Þjóðviljinn - 10.11.1987, Blaðsíða 5

LANDSFUNDUR
Frá slitum Landsfundarins. Nýkjörin stjórn og starfsmenn fundarins taka saman höndum og syngja Internationalinn með fundarmönnum. Frá v. Bjargey Einarsdóttir, Björn Grétar Sveinsson, Svanf ríð-
ur Jónasdóttir, Jóhann Arsælsson, Kristinn R. Einarsson, Olafur Ragnar Grímsson, Adda Bára Sigfúsdóttir og Kristín Á. Ólafsdóttir sem leiddi sönginn. Mynd - E.OI.
Stjórnmálaályktun 8. landsfundar Alþýðubandalagsins
Stytting vmnutímans
er lykill að framfömm
Alþýðubandalagið lýsirfullkominni andstöðu við ríkisstjórnina og
býr sig undir harðnandi baráttu um skiptingu þjóðarteknanna
Aðalverkefni
Eitt stærsta verkefni flokksins
og verkalýðshreyfingarinnar er
að stuðla að raunhæfri áætlun um
markvissa styttingu vinnutímans
á tilteknu árabili. Vinnuþræl-
dómurinn er einn ljótasti blettur-
inn á samfélagi okkar enda skera
íslendingar sig úr öðrum þróuð-
um þjóðfélögum að þessu leyti.
Fyrir liggur, eftir yfirvinnubann-
ið fyrir 10 árum, að unnt er að
halda tekjum fólks óbreyttum í
flestum fyrirtækjum með mun
styttri vinnutíma.
Stytting vinnutímans er lykill-
inn að félagslegum og menning-
arlegum framförum á flestum
sviðum:
* Það er stærsti þátturinn í fjöl-
skyldustefnu.
* Það er þýðingarmesta atriðið í
því að byggja upp samfélag sem
er betra við börnin.
* Það er veigamesti þátturinn í
því að stuðla að raunverulegu
jafnrétti kvenna og karla.
* Það er úrslitaatriði í framþróun
menningarsamfélags með víð-
tækari þátttöku almennings.
Styttingu vinnutímans verður
jafnframt að fylgja átak til þess
að skapa aðstæður fyrir þrosk-
andi og menningarlegar tóm-
stundir.
Stytting vinnutímans er einnig
liður í því að bæta atvinnulífið.
Erlend atvinnufyrirtæki byggjast
einvörðungu upp á dagvinnu.
Það er því liður í því að samræma
samkeppnisskilyrði atvinnuvega
okkar við innflutning að stytting
vinnutímans hafi átt sér stað hér á
landi þannig að vinnutími hér sé
svipaður og gerist í grannlöndum
okkar.
Annað stórt verkefni er að
tryggja öryggi og aðbúnað þeirra
hópa sem mest þurfa á velferðar-
þjónustu þjóðfélagsins að halda.
Aldraðir, fatlaðir og einstæðir
foreldrar eiga rétt á mannsæm-
andi lífi. Lífeyriskerfið, hús-
næðiskerfið, dagvistarþjónustu
og aðra þætti velferðarkerfisins
verður að gera þannig úr garði að
allir þegar þjóðfélagsins sitji við
sama borð.
Stjórnmálaþróunin
undanfarna mánuði
Þegar kosningaútslitin í vor
lágu fyrir varð fljótt ljóst að
íhaldsstjórnin mundi starfa áfram
annað hvort með stuðningi Borg-
araflokks eða Alþýðuflokks.
Þessi íhaldsstjórn hefur nú stigið
sín fyrstu skref með árásum á
kjör almennings og ber þar hæst
álagningu matarskatts. Ríkis-
stjórnin hefur haldið þannig á
efnahagsmálum að verðabólga
hefur vaxið og raunvextir hafa
aldrei verið hærri en þeir eru nú.
Aðild Alþýðuflokksins að ríkis-
stjórninni hefur ekki fært hana
nær jafnaðarstefnu. Hún hefur
hvergi sýnt lit á því, ekki í byggð-
amálum, ekki í kjaramálum, ekki
í skólamálum, ekki í menning-
armálum, ekki í skattamálum.
Þeir sem hafa rakað saman
gróða í góðærinu eru ríkari nú en
nokkru sinni fyrr og þeir fá að
hafa auð sinn í friði fyrir ríkis-
stjórninni sem hefur enn enga til-
burði uppi til þess að skattleggja
fyrirtækin né stóreignirnar. Eina
framlag þeirra í skattamálum er
matarskatturinn.
í atvinnumálum hefur ríkis-
stjórnin lagt fram frumvarp á Al-
þffigi sem gengur út á það að sam-
þykki iðnaðarráðherra nægi til að
opna fyrir erlendum fyrirtækj um.
Þá væri unnt að reisa hér álver að
meirihluta í eigu útlendinga án
þess að málið væri einu sinni bor-
ið undir Alþingi. Þetta er fráleit
og háskaleg stefna og getur með
öðru orðið til þess að veikja for-
sendur hins efnahagslega sjálf-
stæðis þjóðarinnar. Hér hafa oft
farið fram deilur um þátttöku er-
lends fjármagn í íslensku
atvinnulífi. Nú á bersýnilega að
leiða erlent fjármagn til öndveg-
is, því eina tillagan sem ríkis-
stjórnin hefur lagt fram í atvinnu-
málum frá því að Alþingi kom
saman, opnar þannig fyrir eignar-
aðild útlendinga.
Alþýðubandalagið lýsir fullri
andstöðu við þessa stefnu ríkis-
stjórnarinnar. Fátt er nú mikil-
vægara í sviptingum hins alþjóð-
lega auðmagns en að standa
traustan vörð um sjálfstæði þjóð-
arinnar og skýlaust forræði ís-
lendinga sjálfra í öllum atvinnu-
rekstri er algert úrslitaatriði sem
Alþýðubandalagið mun aldrei
hvika frá.
Verkefnin hér og nú
Alþýðubandalagið telur að
eftirfarandi verkefni séu megin-
atriði íslenskra stjórnmála.
1. Að afnema matarskattinn en
leggja í staðinn skatta á stór-
Framhald á bls. 6
Þriðjudagur 10. nóvember 1987 ÞJÓÐViLJINN — SÍÐA 5