Dagblaðið Vísir - DV - 26.11.1996, Blaðsíða 6

6
ÞRIÐJUDAGUR 26. NÓVEMBER 1996
dv Fréttir
Ekki staðiö við að ráða í stöður á Litla-Hrauni:
Tveir læknar hætt-
ir vegna óánægju
- þeir móðguðust, segir fyrrverandi fjármálastjóri
„Þaö er ekkert leyndarmál að við
erum hættir störfum á Litla- Hrauni
og að ástæðan er óánægja. Við sett-
um það á oddinn að ráðið yrði í
stöðu félagsfræðings, sálfræðings og
hjúkrunarfræðings í hálfa stöðu en
við það hefur ekki verið staðið,“
segir Gylfi Haraldsson en hann og
kollegi hans, Pétur Skarphéðinsson,
eru hættir störfum sem læknar á
Litla-Hrauni.
Gylfl segir að ekki hafi verið ráð-
ið í umræddar stöður eftir að þeir
sem gegndu þeim á sínum tíma
hurfu til annarra starfa. Hann segir
mikla þörf vera á því að ráða i stöð-
urnar því sú þjónusta sem veita á
föngum á Litla-Hrauni sé alls ekki
fullnægjandi.
„Við reyndum að vinna okkar
starf þarna eins og hægt var, innan
þess ramma sem vinnutíminn
leyfði, og miklu meira en það, en oft
eru þakkir heimsins litlar,“ segir
Gylfi Haraldsson.
„Ég viðurkenni að þessir menn
hafa eflaust komið með einhverjar
tillögur um ýmislegt sem betur
mætti fara en það er ekki kjami
málsins að mínu mati. Nefnd sem
skipuð var á liðnu ári hefur skilað
heilbrigðisráðherra tillögum um að
flytja alla heilbrigðisþjónustu frá
Fangelsismálastofnun og yfir til
heilbrigðisráðuneytisins. Til stend-
ur að leita eftir samstarfi við
Sjúkrahús Suðurlands og þeir
máttu eiga von á því að þeim yrði
sagt upp. Þeim var gert þetta ljóst
og þeir sögðu upp sama dag eða dag-
inn eftir. Ég lít svo á að þeir hafði
móðgast og sagt upp þess vegna,“
segir Sólmundur Már Jónsson hjá
dómsmálaráðuneytinu en hann
gegndi starfi fjármálastjóra Fangels-
ismálastofnunar þar til fyrir
skömmu. Sólmundur sagði að reynt
hefði verið að ráða i sumar stöðurn-
ar en áhuginn væri lítill, nú sé ver-
ið auglýsa eftir sálfræðingi og unn-
ið sé að því að geðlæknir á Sogni
sinni föngunum á Hrauninu.
Þegar ummæli Sólmundar voru
borin undir Gylfa sagði hann aðeins
að Sólmundur væri ungur og
óreyndur og þess vegna gæti hann
leyft sér að tala svona. Hann sagðist
fagna því að heilbrigðismálin færu
frá stofnuninni og til ráðuneytisins.
„Við erum búnir að vinna þarna í
níu ár og hættum ekki vegna þess
að við förum í fýlu,“ segir Gylfí.
Haraldur Johannessen fangelsis-
málastjóri sagðist í samtali við DV
ekki kannast við að þessir læknar
hefðu haft uppi óskir um ráðningar
á fólki og þvi svarar Gylfi þannig að
hann eigi undirritaðan ráðningar-
samning frá liðnu vori þar sem
þetta sé eitt af ákvæðunum.
-sv
Rvk-mót í bridge:
Þrefaldur
sigur
Bjöm Eysteinsson landsliðs-
þjálfari og Sverrir Ármannsson
uröu um helgina öruggir sigur-
vegarar á Reykjavíkurmótinu 1
tvímenningi. Þeir vörðu þar með
titil sinn frá síðasta ári og eru
einnig núverandi íslandsmeist-
arar í tvímenningi. Björn og
Sverrir enduðu með 272 stig í
plús, Karl Sigurhjartarson-Þor-
lákur Jónsson aðrir með 211 stig
og Ásmundur Pálsson-Aðal-
steinn Jörgensen þriðju með 187
stig. -ÍS
ísafjörður:
Tveir teknir
fyrir innbrot
Tveir menn voru handteknir
fyrir innbrot í veitingastað á ísa-
firði á sunnudagsmorgun. Þar
höfðu þeir orðið sér úti um tölu-
vert magn af tóbaki og sjö flösk-
ur af vini en lögregla kom að
þeim á innbrotsstaðnum. Menn-
imir reyndu að forða sér en lög-
reglan hljóp þá uppi. Mönnunum
var sleppt eftir skýrslutöku síð-
degis í gær. -JHÞ
Eyj afj arðar s væðið:
Ekki var við
vinnslu kjöts af
heimaslátruðu
- segir heilbrigðisfulltrúi
„Við verðum ekki varir við að
hér séu í gangi kjötvinnslur sem
eru að vinna kjöt af heimaslátruðu
til sölu á almennum markaði. Það
hefur ekki komið upp nema eitt
dæmi þar sem við höfum þurft að
hafa afskipti af slíku og þá var það
verslun sem tók að sér sögun á
kjöti. Við afskipti okkar var látið af
þeirri iðju,“ segir Alfreð Schiöth,
heilbrigðisfulltrúi f Eyjafirði, um
heimaslátrun og kjötvinnslu á
svæði hans.
Hann segir að vitað sé að talsvert
sé um heimaslátrun en engin leið sé
fyrir heilbrigðiseftirlitið að ná yfir-
sýn yfir það mál.
„Heimaslátrun er lögleg og það er
mjög erfitt að átta sig á því hvenær
sala fer fram á slíku kjöti. Það er þó
alveg ljóst að hér er ekki um að
ræða vinnslu af þeirri stærðargráðu
sem um er að ræða á Suðurlandi,"
segir Alfreð.
-rt
Maðkur í sígar-
ettufilternum
DV, Höfn:
„Þegar ég opnaði sígarettu-
pakkann sá ég að filterinn var
skemmdur og fór að skoða hann
nánar. Fannst þetta eitthvað
óeðlilegt og þá fann ég lifandi
maðk í filtemum," sagði Guð-
rún Valgeirsdóttir, húsmóðir á
Höfn.
Hún hafði farið í eina sjopp-
una á staðnum og keypt Camel-
sígarettur með filter og þegar
hún opnaði pakkann kom í ljós
sundurtættur filter og þar var
sprelllifandi, feitur og þústinn
maðkur, um 6 mm langur.
„Ég hef heyrt um fleiri sem
hafa fengiö Camel-sígarettur
með maðki í sjoppum hér og sá
í pakka sem var hreinlega mor-
andi. Maðkurinn virðist helst
halda sig í filtemum og étur
hann upp,“ sagði Guðrún.
Ekki varð þó maðkurinn til
þess að Guðrún hætti að reykja,
hún sagðist aðeins skipta um
tegund. Camel ætlaði hún ekki
að kaupa í bráð - sennilega yrði
langt þangað til.
-JI
Guörún meö maökinn fyrir fram sig.
DV-mynd Júlía
Sandvík SK 188 var hleypt af stokkunum í Skipasmíöastööinni hf. á Isafiröi
Sandvík SK 188 hleypt af stokkunum:
Teikningarnar sendar um
Internet frá Bandaríkjunum
- fyrsta nýsmíði á ísafirði síðan 1989:
Sandvík SK 188 var hleypt af
stokkunum í Skipasmíðastöðinni
hf. á ísafirði um kl. 7 á laugardags-
morguninn. Sandvík SK 188 var
smíðuð fyrir útgeröarfélagið Tind
ehf. á Sauðárkróki og er 30 tonn að
stærð, sérhönnuð til rækjuveiða og
kostar um 40 milljónir króna. Skip-
ið er hannað hjá Skipasmíðastöð-
inni á ísafírði en bandateikningar
em unnar í Bandaríkjunum og
sendar um Intemetið í tölvu Skipa-
smíðastöðvarinnar. Þessar upplýs-
ingar voru síðan sendar beint úr
tölvu fyrirtækisins i skurðarvél
sem skar stálið niður af mikilli ná-
kvæmni. Þar með er aflögð mikil
handavinna við að búa til skapalón
af bandateikningum sem siðan var
skorið eftir og nákvæmnin sem fæst
við tölvuvinnsluna er mun meiri.
Við þetta sparast bæði efni og mik-
ill tími en auk bandateikninga vora
teikningar að byrðingi, dekki og
ýmsu öðru einnig tölvuunnar fyrir
skurðarvélina.
Siguröur Jónsson, framkvæmda-
stjóri Skipasmíðastöðvarinnar,
sagði að skipið væri sérstaklega frá-
bragðið öðram skipum í þessum
stærðarflokki hvað lestarrými varð-
ar. Lestin er sérhönnuð fyrir kör og
báturinn er frá upphafi hannaður
til rækjuveiða. Fyrir utan dráttar-
bát sem verið er að smíða í Vest-
mannaeyjum er þessi nýsmíði
Skipasmíðastöðvarinnar á Isafirði
eina stálskipið sem smíðað hefur
verið á íslandi um árabil. Síðast var
nýju skipi hleypt af stokkunum á
ísafirði í ágústmánuði árið 1989.
Siguröur sagði að næg verkefni
væru fram undan hjá stöðinni og
stefht væri að því að hefja smíði á
öðrum bát fljótlega eftir áramótin.
Á milli tuttugu og tuttugu og fimm
starfsmenn vinna hjá Skipasmiða-
stöðinni en auk þess komu nokkrir
undirverktakar að smíði Sandvíkur.
Það eru m.a. Póllinn hf. á ísafirði,
sem sá um raflagnir, Mjölnir hf. í
Bolungarvik, sem sá um vökvakerfi,
Magnús Alfreðsson á ísafirði sá um
innréttingasmíði og Rörtækni sá
um pípulagnir. Sigurður sagði að
engin rök væru fyrir því að íslensk-
ar skipasmíðastöðvar gætu ekki
verið samkeppnishæfar í verði, alla-
vega ef miðað er við skipasmíðaiðn-
að í Vestur-Evrópu. Nefndi hann
sem dæmi að í Noregi væru greidd
hærri laun og aðföng Norðmanna
t.d. á vélbúnaði frá Bandaríkjunum
væru dýrari en á íslandi. Stál og
aðrar vörar til smíðanna eru yfir-
leitt á sama verði. Sigurður sagði að
eina ástæðan sem gæti skekkt sam-
keppnisstöðuna væri kunnáttuleysi
en segja má að heila kynslóð jám-
iðnaðarmanna vanti á íslandi í dag
því störf þeirra hafa að mestu verið
flutt úr landi á undanförnum árum.
-HK