Þjóðviljinn - 12.05.1990, Blaðsíða 3

FRETTIR
Austurland
Fjöldaatvinnuleysi kvenna
Atvinnuleysisdögumfœkkar, en konur áAusturlandi og Vesturlandi
búa við fimm prósent atvinnuleysi. Gífurleg aukning atvinnulausra
miðað við apríl í fyrra
Atvinnuleysi minnkaði heldur í
april miðað við marsmánuð,
en atvinnuleysi nemur enn um
tveimur af hundraði mannafla.
Fjöldaatvinnuleysi er meðal
kvenna á Austurlandi og Vestur-
landi.
Samkvæmt upplýsingum frá
vinnumálaskrifstofu félagsmála-
ráðuneytisins fækkaði skráðum
atvinnuleysisdögum um 18 prós-
ent milli mánaðanna mars og apr-
íl. Skráðir atvinnuleysisdagar í
apríl jafngilda því að 2400 manns
hafi að meðaltali verið á atvinnu-
leysisskrá í mánuðinum.
Atvinnulausum hefur því fjölgað
um nær 24 prósent miðað við apr-
íl í fyrra.
Konur á Austurlandi búa við
erfiðasta atvinnuástandið. Fimm
prósent kvenna í landshlutanum
eru án atvinnu. Á Seyðisfirði hef-
ur atvinnulausum fjölgað síðan í
Viðskipti
Mikligarður
í Garðabæ
Verslunarfyrirtækið Mikli-
garður hf hefur tekið yfir rekstur
matvöruverslunarinnar Garða-
kaupa í Garðabæ og verður hún
opnuð á miðvikudag. Þetta er
fimmta verslun Miklagarðs á
Reykjavíkursvæðinu.
Svipað matvöruúrval verður í
verslun Miklagarðs í Garðabæ og
í Kaupstað í Mjódd og Mikla-
garði við Sund en sérstök áhersla
verður lögð á kjötvörur.
Upphaflegt nafn verslunarinn-
ar var Garðakaup en hún stendur
við Garðatorg. Um tíma var hún
hluti af verslunarkeðju Grundar-
kjörs en Mikligarður kaupir hana
nú af Sanitas hf.
-rb
mars.
Konur á Vesturlandi þurfa
einnig að þola fjöldaatvinnuleysi
og munar þar mestu um mikinn
fjölda atvinnulausra kvenna á
Akranesi. Af 188 atvinnulausum
á Vesturlandi eru 144 konur. Á
Akranesi einu eru 110 konur
atvinnulausar.
Atvinnuleysi annars staðar er
heldur minna. Á höfuðborgar-
svæðinu öllu eru 951 án atvinnu,
en það er talsverð fækkun frá í
mars.
/vtvinnuieysi a woróurlandi
nemur 3,4 af hundraði, en
heildaratvinnuleysi á Austur-
landi er 3,5 prósent. Minnst er
atvinnuleysið hins vegar á Vest-
fjörðum, eða 0.4 prósent.
-gg
Ströng dómgæsla var í ökuleiknimóti norrænna strætisvagna sem fór fram í
Reykjavík í gær. Mynd: Jim Smart
Fjármál
Vexör stöðugir
Bankarnir bíða til að sjá afleiðingar hertrar lausafjárskyldu áður en
ákvörðun verður tekin um vaxtahækkun
Litlar vaxtabreytingar eru
fyrirsjáanlegar hjá bönkum og
sparisjóðum á allra næstu dögum
jafnvel þótt efnahagslegar for-
sendur séu fyrir vaxtahækkun að
sögn bankamanna.
Smávægileg hækkun á innláns-
vöxtum sérkjarareikninga ís-
landsbanka í gær er fyrst og
fremst fólgin í einföldun og sam-
Húsavík
Útsölumenn
gefastekki upp
Kosið um áfengisútsölu í
fjórða sinn
Við kjósum um áfengisútsölu
26. maí og það verður þá í fjórða
sinn sem slík kosning fer fram.
Meirihlutinn gegn útsölu hefur
farið minnkandi og menn virðast
ekki ætla að gefast upp fyrr en
meirihluti fæst fyrir útsölu, sagði
Eysteinn Sigurjónsson, formaður
kjörstjórnar á Húsavík, í samtali
við Þjóðviljann.
Húsvíkingar hafa þurft að
sækja áfengi sitt til Akureyrar, en
áhugamenn um útsölu á Húsavík
telja sig hafa góða von um sigur í
þessari fjórðu kosningu. Síðast
var kosið um útsölu árið 1988.
Ákveðið hefur verið gefa fólki
kost á að kjósa utan kjörfundar
síðustu vikuna fyrir kjördag. -gg
Norrœnt mót
Ökuleiknir
vagnstjóra
Norrænir strætisvagnastjórar
kepptu í gær í ökuleikni á Kirkju-
sandsplani Strætisvagna Reykja-
vikur. íslenskir vagnstjórar lentu
í 2. sæti á eftir Dönum. Finnar
voru í 3. sæti.
Alls tóku þrjátíu vagnstjórar
frá Norðurlöndunum þátt í
keppninni sem nú er í fyrsta skipti
haldin hér á landi. Islendingar
fengu fæst refsistig þótt þeim tæk-
ist ekki að vinna Dani. Efsti mað-
urinn af íslendingum var Kristján
Jónsson sem lengst af hefur ekið
leið 3 í Reykjavík.
Um 150 gestir frá hinum
Norðurlöndunum komu til lands-
ins vegna keppninnar. Fimm
hundruð manns til viðbótar eru
staddir hér á landi vegna ráð-
stefnu norrænna strætisvagnafyr-
irtækja sem hófst í gær. —rb
Ljósvakasameining
Starfsfólk
ræðir
sammna
Starfsfólk Stöðvar 2, Sýnar hf.
og íslenska útvarpsfélagsins
koma saman í dag á ráðstefnu um
fyrirhugaða sameiningu fyrir-
tækjanna.
Kristinn Karlsson formaður
Starfsmannafélags Stöðvar 2
segir að hugmyndin að fundinum
hafi komið upp í viðræðum fé-
lagsins við sjónvarpsstjórann.
Samkomulag varð um að Starfs-
mannafélag Stöðvar-2 skyldi
skipuleggja fundinn sem h»Minn
verður á Hótel Sögu.
Rætt verður um sameúTIIig-
armálin frá öllum hliðum. Unnið
verður í hópum og þar sem starfs-
fólki gefst tækifæri til leggja fram
hugmyndir og tillögur um hvern-
ig það telur best standa að sam-
einingunni frá sjónarhóli starfs-
manna. Kristinn segir að mark-
mið fundarins sé líka að gefa fólki
tækifæri til að kynnast tilvonandi
samstarfsmönnum sínum. Nær
140 manns starfa hjá Stöð 2, tæp-
iega 40 hjá íslenska útvarpsfé-
laginu og um 15 hjá Sýn hf.
Þorvarður Elíasson sjónvarps-
stjóri hjá Stöð 2 segist búast við
að fyrirtækin þrjú verði sameinuð
formlega strax í þessum mánuði
eða byrjun júní um leið og hlut-
hafafundir þeirra hafa verið
haldnir.
Ljóst er að sameiningin getur
haft mikil áhrif á framtíð starfs-
manna. Rætt hefur verið um stór-
fellda fækkun þeirra í kjölfar
sameiningarinnar. Mikið vinnu-
lág er á starfsmönnum Stöðvar 2
og telja þeir ólíklegt að hægt
verði að fækka fólki mikið. -rb
ræmingu innan bankans á mis-
munandi sparnaðarleiðum að
sögn Ragnars Önundarsonar
framkvæmdastjóra fjármála og
verðbréfaviðskipta bankans.
Hann segir að þess vegna sé ekki
hægt að líta á hana sem lið í al-
mennri vaxtahækkun.
Ragnar segir að þrátt fyrir
þetta sé það staðreynd að for-
sendur fyrir vaxtahækkun séu
fyrir hendi vegna hertrar lausa-
fjárskyldu banka og sparisjóða.
Hún var hert um leið og Seðla-
bankinn lækkaði bindiskyldu um
síðustu mánaðamót, en hluti af
þeirri lækkun var breytt í lang-
tímalán banka og sparisjóða til
ríkissjóðs.
Mjög erfiðlega hefur gengið að
selja ríkisskuldabréf að undan-
förna sem líka þrýstir á um vaxta-
hækkun. Ekki hefur einu sinni
tekist að selja fyrir innlausnum á
eldri ríkisskuldabréfum. Hins
vegar er raunvaxtahækkun á
næstunni ólíklegt á meðan ekki
ljóst hvernig bönkum gengur að
uppfyila herta lausafjárskyldu
sína. -rb
Laugardagur 12. maí 1990 ÞJÓÐVILJINN -SÍÐA 3
HELGARRUNTURINN
HÁTÍÐLEGHEITIN eru allsráðandi í menningarlifinu um þessa helgi.
Á pöbbunum í Reykjavík er ekki þverfótað fyrir djassgeggjurum en
lokahnykkur norrænu útvarpsdjasshátiðarinnar verður á Hótel Borg í
kvöld og Borgarleikhúsinu á morgun. Og uppi á Akranesi ætlar Svavar
Gestsson menntamálaráðherra að setja M-hátíð kl. 14 í dag og stendur
hún með húsvigslum, listsýningum, íslenskum kvikmyndadögum, kaffi-
drykkju, söng og hljóðfæraslætti fram á þjóðhátíðardag Norðmanna á
fímmtudaginn. Þá er hægt að minnast 35 ára afmœlis Kópavogskaup-
staðar með því að skoða sýningar og mannvirki í bænum frá kl. 10-16 í
dag og jafnvel að skreppa í bátsferð írá Kársnesshöfn. Liður í þessum
hátíðarhöldum Kópavogsbúa eru tónleikar Skólakórs Kársness þar sem
yfir 200 böm taka þátt en þeir verða í Langholtskirkju í dag kl. 14. Sam-
kvæmt gömlu tímatali lauk vetrarvertíð í gær og af því tilefni verður
helgin tileinkuð sjómönnuin í Keflavík, nánar tiltekið á veitingastaðnum
Ránni...
HÁKÚLTÚRINN blómstrar svo að vanda í höfuðborginni þótt helstu
menningarljón séu eflaust að ná upp þrekinu fyrir Listahátíð sem hefst
upp úr mánaðamótum. Á Kjarvalsstöðum verða opnaðar tvær listsýning-
ar, Steinunn Þórarinsdóttir sýnir höggmyndir í vestursal en í þeim eystri
verða sýnd útskriftarverk nemenda í MHI. Suður í Hafnarborg sýnir
Sveinn Björnsson olíu- og klippimyndir, Vignir Jóhannsson sýnir í Ný-
höfn og í FIM-salnum í Garðastræti verða til sýnis verk sænsku lista-
konunnar Maj-Siri Österling...
LEIKLISTIN er á lokasprettinum fyrir sumarið. Þjóðleikhúsið er hætt
að sýna og í Borgarleikhúsinu lýkur sýningum á Hótel Þingvöllum í
kvöld. Enginn bilbugur er hins vegar á Sigrúnu Ástrós á litla sviðinu en
hún verður á fjölunum í kvöld. Hugleikur ætlar að hafa aukasýningu á
Yndisferðum á Galdraloftinu í kvöld og norður á Akureyri verður Fá-
tækt fólk sýnt í dag og á morgun. Operusmiðjan sýnir Systur Angeliku í
Frú Emilíu í kvöld og í kvöld og á morgun verður kabarett í Norræna
húsinu þar sem einvalalið leikara og söngvara rifjar upp stríðsára-
stemmningu...
TÓNLISTARSKÓLARNIR eru að ljúka sér af og fiðlungar og píanist-
ar framtíðarinnar þreyta sínar prófraunir. Tvær ungar stúlkur ljúka burt-
fararprófi i píanóleik í dag: Halldóra Aradóttir úr Tónskóla Sigursveins
verður í Listasafni Siguijóns klukkan 14.30 en Kolbrún Jónsdóttir úr
Tónlistarskólanum í Reykjavík leikur í skólanum kl. 17. Þá er frumraun
ungs hljómsveitarstjóra, Guðmundar Óla Gunnarssonar, á dagskrá á
tónleikum Islensku hljómsveitarinnar í Langholtskirkju á morgun kl.
17...
FUGLASKOÐUN er kjörin útivistariðja á þessum árstíma því nú
standa fuglar í hreiðurgerð, stunda ástalíf og annað það sem tilheyrir
vorverkunum. Náttúrufræðistofa Kópavogs ætlar að skipuleggja fúgla-
skoðun á Kópavogsleirum kl. 13.30 í dag og á morgun en Ferðafélag ís-
lands ætlar að skoða fúgla á Suðumesjum. Þeir sem eru ljósfælnir geta
horft á rússnesku stórmyndina Tsjaikofski eftir Talankín hjá MÍR að
Vatnsstíg 10 kl. 16 á morgun en myndin er sýnd í tilefni af því að nú eru
150 ár liðin frá fæðingu meistarans...