Þjóðviljinn - 03.03.1987, Blaðsíða 13

HEIMURINN
Afvopnun
Sovétmenn ríða á vaðið
Gorbatsjof vill eyðingu allra meðaldrœgra kjarnaflauga í Evrópu á fimm árum.
Niðurfelling stjörnustríðsáforma ekki skilyrði
Á laugardag kom Mikael
Gorbatsjof, aðalritari komm-
únistaflokks Sovétríkjanna, á
framfæri róttækum tillögum
Sovétmanna viðvíkjandi kjarn-
orkuafvopnun risaveldanna.
Hugmyndir hans eru þess efnis
að öllum meðaldrægum kjarna-
flaugum stórveldanna, Banda-
ríkjanna og Sovétríkjanna, sem
staðsettar eru í Evrópu, verði
eytt á fimm árum. Hann mun eiga
við Cruise og Pershing-2
flaugarnar bandarísku og SS-20
rakettur í eigin herbúðum. Þar á
meðal eru allar meðaldrægar
kjarnaflaugar í Austur-
Þýskalandi og Tékkóslóvakíu.
Þessar tillögur eru ekki alveg
nýjar af nálinni því þær voru fyrst
lagðar fram af Sovétmönnum á
fundi æðstu manna risaveldanna
hér í Reykjavík 11.-12. október
síðastliðið haust. En sú veiga-
mikla breyting er orðin á viðhorfi
Kremlverja að þeir setja ekki
lengur afnám stjörnustríðsáætl-
unar Reagan stjórnarinnar sem
ófrávíkjanlegt skilyrði þess að
samkomulagi megi ná um meðal-
flaugarnar.
Vel er talið koma til greina að
Shultz, utanríkisráðherra Banda-
. ríkjanna, taki sér ferð á hendur til
Moskvu vegna tilboðs Sovét-
manna en viðræður þjóðanna
tveggja um það efni eru á frum-
stigi.
Tilgangur Sovétleiðtogans
með því að leggja þessar tillögur
fram nú er að hleypa skriði á af-
vopnunarviðræður stórveldanna
í Genf. Viktor Karpof heitir yfir-
maður þeirrar deildar utanríkis-
ráðuneytis Sovétríkjanna sem
hefur afvopnunarmál á sinni
könnu. Hann lét svo um mælt í
gær að hálft ár væri fyllilega næg-
ur tími til að ganga frá samkomu-
lagi um eyðingu flauganna ef vilji
væri fyrir hendi af hálfu beggja
aðila.
Hvorki er minnst á skamm-
drægar né langdrægar eldflaug-
ar í tillögum Sovétmanna. Menn
rekui.ugglaust minni til þess að á
Reykjávíkurfundinum tvinnuðu
þeir saman hugmyndir sínar um
eyðingu allra meðaldrægra flauga
og tortímingu helmings allra
Bandarískri Pershing-2 kjarnaflaug
skotið á loft og sovésk SS-20 raketta
á eldflaugavagni.
langdrægra flauga í Evrópu.
Fulltrúar í bandarísku samn-
inganefndinni í Genf hafa fagnað
frumkvæði Gorbatsjofs en segja
mjög langt í land áður en hugsan-
legt sé að skrifa undir samninga.
Mikill ágreiningur er um allskyns
smáatriði er útkljá þarf, að mati
þeirra, áður en farið verði að
ræða um eyðingu flauganna.
Sem dæmi má nefna deilur um
hvar séu mörk Asíu og Evrópu
innan Sovétríkjanna. Banda-
ríkjamenn þverneita að draga þá
línu við Úralfjöll einsog gert hef-
ur verið á öllum landabréfum
fram að þessu því að skjóta megi
þaðan meðaldrægum kjarna-
flaugum á skotmörk í Vestur-
Evrópu.
Einnig er spurning með hvaða
hætti Bretar og Frakkar koma inn
í viðræðurnar en þessar tvær
þjóðir eiga samanlagt hundrað
sextíu og tvær kjarnaflaugar.
En hvað sem slíkum vafamál-
um líður er fullvíst að tillögur So-
vétmanna hafa vakið nýjar vonir
almennings um að stigin verði
veigamikil skref í átt til eyðingar
allra kjarnorkuvopna, vonir sem
dofnuðu mjög eftir fundinn í
Reykjavík.
-ks.
Gorbatsjof. Frumkvæði í afvopnunarmálum.
Sjúkraliðar
og aðstoðarfólk
óskast til starfa nú þegar og til afleysinga í sumar.
Sveigjanlegur vinnutími - lifandi starf. Upplýsing-
ar gefur hjúkrunarforstjóri í síma 91-29133 frá kl.
8-16.
Vinnu- og dvalarheimili Sjálfsbjargar.
Skák
Karpof á sigurbraut
Á föstudaginn gerði Anatolí Karpof,
fyrrum heimsmeistari í skák, sér lítið
fyrir og vann skák sína gegn Andrei
Sókólof. Taflið hafði farið í bið daginn
áður og voru þá flestir „sérfræðingar"
á einu máli um að því hlyti að lykta með
jafntefli.
Aftur á móti var sæst á skiptan hlut í
þriðju skákinni eftir einungis tuttugu
leiki. Að vanda lék Sókólof kóngspeðinu
fram um tvo reiti en komst ekkert áleiðis
gegn karó-kann vörn heimsmeistarans
fyrrverandi. Karpof hefur því vinnings-
forskot.
Ekki fær Anatolí langt frí eftir að viður-
eign þeirra Sókólofs lýkur. Þann níunda
aprfl hefst mjög öflugt skákmót í Brussel í
Belgíu þar sem hann fær meðal annars að
etja kappi við erkifjendur sína tvo,
Kortschnoj og Kasparof. Af öðrum þátt-
takendum á því móti ber að nefna góð-
kunningja mörlandans, þá Larsen, Tim-
man og Short.
-ks.
Karpof.
Lokastaðan úr
viðureign þeirra
Sókólofs
sést a bindinu.
Þriðjudagur 3. mars 1987 ÞJÓÐVILJINN - SÍÐA 17
Innskrift
Prentsmiðju Þjóðviljans vantar starfsmann í
innskrift. Góð íslensku- vélritunarkunnátta
nauðsynleg. Upplýsingar veitir framkvæmda-
stjóri í síma 681333.
þJÓÐVILIINN
Útboð
Innkaupastofnun Reykjavíkurborgar fyrir hönd Hitaveitu
Reykjavíkur er að fara af stað með lokað útboð á smíði og
uppsetningu á vinnubúðum á Nesjavöllum. Þeir bjóðendur,
sem áhuga hafa á að taka þátt í útboði þessu, skulu leggja
inn nafn og símanúmer á skrifstofu vora fyrir 7. mars nk.
Ennfremur liggjaframmi til sýnis á skrifstofu vorri útboðs- og
verklýsing ásamt teikningum af verkinu til og með sama
tíma.
INNKAUPÁSTOFNUN REYKJAVÍKURBORGAR
Frikirkjuvegi 3 — Simi 25800