Dagblaðið Vísir - DV - 18.11.1996, Blaðsíða 10

10
tft
MÁNUDAGUR 18. NÓVEMBER 1996
Spurningin
Hver er uppáhalds
málsháttur þinn?
Isak Guöjónsson, atvinnulaus:
Enginn verður óbarinn biskup.
Pálmi Gestsson leikari: Þeir eru
svo margir en tvö mottó eru góð: Oft
má satt kyrrt liggja og Aðgát skal
höfð i nærveru sálar.
Helgi Georgsson kennari: Betri er
krókur en kelda og Sverleiki verður
að vera í samræmi við hæðina.
Hilmar Þór Guðmundsson:Betra
er að falla með sæmd en sigra með
svikiun.
Lesendur
Olíu leit
við ísland
- hagsmunasamtök um verkefniö
Óskar Sigurðsson skrifar:
Þeir sem fylgst hafa meö þessu
máli, frá því erlendir aðilar á vegum
eins olíufélagsins fundu vísbendingu
um setlög á Skjálfandaflóa, fögnuðu
því að þingmaðurinn Guðmundur
Hallvarðsson ásamt nokkrum öðrrnn
flutti þingsályktunartillögu um að
ríkisstjómin láti fara fram rannsókn
á því hvort olíu eða gas sé hér að
fmna. Ekkert hefur heyrst um afdrif
þingsályktunartillögunnar.
Þrátt fyrir að Færeyingar séu fisk-
veiðiþjóð eins og við hafa þeir stofnað
hagsmunasamtök sem vinna að upp-
lýsingamiðlun milli atvinnulífs og ol-
íufélaga um fyrirhugaðan olíuiðnað
Færeyinga. Fróðlega fréttaskýringu
mátti lesa um þetta mesta hagsmuna-
mál Færeyinga á leiðarasíðu Morgun-
blaðsins þriðjud. 12. þ.m. Þar kom
fram að mikið og gott samstarf er haf-
ið við alþjóðlegu olíufélögin.
Engin spurning er að íslendingum
hlýtur að vera kappsmál að hér fari
fram olíuleit af fullkominni alvöru eft-
ir það sem á undan er gengið í rann-
sóknum erlendra aðila hér við land.
Stofnun hagsmunasamtaka um málið
er því brýn. Engin sérstök ástæða er
að bíða viðbragða á Alþingi við þings-
ályktunartillögunni sem þar var lögð
Rannsóknarborunum 19 olíufélaga, sem stóöu yfir í sumar á Suöurey, er ný-
lokiö.
fram um málið. Guðmundur Hall- þó þakkir skildar fyrir að taka málið
varðsson alþm. og félagar hans eiga á dagskrá.
Yfirlýsing frá Kristjáni Péturssyni
Hratt ekki af stað
atburðarásinni
Kristján Pétursson, fyrrv. deild-
arstj., skrifar:
Þann 9. þ.m. birtist grein í DV þar
sem vísað er til efnisatriða úr bók
Jónasar Jónassonar rithöfundar sem
hann skrifar um Magnús Leopolds-
son. í þessari grein stendur orðrétt:
„Órökstuddar kenningar á borð við
Hauks Guðmundssonar, rannsóknar-
manns í Keflavík, og Kristjáns Péturs-
sonar tollvarðar um Klúbbinn og
stjómendur hans hrundu af stað
þeirri atburðarás sem einkenndi Geir-
finnsmálið." - Þótt hér sé skrifað um
órökstuddar kenningar er samt verið,
með skýrum hætti, að reyna að skaða
mannorð mitt. Magnús segist ekki
vera á neinum nomaveiðum og reyna
að fyrirgefa mönnum. Mér sýnist nú
samt á greininni í DV að hann sé ekki
á þeim buxunum.
Það er fráleitt að halda því fram að
ég hafi hrundið af stað þeirri atburða-
rás sem einkenndi Geirfinnsmálið.
Sannleikurinn er sá, eins og sést í
málsskjölum, að ég hafði ekkert með
rannsókn svonefndra Klúbbmanna að
gera, né þeirra ungmenna sem hlutu
dóm i því máli. Hins vegar vann ég
ásamt Ásgeiri Friðjónssyni, dómara í
ávana- og fikniefhum, og lögreglu-
mönnunum Rúnari Sigurðssyni og
Hauki Guðmundssyni að rannsóknum
á meintu áfengissmygli sem hugsan-
lega kynni að tengjast hvarfi Geir-
finns.
Hitt er rétt að hafa i huga, og þess-
um málum óskylt, að miklar og harð-
vítugar blaðadeilur urðu um stórfellt
misferli Klúbbsins í áfengissölu og
málsmeðferð þess við frumrannsókn.
- I þeirri rannsókn átti ég hlut að
máli en um var að ræða að veitinga-
húsið seldi áfengi án þess að tilskilinn
söluskattur væri greiddur. Það er frá-
leitt að halda því fram að afskipti mín
af þessu máli, sem var með öllu óskylt
og hafði engin tengsl við Geirfinns-
málið, hafi ráðið einhverju um fram-
gang þess máls.
Heiðarleikinn „óspennandi"
K.T. skrifar:
Undanfamar vikur hef ég haft gott
tækifæri til að fylgjast með kosninga-
baráttunni vestur í Bandaríkjunum
og umræðum manna á meðal um
frambjóðendurna tvo. Hefur mér kom-
ið á óvart hve menn era sammála um
keppinautana, Bill Clinton og Bob
Dole. Virðast menn á einu máli um að
Bill Clinton geti vart talist heiðarleg-
ur maður - í siðferðismálum sé hann
og að mörgu leyti vafasamur. - Fjöl-
mörg mál, er tengjast honum, gefa
mjög til kynna að þar fari varhuga-
verður maður.
Ll§l®!ll§)í\ þjónusta
allan sólarhringinitó|
önnur saga er hins vegar sögð um
Bob Dole. Fáir efast um hæfiii hans,
skynsemi eöa heiðarleika. En það er
ekki nóg. Þeir sem eru sammála um
allt þetta ætluðu flestir að Kjósa Clint-
on. Þeir sögðu að Dole væri einfald-
lega „ekki nógu spennandi". Clinton
sagði að menn ættu ekki að „horfa til
fortíðar, heldur framtíðar". Það þýðir
á mannamáli að engu skipti hvað
hann hefur gert, einungis eigi að tala
um það sem hann sagðist langa til að
gera.
Þessu virtist fólk taka vel. Fannst
mér fyrst í stað að þetta væri enn eitt
dæmið um hvert Bandaríkin eru kom-
in. Til að vera „spennandi" yrði fram-
bjóðandi helst að vera vafasamur
hentistefnumaður sem segir eitt í dag
og annað á morgun og á sér enga aðra
hugsjón en eigin frama. Heiðarlegir
menn þyki á hinn bóginn litlausir og
„óspennandi".
Fannst mér aumt af bandarískum
kjósendum að láta bjóða sér þá kenn-
ingu að upprifjun á gjörðum Clintons
væri „skítkast" sem ekki ætti að við-
hafa. Fannst mér dæmi um sinnuleysi
Bandaríkjamanna hve margir þeirra
tóku undir það að málefnaleg gagn-
rýni, sem enginn hefur reynt að
hrekja efnislega, væri skítkast. En svo
Bob Dole forsetaframbjóöandi. - Heiö-
arlegur en ekki nógu „spennandi"?
fékk ég eftirþanka og hætti að hugsa
illa til þessarar' vinaþjóðar okkar.
Mér datt nefnilega allt í einu í hug að
Bandaríkjamenn væru ekki einir á
báti í þessum efiium.
Erlendar dans-
meyjar
Ágúst Jónsson skrifar:
Ég horföi á Kastljós Sjónvarps
hinn 13. þ.m. sem íjallaði um er-
lendar dansmeyjar i nekt sinni á
nokkrum skemmtistöðum
Reykjavíkur. Þar kom fram að
þær fengju dvalarleyfi til 28 daga
í senn og hyrfu síðan af landi
brott. Það láðist hins vegar alveg
að spyrja um hvemig að skatt-
töku af tekjum þeirra væri stað-
ið. Margir vildu eflaust fræðast
um þann þátt málsins.
Skattskyldar
að lögum
Lesendasíða DV kannaði mál-
ið hjá Skattstjóraembættinu í
Reykjavík. Þar var engar upplýs-
ingar aö hafa á einn eða annan
hátt. - Eftir öruggum leiðum
fengust þær upplýsingar að
dansmeyjar af þessu tagi, líkt og
aðrir aðkomnir aðilar, væru
skattskyldar samkvæmt lögum.
Ýmist er um 20% eða 13% skatt
að ræða af tekjum, þ.m.t. „hlunn-
indum“, auk útsvarsgreiðslu
eins og um staðgreiðsluskatt sé
að ræða. Alveg burtséð frá því
hve lengi atvinnuleyfi gildir.
Skattkort eiga allir vinnandi á
íslandi að fá.
Að finna „upp á
einhverju"
Árni Sig. skrifar:
Ég hlustaði á morgnunútvarp
Bylgjunnar i morgun (miðvikud.
14. nóv.). Þar var kominn sér-
fræðingur um íslensku, að því er
mér heyrðist, í tilefni málrækt-
arþings síðar í vikunni undir
heitinu: Hver er staða íslenskrar
tungu? Nú, jæja, ég lagði við eyr-
un. Þetta var nú eins og gengur
almennt snakk og ekkert við það
að athuga. En málfarið hjá sér-
fræðingnum, „gud bevare". Hér
kemur ein fjólan: „...varð að
finna upp á einhverju að gera“! -
Jæja, ég segi ekki meira. Við
erum sífellt aö hamast gegn
enskuslettum. En sér enginn
bjálkann?
Almenna
prestskosningu
Ibúi í Langholtssókn hringdi:
Það er almennt álit sóknar-
bama héma i hverfinu að halda
skuli almennar prestskosningar
og láta nú einu sinni af hinni
pólitisku og sérhagsmunalegu
þrákelkni. Hvorki organistinn né
kjörnefnd mun geta valið prest úr
því sem komið er. Ég er alls ekki
að segja að séra Jón Helgi Þórar-
insson myndi ekki ná kosningu
en það verður að gerast með vilja
hinna almennu sóknarbama. Við
viljum ekki láta það henda aftur
að fámenn klíka geti haft prest-
inn okkar í vasanum, t.d. með því
að velja sérstaka sálma eða efna
til konserta á kostnað kirkju-
starfsins.
Mannorðs-
moröingjar
Helga Ámadóttir hnngdi:
Mér finnst í sannleika sagt
furðulegt hvemig hægt er að
teygja og toga meiðyrðalöggjöf-
ina tram og til baka. Mér fannst
t.d. ekki rétt að dæma fyrrv. rit-
stjóra Pressunnar, og hvað nú
blaðið það hefur heitið síðan, í
háar sektir fyrir að fjalla um
menn sem sannanlega eru það
sem kallað er „crook" á slang-
máli hér á landi. Maður veit
ekki hver er mannorðsmorðingi
og hver ekki þegar dæmt er í
svona málum. En oftast nær er
nú ekki fjallað um einstaklinga á
neikvæðan hátt nema þeir hafi
mjög óhreint mjöl í poka sinum
og sem kemur svo oftast nær á
daginn. Og þá virðast allir fjöl-
miðlar geta tekið til hendinni.