Þjóðviljinn - 28.06.1991, Síða 8

nýtt
pJÓÐVILIINN
Útgefandi: Útgáfufélagiö Bjarki h.f
Framkvsemdasfjórl: Hallur Póll Jénsson
Rltstjórar: Aml Bergmann,
Helgi Guömundsson
Umsjónarmaður Helgarblaös: Bergdís Blertedóttlr
Fréttastjórl: Siguröur Á. Frlðþjófsson
Auglýsingastjóri: Steinar Harðarson
Afgreiðsla:« 68 13 33
Auglýsingadelld: tr 68 13 10 - 68 13 31
Símfax: 68 19 35
Verð: 150 krónuf I lausasölu
Setnlng ogun
Prentun: Oddl hf,
Aðsetun Slöumúta 37.108 Reykjavlk

Málgagn sósíalisma, verkalýðshreyfingar og þjóðfrelsis
Brahma-lífselexír í pólitík
Af stjórnarheimilinu berast nú þær fréttir
að til standi að selja ríkisbankana, Lands-
bankann og Búnaðarbankann. Fengnir hafa
verið „erlendir sérfræðingar“ til að athuga
málið. Hafa þeir eins og við var að búast
komist að þeirri niðurstöðu að ríkið eigi ekki
að vasast í bankaviðskiptum. Jafnframt hafa
þeir metið og vegið bankana og reiknað út að
Búnaðarbankinn sé hið besta fyrirtæki, og
þar af leiöandi góð söluvara, en Landsbank-
inn aftur á móti síðri, þrátt fyrir stærðarmun-
inn.
Sú þekking sem hér hefur verið leitað eftir
erlendis er einskis virði af þeirri einföldu
ástæðu að sala ríkisbankanna er ekki tækni-
legt úrlausnarefni heldur rammpólitískt mál.
„Sérfræðiálitið" er því ekki til neins annars en
að renna stoðum undir það pólitíska markmið
að koma ríkisbönkunum í hendur einkaaðila.
Ríkisstjórnin hefur gert einkavæðingu á
sem flestum sviðum efnahagslífsins að eins-
konar brahma-lífselexír í sinni pólitík og er
sala ríkisbankanna í eðlilegu samræmi við
það. Með því að selja bankana væri ríkið að
afsala sér einu af mikilvægustu stjórntækjun-
um í efnahagslífinu. Samkvæmt gildandi lög-
um taka bankarnir sjálfir ákvarðanir um vexti.
Um leið og ríkisbankarnir hafa verið seldir
hafa einkaaðilar fengið fullkomið sjálfdæmi
um þau vaxtakjör sem þjóðin verður að búa
við á hverjum tíma.
Pólitík ríkisstjórnarinnar snýst um það að
koma málum svo fyrir að ríkisvaldið hafi sem
allra fæst hlutverk á sinni könnu. Með þessu
er verið að hefja til vegs kenningar sem geta
gengið í ríkjum með milljónum íbúa og þó því
aðeins að menn sætti sig við fylgifiska hins
frjálsa markaðsbúskapar. í iðnríkjunum, sem
við berum okkur saman við, eru margar millj-
ónir manna atvinnulausar, fátækt og félags-
leg vandamál eru himinhrópandi mitt í öllum
þeim feiknalega auði sem þessi ríki hafa
komist yfir á undanförnum áratugum.
Ríkisstjórnin er á kafi í því að gera stór-
felldar breytingar á þjóðfélaginu sem allar
miða að því að fækka tækjum sem ríkisvaldið
hefur til að hafa áhrif á þróun mála í landinu,
og fá þau í hendur einkaaðilum, innlendum
og erlendum. Með þessu áframhaldi breytist
stjórnarráðið smátt og smátt í afgreiðsluskrif-
stofur fyrir minniháttar erindi.
Gengi sjávarútvegsins og einstakra greina
hans er ákaflega mismunandi frá einum tíma
til annars. Eigi að síður verður sjávarútvegur-
inn áfram mikilvægasta atvinnugrein lands-
manna. Aðstæðurnar kalla því á að stjórnvöld
á hverjum tíma dragi úr áhrifum þeirra
sveiflna sem óhjákvæmilega fylgir atvinnu-
greininni. Dæmi um nauðsyn þessa eru
rekstrarvandræði Síldarverksmiðja ríkisins og
erfiðleikar rækjuvinnslunnar. Ráðherrar hafa
gælt við þá hugmynd að gera SR gjaldþrota
(sem er raunar tæknilega útilokað því fyrir-
tækið er eins og hver önnur ríkisstofnun á
ábyrgð ríkisins), vegna þess að í bili er ekki
veidd loðna, og fyrirtækið hefur ekki tekjur á
meðan. Rækjuvinnslan á í erfiðleikum um
þessar mundir, fyrst og fremst vegna verðfalls
erlendis. Nú horfir svo að mörg fyrirtæki í
þessari grein verði gjaldþrota og hætti rekstri
ef ekki verður að gert, með þeim afleiðingum
að heil byggðarlög verða fyrir stórtjóni.
Þau dæmi sem hér hafa verið tilfærð sýna
svo ekki verður um villst að ríkisstjórnin tekur
ekki mið af séríslenskum aðstæðum. Stefna
hennar á rætur að rekja til hugmynda sem
geta ekki átt við eins og málum er háttað hér
á landi og hafa auk þess komið í veg fyrir
nauðsynlegan jöfnuð í þeim þjóðfélögum þar
sem þær hafa helst verið reyndar í fram-
kvæmd. hágé.
0-ALIT
8 SÍÐA — NÝTT HELGARBLAÐ Föstudagur 28. júní 1991