Þjóðviljinn - 22.05.1987, Blaðsíða 6

VIÐHORF
Frá miðstjórnarfundi Alþýðubandalagsins.
Framhald af bls. 5
undanförnum misserum vera nei-
kvæður, svartsýnn og afturhalds-
samur og Alþýðubandalagið yfir-
leitt á móti því sem nýtt getur
talist, s.s. video, útvarps- og sjón-
varpsstöðvum o.s.frv. Þá hafi
flokkurinn ekki gefið kjósendum
neina heillega framtíðarsýn né
brugðið upp mynd af því þjóðfé-
lagi sem hann vill skapa. Mörgum
hefur og fundist málefni flokksins
lítið og illa skýrð og leiðir að
markmiðum fáar og óljósar. Það
er jafnvel farið að vefjast fyrir
mörgum hvort Alþýðubandalag-
ið hafi yfirleitt nokkra aðra
stefnu eða markmið önnur en
þau að vera til.
5. Máttlaus og lítið skipulögð
kosningabarátta sem ekki náði
eyrum kjósenda. Oft á tíðum
mátti láta sér detta í hug að átta
mismunandi flokksbrot væru að
bjóða sig fram, hvert í sínu kjör-
dæmi og hvert með sína stefnu-
skrá.
Þessar ástæður teljum við
helstar fyrir óförum Alþýðu-
bandalagsins í kosningunum 25.
apríl. En eflaust mætti tína fleira
til og þeir gætu nefnt margar
ástæður sem stutt hafa Alþýðu-
bandalagið fram að þessu en kusu
það ekki nú og einnig þeir sem
kusu flokkinn með hálfum hug og
hangandi haus, en þeir voru
margir. - Það vita það allir sem
vilja vita, að margir, sem kusu
Alþýðubandalagið nú, ætla sér
ekki að gera það aftur nema að
skýr áherslubreyting verði hjá
flokknum á mörgum sviðum, eins
ogt.d. íverkalýðsmálum, baráttu
við kerfið og að flokkurinn taki af
öll tvímæli með það að hann sé
ekki óaðskiljanlegur hluti af sam-
tryggingarkerfi valdsins í land-
inu.
Með hliðsjón af þessu teljum
við að mjög gagnger umræða
verði að eiga sér stað innan
flokksins á næstu vikum og mán-
uðum fram að Iandsfundi. Það er
ekki hægt að búa við það að Al-
þýðubandalagið sé meira og
minna lamað af ýmsum ástæðum
misserum saman. Vari slíkt
ástand lengur munu margir búa
sig til brottfarar. Umræðan um
hvað flokknum sé fyrir bestu í
framtíðinni verður að ná til allra
grunneininga flokksins. Hún
verður að vera hreinskilin og
menn eiga og skulu í þeirri um-
ræðu að bera virðingu fyrir skoð-
unum hvers annars.
Við undirrituð teljum að Al-
þýðubandalagið standi nú á mikl-
um tímamótum. Þess vegna er
það skylda okkar sem annarra
flokksmanna að tjá skoðun okkar
á málefnum Alþýðubandalags-
ins. Til þess ganga menn í
stjórnmálaflokk að hafa áhrif á
stefnumótun hans en ekki til að
sitja og standa eins og forystulið-
ið býður hverju sinni. Forystulið
sem ef til vill hefur setið svo lengi
að það er farið að telja sig ómiss-
andi og berst því með kjafti og
klóm gegn sérhverri tilraun til
uppstokkunar og endurnýjunar.
En hvað er þá til ráða? Er Al-
þýðubandalagið svo slæmur og
slappur flokkur að honum sé ekki
við bjargandi? Nei, það er ekki
okkar álit. Við teljum að Alþýðu-
bandalagið hafi látið margt gott
af sér leiða og hafi mjög mikið
umfram aðra flokka til brunns að
bera, en þær góðu hliðar eru ein-
faldlega ekki á dagskrá að þessu
sinni. Okkur finnst að ímynd
flokksins í augum almennings
verði að breytast bæði táknrænt
og pólitískt. Þess vegna bendum
við hér á nokkra þætti sem við
teljum nauðsynlega til að Al-
þýðubandalagið geti á ný risið
upp úr öskustó niðurlægingarinn-
ar og hrist af sér það slyðruorð
sem á það er að komast.
1. Forysta Alþýðubandalagsins
verði stokkuð upp.
2. Tengsl Alþýðubandalagsins
og verkalýðsforystunnar
verði rofin. Þess í stað marki
flokkurinn sér skýra og rót-
tæka, sjálfstæða stefnu í
verkalýðsmálum, svo tryggt
sé að hann lendi ekki aftur í
þeirri aðstöðu að vera máls-
vari máttlausrar verkalýðs-
forystu.
3. Alþýðubandalagið skilgreini
hlutverk sitt sem verkalýðs-
flokkur upp á nýtt.
4. Gert verði átak í að gera
starfshætti flokksins mark-
vissa og lýðræðislega.
5. Grunneiningar flokksins
verði styrktar.
6. Stefnuskrá Alþýðubanda-
lagsins verði endurskoðuð og
hún færð í nútímalegt horf.
7. Farið verði eftir landsfund-
arsamþykktum.
8. Það verði regla að þingmenn
Alþýðubandalagsins gegni
ekki samhliða þingmennsk-
unni háum trúnaðarstöðum
innan verkalýðshreyfingar-
innar.
9. Sjálfstæði þingflokks Al-
þýðubandalagsins gagnvart
öðrum stofnunum flokksins
verði endurskoðað með það
fyrir augum að þingflokkur-
inn geti ekki hagað sér eins
og ríki í ríkinu.
10. Alþýðubandalagið verður
sem flokkur að taka ótvíræða
forystu í því að berjast á móti
hinni gegndarlausu spillingu
sem lifir góðu lífi í þjóðfé-
laginu. Alþýðubandalagið
verður með öllum ráðum að
slíta sig laust úr viðjum sam-
tryggingarkerfisins, öðruvísi
getur það ekki orðið trúverð-
ugur boðberi nýrra þjóðfé-
lagshátta.
11. Það verði gert að reglu og
jafnvel bundið í lög flokksins
að þingmenn og aðrir for-
ystumenn Alþýðubandalags-
ins heimsæki allar grunn-
einingar flokksins a.m.k.
tvisvar á ári. Þannig sé tryggt
að hinn almenni flokksmað-
ur geti komið sínum sjónar-
miðum á framfæri við forystu
flokksins og haft áhrif á
stefnumótun hans. Þá kemur
þetta í veg fyrir stöðnun
flokksins og tryggir að starf
hans og stefna mótist af vilja
fólksins í landinu.
Með vinsemd og virðingu,
Herbert Hjelm
Sveinbj. Þórðarson
Jóhannes Ragnarsson
Árni E. Albertsson
Anna Valvesdóttir
Margrét Jónasdóttir
Heiðar Friðríksson
Sigriður Breiðfj. Sigurðard.
- öll á Ólafsvík.
DJÖDVIUINN
0 68 13 33
0 68 18 66
Tíminn
0 68 63 00
Blaðburður er
og borgar sig
Vantar
blaðbera
til sumar-
afleysinga
víðs vegar
um bæinn
Hafðu samband við okkur
Síðumúla 6
0 6813 33
Frá menntamálaráðuneytinu:
Lausar stöður við framhaldsskóla:
Menntaskólann vift Sund vantar kennara í íslensku og sögu, um
er að ræða ráðningu til eins árs. Kennara í hagfræði og viðskipta-
greinum, stærðfræði og tölvufræði. Ennfremur kennara í hálfar
stöður í dönsku og þýsku.
Menntaskólann á Akureyri vantar kennara í eftirtaldar greinar:
íþróttir, þýsku, líffræði/efnafræði ein staða og ein staða í sögu og
íslensku.
Verkmenntaskólinn á Akureyri, ein kennarastaða í íslensku og
ensku.
Fjölbrautaskólinn í Breiðholti, kennarastöður í eftirtöldum grein-
um: hjúkrunarfræðum, eðlisfræði, dönsku, efnafræði, vélritun og
almennum viðskiptafræðum.
Einnig hálf kennarastaða í félagsfræðum.
Umsóknir ásamt upplýsingum um menntun og fyrri störf sendist
menntamálaráðuneytinu, Hverfisgötu 6,150 Reykjavíkfyrir 10. júní
næstkomandi.
Þá vantar stundakennara að Menntaskólanum við Sund í eftirtöld-
um greinum: íslensku, ensku, þýsku, latínu, spænsku, félagsgrein-
um, það er félagsfræði og stjórnmálafræði, raungreinum það er
eðlis-, efna- og stjörnufræði og í líkamsrækt. Umsóknir sendist
skólanum ásamt upplýsingum um menntun og fyrri störf fyrir 10.
júní.
Menntamálaráðuneytið
Kennara vantar
Kennara vantar að Grunnskóla Þorlákshafnar.
Helstu kennslugreinar eru:
Mynd-og handmennt, íþróttir, tungumál, kennsla
yngstu barna.
Góð vinnuaðstaða og hagstætt húsnæði.
Upplýsingar veittar hjá formanni skólanefndar í
síma 99-3789 og hjá skólastjóra í síma 99-3910.
þJÓÐVILJINN
Höfuðmálgagn
stjómarandsföðunnar
Áskriftarsími (91)68 13 33