Dagblaðið Vísir - DV - 02.05.1996, Page 12

12
FIMMTUDAGUR 2. MAÍ 1996
Spurningin
Hvern ætlarðu að kjósa í for-
setakosningunum?
Anna Kristín Sigurðardóttir
nemi: Það er óákveðið.
Inger Tara Leve nemi: Ég hef ekki
minnstu hugmynd um það.
Jón Rafn Valdimarsson nemi:
Ætli ég skili ekki bara auðu.
Kristinn Vilbergsson nemi: Ég er
ekki búinn að ákveða það.
Stefán Emil Jóhannsson fram-
reiðslumaður: Ó. Grímsson.
Brynhildur Björnsdóttir nemi:
Guðrúnu Pétursdóttur.
Lesendur
Samskipti aðila á
vinnumarkaðinum
Frumvarp félagsmálaráðherra er íhlutun í réttindi launþega, segir m.a. í bréf-
inu.
Björgvin Þorvarðars. skrifar:
Frumvarp Páls Péturssonar félags-
málaráðherra um samskipti aðila á
vinnumarkaðnum, sem hann hefur
marglýst yflr að hann ætli að berja
í gegn um þingið með illu eða góðu,
er enn ein sönnunin um hlutdrægni
ríkisvaldsins í málum atvinnurek-
enda og launþega. Frumvarpið er
líka enn ein staðfesting þess að
Framsóknarflokkurinn kann ekki
enn að tala við verkalýðshreyfing-
una og það sem verra er; ætlar sér
ekki að læra það.
Þegar rikisstjórn, sem saman
stendur af lýðræðislega kjörnum
fulltrúum, tekur jafn einarða af-
stöðu með öðrum aðilanum, í þessu
tilfelli atvinnurekendum, er ekki
allt með felldu. Atvinnurekendur
telja það auðvitað í sína þágu að
verkfallsréttur sé skertur eða nán-
ast tekinn af eins og frumvarp fé-
lagsmálaráðherra mun í raun leiða
til.
En getur verið að lýðræðislegur
meirihluti sé að baki slíkum aðgerð-
um? Ég leyfi mér að draga það í efa
og leyfi mér raunar að fullyrða að ef
kosið yrði með þessi málefni uppi á
borðinu liti pólitískur raunveru-
leiki öðruvísi út. Maður hlýtur að
álíta að pólitísk spilling og ósvífni
hafi náð nýjum hæðum þegar kjörn-
ir fulltrúar meirihluta þjóðarinnar
leyfa sér að ganga þvert á vilja um-
bjóðenda sinna, sjálfsagt í þeirri
vissu að ekki sé hægt að hrófla við
valdakerfinu og hlutirnir séu fljótir
að gleymast í vitund almennings.
íhlutun í réttindi launþega og mál-
efni, sem felast í frumvarpi félags-
málaráðherra, snertir svo óþyrmi-
lega þvílíkan fjölda fólks og skerðir
kjör og réttindi þess svo að það mun
ekki gleymast. Einungis það að
launþegar munu búa við skert lýð-
réttindi og lakari launakjör en áður
hafa þekkst hér á landi mun tryggja
að hlutirnir falla ekki í gleymsku.
Nú er það svo að sitjandi ríkis-
stjórn lýðræðisríkis ber ekki ein-
ungis að framfylgja vilja meirihlut-
ans heldur jafnframt að gæta hags-
muna minnihlutans. Verði frum-
varp Páls Péturssonar og önnur
fumvörp ríkisstjórnarinnar, sem
lögð eru fram beinlínis í þeim til-
gangi að skerða rétt launþega lands-
ins, að lögum þá á tíminn eftir að
dæma um þessar afurðir hennar.
Þegar handhafar ríkisvalds fara
fram á slíkan hátt verða skilin milli
harðstjórnar og lýðræðislegs stjórn-
arfars óljós.
Eggjasalmonella
- ekki greinst í eggjum
Jón Gíslason, forstöðumaður
Hollustuverndar ríkisins, skrif-
ar:
Vegna umfjöllunar DV um
salmonellamál 19. og 20. apríl sl.
vill Hollustuvernd ríkisins taka
eftirfarandi fram: Salmonella
enteritidis hefur að undanförnu
valdið tveimur tilvikum matarsýk-
inga. í skírnarveislu sl. haust og
nýlega í tengslum við bolludaginn.
Ekki tókst að finna þau matvæli
sem ollu sýkingunni í skírnarveisl-
unni en frekari greining úr saur-
sýnum þeirra sem sýktust sýndi að
um var að ræða afbrigði af
Salmonella enteritidis sem greinst
hefur í eggjum í öðrum ríkjum
eins og á Bretlandi. Þessi tegund
Salmonella hefin- hins vegar ekki
greinst í eggjum hér á landi. Frek-
ari greiningu á Salmonella
enteritidis, sem var orsök sýking-
arinnar eftir bolludaginn, er ekki
lokið.
Eins og kunnugt er greindist
Salmonella enteritidis úr sýni sem
tekið var þar sem rjómabollur
voru framleiddar en enn er ekki
ljóst hvernig salmoonellamengun-
in barst inn í fyrirtækið. Ekkert
kom fram í fjölda sýna, sem tekinn
var af hráefnum á framleiðslustað,
þar á meðal eggjamassa. Salmon-
ella hefur ekki greinst í sýnum
sem tekin hafa verið. Því er ekki
ljóst hver uppruni matarsýkingar-
innar er.
Aths. blaöamanns, Stefáns Ás-
grímssonar:
Forstöðumaður Hollustuverndar gerir
ekki efnislegar athugasemdir við um-
Qöllun DV af salmonellasýkingunni á
Ríkisspítulum i ofanrituðum pistli, enda
hefur allt viðkomandi málinu sem hann
rekur komið fram í fréttum DV og í
fréttaljósi si. laugardag. Athugasemdin
lýsir því einungis því hversu málið er
viðkvæmt.
Blaðamður telur ólíklegt að hinir
sýktu í ofannefndri fermingarveislu segi
þaö ýkjur að sýkingin hafi verið illvíg og
DV hefur ekkert fullyrt um að egg hafl
valdið salmonellamengun í rjómabollum,
aðeins sagt að grunur hafi beinst aö eggj-
um sem notuð voru í baksturinn og stað-
fest hefur verið af rannsóknaraðilum.
Ofdrykkjuþjóð í vanda
Gísli Einarsson skrifar:
Skyldu margar þjóðir í hinum vest-
ræna heimi eiga við jafn mikið áfeng-
isvandamál að stríða og við íslend-
ingar? Það er að vísu rætt um að
Danir drekki mikið áfengi, líka
Frakkar. En hjá þeim er ekki sá
vandi til staðar sem hér er. Að fólk
hópist saman sérstaklega til að
drekka áfengi - og það úti undir beru
lofti miðsvæðis í höfuðborginni.
Sá sérstaki háttur drykkjuskapar
er þó ekki eini lösturinn á íslend-
þjónusta
allan sólarhringii
sima
5000
íilli kl. 14 og 16
Landlæg græðgi kannski undirrótin?
ingum sem eru ofurseldir áfengi.
Við íslendingar drekkum sífellt of
mikið í einu. Undir þeim kringum-
stæðum verður fólk leiðinlegt og
hinum fáu sem enn eru lítt eða ekki
drukknir, t.d. á veitingastöðum, til
verulegs ama og oft skaða á sál og
líkama. Það atriði er sérstaklega
einkennandi fyrir íslendinga.
Þegar á allt er litið erum við Is-
lendingar ofdrykkjuþjóð í veruleg-
um vanda. Vandinn myndi ekkert
aukast við sölu á léttu áfengi í mat-
vöruverslunum en hann myndi
kannski ekki minnka heldur. En
ástandið yrði ef til vill þolanlegra.
Allt flug til
Keflavíkur
Hrafnhildur skrifar:
Ég vil taka undir forystugrein
DV sl. mánudag svo og með þeim
sem hafa skrifað um málefni
Reykjavíkurflugvallar og bent á
með rökum að allt flug, þ.m.t.
innanlandsflugið, gæti rétt eins
verið rekið frá Keflavíkurflug-
velli. Ég bý í grennd við aðflug
og flugtök flugvéla í borginni.
Það er ekki friðsæll staður. En
verri er hættan sem stöðugt vof-
ir yfir þéttri byggöinni í grennd
við suma brautarendana. Hag-
ræðið af því að flytja flugið til
Keflavíkur er nauðsynleg endur-
bót á samgöngukerfinu þangað
suður eftir, t.d. með einteinungi
eða járnbraut. Allt mælir með
flutningi flugs til Keflavíkur.
Margir orðnir
biskupar
Egill Egilsson hringdi:
Mörgum þykir sem þeir séu nú
orðnir æði margir „biskuparnir"
í landinu. Ég á við þá embættis-
menn opinbera og hálfopinbera,
sem tala og haga sér eins og þeir
séu einir á stalli og engum háð-
ir. Fyrst má telja biskup íslands,
enginn virðist yfir hann settur,
þá bankastjórana sem tala digur-
barkalega um eigið ágæti. Og
banka sem eru falli næst, vegna
lána til fyrirtækja og gæðinga
sem vitað er að aldrei greiða til
baka. Það er áberandi hvað þess-
ir menn telja sig valdamikla.
Mér sýnist allt embættismanna-
kerfið ganga út á þetta eina.
Misjöfn
málning
Gústaf skrifar:
Ég hef verið að nota málningu
í talsverðum mæli undanfarið og
keypt hana eftir hendinni og á
ýmsum stöðum. Málningin er
vægast sagt misjöfn að gæðum.
Stundum er hún varla nothæf
vegna þykktar og í hana setjast
óvenju fljótt kekkir. Þetta er oft
og tíðum sama tegund málning-
ar. Það er eins og blöndun eða
annað sé þarna að verki. En eitt
verður að játa, þjónustan hefur
batnað hvað afgreiðslu snertir,
nú er opið alla til kl. 21. Að vísu
bara í Metró en þar er líka fin
þjónusta.
Kaffihús
í Ástralíu
Lísa skrifar:
Mikið er ég fegin að fá upplýs-
ingar um Café Firenze í Melbo-
ume í Ástralíu! Ég varð himin-
lifandi að lesa um þetta í blaði
landsmanna, Mogganum mínum.
Og hér var um tveggja dálka
grein að ræða. Ofsalega góður
matur, svona alveg eins og mað-
ur ímyndar sér að ítölsk mamma
búi til. Ef maður skyldi nú
skreppa til Melbourne eitthvert
kvöldið! - Nei, ég meina nú ein-
hvern tíma á næstu árum. Ég
man þó alla vega nafnið „Café
Firenze „licensed“ verði ég ekki
orðin kölkuð.
Kerfið og dýra
leiöin
I.B.S. skrifar:
Mér líkar alls ekki aö maður sé
látinn greiða skatta fyrir aðra.
Dæmi: erlendur ferðamaður t.d.
frá Asíu sest að hér á landi.
Hann er búinn að vera eitt ár en
hefur ekki atvinnuleyfi en óskar
eftir skattkorti til að borga
skatta og skyldur. Honum er
neitað en verður samt að vinna
fyrir sér. Hann kemst í heilsu-
gæslu og fær mæðralaun eða
kemst á félágslegt framfæri. Enn
má minnast á innflutta vinnu-
afliö í eitt ár. Þarna velur kerfið
dýru leiðina, sem er hvorki
mannvænleg né bætandi.