Þjóðviljinn - 18.09.1986, Blaðsíða 2

FRÉTTIR
Tollverðir
Ríkinu lá mikið á
ÓlafurA. Jónssonfulltrúi tollvarða ístjórn BSRB: Boð ríkisvaldsins meira virði
en verkfallsrétturinn sem varskertur ísamningum lögreglumanna. Þykir miður að
ákvörðun er tekin áður en samningsréttarnefnd lýkur störfum, en ríkisvaldinu lá á
Okkar félagsmönnum hefði
þótt það skrítið ef stjórn
Tollvarðafélagsins hefði neitað
12-27% launahækkunum þegar
þær voru boðnar, sagði Ólafur A.
Jónsson fulltrúi tollvarða í stjórn
BSRB þegar hann var spurður að
því hvort kjarabætur þær sem
rfldsvaldið hefur boðið
tollvörðum væru meira virði en
verkfallsrétturinn.
- Kristján Thorlacius segir í
Þjóðvfljanum í gær að tollverðir
séu sterkasta vopn BSRB í verk-
fallsbaráttu samtakanna, ertu
sammála því?
„Það var mjög lítið eftir af okk-
ar verkfallsrétti eftir að lögreglu-
menn, sem gegna oft störfum
tollvarða, sömdu í sumar, þannig
að ég tel svo ekki vera lengur.
Ég er hins vegar fyllilega sam-
mála Kristjáni um að nefnd sú
sem er að hefja viðræður um að
samningsréttur aðildarfélaga
BSRB færist til þeirra sjálfra
hefði átt að starfa áður en þessi
ákvörðun var tekin. Mér þykir
miður að svona var farið að, en
við fengum þarna sama boð og
lögreglumenn og auk þess höfum
við tryggt ýmislegt annað sem ég
get ekki skýrt frá að svo stöddu.“
- Lá svona mikið á að semja?
„Okkur viðsemjendum fannst
það víst. Yngra fólk í félaginu
hefur líka hamrað á því að
tollvörðum verði tryggð betri
laun, og samningarnir hafa verið
lausir í allt sumar.“
- Hver eru fyrstu viðbrögð fé-
lagsmanna?
„Það eru skiptar skoðanir um
þetta en samningurinn verður
kynntur fyrir þeim á föstudags-
kvöld og allsherjaratkvæða-
greiðsla fer fram strax á mánu-
dag. Meira segi ég ekki í fjöl-
miðla.“
- vd
Leikarar og starfslið Leikfélags Akureyrar eru tilbúnir að takast á við verkefna-
lista vetrarins.
Leikfélag Akureyrar
5 uppfærslur
Barnaleikrit, revía, dagskrá úr verkum Kristjáns frá
Djúpalœk, Rauðhcerði riddarinn og Kabarett
Leikfélag Akureyrar frumsýnir
sitt fyrsta verk á komandi
leikaári, barnaleikritið Herra
Hú, um aðra helgi. Síðan tínast
verkin eitt af öðru á fjalirnar þar
til þau verða orðin fímm og kom-
ið fram á vor.
Herra Hú er eftir Finnann
Hannu Makela sem er þekktur í
heimalandi sínu og víðar fyrir
skáldsögur, ljóð og leikrit. Sagan
af Herra Hú er upphaflega skrif-
uð sem skáldsaga en síðan gerði
höfundurinn leikgerð eftir henni
og hefur hvorutveggja farið
sigurför víða um heiminn. Sagan
fjallar um lítinn svartan karl sem
heitir Herra Hú og hefur hlotið
það hlutverk í arf að hræða börn,
en reyndar kemur í ljós að hann
er hræddastur allra sjálfur. Leik-
stjóri er Þórunn Sigurðardóttir
en Njörður P. Njarðvík þýddi
verkið. Reyndar þýddi hann bók-
ina líka og kemur hún út frum-
sýningardaginn. Skúli Gautason
leikur Herra Hú, en Inga Hildur
Haraldsdóttir og Einar Jón Bri-
em leika önnur hlutverk.
Næsta verk heitir Marblettir og
er að sögn Péturs Einarssonar
leikhússtjóra revíukabarett eftir
hina og þessa. Hluti er þýddur úr
revíu eftir Finnann Bent Alfors
og önnuðust Pétur og Kristján frá
Djúpalæk þá þýðingu, auk þess
sem bætt hefur verið inn söng-
textum eftir þá félaga en Pétur
mun leikstýra verkinu. Þetta verk
verður frumflutt seinnipartinn í
október.
Mánuði síðar hefjast sýningar
á dagskrá sem hefur hlotið nafnið
Reyfar af dagsláttu og er saman-
tekt á verkum, skáldsögum og
ljóðum Kristjáns frá Djúpalæk,
en dagskráin er tileinkuð skáld-
inu sem varð 70 ára 16. júlí sl.
Sunna Borg tekur dagskrána
saman.
í byrjun janúar hefjast sýning-
ar á verkinu, Hvenær kemur þú
aftur rauðhærði riddari? eftir
Mark Medoff í þýðingu Stefáns
Baldurssonar. Pétur Einarsson
leikstýrir. Þá hefjast einnig eftir
áramótin sýningar á söngleiknum
Kabarett. Ekki er endanlega frá-
gengið hver leikstýrir en víst er að
leikfélagið þarf að kalla til
eitthvað til viðbótar við fastráðið
starfsfólk því verkið er afar viða-
mikið.
-yk./Akureyri.
í gær var 17. skák heimsmeistara-
eínvígisins tefld í Leningnrad. Karp-
off stýrði hvítu mönnunum og voru
fyrstu 13. leikirnir leiknir með elding-
arhraða enda þeir sömu og í 15. skák-
inni. Þá kom Karpoff með snjalla ný-
jung og fékk upp úr því þægilega
stöðu. Kasparoff tókst ekki að finna
leið út úr vandanum og gafst upp í 31.
leik.
Með þessum sigri hefur Karpoff
bætt sinn hag nokkuð en hann þarf að
vinna þrjár skákir til viðbótar til að
sigrast á Kasparoff og er hæpið að það
takist í þeim sjö skákum sem eftir eru.
Kasparoff hefur nú 9 Vz vinning en
Karpoff 7 '/2.
Hvítt: Karpoff Svart: Kasparoff
1. d4 - Rf6
2. c4 - g6
3. Rc3 - d5
4. Rf3 - Bg7
5. Db3 - dxc4
6. Dxc4 - 0-0
8. Be3 - Rf-d7
9. Hdl - Rc6
10. Be2 - Rb6
11. Dc5 - Dd6
12. e5 - Dxc5
13. dxc5 - Rc8
14. h3 - ...
7. e4 - Bg4
Nýjung Karpoffs. f frægri skák Bó-
tvinniks og Fischers, lék Bótvinnik h3
í 12. leik og gat þá ekki drepið aftur á
f3 með biskup því þá hefði riddarinn á
b6 getað stokkið til c4 og valdið mikl-
Kaipoff vann
um usla. Nú er hins vegar sá riddari
kominn til c8 svo hvítur getur drepið á
f3 með biskup í næsta leik. Svartur á
varla annars úrkosta en drepa riddar-
ann í næsta leik því annars lenti drott-
ningarbiskup hans á hrakhólum.
14. ... - Bxf3
15. Bxf3 - Bxe5
Hvítur hótar Bxc6 og Hd7 síðar
meir, Líklega er 15. ... Rd8
fullgeggjað svo þá er eftir mögu-
leikinn 15. ... Rxe5. Eftir 16. Bxb7
Hb817. c6 hótar hvítur Rb5xc7-a6 en
svartur á mótfæri með Rc4xe3 og Rd6
eða Rb6 eftir atvikum. Hvítur fær trú-
lega betri færi en það er allt önnur
skák eins og Túkmakoff var vanur að
segja.
16. Bxc6 - bxc6
17. Bd4 - ...
Rökrétt. Hvítur vill skipta upp eina
manni svarts sem getur talist virkur.
Eftir 17. ... Bxd4 18. Hxd4 er hrók
hvíts leiðin greið upp á sjöundu reita-
röðina.
17. ... - Bf4
18. 0-0 - ...
Svarta staðan er erfið. Riddarinn á
c8 aðskilur hrókana en biskupinn er
einn að ráfa á kóngsvægnum engum
að meini. Hvítur hótar að leika Hd7
og þá falla c-peð svarts fyrr eða síðar.
Hér virðist skárst að leika 18.... e5 en
eftir 19. Be3 Bxe3 20. fxe3 Re7 21.
Hd7 Rd5 22. Rxd5 cxd5 23. Kd2 ætti
hvítur að vinna. Svipað verður uppi á
teningnum eftir 19. ... Re7 20. Hd7.
2 SÍÐA — ÞJÓÐVILJINN Fimmtudagur 18. september 1986
Svartur veður nú áfram með a-peðið
en á meðan kemur hvítur síðustu
mönnunum í leikinn.
18. ... - a5 21. Be5 - a3
19. Hf-el - a4 22. b3 - Ra7
20. He4 - Bh6
Eftir 22. ... Ha7 23. Hd7 fellur c-
peðð hvort sem er. Hvítur vill taka
það með hrók því biskupinn stendur
ve| á e5. í svona stöðum liggur ekkert
sérstaklega á að hirða lið, meiru
skiptir að kæfa mótspil andstæðings-
ins.
23. Hd7 - Bcl
Hér er 23. ... Rb5 24. Rxb5 cxb5
25. Bxc7 vonlaust á svart. Kasparoff
reynir nú af veikum mætti að flækia
taflið.
24. Hxc7 - Bb2
25. Ra4 - Rb5
26. Hxc6 - Hf-d8
Hér er ástæðulaust fyrir hvít að
taka á b2. T.d. 27. Bxb2 Hxa4 með
flækjum eða 27. Rxb2 axb2 28. Bxb2
Hxa2 og svartur fær mótspil. Með
næsta leik bægir Karpoff öllum hætt-
um frá og einfaldar stöðuna.
27. Hb6 - Hd5 30. c6 - Bd4
28. Bg3 - Rc3 31. Hb7
29. Rxc3 - Bxc3
Kasparoff gafst upp því peðið renn-
ur upp.
“SPURNINGIN—
Finnst þér borgin styðja
Kvennaathvarfið nægi-
lega vel?
Þorbjörg Erla Sigurð-
ardóttir, afgreiðslu-
stúlka.
„Nei, alls ekki. Svo virðist sem
valdamönnum borgarinnar finnist
lítil þörf fyrir þá starfsemi sem at-
hvarfið rekur, miðað við þær fjár-
veitingar sem veitt hefur verið. Þó
er peningum veitt í ýmsan óþarfa".
Anna Finnbogadóttir,
ellilífeyrisþegi.
„Nei, það finnst mér ekki. Kvenna-
athvarfið er þó örugglega mjög
þarflegt í okkar nútíma samfélagi.
Það þarf miklu meiri fjárveitingar".
* i ‘ /'>
Hallgrímur S. Hall-
grímsson, húsasmið-
ur.
„Mér finnst að borgin mætti styðja
athvarfið betur án þess þó mér
finnist hún beint hafa sinnt athvarf-
inu sérstaklega illa“.
Kristinn Jónsson,
strætis vag nastjór i.
„Nei. Öll svona starfsemi þarf fjár-
magn,og ríki eða borg þarf að sinna
athvarfinu betur. Mér finnst hins
vegar vanta karlaathvarf sem karl-
ar geta leitað til ef vandamál koma
upp í fjölskyldunni, t.d. leigð her-
bergi eða eitthvað siíkt".
Ósk Axelsdóttir, kenn-
ari.
„Nei.þaðfinnstmérekki. Þaðhefur
sýnt sig að þörfin fyrir kvennaat-
hvarf er mikil og það er miklum fjár-
munum varið í margan óþarfann,
þannig að kvannaathvarfið mætti
að ósekju fá mun meira“.