Þjóðviljinn - 11.11.1986, Blaðsíða 13

Spurtum...
...íþróttaaðstöðu
í Hamrahlíð
Guðrún Helgadóttir spyr
menntamálaráðherra hvaða
fyrirætlanir hann hafi til að leysa
óviðunandi ástand íþrótta-
kennslu í Menntaskólanum við
Hamrahlíð. Hún spyreinnig hvort
einhver undirbúningur hafi farið
fram að byggingu íþróttahúss við
skólann.
...lyfjakostnað
Haraldur Ólafsson spyr
heilbrigðisráðherra hvort í undir-
búningi séu ráðstafanir af hans
hálfu til að lækka lyfjakostnað í
landinu t.d. með lækkun álagn-
ingar á lyf eða öðrum aðgerðum.
...söluskatt
Jóhanna Sigurðardóttir spyr
fjármálaráðherra hvað ríkissjóð-
ur hafi afskrifað miklar fjárhæðir í
söluskatti sem ekki hafi tekist að
innheimta á árunum 1983, 1984,
1985 og fyrstu 9 mánuðum
þessa árs. Hún spyr einnig
hvernig fjárhæðirnar skiptist eftir
skattumdæmum og óskar skrif-
legs svars.
...búsetuval
ungs fólks
Guðni Ágústsson spyr for-
sætisráðherra hvort ríkisstjórnin
hyggist láta kanna með hvaða
hætti hægt er að koma til móts
við vilja ungs fólks svo það eigi
þess kost að fá störf við sitt hæfi í
heimabyggð sinni, sbr. könnun
Félagsvísindastofnunar HÍ á sl.
ári um búsetuval fólks.
...samninga-
viðræður
við tannlækna
Kolbrún Jónsdóttir spyr
heilbrigðisráðherra hvort hann
muni beita sér fyrir því að áfram
verði haldið samningaviðræðum
Tryggingastofnunar ríkisins og
Tannlæknafélags íslands. Ef svo
sé, hvenær sé þá von til að
samningaviðræður hefjist að
nýju.
...heimilisfræðslu
Þórarinn Sigurjónsson spyr
menntamálaráðherra hver sé
stefna hans í hússtjórnarfræðslu,
hvort ráðuneytið hafi undirbúið
eða unnið að endurskoðun á
lögum um hússtjórnarskóla og
hvort samin hafi verið reglugerð
um hússtjórnarfræðslu. Þá spyr
Þórarinn hvenær vænta megi
þess að skipaður verði náms-
stjóri eða námsstjórar fyrir heim-
ilisfræðslu á öllum skólastigum.
Hann óskar skriflegs svars.
...söluskattsskil
Kjartan Jóhannsson spyr
fjármálaráðherra hvort dæmi séu
um að ráðuneytið hafi ákveðið að
fresta innheimtuaðgerðum
vegna söluskattsskila lengur en
um tvo mánuði hjá einstökum að-
iium. Ef svo sé, hversu oft svo
hafi verið 1980-1986. Hann ósk-
ar skrár yfir þá aðila sem um er að
ræða á árunum 1984-1986, hver
fresturinn hafi verið og hver upp-
hæðin hafi verið hverju sinni. Þá
spyr hann hvort dæmi séu um að
ráðuneytið hafi heimilað greiðslu
á tolli og söluskattsskilum við
innflutning með skuldabréfum og
loks hvort ráðuneytið hafi heimil-
að greiðslu skattsekta með
skuldabréfum. Kjartan óskar
skriflegs svars og sundurliðaðra
upplýsinga við hverri spurningu.
...Sjóefnavinnsluna
Guðni Ágústsson spyr iðnað-
arráðherra hve stóran hlut ríkið
eigi í Sjóefnavinnslunni, hve
miklir peningar hafi verið lagðir í
fyrirtækið og hvort þátttaka í
þessum rekstri stangist ekki á við
stefnu ríkisstjórnarinnar um að
selja ríkisfyrirtæki.
Umsjón:
Álfheiður
Ingadóttir
Skólamálaráð borgarinnar
Pólitísk valdníðsla
Þrírþingmenn skora á menntamálaráðherra að stöðva
ofsóknir á hendur frœðslustjóra Reykjavíkur
Fáránlegur skrípaleikur sem hefur kostað borgarbúa ærið fé og valdið vandræðum fyrir alla þá sem að skólamálum
vinna, sagði Guðrun Helgadóttir m.a. þegar hún gagnrýndi skipan skólamálaráðs Reykjavíkur á alþingi.
„Þetta var pólitísk aðför að
fræðslustjóra. Til að losna við að
reka Aslaugu Brynjólfsdóttur úr
embætti greip ráðherra og meiri-
hluti borgarstjórnar til þess ráðs
að gera embætti hennar gagns-
laust og lofa henni svo að sitja í
því áfram“, sagði Guðrún Helga-
dóttir m.a. þegar hún gagnrýndi
samþykki menntamálaráðuneyt-
isins á skipan skólamálaráðs
Reykjavfkur á alþingi nýlega.
Eins og Þjóðviljinn skýrði frá
fyrir helgi hefur Þorbjörn
Broddason, fulltrúi Alþýðu-
bandalagsins í fræðsluráði
Reykjavíkur, sem nú hefur verið
gert máttlaust, neitað að sitja
fundi í svonefndu skólamálaráði
borgarinnar þar til félagsmála-
ráðherra, sem fer með sveitarst-
jórnarmál, hefur úrskurðað um
lögmæti ráðsins. Þessi mál komu
til umræðu á alþingi nýlega að
frumkvæði Guðrúnar Helgadótt-
ur og Ingvars Gíslasonar og urðu
hörð orðaskipti milli þeirra og
fyrrverandi og núverandi
menntamálaráðherra.
Sverrir Hermannsson mennta-
málaráðherra vísaði í samkomu-
lag sem fyrirrennari hans í emb-
ætti, Ragnhildur Helgadóttir,
gerði við Davíð Oddsson um
þessi mál og sagði það fyllilega í
samræmi við 15. grein grunn-
skólalaga. Sverrir sagði skóla-
málaráðið því fullgilt og borgin
réði því sjálf hverjir sætu á fund-
um þess, en Áslaugu Brynjólfs-
dóttur, fræðslustjóra, hefur verið
meinuð seta þar undir því yfir-
skyni að hún sé ekki starfsmaður
borgarinnar, heldur ríkisins.
Ragnhildur Helgadóttir brást
ókvæða við orðum Guðrúnar um
pólitíska aðför að fræðslustjóra
Reykjavíkur og mótmælti þeim
orðum að til hefði staðið að reka
Áslaugu sem ósönnum og ósæmi-
legum áburði. Ingvar Gíslason og
Haraldur Ólafsson tóku hins veg-
ar undir með Guðrúnu um að hér
hefði vísvitandi verið farið á snið
við grunnskólalögin og skoruðu á
Sverri Hermannsson að beita sér
gegn valdníðslu borgarstjórnar
Reykjavíkur í þessu máli.
ÁI
Fjárlagafrumvarpið
Ójöfnðurínn í öndvegi
Hrapallegur niðurskurður í félags- og menntunarmálum
í ræðu sinni um fjárlagafrum-
varp ríkisstjórnarinnar s.I.
fímmtudag nefndi Ragnar Arn-
alds mörg dæmi um hrapallegan
niðurskurð á félagslegum svið-
um, og komst að þeirri niður-
stöðu að frumvarpið væri andfé-
lagslegt. Hér verða raktar nokkr-
ar athugasemdir hans við ein-
staka liði frumvarpsins.
Versti skatturinn
Samkvæmt frumvarpinu er
Pósti og síma ætlað að skila 200
miljónum króna af rekstraraf-
gangi sínum í ríkissjóð á næsta
ári. „Þessi símaskattur er versti
skatturinn sem ríkisstjórnin hef-
ur fundið upp á,“ sagði Ragnar.
„Ef rekstrarafgangur yrði hjá
Pósti og síma á auðvitað að nota
hann til að jafna símkostnað á
landinu sem ekki veitir af,“ sagði
hann, og minnti á tillögu sem
hann flytur ásamt öðrum þing-
mönnum AB um það efni.
Árás á landsbyggðina
„í fjárlagafrumvarpinu er
Ríkisútvarpið svipt lögboðnum
tekjum sínum jafnhliða því sem
stofnuninni er áfram haldið í
spennitreyju með afnotagjöldin
þannig að stórfelldir rekstrarerf-
iðleikar blasa við,“ sagði Ragnar.
„Fjármálaráðherra hikar ekki við
að boða að selja eigi utanaf Ríkis-
útvarpinu þá deild sem skilar
hagnaði og bætir gráu ofaná svart
með því að gefa einkastöð höf-
uðborgarsvæðisins 45 miljónir
króna með tollaafléttingu. Þann-
ig skal einkaaðilum auðveldað að
ná tekjum af Ríkisútvarpinu. Ég
hika ekki við að segja að þetta er
árás á fólk í hinum dreifðu byggð-
um landsins fyrst og fremst,"
sagði Ragnar, „þar sem þess eru
dæmi að jafnvel sjónvarp sjáist
ekki ennþá“.
Unga fólkið hlunnfarið
„Það eru kaldar kveðjur sem
ungt fólk í dreifbýlinu fær líka frá
ríkisstjórninni varðandi dreifbýl-
isstyrkinn, sem ætlaður er til að
auðvelda því að sækja nám um
langan veg. I tíð þessarar ríkis-
stjórnar hefur nákvæmlega engin
hækkun orðið á þessum styrk eða
úr 18 miljónum 1984 í 20 miljónir
1987 á sama tíma og verðlags-
hækkun nemur um 80%,“ sagði
Ragnar.
LÍN í svelti
„Lánasjóður íslenskra náms-
manna fær lægri fjárhæð í beinu
framlagi en á þessu ári og er
sjóðnum ætlað að bæta sér mis-
muninn með hækkuðum lán-
tökum. Lán úr sjóðnum eru
vaxtalaus,“ sagði Ragnar, „en
þegar fjármagnið er tekið inn
sem lán á vöxtum að sjálfsögðu er
ljóst að stefna mun í alvarlega
rekstrarerfiðleika sjóðsins. Boð-
aðar breytingar á lánareglum eru
andfélagslegar og koma til með
að auka á misrétti manna til
náms.“
Framkvæmdafé
öryrkja skert
„Á árunum 1981-1983 námu
framlög til Framkvæmdasjóðs ör-
yrkja 100-117 miljónum króna á
verðgildi þessa árs,“ sagði Ragn-
ar, „en eftir að þessi ríkisstjórn
tók við hefur framlagið verið 55-
60 miljónir á ári. Á næsta ári er
ætlunin að veita sjóðnum 52 milj-
ónir króna auk þeirra 48 miljóna
sem hann á að fá af erfðafjár-
skatti. Þannig fer rfkisframlagið
undir meðaltal þriggja síðustu
ára - það á sem sé að lækka fram-
lagið enn frekar. Hér er um helm-
ingslækkun að ræða frá 1983 rétt
eins og helmingsniðurskurðurinn
er á framlögum til dagvistarbygg-
inga.“
Þróunaraðstoð
„Framlög til verkefna í samfé-
lagi þjóðanna eiga líka að
Jækka," sagði Ragnar. „Framlög
til þróunaraðstoðar hafa farið
hríðlækkandi þveröfugt við sam-
þykkt alþingis frá 1985. Á því ári
nam aðstoð okkar 0,087% af
þjóðartekjum, hún fór niður í
0,063 á þessu ári og á að lækka
niður í 0,05% á árinu 1987. Það
er ekki aðeins að félagsleg við-
fangsefni hér heima séu skorin
við trog, heldur einnig hlutur
okkar í samfélagi þjóðanna.“
Matvaran
Að lokum gerði Ragnar sam-
eiginlegt hagsmunamál neytenda
og bænda, þ.e. lágt verð á land-
búnaðarvörum að umtalsefni.
„Niðurgreiðslur á landbúnaðar-
vörum eiga að vera óbreyttar í
krónutölu á næsta ári og það er
ljóst," sagði hann, „að með sama
áframahaldi munu niðurgreiðslur
hverfa smám saman en þær eru
nú brot af því sem áður var. Þetta
eykur framfærslukostnað heimil-
anna og bitnar verst á hinum fá-
tækari, þar sem matarinnkaup
taka drýgstan hluta teknanna.
Jafnframt veldur þessi niður-
skurður auknum erfiðleikum í
landbúnaði. Nú er enn boðaður
virðisaukaskattur, sem sam-
kvæmt frumvarpinu frá í fyrra
mun valda enn frekari hækkun á
landbúnaðarvörum, til tjóns fyrir
bæði landbúnaðinn og neytend-
ur.“
-ÁI
Þriðjudagur 11. nóvember 1986 ÞJÓÐVILJINN - SÍÐA 17