Þjóðviljinn - 17.09.1986, Síða 2

—SPURNINGIN-
Hve mikiö fé þarft þú til
framfærslu á mánuði?
Þórhallur Sverrisson,
verslunarmaður.
„Ég þarf á að giska 20 þúsund
krónur. Ég hef bara fyrir sjálfum
mér að sjá og bý heima hjá foreldr-
um og borga slatta til heimilisins.“
Helga Gunnlaugs-
dóttir, skrifstofustúlka.
„Við erum þriggja manna fjöl-
skylda og höfum í laun 40 þúsund.
Af þeim höfum við aldrei neinn af-
gang, þannig að við þurfum
eitthvað þar um bil. Við erum í
leiguhúsnæði en leigjum aftur íbúð
úti á landi þannig að þar stendur á
jöfnu“.
Jenný Ásmunds-
dóttir, húsmóðir.
„Ég held heimili með syni mínum
og ég áætia að ég þurfi 25 þúsund
alis. Pað er þó misjafniega mikið“.
Dísa Guðjónsdóttir,
nemi.
„Ég þarf um 20 þúsund. Ég er
ekki með fjölskyldu og bý í sambýli
með nokkrum í leiguíbúð. Ég er í
skóla og hef það sæmilegt en get
ekki staðið í að fjárfesta í neinu.“
Símon Þorsteinsson,
bílstjóri.
„Ég tilheyri þriggja manna fjöl-
skyldu og þarf að borga dýra leigu
sem hirðir sinn skerf mánaðarlega.
Ég giska á að 60 þúsund þurfi að
jafnaði til framfæris en ég er með 26
þúsund í fastakaup, þannig að það
hrekkur alls ekki til“.
FRÉTTIR
Heimilishjálpin
Bráðatilfellum ekki sinnt
Áfjórða hundrað heimili bíða eftir aðstoð hjá heimilisþjónustunni.
Langur biðlisti hjá heimilishjálpinni. Fólkfœst ekki tilstarfa vegna lágra launa.
Minnihlutinn íborgarstjórn: Hvað hyggstmeirihlutinn gera?
Hjá heimiiisþjónustunni bíða á
fjórða hundrað heimili eftir
aðstoð sem ekki er hægt að veita
vegna skorts á starfsfólki. Hjá
heimilishjálpinni er einnig firna-
langur biðlisti og þar er ekki hægt
að sinna bráðatilvikum. Það
liggur í augum uppi að grípa
verður til einhverra ráðstafana
og við spyrjum meirihlutann því
hvað hann hyggst gera í málinu,
sagði Guðrún Agústsdóttir borg-
arfulltrúi í samtali við Þjóðvilj-
ann í gær.
Á fyrsta fundi borgarstjórnar á
fimmtudaginn eftir langt sumar-
frí munu borgarfulltrúar minni-
hlutans leggja fram sameiginlega
fyrirspurn til meirihlutans um
hvernig hann hyggst bregðast við
þeim mikla vanda hjá ýmsum
stofnunum borgarinnar, sem
stafar af því að nær ógerningur
hefur verið að fá fólk til starfa.
Minnihlutinn bendir á að í
byrjun september voru aðeins 16
dagvistarheimili af 58 full-
mönnuð og starfsfólk vantaði í 61
stöðugildi. Að erfiðleikar í
skólum og á sjúkrahúsum eru
verulegir vegna skorts á starfs-
fólki. Bent er á ástandið í heimil-
isþjónustu og heimilishjálp.
Guðrún Agústsdóttir sagði í
gær að þetta ástand væri afleiðing
af láglaunastefnunni. „Þetta
ástand er mjög erfitt. Borgin hef-
ur auglýst eftir fólki í þessi störf,
en það hefur engan árangur bor-
ið.“ -gg
Húsavík
140
metra
rísi
úr ís
Borgarísjakar strand-
aðir útifyrir Húsavík.
ÞórJakobsson:
Óvenju mikið um
stóra ísjakafyrir
norðan land
Það hefur verið óvenjumikið
um borgarísjaka norður af
Iandinu í sumar og eitthvað af
þeim hefur rekið á land. Þetta
geta verið alveg feikistór ísfjöll,
sagði Þór Jakobsson haflsfræð-
ingur hjá Veðurstofunni í samtali
við Þjóðviljann í gær.
Húsvíkingar hafa undanfarna
daga haft fyrir augum myndar-
lega borgarísjaka sem eru
strandaðir úti í miðri Eyvík
skammt frá bænum. Töluvert
hefur verið um borgarísjaka á
siglingaleið norður með landinu
að sögn Þórs Jakobssonar en fáa
hefur rekið svo nærri landi sem
þessa tvo.
Þór sagði að eftir að losaði um
hafísinn í Húnaflóa í sumar hafi
farið að bera á borgarísjökunum
vegna austlægra strauma frá
Grænlandi. „Við getum átt von á
þessum stóru jöklum allan ársins
hring en það hefur borið óvenju
mikið á þeim núna í sumar og
haust,“ sagði Þór Jakobsson.
-lg-

Þegar borgarísjakarnir strönduðu úti fyrir Húsavík mældu heimamenn það sem
upp úr stóð og reyndist jakinn vera alls 114 metrar á hæð sá stærri; þar af stóðu
14 metrar upp úr en 126 voru á kafi í sjó. Mynd - E.OI.
Húsahitun
Olíu-
styrioirinn
félldur
niður
Albert telur tímabœrt
að leggja styrkinn
niður vegna verð-
lœkkunar á olíu
Albert Guðmundsson iðnaðar-
ráðherra hefur ákveðið að fclla
niður olíustyrki til þeirra sem enn
þurfa að hita hús sín með gasolíu.
Styrkurinn mun fara stiglækk-
andi annan og þriðja ársfjórðung
ársins og verður síðan að fullu
lagður af á fjórða ársfjórðungi
þessa árs. Styrkur fyrsta ársfjórð-
ungs hefur þegar verið greiddur
og nam 910 krónum.
1 frétt frá iðnaðarráðuneytinu
segir að ávallt hafi verið gert ráð
fyrir að greiða þessa styrki aðeins
tímabundið, en þeir voru teknir
upp í kjölfar mikilla hækkana á
oiíu árið 1974. Nú hefur olíuverð
. hins vegar lækkað verulega og því
er talið tímabært að leggja styrk-
ina niður.
-gg
Sameining
Skjaldborg slegið um bókina
Áttafélög stofna Bókasamband íslands til styrkingar bókinni
að var kynnt á dögunum að
ein átta félög hafa sameinast
undir samheitinu Bókasamband
íslands í þvf skyni að styrkja bók-
ina með ýmsum aðgerðum nú
þegar ýmsar hættur steðja að
henni.
Hér eru í einni sæng útgefend-
ur, rithöfundar, bókaverðir,
prentarar, bókagerðarmenn,
gagnrýnendur og fleiri sem eiga
sitthvað undir bókinni öðrum
fremur, því eins og fram kom á
fundinum er aukin bókmenning
þjóðarhagur.
Bókasambandið hyggst beita
sér fyrir aukinni kynningu á
bókum og umfjöllun um þær, en
einnig fyrir markvissum aðferð-
um og ber þar hæsi: niðurfellingu
söluskatts á bókum sem verið
hefur baráttumál margra í ára-
raðir, Sigurður Pálsson skáld
varaformaður Bókasambandsins
lagði m.a. áherslu á það að tekjur
ríkissins af bókasöluskatti hefðu
árið 1985 verið 150 miljónir, en
einungis 6% af þeirri upphæð far-
ið til Launasjóðs rithöfunda, svo
það ætti engum að dyljast hver
styrkti hvem í þessu efni.
Ólafur Ragnarsson útgefandi
er formaður Bókasambandsins
og sagði hann menn ræða mikið
alls kyns aðferðir til að auka bók-
sölu m.a. aukna kiljuútgáfu, og
dreifingu á sölunni, en brýnt væri
að rjúfa þann vítahring að bækur
seldust aðeins tvo síðustu mánuði
hvers árs. Ætlun Bókasambands-
ins væri að sannfæra menn um að
bókin væri ekki bara gjafavara og
hefði að auki ýmsa augljósa yfir-
burði yfir aðra fjölmiðla. Fyrsta
verk Bókasambandsins er að
halda mikið Bókaþing sem verð-
ur 23. september að Hótel Loft-
leiðum og verður nánar frá því
sagt síðar.
-pv
2 SÍÐA - ÞJÓÐVILJINN Miðvikudagur 17. september 1986