Þjóðviljinn - 08.12.1988, Blaðsíða 4

1
FRETTIR
Minningarmörk í Hólavallagarði
eftir Björn Th. Björnsson
Glæsileg bók, prýdd fjölda Ijósmynda um
sögu gamla kirkjugarðsins við Suðurgötu.
Höfundurinnn segir af alþekktri stílfimi og
andríki frá ýmsu því fólki sem þar hvílir.
Hann rekur sögu steinsmíða og leg-
steinagerðar, sem verður jafnframt saga
íslensks handverks, auk þess sem varp-
að er Ijósi átíðarandann hvetju sinni.
Þessi bók er allt í senn: persónusaga,
listasagaog Reykjavíkursaga.
Mál IMI og menning
Laugavegi 18. Sími 15199-24240. Síðumúla 7-9. Sími 688577.
4

i
Háskólinn á Akureyri
Sjávarútvegsfræði
á námsskiá í haust
Við lögðum til við ráðherra að
á næsta hausti yrði tekin upp
kennsla í sjávarútvegsfræðum við
Háskólann á Akureyri. Það yrði
4ja ára nám til 120 eininga og eina
skilyrði til væntanlegra nemenda
fyrir utan stúdentspróf væri að
þeir heíðu minnst 12 mánaða
starfsreynslu í sjávarútvegi, sagði
Pétur Bjarnason markaðsstjóri
og formaður nefndar um sjávar-
útvegsbraut við Háskólann á Ak-
ureyri.
Nefndin var skipuð í vor af þá-
verandi menntamálaráðherra til
að gera tillögur um nám í sjávarú-
tvegsfræðum við Háskólann á
Akureyri og skilaði hún áliti sínu
til Svavars Gestssonar mennta-
málaráðherra í gær. Ráðherra
tók vel í tillögur nefndarinnar og
ætlar að beita sér fyrir að af nám-
inu geti orðið strax á næsta hausti
og sagði nefndarmönnum að
þetta yrði forgangsverkefni í
menntamálaráðuneytinu. Til
þess að svo geti orðið þarf Há-
skólinn á Akureyri að fá 15,4
miljónir króna fjárveitingu og
gera norðanmenn sér góðar vonir
um að hún fáist og að þar með
verði brotið blað í háskóla-
kennsiu hérlendis.
Pétur Bjarnason sagði brýna
nauðsyn á að efla sérstöðu Há-
skólans nyrðra og í því sambandi
væri kennsla í sjávarútvegs-
fræðum afar heppileg og í raun-
inni furðulegt að ekki skuli fyrir
löngu vera hafin kennsla í þessum
fræðum hér á landi. Sérstaklega
þegar haft er í huga mikilvægi
sjávarútvegsins í atvinnulífi þjóð-
arinnar. Hann sagði hugmyndir
nefndarinnar um fyrirhugað nám
að það yrði ma. byggt upp á verk-
efnum í samhengi við það sem
væri að gerast í sjávarútveginum
og þessvegna mundu væntanlegir
sjávarútvegsfræðingar skila sér út
í atvinnulífið sem vel agað og
hæft starfsfólk.
-grh
Frá vinstri: Björn Tryggvason, Sigurður Njálsson, Haukur Helgason, Stanislaw Laskowski, Alexandra
Laskowski, Björn Guðmundsson og Haraldur Haraldsson.
Pólland/ísland
Viöurkenning fýrir samvinnu
Adögunum voru nokkrir aðil-
ar, sem hafa verið í árang-
ursríkri samvinnu í fjölda ára
milli Póllands og íslands heiðrað-
ir við hátíðlcga athöfn í pólska
sendiráðinu. Þessir aðilar voru
heiðraðir með „Order of Merit of
the Polish People’s Republic“ af
dr. Stanislaw Laskowski, verslun-
arfulltrúa Póllands á Islandi.
Haukur Helgason, sem er vara-
formaður og einn af stofnendum
Pólsk-íslenska félagsins, var
heiðraður með „Commandery of
the order“. Björn Tryggvason
aðstoðar-seðlabankastjóri og
Sveinn Á. Björnsson hjá utan-
ríkisráðuneytinu fengu gullorðu,
hinn síðarnefndi var erlendis í op-
inberum erindagjörðum og mun
því fá orðuna síðar. Silfurorður
fengu Björn Guðmundsson hjá
Ásbirni Ólafssyni hf., Haraldur
Haraldsson hjá Andra hf. og Sig-
urður Njálsson.
Þessi athöfn var haldin í sam-
bandi við það að nú eru 70 ár liðin
frá því að Pólland endurheimti
sjálfstæði sitt frá Austurríki,
Prússlandi og Rússlandi. Einnig
sagði dr. Laskowski að þetta væri
þáttur í því að heiðra þá íslend-
inga sem hafa verið viðriðnir
mikilvæg samskipti þjóðanna,
viðskiptalega og ekki síður
menningarlega.
Stéttarsamband bœnda
Opið bréf til Útvarpsráðs
Isjónvarpsþættinum „Maður
vikunnar“ sem var á dagskrá
ríkissjónvarpsins laugardags-
kvöldið 3. desember 1988, var
nokkuð fjallað um hugsanlega
gróðureyðingu af völdum beitar,
einkum sauðfjárbeitar.
Þegar sauðfé bar á góma var
brugðið upp myndum af jarðýtu
að urða kjötskrokka eða af
sauðkind við rofabarð. Myndir
þessar hafa sést áður í sjónvarp-
inu, en notkun þeirra umrætt
kvöld virtist hafa þann tilgang að
lýsa sauðkindinni sem allsherjar
gróðurníðingi, nánast moldar-
ætu, sauðfjárrækt sem fáránlegri
starfsemi er endaði í því að fram-
leiðflan væri urðuð með jarðýtu.
Hvað fyrra atriðið varðar eru
slciþtar skoðanir um þátt beitar í
gróðureyðingu. Ljóst er þó að
hann er nokkur og einnig hitt að
ofbeit lands er á sama hátt og
smáfiskadráp og rányrkja á fiski-
miðum, óverjandi í okkar menn-
ingarsamfélagi. Jafnframt er
augljóst að mestur hluti kinda-
kjötsins er framleiddur á hóflega
beittu landi þar sem engin hætta
er á uppblæstri lands. Sauðkindin
við rofabarðið er því undantekn-
ing — ekki regla.
Um kjötið á sorphaugunum er-
það að segja að sumarið 1987 var
112 tonnum af gömlu kindakjöti
fleygt á haugana. Sama ár var
innanlandsneysla kindakjöts
9.060 tonn sem var 54% af allri
kjötneyslu íslendinga það ár.
Víst var það óviðeigandi að
fleygja kjötinu á haugana með
þessum hætti en það sem fór var
gölluð vara, aðeins 1.2% af
innanlandsneyslu og því mynd-
ræn lygi að sýna það sem einu
afdrif kjötsins.
Öllum geta orðið á mistök,
slíkt verður oft fréttaefni. Ljóst
er að stundarmistök annarra
stétta sem fengu mikla umfjöllun
í fréttum þegar þau gerðust, hafa
verið fyrirgefin og eru ekki talin •
einkenna stéttina. Þannig hefur
handleggsbrotinn maður ekki
orðið einkennismerki lögregl-
unnar, þjóðkirkjunni var fyrir-
gefin óreiða hja Hjálparstofnun-
inni, læknastéttin nýtur al-
mennrar virðingar og tiltrúar
þrátt fyrir að þar hafi orðið mis-
tök og væntanlega verður flaskan
ekki gerð að merki Hæstaréttar.
Svo mætti áfram telja.
í sama hátt þurfa sauðfjár-
bændur að njóta sannmælis og
umfjöllun um starfsgrein þeirra
að byggjast á staðreyndum.
Stundarmistök eins og ofbeit og
haugakjöt eiga ekki að vera
stimpill á því fólki sem hefur at-
vinnu sína af framleiðslu sauð-
fjárafurða.
Með hiiðsjón af framansögðu
er þess óskað að allir hópar þjóð-
félagsins njóti sömu mannrétt-
inda þegar um mál þeirra er fjall-
að.
Haldi ríkissjónvarpið áfram á
sömu braut og umrætt laugar-
dagskvöld er athugandi að nafni
þáttarins verði breytt í „Lastar-
inn“ með hliðsjón af vísunni þar
sem segir:
Lastaranum ei líkar neitt
lœtur hann ganga róginn.
Finni hann laufblað fölnað eitt
fordœmir hann skóginn.
Þórólfur Sveinsson
varaformaður
Stéttarsambands bænda
4 SÍÐA - ÞJÓÐVILJINN Fimmudagur 8. desember 1988