Þjóðviljinn - 05.08.1988, Síða 11

FÖSTUDAGSFRÉTTIR
Loðna
Háttverð
en dauður
sjór
Hólmaborg SU11 œtlaði
á miðin um síðustu helgi
en hœtti við. Norðmenn á
heimleið
Afurðaverð fyrir loðnumjöl og
lýsi er enn mjög hátt þó svo að
lýsistonnið hafi lækkað úr 470
dollurum þegar það var hvað
hæst fyrr í sumar í 400 dollara í
dag. Fyrir hverja próteineiningu
af loðnumjöli fást nú um 9 dollar-
ar en um 70 próteineiningar eru í
hverju tonni. Þegar hafa verið
gerðir fyrirframsamningar um
sölu á loðnuafurðum en það sem
skyggir á er að engin loðna fyrir-
finnst á miðunum enn sem komið
er.
Að sögn Jóns Ólafssonar fram-
kvæmdastjóra Félags íslenskara
fiskimjölsframleiðenda eru loðn-
uverksmiðjur þegar tilbúnar til
að taka á móti loðnu. Jón sagði
ennfremur að til að fá sem hæst
verð fyrir loðuafurðirnar væri
náttúrlega best að sem mest af
henni veiddist fyrir áramót því þá
væri hún best til vinnslu og gæfi
einnig mest af sér.
Hólmaborg SU 11 frá Eskifirði
var tilbúin að leggja í hann um
síðustu helgi en að sögn Magnús-
ar Bjarnasonar framkvæmda-
stjóra hjá Hraðfrystihúsi Eskfirð-
inga hættu menn við þegar það
fréttist að Norðmenn væru á
heimleið út úr íslensku landhelg-
inni þar sem enga loðnu væri að
fá. En þeir fengu heimild fyrir 54
loðnuskipum sem máttu veiða
alls um 40 þúsund tonn. Af þeim
er aðeins eitt skip eftir og
heildaraflinn tæp 4 þúsund tonn.
Að sögn Jónasar Haraldssonar
skrifstofustjóra hjá Landssam-
bandi íslenskra útvegsmanna er
loðnuflotinn enn á rækjuveiðum
fyrir Norðurlandi og bjóst hann
ekki við að neinn mundi hreyfa
sig á loðnumiðin neitt á næstunni
að öllu óbreyttu.
„Það fylgir því mikil áhætta og
kostnaður að leggja af stað í dag
þegar ljóst er af tilraunum Norð-
manna að enga loðnu er enn að
hafa,“ sagði Jónas Haraldsson.
-grh
Gengið í rigningu. í gær efndi Æskulýðs- og íþróttaráð Reykjavíkur til hátíðahalda í tengslum við
félagsmiðstöðvar í borginni. Börn og unglingar söfnuðust saman á Klambratúni, sem nú heitir opinberlega
Miklatún, og gengu fylktu liði vestur í Hljómskálagarð.
Ekki viðraði allt of vel til hátíðahalda en þátttakendur létu það ekkert á sig fá. Þeir höfðu líka margir hverjir
skrýðst sérhönnuðum hátíðabúningum og töldu enga ástæðu til að láta regnskúrir trufla vel undirbúna
skemmtun.
Bolungarvík
Þagað um afkomuna
Kristinn H. Gunnarsson: Bæjarfulltrúum synjað um upplýsingar um
afkomu íshúsfélagsins EG skuldar bœjarsjóði 20 miljónir. Bœjarstjór-
inn: Ber fullt traust til stjórnenda fyrirtœkisins
Það hafa verið serðar ítrekað-
ar tilraunir tif að fá upplýs-
ingar um afkomu íshúsfélags Bol-
ungarvíkur, en alltaf bænum hef-
ur verið synjað um þær án nokk-
urra skýringa, þótt bæjarsjóður
sé hluthafi í fyrirtækinu, sagði
Kristinn H. Gunnarsson bæjar-
fulltrúi Alþýðubandalagsins í
Bolungarvík við Þjóðviljann.
í nýrri álagningarskrá kemur
fram að Einari Guðfinnssyni hf. í
Bolungarvík er hvorki gert að
greiða tekju- né eignaskatt vegna
þess að skuldir eru meiri en
eignir. Jafnframt hefur fyrirtækið
nýverið fengið 30 miljóna króna
lán frá Byggðastofnun til endur-
skipulagningar.
Að sögn Kristins skuldar fyrir-
tækið hátt í 20 miljónir króna í
bæjarsjóð og munar um minna í
ekki stærra bæjarfélagi en Bol-
ungarvík er.
Ólafur Kristjánsson bæjar-
stjóri sagði að vissulega væri
staða EG áhyggjuefni fyrir
bæjarfélagið enda væri fyrirtækið
eitt af máttarstólpum atvinnulífs-
ins í bænum, en þetta ástand væri
trúlega aðeins tímabundið, enda
svipað umhorfs víðar í sjávarút-
vegi í landinu. Ólafur sagðist ekki
þekkja stjórnendur fyrirtækisins
nema af góðu og bæri hann fullt
traust til þeirra.
Kristinn H. sagði að slæm af-
koma Einars Guðfinnssonar hf.
um þessar mundir væri vissulega
áhyggjuefni fyrir bæjarbúa en
endurspeglaði einnig þá erfiðu
stöðu sem er um þessar mundir
hjá sjávarútvegsfyrirtækjum út
um allt land. Kristinn sagði að
færi svo illa að fyrirtækið rúllaði
væri mest um vert að halda í tog-
arana til að missa ekki kvótann
burt, en trúlega yrði hægt að
halda rekstrinum áfram með nýj-
um eigendum ef til kæmi.
-grh
Landakot
Halli vegna vanefnda ríkis
Stjórn Landakots: Hallarekstur stafar af mistökum viðfjárlagagerð. At-
hugasemdir Hagsýslustofnunar ekki ísamræmi við niðurstöður Ríkis-
endurskoðunar
Stjórn Landakotsspítala segir
orsakir hallareksturs spítal-
ans stafa af mistökum við fjár-
lagagerð. Stjórnin vísar því á bug
að fjárfestingar Landakots og
rekstur rannsóknastofu valdi því
að farið sé fram úr fjárlögum,
þvert á móti hafi Landakot haft
fjárhagslegan ávinning af hvoru
tveggja. Stjórnin er ekki tilbúin
að ganga að samkomulagi Jóns
Baldvins Hannibalssonar fjár-
málaráðherra og Guðmundar
Bjarnasonar heilbrigðisráðherra
án frekari skýringa og hefur ósk-
að eftir fundi með þeim.
Á biaðamannafundi sem stjórn
Landakots boðaði til í gær sagði
Logi Guðbrandsson fram-
kvæmdastjóri spítalans að það
sem fram kæmi í minnisblaði
Fjárlaga- og hagsýslustofnunar til
fjármálaráðherra ætti sér fáar
stoðir í skýrslu Ríkisendurskoð-
unar. En stofnunin tók saman
það sem hún sagði „helstu niður-
stöður“ skýrslu Ríkisendurskoð-
unar. „En mér segir svo hugur að
þetta séu þær upplýsingar sem
fjármálaráðherra byggir sínar
skoðanir á,“ sagði Logi. Enda
væru hugmyndir þær sem fram
kæmu í samkomulagi ráðherr-
anna svo til þær sömu og
Fjárlaga- og hagsýslustofnun
leggur til.
Að sögn Loga stafar halli
Landakots af því að áætlanir
spítalans hefðu verið skomar nið-
ur á fjárlögum. Ekki væri sam-
ræmi á milli þeirra krafna sem
heilbrigðisyfirvöld gerðu til starf-
semi Landakots og þess sem
starfseminni væri ætlað á fjár-
lögum. Þegar Landakot hefði
ætlað að draga saman seglin með
lokun deilda til að falla inn í
ramma fjárlaga, hefði heilbrigðs-
ráðherra beint þeim tilmælum til
spítalans að hætta við þær að-
gerðir. Logi sagði hallann allan
stafa af launagreiðslum vegna
yfirvinnu og álagshlutfalls og ætti
þetta einnig við flestar sjúkra-
stofnanir aðrar.
Eitt af því sem Hagsýslustofn-
un gagnrýnir í rekstri Landakots
eru kaup á Marargötu 2 sem farið
hefðu fram án heimildar í fjár-
lögum. Logi sagði Landakot ekki
hafa þurft heimild til þeirra
kaupa þar sem þau fóru fram árið
1982 en þá var Landakot ekki
inni á fjárlögum. Þá sé það rangt
að spítalinn hefði tapað á þessum
kaupum. Þau hefðu verið fjár-
mögnuð með lánum og leigutekj-
ur af þremur fjórðu hlutum húss-
ins stæðu undir greiðslum þeirra.
í athugasemdum Landakots við
skýrslu Ríkisendurskoðunar
segir síðan „að enda þótt ríkið
hafi ekki nein útgjöld af öflun
þessarar eignar, mun það fyrir-
sjáanlega eignast hana fyrir ekki
neitt innan fárra ára“. En ríkið
tekur yfir rekstur Landakots
1996.
Stefán Ingólfsson verkfræðing-
ur sá um hluta úttektar á rekstri
Landakots fyrir Ríkisendur-
skoðun. Stjórn Landakots er sér-
staklega óánægð með hlut Stef-
áns í málinu og segir niðurstöður
hans byggðar á misskilningi sem
hefði verið hægt að eyða ef
samráð hefði verið haft við spítal-
ann. Ólafur Örn Arnarson yfir-
læknir Landakots telur gagnrýni
Stefáns á kaupum á krabba-
meinsleitartæki td. sýna fákunn-
áttu Stefáns sem leiði hann á vill-
igötur.
-hmp
ísafjörður
Ástæða til
bjartsýni
Grœnlenskir rœkjutogar-
arsnúaaftur. Óvíst
hversu margir. Haraldur
L. Haraldsson bæjar-
stjóri: Gáfu enga hald-
bæra skýringu afhverju
þeirsneru viðskiptum
sínum til Hafnarfjarðar á
sínum tíma
„Eftir viðræður okkar við
Grænlendinga er full ástæða til
að vera bjartsýnn að einhverjir af
rækjutogurum þeirra landi afla
sínum hér í vetur og notfæri sér
þá þjónustu sem við höfum upp á
að bjóða. Hversu margir togarar
það verða vitum við ekki en aðai-
atriðið er þó það að þeir ætla sér
að hafa viðkomu hér sem er
ánægjuefni fyrir bæjarfélagið,“
sagði Haraldur L. Haraldsson
bæjarstjóri á ísafírði.
I síðustu viku héldu fulltrúar
fjögurra ísfirskra fyrirtækja og
hafnarsjóðs ísafjarðar til Græn-
lands þar sem haldin var fjölþjóð-
leg sjávarútvegssýning og þá var
tækifærið notað til að fá úr því
skorið hvort vænta mætti þess að
rækjutogarar þeirra mundu hafa
viðkomu á ísafirði í vetur eða
ekki og þá afhverju. En nýverið
heimilaði sjávarútvegsráðuneyt-
ið um 30 grænlenskum rækjutog-
urum að hafa viðkomu í hér-
Iendum höfnum til uppskipunar á
afla og til að hafa áhafnaskipti. í
bréfi ráðuneytisins var Græn-
lendingum vinsamlega bent á þá
staðreynd að ísafjarðarhöfn
hefði verið uppskipunarhöfn
þeirra í upphafi án þess þó að
ráðuneytið setti það sem skilyrði
fyrir löndunarleyfi að þeir færu
eingöngu þangað.
Það urðu ísfirðingum mikil
vonbrigði sl. vetur þegar græn-
lensku rækjutogararnir hættu að
hafa viðkomu á ísafirði og sneru
viðskiptum sínum til Hafnar-
fjarðar. Þá var talað um að bæjar-
sjóður og ýmis þjónustufyrirtæki
yrðu af allt að 100 miljónum
króna vegna missis þessara við-
skipta við Grænlendinganna.
Að sögn Haraldar bæjarstjóra
var ekki hægt að fá neina hald-
bæra skýringu á því afhverju við-
skiptunum var snúið til Hafnar-
fjarðar á sínum tíma. í það
minnsta höfðu þeir ekkert við þá
þjónustu að athuga sem þeim
stendur til boða þar vestra, held-
ur lofuðu hana upp í hástert.
-grh
NÝTT HELGARBLAÐ - ÞJÓÐVILJINN - SÍÐA 11