Þjóðviljinn - 17.11.1989, Blaðsíða 26

Hvað á að gera um helgina?
Andrea Jónsdóttir
dagskrárgerðarmaður
Um hverja helgi í mörg ár hef ég ætlað að taka til í geymslunni minni og
ég ætla auðvitað að gera það þessa helgi einsog allar aðrar. Kannski
kemst ég þó ekki yfir meira en íbúðina mína. Ef þið eruð að fiska eftir
menningarneyslu þá er ég ekki rétta manneskjan að leita til. Það væri
þá ekki nema menningin álpaðist út úr sjónvarpinu.
FÍM-salurinn, Bautasteinar, málverk
eftir Ingibjörgu Eyþórsdóttur. Til
28.11.13-18virkadaga, 14-18 helg-
ar.
Gallerí Borg, Pósthússtræti, Temma
Bell, olíumyndir. Til 28.11. Virka daga
10-18,14-18 helgar. Grafík- Gallerí
Borg, Austurstræti 10, Sossa (Mar-
grét Soffía Björnsdóttir), nýjar grafík-
myndir, opn. ídag kl. 17.Til1.12.
9-18virkadaga.
Gallerí 11, Skólavörðustíg 4 A,
Ólafur Lárusson, teikningarog mál-
verk, opn. lau kl. 15. Til 30.11.14-18
daglega.
Gallerí List, Skipholti 50 B, Ella
Magg, málverk, opn lau kl. 15. Til
26.11.10:30-18 virkadaga, 14-18
helgar.
Gallerí Madeira, Evrópuferðum,
Klapparstíg25, Björgvin Pálsson,
Ijósmyndastækkanir. Til 24.11. virka
daga 8:30-18.
Gallerí Sævars Karls, Bankastræti
9, Árni Páll, myndlist. Til 24.11.9-18
virkadaga.
Hafnarborg, Strandg. 34 Hf, Til 3.12:
Litli salurinn, Ómar Svavarsson,
olíumálv. og vatnslitamyndir, opn lau
kl. 14,14-19alladaganemaþri.
Kaffistofa: Árni Elvar, vatnsl.myndir
ogteikn.opn. laukl. 14.14-19alla
daga.
Hestsháls 2-4, kynning FIM-salarins
og húsg.versl. Kristjáns Siggeirs-
sonar á verkum Bjargar Örvar. Til nó-
vemberloka.
íslenska óperan, Jón M. Baldvins-
son, ný og eldri málverk, opn. í kvöld.
16-19 daglega um óákveðinn tíma.
Korpúlfsstaðir, sýning Mynd-
höggv.fél. framlengd. Opið 13-18 lau
ogsu.
Kjarvalsstaðlr, opið daglega 11 -22.
Arvid Pettersen, málverk. Til nóvem-
berloka. Jóhanna Bogadóttir, mál-
verk og teikn. opn lau kl. 14. Til 3.12.
Ingibjörg Styrgerður Haraldsdóttir,
textíl, opn. laukl. 14.Til2.12.
Llstasafn ASÍ, Veturliði Gunnars-
son, krítarmyndir. Til 19.11.16-20
virkadaga, 14-20helgar.
Llstasafn Einars Jónssonar opið
helgar 13.30-16, höggmyndagarður-
innalladaga11-17.
Llstasafn Slgurjóns, járnmyndir
Sigurjóns og gjafir sem safninu hafa
borist undanfarin ár. Lau og su 14-17,
þri 20-22.
Norræna húsið, kjallari: íslensk
grafík 89,20 ára afmælissýning fé-
lagsins. Til 19.11.14-19 daglega.
Nýhöfn, Hafnarstræti 18, Ágúst Pet-
ersen, málverk, opn lau 14-16. Til
6.12.10-18virkadaga, 14-18helgar.
Riddarlnn, Hafnarfirði, Við búðar-
borðið, sýn. tengd verslun fyrri tíma, á
vegum Byggðasafns Hf.
Safn Ásgríms Jónssonar, Bergs-
taðastræti, Þingvallamyndir Ásgríms.
Helgar, þri og fi 13:30-16 fram í
feb.1990.
Slúnkaríkl, ísafirði, Guðbjartur
Gunnarsson, grafískar myndir. Til
19.11.
Sjóminjasafn íslands, Vesturgötu 8
Hf. Opið helgar 14-18, e/ eftir
samkomulagi. Sæmundur Kristjáns-
son handhnýtir net að gömlum sið
14-16sunnud.
Þjóðminjasafnið, opið þri, fi, lau og
su 11 -16. Bogasalur: Ljósmyndin
150 ára - Saga Ijósmyndunar á Is-
landi. Til nóvemberloka, aðgangur
ókeypis.
Ölkjallarinn, Haukur Halldórsson,
grafík.
TÓNLISTIN
Ljóðatónleikar verða í Gerðubergi
mán kl. 20:30. Hrafnhildur Guð-
mundsdóttir messósópran syngur við
undirleik Jónasar Ingimundarsonar.
Sönglög eftir Sigvalda Kaldalóns,
Schumann, Poulence, Hahn og
Montsalvage.
Viðar Gunnarsson bassasöngvari
og Selma Guðmundsdóttir píanó-
leikari halda tónleika í
Vestmannaeyjum sunnud. Tónl.
verða í Félagsheimilinu við Heiðar-
veg og hefjast kl. 17. íslensk ein-
söngslög e/ÁrnaThorsteinsson, Sig-
valda Kaldalóns, EyþórStefánsson,
Karl O. Runólfsson aukóperuaría
eftir Mozart, Verdi og Rossini.
Karlakórinn Fóstbræður heldur
tónl. í Langholtskirkju lau kl. 15 til
minningar um Jón Halldórsson stofn-
anda kórsins sem hefði orðið 100 ára
í þessum mán. Stjórnandi Ragnar
Björnsson. Kaffiveitingar í félags-
heim. Fóstbræðraeftirtónl.
LEIKLISTIN
Frú Emilía, Skeifunni 3 c, Djöf lar, su
20:30, sýningum fer fækkandi. Haust
með Gorkí: Sumargestir, leiklestur
lauogsu kl. 15.
Leikfélag Akureyrar, Hús Bernörðu
Alba, í kvöld og lau 20:30.
Næstsíðasta sýn.helgi.
Leikfélag Hafnarf jarðar, Leitin að
týnda brandaranum.
Leikfélag Keflavíkur, Félagsbíói,
Grettir.
Leikfélagið Allt milli himins og
jarðar, Verslunarskólanum, Ofanleiti
1, Láttu ekki deigan síga Guðmund-
ur, su kl. 20:30.
Leíkfélag Reykjavíkur, Ljós
heimsins, litla sviðinu í kvöld, lau og
su kl. 20. Höll sumarlandsins, stóra
sviðinu í kvöld og lau kl. 20.
Litli Leikklúbburinn, ísafirði, Fé-
lagsheimilinu í Hnífsdal, þrír ærsla-
leikir.
Pars pro toto, Iðnó, Fjögur dans-
verk, í kvöld og su 20:30.
Þjóðleikhúsið, Lítiö fjölskyldufy rir-
tæki, í kvöld, lau og su kl. 20. Óvitar,
lauogsukl. 14.
ÍÞRÓTTIR
Bikarmót-Kraft 1989 lau. í Garða-
skóla. Allir sterkustu menn meðal
þátttakenda.
Badminton. Unglingameistaramót í
TBR-húsum sun. frá kl. 10.
Pílukast. Úrslitakeppni (slands-
meistaramóts í Sportklúbbnum lau.
kl. 15-18.
HITT OG ÞETTA
Ljóða og tónlistardagskrá verður í
forsal Borgarleikhússins lau kl. 14.
OrðmennTslands, Laufey Sigurðar-
dóttirfiðlul. og Páll Eyjófsson gítarl.
Kaffi og vöfflur.
Sovésk bókasýning verður opnuð í
húsakynnum MIR að Vatnsstíg 10 í
dag kl. 18.500 bækur sem sovésk
bókaforlög hafa gefið út á liðnum
mánuðum og misserum: skáldverk,
fræðirit, listaverkabækur, uppsláttar-
rito.fl. bækurnarflestaráenskuog
rússnesku. Auk þess eftirprentanir af
íkónum, hljómplöturog bækur ísl.
höf. sem gefnar hafa verið út um fs-
land og ísl. málefni. Til 26.11.17-19
virkadaga, 14-19 helgar.
Ný viðhorf í sovéskri kvikmyndagerð
verða rædd að Vatnsstíg 10 að lok-
inni opnunarsýn. sovésku kvikmynd-
avikunnar lau kl. 16-16:30. Eldar
Rjazanov kvikmyndaleikstj. Leoníd
Filatov leikari og Konovalov, fulltrúi
Sovexportfilm. Kaffiveitingar og fyrir-
spurnum svarað.
Kvikmyndasýning MÍR, Vatnsstíg 10
su kl. 16: ívan grimmi (Ivan grozní)
eftir Eisenstein, fyrri hluti. Myndin er
gerð á árunum 1941 -44.
Norræna húsið, 200 ára ártíð séra
Egils Þórhallasonar, Kolbeinn Þor-
leifsson heldur fyrirlestur um Egil,
fyrsta íslenska kristniboðann á
Grænlandi, lau kl. 16. Sýning um Egil
verður opnuð f bókasafni hússins við
samatækifæri.
Kvikmyndasýningarfyrir böm í Nor-
ræna húsinu su kl. 15. Tvær norskar
myndir: Ævintýrið um Friðrik fiðlung,
brúðumynd með (sl. þýðingu og
Regn, leikin mynd um Herdísi, 8 ára
telpu. Aðgangur ókeypis.
Torfhildur, félag bókmenntafræði-
nema við H.í. gengst fyrir málþingi
um bókmenntagagnrýni á íslandi
sunnud. kl. 15 í stofu 101, Odda.
Framsöguræðurflytja Jóhann Hjálm-
arsson gagnrýnandi og Ijóðsk. Guð-
rún Guðsteinsdóttir bókm.fræð. Guð-
mundur Andri Thorsson rithöf. og
MagnúsÁsgeirsson nemi. Mælenda-
skrá opin að loknum framsögu-
ræðum, aðgangureröllum heimill.
Al-Anon heldur sautján ára afmælis-
og kynningarfund í Langholtskirkju
lau kl. 20:30. A.A. og Al-Anon félagar
segjasögu sína. Allir velkomnir.
Neskirkja, Dr. Hjalti Hugason lektor
flytur erindi um trúarlíf (slendinga
áður fyrr í safnaðarheimili Neskirkju
su kl. 15:15. Guðrækni á heimilum
forfeðra okkar. Veitingar, öllum heim-
ill aðgangur.
Félag eldrl borgara í Reykjavík og
nágrenni, Haustfagnaðurfélagsins
verður haldinn í dag í veitingahúsinu
Glæsibæ. Upplýs. og pantanirá
skrifst. fél. 28812. Göngu Hrólfur hitt-
ist á morgun kl. 11 að Nóatúni 17,
opið hús í Goðheimum, Sigtúni 3 su
kl. 14. Frjálst, spil og tafl, dansað frá
kl. 20.
Ferðafélag íslands, dagsferð kl. 13
su, Keilisnes-Staðarborg, öku- og
gönguferð, brottför BSÍ.
Hana nú leggur upp í laugardags-
gönguna frá Digranesvegi 12 kl. 10.
Nýlagað molakaffi.
Útivlst, dagsferð su kl. 13:
Straumsvík- Lónakot, strandganga.
Brottförfrá BSf.
Hljómsveitin Loðin rotta leikur á ef ri
hæð Hollywood um helgina.
Meistarakeppni 89 í 8 dönsum verð-
ur haldin á Hótel fsland sunnud.
Keppt verður í einum flokki, 16 ára og
eldri í enskum vals, foxtrot, tangó, qu-
ick step, cha cha cha, rúmbu, sömbu
ogjive. Keppni hefstkl. 20, húsið
opnað kl. 19, aðgangseyrir 1000 kr.
fyrir14áraogeldri.
Átthagafélag Strandamanna í
Reykjavík verður með dansleik í
Domus medica lau, húsið opnað kl.
22.
FJÖLMIÐLAR
ÞRÖSTUR
HARALDSSON
Virðisauki fjölmiðla
Skattamál eru mjög til umræðu
í fjölmiðlum núna og einkum nýi
skatturinn sem settur verður á
um áramótin: virðisaukaskattur-
inn sem leysir söluskattinn af
hólmi. Meðal annars hefur mikið
verið rætt um það hvort leggja
beri nýja skattinn á menningar-
starfsemi á borð við bókaútgáfu
og fjölmiðlarekstur.
Hingað til hefur bókaútgáfa
borið fullan söluskatt en fjölmiðl-
ar einungis að litlu leyti. Auglýs-
ingar, þe. gerð þeirra, er sölu-
skattskyld en að öðru leyti hafa
dagblöð og ljósvakamiðlar ekki
þurft að hafa áhyggjur af sölu-
skatti. Tímarit hafa mörg hver
verið undanþegin skattinum sam-
kvæmt fordæmisreglu sem Ragn-
ar Arnalds setti í ráðherratíð
sinni. Hann ákvað að rit sem
hefðu menningarlegu hlutverki
að gegna skyldu undanþegin
skattinum en ekki hin.
Mér er ekki kunnugt um það
hvernig virðisaukaskatti á fjöl-
miðlun er háttað í öðrum
löndum. Það hefur komið fram í
umræðunni að víðast hvar sé
hann amk. mun lægri á bókum en
hér er fyrirhugað ef hann er þá
yfirhöfuð lagður á þær. Þau lönd
sem komast einna næst okkur í
skattlagningu bóka munu vera
lönd frændþjóða vorra á Norður-
löndum.
Þegar útgefendur minnast á
það við pólitíkusa og embættis-
menn að rétt væri að styrkja
menningarlíf þjóðarinnar með
því að veita því undanþágu frá
nýja skattinum er svarið oftast á
þá leið að með virðisaukaskattin-
um sé einmitt verið að skrúfa
fyrir allt undanþágufarganið sem
hafi verið búið að eyðileggja
söluskattinn. Undanþágur komi
mjög illa við nýja kerfið og trufli
alla framkvæmd þess. Ég verð að
játa að ég hef aldrei skilið þessa
mætu skattmeistara þegar þeir
fara að beita tæknilegum rökum
eins og þessum. Þá verð ég alveg
jafn langleitur og þegar mér er
sagt að ómögulegt sé að hafa
tekjuskattsþrepin fleiri en eitt,
það sé svo erfitt í framkvæmd. Ég
fer að hugsa um það hvort skatt-
kerfið sé tæki til að þjóna þegn-
unum eða öfugt.
Skattamenn hafa viljað fara
Krísuvíkurleiðina í skattamálun-
um í þeim tilvikum þar sem þeir
geta ekki staðið gegn kröfum um
ívilnanir vegna virðisaukaskatts-
ins. Þeir hafa viljað að fyrirtæki
innheimti skattinn en fái hann
endurgreiddan með einhverjum
hætti. Þetta er aðferðin sem ætl-
unin er að beita við algengustu
matvælategundir. Ég hef hins
vegar ekki komið auga á af
hverju þetta er auðveldara í
framkvæmd en að láta skattinn
einfaldlega niður falla.
Ég skil hins vegar þegar rætt er
um að nota skattkerfið til tekju-
jöfnunar, svo sem með greiðslu
barna- og húsnæðisbóta. Ég hef
heyrt því fleygt að hugmyndir séu
uppi um að koma á svipuðu kerfi í
fjölmiðlun. Það er rætt um að láta
fjölmiðla innheimta virðisauka-
skatt en að peningarnir renni í
sjóð sem nota á til að veita fjöl-
miðlunum styrki og lán. Þetta er í
sjálfu sér ágæt hugmynd og gæti
alið af sér svipað kerfi fjölmiðl-
astyrkja og í gildi er í Noregi og
Svíþjóð og ég ræddi um í síðasta
pistli.
Hættan við þetta fyrirkomulag
er hins vegar sú að það detti í
sama farið og barnabætur og elli-
lífeyrir hafa gert: að peningunum
verði jafnað út yfir alla, burtséð
frá efnahag, svo þeir vel stæðu fái
jafnmikið og hinir sem þurfa að
lifa á bótunum einum saman. Það
er heldur klént jafnrétti eins og
menn vita. Að vísu má segja að
núverandi undanþágukerfi sé
raunar enn verra hvað það snertir
því það hefur í för með sér að
Mogginn og DV fá miklu meiri
ívilnanir en litlu blöðin.
Það er svo alveg séríslenskt
fyrirbæri að þetta skuli ekki vera
komið á hreint þegar aðeins sex
vikur eru þangað til margnefndur
virðisaukaskattur skellur á. Það
er oft rætt um að versti dragbítur
íslensks efnahagslífs sé skortur á
stöðugleika. Hvernig má annað
vera þegar stjómmálamenn nota
slíka stórbreytingu á skattkerfi
landsmanna sem gildistaka virð-
isaukaskattsins er til að stemma
af fjárlögin og geta svo ekki kom-
ið sér saman um það af hvaða
starfsemi eigi að greiða skattinn
fyrr en á Þorláksmessu, rúmri
viku áður en skattheimtan á að
hefjast? Hvernig eiga fjölmiðla-
fyrirtæki að gera áætlanir fyrir
næsta ár við slíkar aðstæður?
26 SÍÐA - NÝTT HELGARBLAÐ Föstudagur 17. nóvember 1989