Dagblaðið Vísir - DV - 23.11.1998, Page 2

r
2
MÁNUDAGUR 23. NÓVEMBER 1998
Fréttir
Umhverfisverndarsinnar urðu undir á flokksþingi Framsóknar:
Steingrímur skamm-
aði flokksþingið
Steingrímur Hermannsson sagðist harma að ekki náðist að samþykkja að
lög um umhverfismat næðu til Fljótsdalsvirkjunar. DV-mynd ÞÖK
Miklar og harðar deilur urðu
um umhverfismál á 25. flokksþingi
Framsóknarflokksins. Ólafur Örn
Haraldsson alþingismaður fylgdi
fast eftir þeirri skoðun sinni að í
umhverfisályktun flokksþingsins
yrði lagt til að umhverfismat yrði
gert á áhrifum Fljótsdalsvirkjun-
ar. „Það varð ekki sátt um mína
tillögu. Ég hélt því til streitu að
Fljótsdalsvirkjun færi í umhverfis-
mat samkvæmt lögum um um-
hverfismat en Landsvirkjunar-
vinnan ekki látin nægja. Ég vil að
almenningur fái að koma að mál-
inu. Mín tillaga var ekki sam-
þykkt,“ sagði Ólafur við DV.
Aðspurður um frekari eftirmál
af hans hálfu sagði hann: „Ég held
baráttunni áfram. Það er vaxandi
fylgi við mín sjónarmið meðal
þjóðarinnar og ég hygg að þau
verði ofan á.“
Góða samvinnu
Jón Kristjánsson alþingismaður
var formaður umhverfismála-
nefndar flokksþingsins. Hann
sagði að nefndin hefði ekki viljað
fallast á að tilgreina einstakt virkj-
unarverkefni í umhverfismálaá-
lyktun flokksþingsins eins og
falist hefði í tillögu Ólafs heldur
ætti hún að vera almenn stefnu-
mótun.
Halldór Ásgrímsson sagði að
umfjöllunin um umhverfismála-
ályktunina sýndi hve mikinn sess
umhverfismál skipa í starfi Fram-
sóknarflokksins. Hann sagði að
starfsemi frjálsra félagasamtaka
og umhverfissamtaka væri mjög
mikilvæg í umhverfismálum og
miklu skipti fyrir stjórnvöld að
hafa sem besta samvinnu við slík
samtök. Halldór sagði að stjórn-
völd stefndu að sjálfsögðu að því
að ísland yrði aðili að Kyotosam-
komulaginu. „Það er alls ekki ætl-
un stjórnvalda að skorast undan í
þeim efnum,“ sagði Halldór.
Ólafur M. Magnússon, formaður
samtakanna Sól í Hvalfirði, lýsti
mikilli ánægju með orð Halldórs
Ásgrímssonar og sagði þau ná-
kvæmlega þann tón sem fram-
sóknarmenn ættu að fara með af
þinginu út í þjóðfélagið.
Steingrímur undrandi
„Ég harma það að ekki náðist að
samþykkja að lög um umhverfis-
mat næðu til Fljótsdalsvirkjunar.
Eitt af því mikilvægasta sem fram
undan er er að ná sátt við um-
hverfissamtökin. Sú sátt mun
aldrei nást ef ekki fer fram lögboð-
ið umhverfismat," sagði Stein-
grímur Hermannsson sem tók til
máls við lokaafgreiðslu ályktunar-
innar. Hann sagði mikilvægt að
Framsóknarflokkurinn yrði leið-
andi í umhverfismálum á ný, eins
og hann var í forystutíð Eysteins
Jónssonar. Hann kvaðst ekki sátt-
ur við það sem gert hefði verið í
seinni tíð í umhverfismálum sem
væri bæði of lítið og of lítill skiln-
ingur ríkti á mikilvægi þeirra.
„Það er staðreynd að við íslend-
ingar losum um það bil meðaltal á
hvern íbúa af koltvísýringi. Það er
vegna hins gífurlega togaraflota
sem við rekum. Svo við erum alls
ekki hreinir, alls ekki saklausir og
ættum að taka miklu ákveðnar á
þessum málum,“ sagði Steingrím-
ur. -SÁ
Nýkjörin framkvæmdastjórn Framsóknarflokksins:
Finnur vann slaginn viö
Finnur Ingólfsson sigraði Siv
Friðleifsdóttur örugglega í varafor-
mannskjöri á flokksþingi Fram-
sóknarflokksins á Hótel Sögu í gær.
Finnur fékk 343 atkvæði eða 62,8%.
Siv Friðleifsdóttir fékk 198 atkvæði,
eða 36,1%. Á kjörskrá voru 619
manns. 549 tóku þátt í kosningum
um nýja framkvæmdastjóm flokks-
ins
Halldór Ásgrímsson var endur-
kjörinn formaður flokksins með yf-
irgnæfandi meirihluta atkvæða.
Hlaut Halldór sovéska kosningu, 519
atkvæði, eða 97,6%. Aðrir sem at-
kvæði fengu voru Guðni Ágústsson
og Páll Pétursson en þeir fengu
hvor um sig fjögur atkvæði.
Ingibjörg Pálmadóttir var kjörin
ritari flokksins og fékk 456 atkvæði,
eða 90,3%, en Siv Friðleifsdóttir
flokksþinginu í gær þegar kosning
framkvæmdastjómar hófst, enda
framsóknarmenn óvanir harðri
kosningabaráttu í trúnaðarstöður
flokksins. Kosningin var því leyni-
legri en hún hefur oftast verið áður
og var hver þingfulltrúi einn með
sínum kjörseðli þegar hann kaus í
stað þess að kjörseðlum væri dreift
á borð þeirra í þingsalnum.
Framsóknarmaður af Norður-
landi sagðist hafa orðið þess var að
mörgum fyndist baráttan um vara-
formannssætið óþægileg. Eldri þing-
fulltrúum þætti Siv fúllung til að
verða varaformaður og óttuðust að
hún réði ekki við það að þurfa að
taka við formennsku flokksins ef
Halldór hætti skyndilega.
„Þessi mikli stuðningur er mér
mikilvægur á þessari stundu, ekki
síst af því að ég er að fást við mörg
mjög erfið verkefni," sagði Finnur
Ingólfsson eftir að úrslit lágu fyrir.
„Ég vonast til að við munum eiga
mjög gott og náið samstarf í framtíð-
inni,“ sagði Finur um Siv og tók
hún undir þau orð. -SÁ
Vestmannaeyingurinn Smári Harðarson sigraði í flokki karla yfir 90 kg og í
opnum flokki á Islandsmeistaramótinu í vaxtarrækt um helgina. Hann hlaut
einnig verðlaun fyrir bestu pósurnar. Jón Guðmundsson og Guðmundur
Bragason urðu í næstu sætum. DV-mynd JAK
KEA hafði handsalað samningi við 10-11:
Bauð einnig í Nóatún
KEA hafði handsalað samningi
við Tíu-ellefu verslanirnar um
kaup á 70 prósentum hlutafjár í fyr-
irtækinu áður en Eiríkur Sigurðs-
son og kona hans, eigendur verslan-
anna, ákváðu að ganga til viðskipta
við aðra aðila. Skv. heimildum DV
hafði náðst samkomulag milli KEA
og 10-11 um sölu upp á 900 milljón-
ir króna. Þá hafi aðrir aðilar boðið
betur rétt áður en skrifað var und-
ir og eigendur fyrirtækisins gengið
að því tilboöi. KEA mun ætla að
margfalda umsvif sin á höfuðborg-
arsvæðinu og mun einnig hafa gert
tilboð oftar en einu sinni í Nóatúns-
verslanimar sem eru metnar í dag
á um 2,4 milljarða. Eigendur þeirra
verslana hafa þó ekki í huga að
selja þær. Eiríkur og eiginkona
munu ætla að halda eftir 25 pró-
senta hlut í 10-llog flmm prósent
verða seld almenningi áöur en fyr-
irtækið fer á almennan hlutabréfa-
markað.
-hb
Ég mun núna vinna af enn meiri krafti að framgangi Framsóknarflokksins
bæði í Reykjaneskjördæmi og í hinum dreifðu byggðum landsins," sagði Siv
Friðleifsdóttir þegar úrslit í varaformannskjörinu lágu fyrir. DV-mynd ÞÖK
----------------------------------- fékk 15 atkvæði. Unnur Stefánsdótt-
ir var kjörin gjaldkeri flokksins
með 86,8% atkvæða. Helgi S. Guð-
mundsson fékk 24 atkvæði. Drífa
Sigfúsdóttir var kjörin vararitari og
Þuríður Jónsdóttir varagjaldkeri.
Loft var nokkuð lævi blandið á
Stuttar fréttir dv
Eimskip berst
Eimskip hefúr ekki hætt baráttu
sinni fyrir flutningum Vamarliðsins
á Keflavíkurflugvelli. Eimskip höfð-
aði fyrir nokkru lögbannsmál í Was-
hington DC til að fá samningnum
við Atlantsskip hnekkt en tapaði.
Eimskip hefúr nú sent dómstólnum
ítarlega greinargerð, 10 cm að þykkt,
til að fá dómnum breytt. Dagur
greindi frá.
Upplausn
til vinstri
Davíð Odds-
son sagði á
flokksráðsfúndi
Sjálfstæðis-
flokksins að upp-
lausn væri á
vinstri kanti
stjómmálanna og að hún stafaði
meðal annars af því að gömlu flokk-
amir hefðu ekki sett stefnuskrámar
út í hom og ekki munað hvað þeir
stæðu fyrir þegar kom að því að
semja stefnuskrá samfýlkingar.
Hann sagði enn ffernur að Margrét
Frímannsdóttir hefði farið til Kúbu
eins og fulltrúi eins kommúnista-
flokks til annars. RÚV greindi frá.
Eldsneyti úr sorpi
Sorpa er reiðubúin að hefja fram-
leiðslu vistvæns eldsneytis úr lif-
rænu sorpi, að sögn Ögmundar Ein-
arssonar, ffamkvæmdastjóra Sorpu.
Hann sagði að aðrir en Sorpa yrðu
að sjá um dreifingu. Helstu notend-
ur yrðu almenningsvagnar og sorp-
bílar og myndi lítrinn af metangasi
ekki kosta yfir 25 krónur. Útbúnað-
ur í almenningsvagna kostar um
þrjár milljónir, um 1,5 milljónir í
sorpbíla og kostnaður fyrir fólksbil
yrði um 200 þúsund krónur. Morg-
unblaðið greindi frá.
Endurvígsla
I gær endur-
vígði herra Karl
Sigurbjömsson
biskup gömlu
kirkjuna í Stykk-
ishólmi. Kirkjan
var byggð á ár-
unum 1878-80. ____________________
Eftir athöfnina var kaffisamsæti í fé-
lagsheimilinu.
Bækur hækka
Verð á íslenskum skáldverkum
eftir þekkta rithöfúnda hefúr hækk-
að um 8% á milli ára miðað við við-
miðunarverð í Bókatiðindum. Verð
á ævisögum þekktra manna hefúr
þó hækkaö um 12%. Útgefhum
æviminningum hefur fækkað um 10
á milli ára. 24 titlar era í boði nú en
vom 34 i fyrra. RÚV greindi frá.
Útboö Skaftafells
Náttúruvemd ríkisins vill bjóða út
rekstur verslunar, tjaldstæðis og veit-
ingasölu í þjóðgarðinum i Skaftafelli.
Forstjóri Náttúmvemdar segir að
margir hafi lýst áhuga á rekstrinum,
þar á meðal heimamenn og útlending-
ar. RÚV greindi frá.
Leiðrétting
Ekki var rétt greint frá fjöl-
skyldu íslenska sjómannsins sem
lést í slysi um borð í norska tog-
aranum Solkjer síðastliðinn mið-
vikudag. Þórir Axelsson var
kvæntur og lætur eftir sig flmm
börn. Blaðið biðst velvirðingar á
mistökunum.
Svíþjóðarheimsókn
Forseti ís-
lands, Ólafur
Ragnar Gríms-
son, fer í dag í
opinbera heim-
sókn tU Svíþjóð-
ar. Með honum
era í fór utanrík-
isráðherra, ráðu-
neytisstjóri utamíkisráðuneytisins,
sendUierrann i Sviþjóð, forsetarit-
ari, embættismenn og forystumenn
íslensks atvinnulífs. Ólafur hittir
Karl Gústaf, konung Svia, á morgun.
Verslun eykst
Rúmlega 28% aukning varð á sölu
verslana tU erlendra ferðamanna
fyrstu níu mánuði ársins sé miðað
við endurgreiöslu virðisaukaskatts.
Tollfrjáls sala hefur aukist um 27,5
prósent í Reykjavík á móti 3,8% í
Ósló. Aukningin er mest í sölu uUar-
vara. Morgunblaðið greindi frá. -sm