Þjóðviljinn - 02.10.1987, Blaðsíða 2

—SPURNINGIN—
Hvernig líst þér á nýja
ráðhúsiö við tjörnina?
Sigurður Örlygsson,
listmálari
Líst ekki á þaö. Það á að láta miðbæ-
inn sem mest í friði. Ég vil ekki láta
hrófla við miðbænum, nema til að
gera upp gömul hús. Það er nokkuð
heilleg mynd í kringum tjörnina og
hún á að fá að halda sér.
Ester Högnadóttir,
húsmóðir
Hræðilega. Alveg hræðilega. Þetta er
fyrir neðan allar hellur. Það á að láta
miðbæinn í friði.
Ruth Bergsteinsdóttir,
kaupmaður
lila. Ég vil ekki sjá það. Það á frekar
að laga kantana og umhverfið eins og
það er. Hafa tjörnina eins og hún er.
Þetta er alltof stór bygging og alls ekki
viðeigandi. Ráðhúsið er alger tíma-
skekkja. Ég vil geta notið þessa
gamla og vinalega umhverfis eins og
það er. Fá að vera á skautum í friði
fyrir ráðhúsbyggingunni.
Benedikt Guðbjartsson,
bankalögfræðingur
Það á helst ekki að vera á þeim stað,
sem hefur verið ákveðinn. Ég er hrifn-
ari af hugmynd Ómars, um að flytja
Miðbæjarskólann vestur í bæ og
byggja ráðhúsið þar sem hann er
núna. Það skemmir umhverfi tjarnar-
innar síður. En reyndar er ég ekki
Reykvíkingur, þannig að þetta skiptir
mig ekki eins miklu máli.
Sofffa Karlsdóttir,
nemi í Söngskóianum
Mér líst alls ekki á það. Það má ekki
minnka tjörnina og ráðhúsið eyði-
leggur umhverfið við tjörnina, sem er
einn af fáum griðastöðum í bænum.
FRÉTTIR
Grímsey
Skjálftamenn norður
Almannavarnir efna tilfrœðslufundar í Grímsey ídag.
Upplýsinga um skjálftana að undanförnu aflað meðal íbúanna
Aðstæður í Grímsey ef til stærri
skjálfta kemur eru fremur
bágar, en þó er ekkert sem ekki er
hægt að leysa með nútímatækni.
Á eynni er flugvöilur fyrir smærri
vélar, þyrlum er hægt að beita, og
jafnvel þótt höfnin laskaðist væri
mögulegt að flytja fólk á bátum út
í skip, sagði Guðjón Petersen,
framkvæmdastjóri Almanna-
varna, en stofnunin hefur ákveð-
ið að efna til fræðslufundar fyrir
eyjarskeggja vegna þeirrar jarð-
skjálftavirkni sem hefur verið á
Grímseyjarsvæðinu að undan-
förnu, og verður hann haldinn í
dag i samkomuhúsinu.
Auk Guðjóns mæta á fundinn
jarðeðlisfræðingarnir Páll Ein-
arsson og Páll Halldórsson, Örn
Egilsson fulltrúi og Gísli Olafs-
son, en hann er starfsmaður Al-
mannavarna á Norðurlandi.
Fluttir verða fyrirlestrar um þá
jarðfræði Grímseyjar sem hefur
áhrif á jarðskjálftavirkni, og um
varnir og viðbrögð gegn jarð-
skjálftum. Þá er í ráði að afla
upplýsinga meðal íbúanna um
hvernig þeir hafi fundið fyrir
jarðskjálftunum.
Á Grímseyjarsvæðinu hefur
verið stöðug jarðskjálftavirkni
síðan í septemberbyrjun. Flestir
hafa skjálftarnir verið smáir, en
þó valdið óþægindum. Sá stærsti
fór rétt yfir 4 á Richterskvarða og
þá hrundu smáhlutir úr hillum en
ekkert laskaðist af stærri hlutum
að sögn Guðjóns.
Guðjón var spurður um jarð-
skjálftaspár, og sagði hann að
kapp væri nú lagt á að setja upp
tæki víða um land til að sjá fyrir *
næstu skjálfta, en miklum erfið-
leikum væri bundið að segja fyrir
um jarðskjálfta.
- Það tekst kannski á einu
svæði, en slíkt er erfitt að
heimfæra upp á önnur, þar sem
aðstæður eru ólíkar. „En það má
segja að það sem við erum að
gera í dag nýtist næstu kynslóð,“
sagði Guðjón.
HS
tilefni 20 ára afmælisins afhentu stjórnendur lyfjafyrirtækjanna Pharmaco hf. og Delta hf. Rannsóknastöð Hjartaverndar 200 þús. kr. að gjöf. Á myndinni afhendir
Werne Rasmusson stjórnarformaður fyrirtækjanna Nikulási Sigfússyni, yfirlækni Rannsóknastöðvarinnar, gjöfina.
Hjartasjúkdómar
Sérfræðingar þinga
Hjartasérfrœðingarfrá níu löndum samankomnir hér á landi. Ráðstefna á Hótel
Loftleiðum2. og3. október. 50% látastaf völdum hjartasjúkdóma hér á landi
Itilefni af 20 ára afmæli
Rannsóknastöðvar Hjarta-
verndar verður efnt til lækna-
þings dagana 2. og 3. október
næstkomandi og fer þinghaldið
fram að Hótel Loftleiðum.
Á læknaþinginu verða flutt 22
erindi, sem öll fjalla um hjarta-
sjúkdóma og málefni tengd þeim.
Hingað til lands hefur verið boð-
ið átta mikilsmetnum læknum og
vísindamönnum á sviði hjarta-
lækninga og koma þeir frá Fær-
eyjum, Danmörku, Noregi, Sví-
þjóð, Finnlandi, Bandaríkjun-
um, Bretlandi ogTékkóslóvakíu.
Auk þess munu fjórtán íslend-
ingar flytja erindi, þar af 11 lækn-
ar.
Frá því að Rannsóknastöð
Hjartavemdar tók til starfa hafa
verið skoðaðir nær 70 þúsund ís-
lendingar. Tilgangur starfsins
hefur alla tíð verið að reyna með
öllum ráðum að koma í veg fyrir
skæðasta sjúkdóm sem hrjáir
mannkynið í dag, sem hjartasjúk-
dómar eru.
í hóprannsókn Hjartaverndar
árið 1968-1970 kom í ljós að 16J
karlmenn af hundraði reyndust
vera með hækkaðan blóðþrýst-
ing. Á undanförnum árum hefur
skilningur fólks aukist á fyrirbyg-
gjandi aðgerðum sem kemur
fram í því að dregið hefur úr há-
þrýstingi almennt hér á landi og
jafnframt minnka líkurnar á ó-
tímabærum dauðdaga af völdum
hjartasjúkdóms. En staðreyndin
er að mun meira má gera til að
sporna við vágestinum sem manna og ótal marga um aldur
leggur að velli um 50% lands- fram. gr|,
Afmœli
Æskan90 ára
Afmœlisins minnst með fagnaði í Tónabíói5. okt.
Barnablaðið Æskan er 90 ára
um þessar mundir. Það hóf
farsæla göngu sína þann 5. okt.
1897, undir ritstjórn Sigurðar Jú-
líusar Jóhannessonar. Blaðið hef-
ur lengst af verið geflð út af Stór-
stúku Islands.
Æskunni var í öndverðu ætlað
það hlutverk að efla „bindindi,
gott siðferði, framfarir og
menntun unglinga yfir höfuð“.
Sú stefna blaðsins er enn óbreytt
og hefur enst því til þess langlífis,
sem raun ber vitni.
Þessa merkisafmælis Æskunn-
ar verður minnst með fagnaði í
Tónabæ mánudaginn 5. okt. og
hefst hann kl. 10.30. mj,g
2 SÍÐA - ÞJÓÐVILJINN Föstudagur 2. október 1987