Þjóðviljinn - 25.05.1988, Blaðsíða 19

Mokkakaffi 30 ára
Ljósmyndir af gestum og gangandi
Nú stendur yfir á Mokkakaffi við Skólavörðustíg
sýning á um það bil 30 Ijósmyndum eftir Davíð Þor-
steisson. Það er myndunum sammerkt að vera allar
teknar inni á Mokka af gestum kaffihússins og starfs-
liði. Langflestar myndanna eru frá síðustu fimm árum
og eru þær allar svart-hvítar. Sýningin er haldin í
tilefni af 30 ára afmæli Mokkakaffis um þessar mund-
ir.
Davíð hefur fengist við ljósmyndun í allmörg ár
sem áhugamaður og hefur haldið eina einkasýningu
áður. Það var vorið 1985 - þá einnig á Mokka. Mynd-
efni þeirrar sýningar var götulíf í gamla miðbænum.
Eins og margir aðrir unnendur kaffis og friðar,
hefur Davíð löngum fundist gott að bregða sér inn á
Mokka og sitja þar um stund fjarri tímans þrasi. Þá
hefur myndavélin stundum verið með í för. Fyrstu
myndir sínar á Mokka tók Davíð árið 1975 en þær
urðu því miður aðeins örfáar. Olli því smellurinn í
vélinni, sem Davíð þótti ganga of nærri friðhelgi húss-
ins. Varð ekki af frekari ljósmyndun á staðnum fyrr
en haustið 1983 þegar hann komst yfir látprúðari vél.
Síðan þá hefur Davíð myndað óformlega og óforvar-
andis marga gesti kaffihússins - ekki síst gáfulega
menn og fagrar konur.
Ljósmyndunin hefur mest farið fram í kyrrþei til að
raska ekki ró manna og rj úfa ekki grið, og ævinlega án
hjálparlýsingar. Ávöxt þessarar tómstundaiðju getur
nú að líta uppi á veggjum staðarins, og er það von
Davíðs að menn taki viljann fyrir verkið og láti sér
ekki mislíka þótt ef til vill hafi stundum ófimlega til
tekist.
Síðan haustið 1983 hefur Davíð myndað óform
lega og óforvarandis marga gesti kaffihússins.
Myndlist
Ljósmyndir í Nýlistasafninu
Nú stendur yfir ljósmyndasýn-
ing Hollendingsins Robin van
Harreveld, í Nýlistasafninu við
Vatnsstíg.
Um myndir sínar segir hann: -
Ég vinn ljósmyndir í myndröðum
þar sem öllu er þjappað saman á
sem ótvíræðastan hátt. í sér-
hverri ljósmynd gef ég gaum að
ákveðnu frumatriði. Ljósmynd-
irnar eru ekki tilviljanakenndar í
einfaldleika sínum, heldur fylgja
þær ákveðnu kerfi, og merkingu
þeirra er einungis hægt að fá úr
því samhengi sem þær mynda.
- Tálmynd tíma og rýmis hef ég
látið hverfa úr ljósmyndunum
vegna þess að í verkum mínum er
um hið sanna eðli ljósmyndarinn-
ar að ræða. Tími og rými birtast
mér frekar á ný í uppröðun
myndanna.
Sýningin stendur til 29. maí og
er opin virka daga kl. 16:00-
20:00, og kl. 14:00-20:00 um
helgar.
LG
Robin van Harreveld
Söngskólinn
Skólaslit og tónleikar
150 nemendur í vetur
Fimmtánda starfsári Söng-
skólans í Reykjavík er nú að
ljúka, og hafa um 150 nemendur
stundað nám við skólann í vetur.
Skólinn útskrifar að þessu sinni
einn söngkennara, Ingu Jónínu
Backman. Sex nemendur luku
VIII stigi, sem er lokapróf úr al-
mennri deild.
Vortónleikar skólans verða:
VIII stigs tónleikar: í kvöld kl.
20.30 í Tónleikasal Söngskólans
að Hverfisgötu 45, Sólrún Hlöðv-
ersdóttir, Ragnheiður Lárusdótt-
ir og Þórdís Þórhallssóttir.
Fimmtudaginn 26. maí kl. 20.30 í
Tónleikasal Söngskólans, Ólöf
G. Ásbjörnsdóttir og Stefán
Arngrímsson.
VIII og söngkennaraprófstón-
leikar: mánudaginn 30. maí kl.
20.30 í Norræna húsinu: Björk
Jónsdóttir, VIII stig og Inga J.
Backman, söngkennarapróf,
L.R.S.M.
Nýútskrifaður söngkennari úr
Söngskólanum í Reykjavík: Inga
J. Backman
Tónleikar í Bústaðakirkju
Jónas Sen hektur píanótónleika
Fyrstu sjálfstæðu og opinberu
píanótónleikar Jónasar Sen
verða í Bústaðakirkju í kvöld kl.
20.30.
Níu áragamall hóf Jónas nám
hjá Kolbrúnu Óskarsdóttur og 11
ára innritaðist hann í Tónlistar-
skólann í Reykjavík en kennari
hans þar var Árni Kristjánsson.
Sautján ára gamall lauk hann ein-
leikaraprófi frá skólanum. Á
námsárum sínum kom Jónas þó
oft fram sem einleikari.
Fjórtán ára lék hann fyrst ein-
leik með sinfóníuhljómsveit,
fimmtán ára lék hann með hljóm-
sveit 1. píanókonsert Liszts, 2.
konsert Rachmaninovs, og fleira
mætti upp telja. Að loknu stú-
dentsprófi fór Jónas í framhalds-
nám til Parísar, kennarar hans
þar voru Pierre Sancan og síðar
Monique Deschausseés.
í tvö ár hefur Jónas kennt pí-
anóleik við Nýja tónlistarskólann
og er jafnframt yngsti kennari
skólans.
Á efnisskrá tónleikanna eru
tvær sónötur eftir Beethoven op.
109 í E-dúr og op. 110 í As-dúr.
Jónas Sen.
Eftir hlé leikur Jónas h-moll són-
ötu Fr. Liszts.
ALÞÝÐUBANDALAGIÐ
Alþýðubandalagið á Norðurlandi vestra
Ráðstefna um byggðamál
Vorfundur Kjördæmisráðs Alþýðubandalagsins á Norðurlandi vestra verð-
ur haldinn á Hótel Blönduósi nk. sunnudag 29. maí kl. 13-19.
Að lokinni fundarsetningu verður rætt um flokksstarfið, en að því loknu kl.
14 hefjast alm. umræður um byggðamál og er sá hluti fundarins öllum
opinn.
Framsögn hafa: Svanfríður Jónasdóttir, varaformaður Alþýðubanda-
lagsins, Svavar Gestsson, alþm., Þorleifur Ingvarsson, bóndi á Sól-
heimum og Róbert Guðfinnsson, framkvæmdastjóri Þormóðs ramma hf.
á Siglufirði.
Á eftir munu framsögumenn sitja fyrir svörum í panelumræðum sem Ragn-
ar Arnalds alþ.m. stjórnar.
Kaffihlé 16-16.30.
Síðan munu umræðuhópar starfa. Gert er ráð fyrir fundarslitum um kl. 19.
Stjórn Kjördæmlsráðs
Sumarferð ABR
Árleg sumarferð Alþýðubandalagsins í Reykjavík verður farin sunnudaginn
3. júlí nk.
Að þessu sinni er ferðinni heitið uppá Mýrar. Áningastaðir verða: Borgar-
nes, Borg á Mýrum og Hítardalur.
Undirbúningur er þegar hafinn. Nánari upplýsingar á skrifstofu ABR, Hverf-
isgötu 105, sími 17500. Undlrbúningsnefnd
Neskaupstaður
Félagsfundur
Hjörleifur Guttormsson alþingismaður ræðir um störf Alþingis og stöðu
þjóðmála á fundi Alþýðubandalagsins í Neskaupstað miðvikudaginn 25.
maí kl. 20.30 að Egilsbraut 11.
Félagar fjölmennið. - Stjórn ABN.
Sumardvöl á Laugarvatni
Hinar sívinsælu sumarbúðir Alþýðubandalagsins á Laugar-
vatni verður í sumar vikuna 18. - 24. júlí.
Umsjón verða í höndum Margrétar Frímannsdóttur og Sigríðar Karlsdóttur.
Allar nánari upplýsingar í síma 17500.
Alþýðubandalagið
Alþýðubandalagið Selfossi
og nágrenni
Almennur félagsfundur
Almennur félagsfundur verður haldinn að Kirkju-
vegi 7 Selfossi, fimmtudaginn 26. maí kl. 20.30.
Margrét Frímannsdóttir alþingismaður kemur á
fundinn og ræðir stjórnmálaástandið og stöðu
Alþýðubandalagsins.
Nýir félagar velkomnir. Fjölmennið. Stjórnin.
Ráðstefna um byggðamál
Dalvík 10.-12. júní 1988
Alþýðubandalagið boðar til ráðstefnu um byggðamál á Dalvík 10. - 12. júní
n.k.
Ráðstefnan hefst kl. 14.30 föstudaginn 10. júní og er áætlað að henni Ijúki
síðdegis sunnudaginn 12. júní.
Dagskrá:
Föstudagur 10. júní
Kl. 14.30 Framsöguerindi
Umræður
Kl. 19.00 Farið til Hríseyjar. Eyjan skoðuð og snæddur kvöldverður.
Laugardagur 11. júní
Kl. 09.00 Framsöguerindi
Umræður
Kl. 16.00 Skoðunarferð um Dalvík - söfn og fyrirtæki.
Snætt á Grund í Svarfaðardal. Þátttakendum kenndur svarf-
dælskur mars.
Sunnudagur 12. júní
Kl. 09.00 Sundskálaferð
Kl. 10.30 Hópavinna - skil og umræður
Eftirtaldir hópar starfa:
I Stjórnkerfið og þjónusta
II Atvinnumál og þjónusta
III Menning og viðhorf
IV SÍS og kaupfélögin.
Ráðstefnunni lýkur síðdegis.
Gisting verður í heimavist Dalvíkurskóla (Sumarhótel).
Allar nánari upplýsingar veita Svanfríður Jónasdóttir í síma 96-61460 og
Þóra Rósa Geirsdóttir í síma 96-61411. Þær taka einnig við þátttökutilkynn-
ingum.
Nánar auglýst sfftar Alþýðubandalagið
Margrét
FLUGLEIÐIR
-fyrirþíg-
Miðvikudagur 25. maí 1988 ÞJÓÐVIUINN -c $fÐA 19