Þjóðviljinn - 17.05.1991, Blaðsíða 8
NÝÍI
(MÓMHUINN
Útgefandi: Útgáfufélagið Bjarki h.f. Framkvaomdastjórl: Hallur PðH Jónsson Afgrelðsta: ® 68 13 33 Auglýstngadeild:» 68 13 10 -68 13 31
Ritstjórar: Ámi Bergmann, Helgi Guðmundsson, Símfax:68 1935
Ólafur H. Torfason Umsjónamnaður Helgarblaðs: Bérgdts Eltertsdóttir Verð: 150 krónur (lausasölu Setnlng og umbrot: Prentsm löja Pjóöviljans hf.
Fréttastjóri: SigurðurÁ. Friðþjófsson Auglýsingastjóri: Steinar Harðarson Prentun: Oddi hf. Aðsetur: Síðumtila 37,108 R eykjavík
Málgagn sósíalisma, verkalýöshreyfingar og þjóðfrelsis
Hinn mikli leiötogi
Eins og kunnugt er ákvað landsfundur
Sjálfstæðisfiokksins að skipta um formann
með knappri atkvæðagreiðslu. Hinn mikli leið-
togi steig fram og var með sigurræðuna til-
búna í vasanum til að lesa upp í beinni út-
sendingu sjónvarpsstöðvanna. Hann hefur nú
fengið að sýna hvað í honum býr. Kosninga-
barátta hans þótti með afbrigðum litlaus og
kraftlaus. Honum hefur svo tekist að skora eitt
mark sem fólst í því að bjóða Alþýðuflokknum
5 stóla, en Alþýðuflokksforystan gengur sem
kunnugt er ekki fyrir málefnum heldur fyrir
stólum og með þeim var hægristjórnin komin
til valda.
En síðan tekur við ein samfelld harm-
kvælasaga. Ekki líður svo fréttatími fjölmiðl-
anna að ekki komi fram að minnsta koti eitt
klúður á stjórnarheimilinu. Hið fyrsta var með-
ferðin á hækkun vaxta þar sem því var lýst yf-
ir að vextirnir hlytu að hækka verulega vegna
vanda ríkissjóðs. Slðan hafa engar ákvarðan-
ir í vaxtamálum verið teknar nema um hækk-
un á vöxtum ríkisvíxla og allt peningakerfið er
frosið fast vegna þess að allir bíða eftir öðrum
vaxtaákvörðunum stjórnvalda. Eftir að hið
mikla verðbólgubál geisaði og gengi var breytt
oft á ári hafa vaxtaákvarðanir og mikilvægi
þeirra breyst í grundvallaratriðum. Áður var
það einföld meginregla stjórnmálamanna,
sem flestir þeirra kunnu, að nefna ekki gengis-
breytingu fyrr en gengisbreyting var ákveðin.
Nú gegna vextirnir svipuðu hlutverki og geng-
ismálin áður. Stjórnmálamenn, að minnsta
kosti ráðherrar, láta það vera að tala um vexti
og vaxtahækkanir fyrr en vaxtabreytingar hafa
verið ákveðnar. En núverandi ráðherrar fjár-
mála og forsætisráðuneytis kunna ekki þessi
grundvallaratriði. Þeir hafa þannig þegar fallið
á fyrsta prófinu sem ráðherrar - burtséð frá
því sem þó er alvarlegast í vaxtamálunum, að
með vaxtahækkunum er verið að flytja fjár-
muni frá launafólki til fjármagnseigenda og að
með vaxtahækkunum er verið að brjóta þjóð-
arsáttina.
En ekki tekst betur til í öðrum málum. Þor-
steinn Pálsson sjávarútvegsráðherra hefur
þegar lýst því yfir að hann sé staðráðinn í því
að hafa Viðeyjarsamkomulag formanna
stjórnarflokkanna að engu. Og Halldór Blön-
dal landbúnaðarráðherra hefur lýst því yfir á
sama hátt að hann muni framfylgja búvöru-
samningnum í einu og öllu og þannig hafna í
raun leiðsögn hins mikla leiðtoga.
Og fréttatími sjónvarpsstöðvanna í fyrra-
kvöld var enn ein staðfestingin á því, að hinn
mikli leiðtogi er ekki borinn í heim Sjálfstæðis-
flokksins. Fréttatíminn var ein samfelld stað-
festing á því að forystukreppan í Sjálfstæðis-
flokknum er endurborin og heitir að þessu
sinni Davíð Oddsson. Fyrsta fréttin, var um
það að umhverfisráðherra og landbúnaðar-
ráðherra mæta saman á fundi til þess að taka
við gjöfum, því enginn veit hver er húsbóndi
hvers. Síðan fylgdu tvær fréttir um niðurlæg-
ingu formanns Sjálfstæðisflokksins á tveimur
stöðum: Fyrst úr borgarstjórnarflokki Sjálf-
stæðisflokksins þar sem átti að ákveða nýjan
borgarstjóra. Það tókst ekki þar sem allt logar
í illdeilum meðal þeirra já-bræðra og -systra
sem Davíð hefur raðað í kringum sig í borgar-
stjórnarliði Sjálfstæðisflokksins. Og seinna
áfallið fyrir leiðtogaímyndina var ákvörðun
þingflokks Sjálfstæðisflokksins um formann
utanríkismálanefndar. Davíð Oddsson hafði
lofað Birni Bjarnasyni vegsemdinni. Davíð
gerði tilllögu á þingflokksfundi Sjálfstæðis-
flokksins í fyrradag. Niðurstaðan varð sú að
Davíð fékk 11 atkvæði, en hinn armur Sjálf-
stæðisflokksins 15 atkvæði. Þannig var for-
maðurinn kominn í hreinan minnihluta I þing-
flokknum. Niðurstaða miðvikudagsins 15. maí
var því sú, að formaður Sjálfstæðisflokksins
nýtur hvorki trausts í þingflokki Sjálfstæðis-
flokksins né í borgarstjórnarflokki og er samt
kallaður valdamesti maður landsins í fjölmiðl-
unum. Augljóst er að sú einkunn er á misskiln-
ingi byggð. Hins mikla leiðtoga er enn beðið í
Sjálfstæðisflokknum. Forustukreppa áratug-
anna hefur tekið sér bólfestu í einum og sama
manninum. Það er að vísu nýjung. SG
0-AUT
8.SÍÐA — NÝTT HELGARBLAÐ Föstudagur 17. maí 1991
W aums — ii t n rn«r wn .u -iue«Din«on