Þjóðviljinn - 21.02.1987, Blaðsíða 15

ÍÞRÓTTIR
1. deild
Mark á mínútu
og Valssigur
Fimm mörk í röð réðu úrslitum
Hann var líflegur og fjörlegur
leikur er Valur sigraði KA í gær-
kvöldi, með 33 mörkum gegn 27.
Leikurinn var þó ekki að sama
skapi góður, en staðan I hálfleik
var 18-13.
fl Tölurnar tala sínu máli.
Mark á mínútu var staðreynd og
því miður orsakað frekar af lé-
legum varnarleik, en góðum
sóknarleik. Þau fáu skot sem
voru varin í fyrri hálfleik voru
skot frá KA og nægði það Val til
að ná góðri forystu.
í síðari hálfleik nýttu Norðan-
menn það vel er þeir voru einum
fleiri og minnkuðu muninn jafnt
og þétt. Valsmenn náðu þó að
Staðan
í 1. delld karla f handknattleik:
Víkingur ... 13 11 1 1 312-266 23
Breiöablik.... ... 13 8 2 3 300-290 18
FH .... 12 8 1 3 300-269 17
Valur .... 13 7 2 4 326-293 16
Stiarnan .... 12 5 2 5 306-285 12
KA .... 13 5 2 6 300-310 12
Fram .... 12 5 0 7 283-279 10
KR .... 12 4 1 7 237-263 9
Haukar .... 12 2 2 8 252-292 6
Ármann .... 12 0 1 11 235-304 1
Haukar og Stjarnan leika í Hafnar-
firði kl. 14 í dag og KR mætir FH í
Höliinni kl. 20 annað kvöld. Leik
Fram og Ármanns hefur verið frest-
að.
setja fyrir það og með 5 mörkum í
röð voru úrslitin ráðin.
Valsmenn voru mjög jafnir í
leiknum, en Jakob átti góðan
kafla t.d. með 4 mörkum í röð.
KA-menn börðust nokkuð vel
með Jón Kristjánsson á farar-
broddi. Pétur og Guðmundur
voru einnig góðir.
-gsm
Laugardalshöll 20. febrúar
Valur-KA 33-27 (18-13)
3-3, 7-8, 10-10, 13-12, 18-13 - 18-
16, 21-17, 24-23, 29-23, 33-27.
Mörk Vals: Jakob Sigurðsson 8, Jú-
líus Jónasson 5, Stefán Halldórsson
5/1, Þorbjörn Guðmundsson 5, Theo-
dór Guðfinsson 4, Valdimar Grímsson
4, Geir Sveinsson 2.
Mörk KA: Jón Kristjánsson 7, Pétur
Bjarnason 6, Guðmundur Guðmunds-
son 5, Axel Björnsson 4, Eggert
Tryggvason 3/3, Friðjón Jónsson 2.
Dómarar: Guðmundur Kolbeinsson
og Þorgeir Pálsson - tóku heldur létt á
leiknum.
Maður leiksins: Jón Kristjánsson,
KA
Karl Þráinsson brýtur sór leið framhjá Svavari Magnússyni og skorar eitt marka Víkinga í gærkvöldi. Mynd: E.ÓI.
1. deild
„Staðan hefur vænkast“

Blak
Víkingar með örugga forystu eftir sigur á Blikum
HK tapaði
Víkingur sigraði HK 3-1 í karl-
adeildinni í blaki þegar félögin
mættust í Hagaskólanum í gær-
kvöldi. Úrslitin þýða að ÍS kemst í
4-liða úrslitin á kostnað HK með
því að sigra Þrótt frá Neskaup-
stað 3-0 eða 3-1 í síðasta leik sín-
um, sem fyrirhugaður er kl. 14 í
dag. _VS
Körfubolti
UMFG vann
Grindvíkingar lögðu Tindastól
að velli, 76-61, í 1. deiid karla
þegar félögin áttust við á Sauðár-
króki í gærkvöldi. Grindvíkingar
mæta Þórsurum á Akureyri í dag
kl. 14. -VS
„Það eru enn fímm leikir eftir
svo það er heldur snemmt að fara
að fagna meistaratitlinum en
staða okkar hefur óneitanlega
vænkast talsvert við þennan
Laugardalshöll 20. febrúar
Vikingur-UBK 27-21 (14-9)
0-2,2-2,3-5,6-5, 9-9,14-9-15-10,
15-13,17-14,17-17,19-18, 24-18, 24-
20, 25-21, 27-21.
Mörk Vfkings: Guðmundur Guð-
mundsson 9, Karl Þráinsson 6(4v),
Árni Friðleifsson 5, Bjarki Sigurðsson
4, Siggeir Magnússon 1, Sigurður
Ragnarsson 1, Hilmar Sigurglslason
1.
Mörk UBK: Aðalsteinn Jónsson 5,
Jón Þórir Jónsson 4(1 v), Svavar
Magnússon 4, Björn Jónsson 3, Krist-
ján Halldórsson 2, Sigþór Jóhannes-
son 1, Þórður Davíðsson 1, Magnús
Magnússon 1.
Dómarar: Stefán Arnaldsson og
Ólafur Haraldsson - góðir.
Maður leiksins: Guðmundur Guð-
mundsson, Víkingi.
sigur. Við misstum niður fimm
marka forystuna í byrjun seinni
hálfleiks vegna kæruleysis og
skorts á einbeitingu en bættum þá
bara við á ný,“ sagði Guðmundur
Guðmundsson, fyrirliði íslands-
meistara Víkings, eftir 27-21
sigur á Blikunum í toppleik 1.
deildarinnar í gærkvöldi.
Heldur snemmt, sagði hann,
en hvað sem því líður er staða
Víkinga glæsileg. Þeir mega tapa
þremur stigum og hreppa titilinn
samt og ef þeir halda áfram á
þessari braut þarf ekki að spyrja
að leikslokum.
Leikurinn var líflegur og fjör-
ugur, talsvert um mistök á báða
bóga en líka mikið um falleg til-
þrif. Spennan var lengst af fyrir
hendi, Víkingar gerðu fimm síð-
ustu mörk fyrri hálfleiks en Blik-
ar jöfnuðu það á upp á fyrstu 13
mínútum þess síðari. A enda-
sprettinum voru Víkingar svo
drjúgir eins og oft áður og stungu
af.
Þrír leikmenn gerðu útslagið
fyrir Víkinga. Kristján Sig-
mundsson varði þrjú vítaköst
þegar mest lá við, þegar staðan
var 8-7, 15-13 og 19-18, Víking-
um í hag - á örlagaríkustu augna-
blikum í leiknum. Árni Indriða-
son þjálfari kom inná og þétti
leka vörnina þegar 13 mínútur
voru liðnar af seinni hálfleik,
með þeim árangri að Blikar
skoruðu aðeins fjögur mörk eftir
það. Og síðast en ekki sfst var það
Guðmundur. Traustur allan tím-
ann, og á lokakaflanum sýndi
hann allar sínar bestu hliðar -
skoraði fimm mörk á síðustu 7
mínútum leiksins, hvert eitt og
einasta á sinn sérstaka hátt. Hinir
í liðinu voru með á nótunum og
Arni Friðleifsson lék mjög vel í
fyrri hálfleiknum.
Blikarnir voru kraftmiklir og
baráttuglaðir með bræðurna Að-
alstein og Björn í aðalhlutverk-
um ásamt Svavari Magnússyni.
Þá skortir fínleikann og meiri
ögun - með meiri fínpússun eiga
þeir alla möguleika á að halda sér
þar sem þeir eru nú. Árangurinn
er þegar betri en flestir þorðu að
vona og nú eiga Blikar að láta
drauminn um titilinn lönd og leið
og einbeita sér að Evrópusætinu.
-VS
HMINorrœnar
Gull til
Tékka
Tékkinn Jiri Parma tryggði
Tékkum sín fyrstu gullverðlaun á
heimsmeistaramótinu í Oberst-
dorf þegar hann sigraði í skíðas-
tökki í gær. Finninn Matti Nyka-
enen varð annar og Vegard Opa-
as frá Noregi þriðji.
Svíar fengu hinsvegar sitt
þriðja gull þegar Marie Helene
Westin sigraði óvænt í 20 km
göngu kvenna. Hún sigraði so-
vésku stúlkurnar Anfissu
Reztsovu og Larissu Ptitsynu sem
fengu silfur og brons.
Keppni í Oberstdorf lýkur í
dag með 50 km göngu og þar er
Einar Ólafsson frá ísafirði meðal
keppenda.
Norðurlandaþjóðirnar eru í
þremur efstu sætum hvað varðar
verðlaun á mótinu. Svíar eru með
3 gull, 1 silfur og 2 brons, Norð-
menn 2 gull, 4 silfur og 4 brons og
Finnar 2 gull og 3 silfur. Sovét-
menn, Tékkar, Austurríkis-
menn, ítalir og Vestur-
Þjóðverjar hafa einig unnið til
gullverðlauna. _VS/Reuter
ÞJÓÐVILJINN - SÍÐA 15
Ísland-Júgóslavía
Einstæður atburður
Bjarni Guðmundssonfyrsti íslenski íþróttamaðurinn með
200 landsleiki. Lékfjóra landsleiki fyrir fyrsta 1.
deildarleikinn
Á mánudagskvöldið mun eiga
sér stað einstakur atburður í ís-
lensku íþróttalífi. Bjarni Guð-
mundsson, handknattleiksmað-
ur, verður fyrsti íslenski íþrótta-
maðurinn til að leika 200 lands-
leiki fyrir hönd þjóðar sinnar og
andstæðingarnir eru svo sannar-
lega viðeigandi: heims- og
ólympíumeistararnir frá Júgósla-
víu.
Bjarni er nýorðinn þrítugur og
hefur leikið með landsliðinu allt
frá 17 ára aldri. Hann var tekinn
beint úr 2. flokki Vals í landsliðið
í október 1974, lék 4 landsleiki í
keppnisferð til Luxemburgar og
Sviss - en sinn fyrsta 1. deildar-
leik þegar íslandsmótið hófst
eftir þá ferð!
ísland og Júgóslavía mætast
tvívegis í Laugardalshöllinni, á
mánudags- og þriðjudagskvöld,
og hefjast leikirnir báðir kl.
20.30.
Lið Júgóslava er mikið breytt
frá því í heimsmeistarakeppninni
í Sviss. Vujovic og Isaakovic
misstu af íslandsferðinni vegna
meiðsla og þeir Basic og Cvetko-
vic gegna herskyldu um þessar
mundir. Eldri mennirnir eru síð-
an að mestu hættir, Rnic, Vuko-
vic og Arnautovic leika sennilega
ekki meira með landsliðinu.
„Þetta eru eðlilegar breytingar
hjá Júgóslövum. Eldri mennirnir
hafa unnið allt sem hægt er að
vinna í handboltanum og hafa
ekki sama metnað og áður. Þá
hefur nýr þjálfari, Pocrajac,
tekið við og því fylgja alltaf
breytingar. En Júgóslavar koma
ekki með neina nýliða hingað,
allir þeirra menn hafa talsverða
reynslu að baki og verða jafn erf-
iðir og alltaf áður,“ sagði Bogdan
Kowalczyck landsliðsþjálfari ís-
lands um mótherjana.
Hann bætti því við að það væri
liðin tíð að bestu lið heims kæmu í
skemmtiferðir til íslands. „Þau
gæta þess að koma hingað vel
undirbúin og í góðu formi og Júg-
óslavar hafa sýnt í landsleikjum
sínum í vetur að þeir eru áfram
með eitt albesta lið heims þrátt
fyrir miklar breytingar," sagði
Bogdan.
-VS