Þjóðviljinn - 19.06.1988, Blaðsíða 2

M A G A M Á L
Útkoman færð upp á fat, umkringd ýmsu því sem í hana á að fara og fjallað er um hér á síðunni.
, JSdartröð
fjármálaráðherrans"
Uppskriftað hinu ábrystum líka kínverska
doufui. Eggjahvítuauðugt, holltog afar ódýrt
írósa-
garðinum
ÞARFASTI
ÞJÓNNINN
Ólafur sagði að þetta fé hefði
aldrei fengist ef lögfræðingar
hefðu ekki verið með í málinu og
ef sendiherrann hefði ekki einnig
haft hönd í bagga.
Tíminn
SJÁLFSGAGN-
RÝNIN LIFI
Nú, en það er til lítils að gagnrýna
ef gagnrýnandinn nennir ekki að
skoða málið ofan í kjölinn og leita
nýrra leiða.
Morgunblaðið
ÞANÞOL
MANNLEGRAR
SKYNSEMI
Ófullkomleiki tölvunnar byggist á
fullkominni nákvæmni hennar en
fullkomleiki mannsins á ófull-
komleika hans, því í fullkomleika
tölvunnar er hvergi undankomu-
leið, þar sem maðurinn hefur aft-
ur á móti óendanlegar víddir til
undankomu.
Morgunblaðið
Á REFILSTIGUM
SAMHJÁLPAR-
INNAR
Níu leikmenn nýbakaðra bikar-
meistara, Wimbledon, voru sekt-
aðir fyrir rassasýningu sem þeir
héldu í góðgerðarleik þegar þeir
tóku niður um sig buxurnar.
Þjóðviljinn
MÁL OG MENNING
Sögur af Manhattan: Fjórar sjálf-
stæðar sögur sem tengjast gegn-
um yfirfrakka einn sem spilar
stórt hlutverk í þeim öllum.
Þjóðviljinn
ENEFMAÐUR FÆR
SÉR MYNDLYKIL?
Það gefur meira í aðra hönd að
litast um úti í náttúrunni heldur en
góna í sjónvarpsskjá og það
jafnvel þótt hann sé tengdur
rándýru myndbandstæki.
Morgunblaðið
AÐGÁT
SKAL HÖFÐ...
Hundaeigendur verða að skilja
að þótt þeir þekki hundana sína á
hið sama ekki viö um ókunnugt
fólk.
Morgunblaðið
STEFNT
Á TOPPINN
Þetta stendur knappt, en það er
þó betur komið fyrir okkur en
Helgarpóstinum.
Þjóðviljinn
„...OG VIÐ
ELLEFU TVISVAR<(
Ég þarf að eiga við 22 lúmska
þrjóta sem reyna að snúa á mig,
svo að ég verð að vera sá allra
lúmskasti til að þeir hlusti á mig.
Þjóðviljinn
Átímabilivarákveðin
nafngiftaformúla mjög ráð-
andi á veitingastöðum borg-
arinnar, einkum þeim sem
héldu sig við meðalhófið í
verði. Kannski væri nærað
tala um gælunöfn, en þetta
voru orðaleppar á borð við
Draumurfjósamannsins, Eft-
irlæti hreppstjórans og fleira í
þeimdúr. Heldur leiðigjörn
tíska reyndar vegna þess
hvað þessi eignarfallsformúla
var ósveigjanleg og f ráviks-
vana. En því er þetta rifjað
upp að í síðustu viku var at-
hygli góðfúsra lesenda vakin
á nýtilkomnum mat hér um
slóðir, hinu ábrystum líkado-
ufui frá Kína og þeim pláss-
um, sem mætti eftir sömu for-
múlu nefna „Martröðfjár-
málaráðherrans", meinhollur
maturog hræbillegur, og þar
með sérlega vel til þess fallinn
að sjá við óvinsælum matar-
skatti, að minnsta kosti með-
an verðlagningin fær að vera í
friði, en hálft kíló kostar hundr-
aðkall.
Doufui er gott með öllum mat;
fiski, kjöti, í salöt og súpur. f síð-
ustu viku var á dagskrá fiskupp-
skrift með doufuinu, og því er við
hæfi að huga að kjötrétti í þetta
sinn. Hann heitir Mapo doufui og
er og á að vera vel sterkur, þótt
auðvitað megi draga úr krydd-
magninu, en það gera lesendur
upp á sína.
Fjármálaráðherra og skatt-
heimta hans eru enn höfð að
leiðarljósi; kjötið sem notað er í
þennan rétt er fremur ódýrt:
hakk. Mælieiningin fyrir það er
kannski nokkuð óvenjuleg, en í
þessari uppskrift er það mælt í
matskeiðum.
Söltuðu, svörtu baunirnar má
fá hér og þar í verslunum, og eins
dökka, þurrkaða kínverska
sveppi. Ef erfiðlega gengur að
hafa uppi á þessum sveppum not-
ar maður nýja í staðinn og kemur
kannski nokkurn veginn út á eitt,
en þá sleppur maður líka við að
leggja þá í bleyti.
Eldamennskan gengur þannig
fyrir sig að sveppirnir eru settir í
vatn og hafðir þar í 20 mínútur
eða svo. Látið vatnið síðan renna
af þeim en hendið því þó ekki.
Skerið nú hvern svepp í fjóra
parta.
Olían er hituð á pönnu og það
duglega. Þá eru svörtu baunirnar
settar út í og steiktar við háan hita
í 20 sekúndur. Hakkið fer nú á
pönnuna ásamt sveppunum og
helmingnum af púrrunni. Steikt í
þrjár til fjórar mínútur, einnig við
háan hita, og jafnframt hrært í
svo að allt brenni nú ekki við eða
eitthvað þaðan af verra.
Flest annað mætir nú til leiks:
hvítlauknum er bætt á pönnuna,
þremur til fjórum matskeiðum af
sveppavatninu, sojasósu, hois-
insósu, chillisósu, sykri, doufui
og soði.
Suðan er nú látin koma upp og
allt mallar á pönnunni í 3 til 4
mínútur.
Maízenablandan bætist nú í
hópinn, sem og afgangurinn af
púrrunni og sesamolían. Látið
malla þar til kássan er orðin
þykkari. Borið fram heitt, og
gjarnan með hrísgrjónum.
Og enn og aftur: Takið allt til
áður en þið byrjið á eldamennsk-
unni; það er ekkert kjötsúpu-
tempó í þessum kínversku rétt-
um.
HS
Þetta þarf til:
5 eða 6 þurrkaða, kínverska sveppi
Einn og kvart bolla af vatni
1/4 bolla af olíu
2 teskeiðar saltaðar, svartar baunir. Lagðar í bleyti í 10 mínútur og
þurrkaðar
5 til 6 matskeiðar nautahakk
púrru eftir smekk, einn bolla eða svo
4 hvítlauksrif, pressuð
2 matskeiðar sojasósa
2 matskeiðar hoisinsósa
2 teskeiðar chillisósa (eða eftir smekk)
1 teskeið strásykur
250 grömm eða svo af doufui. Skorið í teninga, sirka tvo sentimetra á
kant
2 teskeiðar maízenamjöl, leyst upp í þremur matskeiðum af vatni
1 matskeið sesamolía
1/4 bolli kjötsoð
'2 SÍÐA - ÞJÓÐVILJINN Sunnudagur 19. júní 1988