Þjóðviljinn - 17.09.1986, Blaðsíða 16

DJÓÐVIUINN
1936-1986 ÞJOÐVIUINN 50ARA
Miðvikudagur 17. september 1986 2lb. tölublað 51. árgarigur
Hrossakaup
Gífurleg aukning
Útflutningur á hestum hefur aukist um 100% síðan í fyrra.
tflutningur á íslenskum hest-
um hefur aukist um 100% síð-
an í fyrra og á sama tíma hefur
verð á reiðhestum þrefaldast að
sögn Sigurðar Ragnarssonar
sölufulltrúa búvörudeildar Sam-
bandsins.
Nú þegar hafa um 340 hross
verið seld til útflutnings og áætlað
er að annar eins fjöldi fari í skip í
byrjun næsta mánaðar. Meðal-
verð fyrir reiðhesta er nú um
50.000-60.000 og grunnverð á
sláturhrossum er 13.000 krónur.
Markaðslöndin eru aðallega
Norðurlönd og Evrópulönd en að
sögn Sigurðar er áhugi í Evrópu
vaxandi og lönd sem ekki hafa
keypt íslenska hesta um nokkurt
skeið farin að sýna áhuga 'aftur.
Ekki er loku fyrir skotið að
Bandaríkjamenn fari að auka
kaup sín einnig þar sem flutnings-
kostnaður er nú minni en áður og
auk þess hyggst íslandssport efna
til mikillar hestasýningar og
keppni í Madison Square Garden
í New York í nóvember.
„Við erum að semja við dansk-
an aðila um flutninga til Evrópu
og vestur um haf flugleiðis,"
sagði Sigurður í samtali við blað-
ið í gær. „Flutningar eru ekki
lengur það vandamál sem áður
var, og kostnaður við útflutning
mun minni.“ _vd.
Kartöflur
Von á
verðlækkun
Horfur eru á
offramleiðslu
„Það mun verða einhver of-
framleiðsla á kartöflum þannig
að neytendur mega eiga von á
frekari verðlækkunum í haust,“
sagði Gestur Einarsson fram-
kvæmdastjóri Ágætis þegar hann
var inntur eftir horfum í kartöflu-
sölu.
Að sögn Gests er kartöfluupp-
skera víðast hvar jafngóð og
jafnvel betri en á síðasta ári, sem
var metár hjá kartöflubændum.
„Útlitið er mjög gott í Þykkvabæ,
í Eyjafirði og í Hornafirði er upp-
skeran enn betri en í fyrra,“ sagði
Gestur. „Uppskera einstaklinga í
Reykjavík mun líka vera mjög
góð og það setur strik í reikning-
inn fyrir þá sem iifa á kartöflubú-
skap. Maður vonar bara að þetta
seljist.“
Eitt kíló af gullauga og rauðum
íslenskum kartöflum kostar nú 46
krónur út úr búð í Reykjavík.
-vd.
Nokkur jarðepli á dag koma
heilsunni í lag. Gestur Einarsson
framkvæmdastjóri Ágætis heldur
hér á dagsskammti sínum af kart-
öflum. Sá skammtur verður að
aukast mjög ef selja á alla kart-
öfluuppskeru haustsins. Mynd
E.OI.
Ferðamenn
Erlendum
ferðamönnum
fjölgaði um 11
þúsund áfyrstu átta
mánuðum ársins
Mun fleiri erlendir ferðamenn
komu til landsins fyrstu átta mán-
uði þessa árs en á sama tíma í
fyrra. í ágústmánuði komu 18660
útlendingar til landsins, en í ágúst
í fyrra voru þeir 16569.
í frétt frá útlendingaeftirlitinu
kemur fram að fyrstu átta mánuði
ársins í fyrra komu alls 139797
einstakiingar til íslands með
skipum og flugvélum. Þar af voru
75581 útlendingar.
Á fyrstu átta mánuðum þessa
árs komu hins vegar 157621 til
landsins og þar af voru 86593 út-
lendingar. Erlendum gestum hef-
ur því fjölgað um 11 þúsund mið-
að við sama tíma í fyrra.
Fjárlagahallinn
Kostar miljarð
Váxtakostnaður hátt í 200 miljónir. Heildarkostnaður 1985-87
Að öllum líkindum mun ríkis-
sjóður þurfa að borga hátt í
einn miljarð króna i vexti og ann-
an fjármagnskostnað vegna hins
mikla hallareksturs á ríkissjóði í
ár, á liðnu ári og á næsta ári.
Hallinn á ríkissjóði í ár verður að
öllum líkindum um 2.2 mijjarðar
króna og það mun kosta lands-
menn á milli 150-200 miljónir í
hreinan vaxta- og fjármagns-
kostnað.
„Þessi hallarekstur á ríkissjóði
er að verða einn vítahringur. í ár
þurfum við að borga hátt í 200
miljónir í vexti vegna fjárlaga-
hallans og með útkomunni fyrir
hátt í miljarður
1985 er vaxtareikningurinn orð-
inn um 500 miljónir. Ofan á þá
fjárhæð koma síðan vaxtavextir
líklega í kringum 40 miljónir.
Þannig er þetta orðinn einn víta-
hringur,“ sagði Geir Gunnarsson
alþm, í samtali við Þjóðviljann í
gær.
Magnús Pétursson hagsýslu-
stjóri sagði í gær að verið væri að
ieggja lokahönd á frágang fjár-
lagafrumvarpsins fyrir næsta ár í
fjárlaga- oghagsýsiustofnun. Að-
spurður um vaxtakostnað af fjár-
lagahallanum í ár taldi hann ekki
ólíklegt að hann yrði um 150 milj-
ónir króna. Talið er að hallinn á
fjárlögum á næsta ári verði um
1.5 miljarður samkvæmt stefnu
stjórnvalda og miðað við 6.5%
raunvexti á ríkisskuldabréfum
mun vaxtareikningurinn fyrir
þann halla verða á annað hundr-
að miljónir.
„Það er rétt að menn átti sig á
því í öllu þessu góðæristali
stjórnvalda að eftir útkomu ríkis-
sjóðs í fyrra, í ár og það sem boð-
að er á næsta ári, þá verður ríkis-
stjórnin búin að reka ríkissjóð
með 7 miljarða króna halla og
vaxtakostnaður og annar fjár-
magnskostnaður vegna þessarar
fjármálastjórnar verður þá lík-
lega í kringum einn miljarð,“
sagði Geir Gunnarsson.
Grœnhöfðaeyjar
Steingrímur
á ferðalagi
Steingrímur Hermannsson for-
sætisráðherra hélt í gær ásamt
föruneyti í opinbera heimsókn til
Cabo Verde (Grænhöfðaeyja) og
stendur heimsóknin fram á laug-
ardag.
Um skeið hefur stærsti hluti af
þróunaraðstoð frá íslandi runnið
til verkefna á Grænhöfðaeyjum
og munu forsætisráðherrar þjóð-
anna ræða framhald þeirra verk-
efna í heimsókninni.
Æskulýðsmál
Þrengt að
Erlendi
Æskulýðssambandið
hugleiðirað höfða
málgegn
œskulýðsfulltrúa
ríkisins. Tóksér
þóknun í leyfisleysi
ásamt tveimur öðrum
vegna undirbúnings
Norðurlandaþings
Það er rétt að sá möguleiki hef-
ur verið ræddur í Æskulýðssam-
bandinu að höfða mál gegn Er-
lendi Kristjánssyni og Hjörleifl
Hringssyni vegna þessar fjár, en
það hefur engin ákvörðun verið
tekin um það. Ég tel ekki ólfldegt
að við munum fara fram á fjár-
hagsstuðning frá æskulýðsráði til
þess að greiða danska æskulýðs-
sambandinu þessar 87 þúsund
krónur, sagði Ólafur Ólafsson
stjórnarmaður í Æskulýðssam-
bandi íslands í samtali við Þjóð-
viljann í gær.
Deilur vegna þessara 87 þús-
unda króna má rekja allt til
Norðurlandaþings æskunnar sem
haldið var hér á landi í upphafi
árs 1985. Danska æskulýðssam-
bandið sá um fjármál vegna
undirbúnings þingsins, en nefnd
skipuð þeim Erlendi Krist-
jánssyni, sem Sverrir Hermanns-
son menntamálaráðherra skipaði
nýlega æskulýðsfulltrúa ríkisins,
Hjörleifi Hringssyni og Kristínu
Stefánsdóttur sá um undirbúning
hér heima. Á fjárhagsáætlun var
gert ráð fyrir 60 þúsund króna
fjárveitingu til starfs þremenn-
inganna, en að því er virðist fyrir
misskilning fengu þeir 60 þúsund
danskar krónur upp í hendurnar
eða yfir 200 þúsund krónur ís-
lenskar.
Af þessari fjárhæð reiknuðu
þremenningarnir sér 87 þúsund
krónur í þóknun, en því vildu
Danirnir ekki una og í fyrrahaust
var Æskulýðssamband íslands
sett í málið. Gerð var krafa á
hendur Erlendi, Hjörleifi og
Kristínu um að endurgreiða fjár-
hæðina og hefur Kristín fallist á
að verða við því, en Erlendur og
Hjörleifur neita. Æskulýðssam-
bandið hefur hins vegar ábyrgst
greiðslur þessara peninga til
danska sambandsins og mun að
sögn Ólafs freista þess að inn-
heimta þá.
Miklar deilur hafa staðið um
þetta mál síðan uppvíst varð um
athæfi þremenninganna, en lík-
legt er að Æskulýðssambandið
láti til skarar skríða innan tíðar.
-gg
-gg