegar á fyrstuátta
mánuðum þessa árs orðnar tals-
vert fleiri en þær voru allt árið í
fyrra og höfðu þær þó ekki verið
fleiri um langt árabil. Þegar hafa
farið fram 34 söiur á árinu, en 28
húseignir seldust á þennan hátt í
Reykjavík í fyrra.
Jón Eysteinsson bæjarfógeti í
Keflavík sagði í gær að 22
nauðungarsölur hafi farið fram
þar það sem af er árinu. í fyrra
voru nauðungarsölur á Suður-
nesjum alls 33. Jón sagði flestar
þessara sala hafa farið fram í vor,
en síðan hefði lítil hreyfing verið í
þessum efnum. „Maður er nú að
vona að þetta minnki eitthvað, en
þetta stefnir í svipaða tölu og í
fyrra,“ sagði Jón.
Þær upplýsingar fengust hjá
Elíasi I. Elíassyni bæjarfógeta á
Akureyri að þar hafa 13 húseignir
verið seldar nauðungarsölu það
sem af er árinu. Slíkar sölur voru
14 á Akureyri árið 1984 og 16 í
fyrra og taldi Elías að talan yrði
eitthvað hærri í ár.
„Það hefur orðið talsverð
fjölgun hjá embættinu hér, það er
alveg augljóst. Nú þegar hafa far-
ið fram 8 sölur á þessu ári, en þær
voru alls 9 á árinu 1985,“ sagði
Pétur Kr. Hafstein bæjarfógeti á
ísafirði þegar Þjóðviljinn leitaði
upplýsinga hjá honum í gær.
Að sögn Péturs voru nauðung-
arsölurnar 3 árið 1983, en í mörg
ár þar áður hafði ekki farið fram
ein sala. Árið 1984 seldust 5 hús-
eignir nauðungarsölu hjá em -
bættinu á ísafirði.
-gg
Kvennaathvarfið
Davíð sýnir hug sinn
Borgarráðsmenn Sjálfstœðisflokksins skera
aukafjárveitingu niður í 160 þúsund.
Félagsmálaráð samþykkti 500 þúsund
Borgarráðsmenn Sjálfstæðis-
flokksins synjuðu í gær beiðni
Samtaka um kvennaathvarf um
500 þúsund króna aukafjár-
veitingu til reksturs Kvennaat-
hvarfsins, en ákváðu þess í stað
samkvæmt tillögu Davíðs Odds-
sonar að veita 160 þúsund krón-
um til starfseminnar. Beiðni sam-
takanna hafði áður verið sam-
þykkt einróma í féiagsmálaráði
og auk þess höfðu embættismenn
borgarinnar, Bjöm Friðfinnsson
og Gunnar Sandholt iagt blessun
sína yfir beiðnina.
„Ég harma þann skilningsskort
á málefnum athvarfsins sem felst
í þessari ákvörðun,“ sagði Ingi-
björg Sólrún Gísladóttir borgar-
fulltrúi Kvennalista þegar Þjóð-
viljinn leitaði álits hennar á þess-
ari ákvörðun í gær.
Sigurjón Pétursson Alþýðu-
bandalagi lagði til á fundi borg-
arráðs að Kvennaathvarfið fengi
hálfa miljón. Bjarni P. Magnús-
son studdi þá tillögu Sigurjóns,
en hún var felld og síðan sam-
þykktu fulltrúar Sjálfstæðis-
flokksins tillögu Davíðs Odds-
sonar borgarstjóra um 160 þús-
und króna fjárveitingu.
Sigurjón Pétursson sagði í gær
að þarna væri um að ræða fjár-
þörf fyrir heimili sem gegndi
mikilvægu starfi. „Þessi ákvörð-
un er tekin þrátt fyrir einróma
stuðning félagsmálaráðs og ber
aðeins vott um þekkingarskort
eða lítilsvirðingu þessara borgar-
fulltrúa á starfsemi Kvennaat-
hvarfsins,“ sagði Sigurjón.
Ekki tókst að ná tali af Davíð
Oddssyni vegna þessa máls í gær.
-Sg