Dagblaðið Vísir - DV - 29.04.1998, Blaðsíða 2

2
MIÐVIKUDAGUR 29. APRÍL 1998
Fréttir
Jökull hf. á Raufarhöfn vill nótaskipið Vlkurberg GK:
Rúmur milljarður boðinn
- margir áhugasamir, segir Reynir Jóhannsson útgerðarmaöur
„Það er alveg óvíst að við seljum
skipið og við höfum ekkert aug-
lýst,“ segir Reynir Jóhannsson,
skipstjóri og annar tveggja eigenda
nótaskipsins Víkurbergs GK frá
Grindavík.
Skipið hefur verið til sölu, þó
ekki hafi eigendur þess auglýst það
opinberlega. Samkvæmt heimild-
um DV liggur fyrir tilboð í skip og
kvóta frá Jökli hf. á Raufarhöfn
upp á einn milljarð og fimmtíu
milljónir króna. Kvóti Víkurbergs
samanstendur af loðnukvóta sem
nemur 1,78 prósenti af heildar-
loðnukvótanum, eða 18 þúsund
tonnum, auk bolfisk- og rækju-
kvóta sem nemur tæpum 500 tonn-
um. Reynir útgerðarmaður vill
hvorki staðfesta þessa tölu né að
þeir hafi ákveðið að selja. Hann
Rúmur milljarður hefur verið boðinn fyrir loðnuskipið Víkurberg GK.
segir þó að mönnum hafi verið gef- „Við erum að velta þessu fyrir
inn kostur á að nefna tölur. okkur. Það er ekki búið að taka
neinar ákvarðanir en menn hafa
verið að gæla við tölur,“ segir
hann.
- Er rétt að boðinn hafi verið
rúmur milljarður í skipið?
„Ég var bara að koma heim frá
útlöndum og ég hef ekkert fylgst
með þessu,“ segir Reynir sem þó
viðurkennir að hann hafi haft með
rekstur útgerðarinnar að gera.
Hann segir hugrenningar þeirra
um að selja alls ekki snúast um að
erfitt sé að reka skipið. Menn séu
farnir að eldast og á þeim forsend-
um geti þeir hugsað sér að hætta.
„Við höfum alltaf verið tveir
með þennan rekstur og báðir um
borð. Ef það er ekki hægt að gera
þetta þannig þá gengur það aldrei
upp,“ segir hann.
-rt/-gk
Blönduós:
Heilbrigðisfulltrúi
fór með lögreglu-
valdi inn í bakarí
Heilbrigðisfulltrúi Norðurlands
vestra fór með lögregluvaldi inn í
bakaríið Krútt á Blönduósi í síðustu
viku.
Heilbrigðisfulltrúinn hafði ekki
fengið leyfi hjá starfsfólki bakarís-
ins til aö fara inn í fyrirtækið þar
sem eigandi væri ekki við. Heil-
brigðiseftirlitsmaðurinn sótti þá
lögreglu og fór með valdi inn í bak-
aríið.
„í mínum huga var þetta embætt-
ismannahroki af hálfu heilbrigðis-
fulltrúa. Ég hafði beðið starfsfólk að
hleypa engum utanaðkomandi aðil-
um inn á vinnustað nema í fylgd
yfirmanns. Það sama á við um heil-
brigðisfulltrúa eins og aðra. Starfs-
fólk mitt sagði honum að ég kæmi
til starfa eftir hádegi en hann gat
einhverra hluta vegna ekki beðið.
Þetta er nú ekkert stórmál. Ég og
fulltrúinn höfum hist síðan og þaö
hefur allt verið í góðu á milli okk-
ar,“ segir Óskar Húnfjörð, eigandi
bakarísins Krútts.
Sigurjón Þórðarson heilbrigðis-
fulltrúi vildi ekki tjá sig um málið
við DV. -RR
Mikill fjöldi unglinga safnaðist saman í miðborginni í gærkvöld til að fagna lokum samræmdu prófanna. Mikill erill
var hjá lögreglu en þó gekk flest vel fyrir sig þó að ölvun hafi verið talsverð meðal unglinganna. Eitt rúðubrot var þó
tilkynnt og nokkuð var um minni háttar pústra. Nokkrir unglingar voru fluttir í unglingaathvarfið þegar leið á nóttina.
DV-mynd Pjetur
Rannveig Guðmundsdóttir, þingflokki jafnaðarmanna:
Mesta atlaga að almanna-
rétti síðan á landnámsöld
- segir Rannveig um frumvarp Páls Péturssonar
Rannveig Guðmundsdóttir, þing-
tlokki jafnaðarmanna, var í minni-
hluta í félagsmálanefnd í afstöð-
unni til frumvarps félagsmálaráð-
herra til nýrra sveitarstjórnarlaga.
Hún sagði við aðra umræðu um
frumvarpið að verði það lögfest að
miðhálendinu verði skipt upp í
ræmur sem tilheyri aðilggjandi
sveitarfélögum, þá telji hún það
mestu atlögu að almannarétti síðan
á landnámsöld.
„Jafnaðarmenn geta ekki fallist á
að deila miðhálendinu upp á milli
sveitarfélaganna. Ekkert getur rétt-
lætt að lögbinda svo afdrifaríkt
ákvæði í ágreiningi. Víðemi íslands
eru dýrmæt auðlind sem eru sam-
eign allrar þjóðarinnar og Alþingi
ber að tryggja þjóðarsátt um stjóm
og skipulag svæðisins," sagði Rann-
veig.
Hún sagði að tillaga jafnaðar-
manna væri sú að landið skiptist
ekki allt upp í sveitarfélög heldur
yrði fyrsta grein frumvarps félags-
málaráðherra þannig orðuð: „Landið
skiptist í staðbundin sveitarfélög
sem ráða sjálf málum sínum á eigin
ábyrgð utan miðhálendis íslands,
sem verði sjálfstæð stjórnsýsluein-
ing sem lýtur sérstakri stjórn. For-
sætisráðherra skipar níu manna
stjóm miðhálendis til íjögurra ára að
fengnum tilnefningum umhverfis-
iðnaðar-, samgöngu- og félagsmála-
ráðherra er tilnefna einn fulltrúa
hver, og Samband ísl. sveitarfélaga
tilnefnir fjóra fulltrúa. Forsætisráð-
herra skipar einn fulltrúa sem jafn-
framt er formaður stjórnarinnar."
Rannveig sagði að þegar hún
hugsaði um þetta mál, sem nú ætti
að knýja i gegn í blóra við vilja þjóð-
arinnar, og önnur þau stórmál sem
ríkisstjóm Davíðs Oddssonar
hyggst þvinga í gegnum Alþingi á
þessu vori í skjóli þingstyrks þá
komi eitt orð í huga henni, vald-
níðsla.
„Það sem mest er um vert er það
stóra álitamál sem tekist er á um og
felst í fýrstu grein frumvarpsins og
ákvæði til bráðabirgða, þar sem
nærliggjandi sveitarfélögum eru
veitt öll völd á öræfum landsins og
ég tel að sé atlaga að almannarétti,"
sagði Rannveig. Hún sagði að jafn-
aðarmenn legðu einnig til að miðhá-
lendið yrði skilgreint sem það svæði
sem markast af línu sem dregin er
milli heimalanda og afrétta, línu
sem miðað var við í tillögum svæð-
isnefndar að skipulagi hálendisins
frá 1997. -SÁ
- Sjá nánar á bls. 4
Þrír slösuðust á Gullinbrú
Þrír slösuðust í hörðum
árekstri á Gullinbrú á tíunda tím-
anum í gærmorgun.
Tækjabill slökkviliðsins var
kallaður á vettvang þar sem einn
hinna slösuðu festist í bifreið
sinni. Samkvæmt upplýsingum
lögreglu hlaut einn hinna slösuðu
höfuðáverka en tveir voru taldir
með minni háttar meiðsl. -RR
Stuttar fréttir i>v
Hálendisfrumvarpi
frestað
Frumvarpi Páls Péturssonar fé-
lagsmálaráð-
herra til nýrra
sveitarstjórnar-
laga þar sem há-
lendi íslands á
aö skipta upp í
ræmur milli 42
fámennra
sveitahreppa
var frestað til
hausts. Umræður stóðu um það
fram á nótt á Alþingi.
Svara ekki
Bankaráð íslandsbanka hefur
hafnað því að svara Guðmundi
Árna Stefánssyni um risnu og lax-
veiðikostnað bankans á síðasta
ári. Óviöeigandi sé að draga ís-
landsbanka inn í mál stærsta
keppinautarins. Bylgjan sagði frá.
Giftist barnsföðurnum
Tyrkneska konan, sem utanrík-
isráðherra styrkti til þess að
koma hingað frá Tyrklandi vegna
ofsókna í heimalandinu, og ís-
lenskur bamsfaðir hennar ætla
að giftast um helgina, að því er
þau sögðu við Stöð 2 í gær.
Vesturfaraminjar
Ríkisstjóm Davíðs Oddssonar
ætlar að styrkja fornleifauppgröft
bandarískra og kanadískra fræði-
manna á Lance aux Meadows á
Nýfundnalandi. Reynt verður að
færa frekari sönnur á landnámi
Íslendinga í Vesturheimi til
foma.
Keikó - staðarvalsnefnd
Þriggja manna nefhd frá Keikó-
samtökunum í Bandaríkjunum
skoðar nú staði á íslandi þar sem
til greina kemur aö búa háhym-
ingnum Keikó framtíðarheimili.
Hvalfjöröur, Eskifjörður og Vest-
mannaeyjar þykja vænlegastir.
Stöð 2 sagði frá.
Sigurður Helgi formaður
Sigurður Helgi Guðjónsson
hæstaréttarlög-
maður var end-
urkjörinn for-
maður Húseig-
endafélagsins á
aðalfundi í gær.
Fundurinn styð-
ur húsnæðis-
framvarp félags-
málaráðherra
og fagnar því að Húsnæðisstofnun
verði lögð niður og telur að.far-
ið hafi fé betra“.
Skattaáþján
Aöalfundur Húseigendafélags-
ins telur skattbyrði fasteignaeig-
enda orðna óhóflega. Þá gagnrýn-
ir fundurinn að hreinsun strand-
lengjunnar í Reykjavík sé kostuð
af holræsagjaldi einu. Það kæmi
harðast niður á barnmörgum fjöl-
skyldum og eldra fólki sem býr í
stóru húsnæði.
Depenhams
ræður úrslitum
Pálmi Kristinsson, fram-
kvæmdastjóri Smáralindar, segir
að samningur við bresku versl-
anakeðjuna Depenhams ráði úr-
slitum um að farið verði út í stór-
framkvæmdir í Smáranum.
Kringlumenn segja að haldið
veröi fast við áform um stækkun
Kringlunnar.
Olafur Orn gegn Páli
Ólafur Öm Haraldsson fram-
sóknarþingmað-
ur og formaður
umhverfis-
nefndar Alþing-
is lýsti sig and-
vígan þeim
þætti sveitar-
stjórnarlaga-
frumvarps Páls
Péturssonar,
flokksbróður síns, sem mælir fyr-
ir um að skipta hálendinu milli 42
sveitahreppa. Hann taldi hags-
muni Reykvíkinga og íbúa ann-
arra þéttbýlisbúa fyrir borð boma
í málinu.
-SÁ/JHÞ