Dagblaðið Vísir - DV - 04.02.1997, Blaðsíða 6

6
ÞRIÐJUDAGUR 4. FEBRÚAR 1997
Fréttir
Kaupkröfur Dagsbrúnar um 70 þúsund króna mánaðarlaun:
Erum ekki að
semja fyrir allt
þjóðfélagið
- segir Halldór Björnsson, formaður Dagsbrúnar
„Ég held að engum ofbjóði 70
þúsund króna mánaðarlaun, sem
hamrað er á að muni setja þjóðfé-
lagið í algjört uppnám. Við semj-
um hins vegar ekki fyrir allt þjóð-
félagið," segir Halldór Björnsson,
formaður Dagsbrúnar.
Launakrafa Dagsbrúnar, um 70
þúsund króna mánaðarlaun, hefur
fallið í grýttan jarðveg hjá við-
semjendum félagsins og Halldór
segir að þeir hafi ekki fengist til
að ræða málið af alvöru. Nýlega
sendi VSÍ frá sér frétt þar sem
kemur fram að verði Dagsbrúnar-
leiðin farin í komandi kjarasamn-
ingum muni afleiðingarnar verða
þær að verðbólga skelli á og fari
upp í 50% á miðju þessu ári. Á
meðfylgjandi gröfum er sýnt
hvernig VSÍ hugsar sér að verð-
bólgudraugurinn vakni gangi hug-
myndir Dagsbrúnar fram.
Halldór vísar þessu á bug og
segir að í forsendum sem VSÍ gefi
sér sé reiknað með því að allir
aðrir muni fá sömu prósentu-
hækkanir ofan á sin laun og Dags-
brún hefur krafist ofan á taxta fé-
lagsins. „Við erum ekki að krefj-
ast launáhækkana fyrir aðra, við
semjum aðeins fyrir Dagsbrúnar-
menn,“ segir Halldór.
Halldór segir kröfur Dagsbrún-
ar í stuttu máli þær að allir nú-
gildandi kauptaxtar Dagsbrúnar-
manna liggi á bilinu 50-65 þúsund
á mánuði. Að auki séu í gildi fjöl-
margir sérsamningar sem gera
það að verkum að obbinn af Dags-
brúnarmönnmn er með mánaðar-
tekjur á bilinu 80-125 þúsund
krónur á mánuði. Það sé megin-
krafa Dagsbrúnar að kauptaxtar
endurspegli í ríkari mæli greidd
laun og samninganefnd félagsins
hafi óskað eftir viðræðum um
hvernig nálgast megi þetta mark-
mið og hvernig einfalda megi
kauptaxtana. „Um það fæst hins
vegar engin umræða og okkur er
núið því um nasir að ætla að setja
allt þjóðfélagið á annan endann,“
segir Halldór Björnsson, formaður
Dagsbrúnar.
-SÁ
Kjarasamningaviðræður 1997
- samanburöur VSÍ á launakröfum Dagsbrúnar og tllbo&i VSÍ
miöaö viö mána&arlegar atvlnnutekjur
700.000 kr.
600.000
500.000
400.000
300.000
200.000
100.000
Ráösttekjur
Skattar,
afborganir
og vextlr
1996
1997
Sta&an í dag
VSÍ Dagsbrún
1998
VSÍ Dagsbrún
j
'60%
Samanburður á verðbólgu
- miöaö vlö kröfur Dagsbrúnar og hugmyndir VSÍ -
Hugmyndir VSÍ
Þorrablót í Bolungarvík:
Konum gert skylt að mæta
í þjóðbúningi
DV, ísafirði:
Bolvikingar héldu árlegt þorra-
blót sitt 25. janúar í Víkinni og er
það um margt sérstakt, t.d. sú hefð
að þar fær aöeins fólk í sambúð inn-
göngu og að konum er skylt að vera
í þjóðbúningi. Fram til þessa hafa
karlar mátt mæta í hefðbundum
jakkafótum af ýmsum gerðum.
Hugsanlegt er að frá og með þessu
blóti verði innleiddur nýr siður
hvað karla varðar og þeim einnig
gert skylt að mæta í þjóðbúningum.
Á blótinu nú voru flestir karlanna í
hinum nýja íslenska þjóðbúningi
karla sem er hinn glæsilegasti. Mik-
il og góð þátttaka var á þorrablóti
Bolvíkinga og lögðu sumir á sig
langt ferðalag til að ná tímanlega á
blótið. Veðrið tók líka virkan þátt í
blótshaldi Vikara og ekki er ör-
grannt um að sumir hafi þurft að
gista að blóti loknu í öðrum húsum
en sínum eigin vegna ófærðar og
veðurs. - HK.
160 milljóna hagræðing landsbyggðarsjúkrahúsa:
Dregur úr þjónustu
úti á landi
- segir framkvæmdastjóri sjúkrahússins í Vestmannaeyjum
„Við fyrstu sýn líst mér bölvan-
lega á þessar tillögur. Menn hafa
staðiö í niðurskurði og hagræðingu
í mörg ár og við horfum meira að
segja á það að hafa þurft að draga úr
öryggi hér í Eyjum. Ég sé ekki að
hægt sé að skera hér niður um 6%
án þess að skerða þjónustu," segir
Gunnar Gunnarsson, framkvæmda-
stjóri sjúkrahússins í Vestmanna-
eyjum, um tillögur nefhdar heil-
brigðisráðuneytisins um að spara
160 milljónir á smærri sjúkrahúsun-
um úti á landi.
Gunnar segir að vitaskuld muni
menn setjast yfir þessa hluti og
vissulega sé allt hægt, spurningin sé
hverju megi fórna. Hann segir að
75% af útgjöldunum fari i launa-
kostnað og það sé erfitt að spara á
stuttum tíma. Hann segir að því
miður sé lítið á tillögum nefndar-
innar að græða fyrir sjúkrahúsið í
Eyjum.
„Að mínu mati hefur miklu verið
eytt í tækjabúnað á stóru sjúkrahús-
in á Reykjavík á meðan litlu sjúkra-
húsin úti á landi hafa setið á hakan-
um. Þar af leiðandi sitjum við eftir
með færa lækna sem hafa ekki tæki
til þess að framkvæma aðgerðirnar.
Það er stundum réttlætanlegt en í
þessu þarf að vera jafnvægi.“
Gunnar segir að 55% fjárveitinga
utan höfuðborgarsvæðisins fari til
Akureyrar, Keflavíkur, Selfoss og
Akraness. Hin sjúkrahúsin fái 45%
sem eftir eru og af þeim eru skom-
ar 160 milljónir.
„Mér er til efs að þingmenn sem
greiddu fjárlagafrumvarpinu at-
kvæði sitt hafi reiknað með þessu
svona,“ segir Gunnar Gunnarsson.
„Tillögumar gera ráð fyrir að
hagrætt verði um 60 milljónir á
þessu ári, 60 á því næsta og 40 millj-
ónir 1999. Við teljum að góður
grundvöllur sé fyrir breytingum af
þessu tagi, sums staðar er búið að
spara mikið og menn greinir á um
mörkin, hvar sé hægt að spara
meira. Við segjum að víða sé hægt
að spara og meira að segja auka og
bæta þjónustuna um leið,“ segir
Kristján Erlendsson, skrifstofustjóri
heilbrigðisráðuneytisins.
Kristján segir útreikninga ráðu-
neytisins sýna að víða megi draga
úr kostnaði og þess hafi verið gætt í
tillögunum að ekki sé hætta á því að
kerfið verði rústað eins og víða hafi
verið haldið fram.
„Við viljum að menn hópi sig
saman og að sjúkrahúsin á Austur-
landi vinni þetta verkefni saman og
sama gerir Norðurlandskjördæmi
vestra og síðan byggðarlögin í
kringum ísafjörð. Við eram núna að
bjóða heimamönnum þáttöku í
þessu verkefni og ætlumst til þess
að þeir skili hugmyndum og tihög-
um fyrir miðjan febrúar. Spamaðar-
tillögur okkar í hjúkrunarþjónustu
í Reykjavík era að skila 60-70 millj-
ónum og um leið betri þjónustu. Það
sýnir okkur að allt er þetta hægt
með samstilltu átaki,“ segir Krist-
ján Erlendsson. -sv
Mótmæla niðurskurði í
heilbrigðiskerfinu
Samband sveitarfélaga í Norður-
landskjördæmi vestra hefur sent frá
sér ályktun vegna þess sem þeir
kalla nýjustu niðurskurðaráform
ráðuneytisins til heilbrigðisstofn-
ana á Norðurlandi vestra:
„Stjóm Sambands sveitarfélaga í
Norðurlandskjördæmi vestra mót-
mælir harðlega framkomnum tillög-
um um niðurskurð á fjárframlögum
til heilbrigðisstofnana i kjördæm-
inu á næstu þrem árum. Verði þær
að veruleika er ljóst að staða Norð-
urlands vestra, sem og annarra
svæða á landsbyggðinni, mun veikj-
ast verulega um leið og ýtt er undir
frekari fólksflutninga til höfuðborg-
arsvæðisins. Stöðugar umræður um
niðurskurð heilbrigðisstofnana úti
á landi hafa einnig mjög neikvæð
áhrif á möguleika þeirra til að ráða
til sín starfsfólk og halda því. Stjóm
sambandsins krefst þess að rikis-
stjómin, heilbrigðisráðherra og
þingmenn Norðurlandskjördæmis
vestra hverfi nú þegar frá áformum
um niðurskurð á heilbrigðisþjón-
ustu á landsbyggðinni."
-sv