Dagblaðið Vísir - DV - 06.01.1999, Blaðsíða 9
MIÐVIKUDAGUR 6. JANÚAR 1999
9
Utlönd
Játvarður prins sagður
opinbera trúlofun sína
Talsmenn Buckingham-hallar
neituöu snemma í morgun aö tjá sig
um þær fréttir að yngsti sonur
Elísabetar Englandsdrottningar,
Játvarður prins, myndi opinbera
trúlofun sína og unnustu sinnar,
Sophie Rhys-Jones, síðar í dag.
Sjónvarps- og útvarpsstöðvar í
Bretlandi vitnuðu í morgun i frétt
breska blaðsins The Sun að
brúðkaup Játvarðs og Sophie færi
fram síðar á þessu ári í
Westminster Abbey.
Játvarður, sem er 34 ára, hefur
lifað rólegu lifi í skugga tveggja
eldri bræðra sinna, Karls og
Andrésar. Hann er reyndar eini
bróðirinn sem hefur kosið að sjá
fyrir sér með launaðri vinnu í stað
þess að sinna opinberum störfúm
konungsfjölskyldunnar.
Játvarður hefur verið nám-
fúsastur bama Elísabetar og hann
hefur alltaf reynt að halda ástarlífi
sínu utan við sviðsljós fjölmiðla.
Sophie hefur verið unnusta
Játvarðar i mörg ár og hafa
fjölmiðlar lengi velt því fyrir sér
hvers vegna prinsinn hefur dregið
það svo lengi að opinbera trúlofun
þeirra. Sumir hafa giskað á að hann
hafi ekki viljað taka slíka ákvörðun
án þess að hugsa sig vel um. Öll
systkini hans hafa skilið við maka
sína.
Fram yfir tvítugt þótti Játvarður,
sem fæddist 10. mars 1964, ákaflega
myndarlegur piltur en hann fór að
missa hárið snemma á þrítugsaldri.
Játvarður er þekktur fyrir stríðni
en hann hefur einnig skapofsa föður
síns. Þegar fjölmiðlar sýndu
góðgerðarátaki hans lítinn áhuga
eitt sinn rauk hann út af fundi með
Játvarður prins, í miðið, ásamt Vilhjálmi prinsi og unnustu sinni, Sophie fréttamönnum og sagði að þeir
Rhys-Jones. Símamynd Reuter þyrftu að læra mannasiði.
Þótt Reykvíkingar hafi ekki haft ástæðu til að kvarta undan veðrinu síðustu dagana og vikurnar er blíðan hjá okkur þó langt frá því að vera hin sama og í
París, höfuðstað Frakklands. Þar sitja borgarbúar á útikaffihúsum og njóta veöurblíöunnar og góöra veitinga.
Hungraðir drepa
börn og borða
í Norður-Kóreu
Flóttamenn frá N-Kóreu greina
frá því að hungursneyðin í
landinu sé svo alvarleg að íbúar
ýmissa svæða hafi lagt stund á
mannát. Meðal annars hafi böm
verið tekin á götum úti, þau
drepin og síðan étin.
„Þegar maður er svangur
missir maður vitið. Maður
hugsar ekki lengur rökrétt og að
lokum er litið á börn sem bráð,“
segir Kim Soon-Hee sem flúði frá
N-Kóreu til Kína. Samkvæmt
norska blaðinu Dagbladet hafa
margir flóttamenn greint frá
mannátinu. Margir foreldrar
yfirgefa auk þess börn sín í
þeirri von að einhver finni þau
og gefi þeim mat. Eins o|
ástandið er núna þyki'r
ómögulegt fyrir utanaðkomandi
að fá sögurnar um mannát
staðfestar. Starfs-mönnum
Alþjóða rauða krossins er
meinaður aðgangur að mörgum
héruðum. Þess vegna er ekki
vitað hvað fer þar fram.
Sameiginleg mynt ESB vekur misjafna hrifningu:
Finnskur bóndi í hungurverk-
falli vegna nýju myntarinnar
Finnskur bóndi, sem er fúllur tor-
tryggni út í Evrópusambandið, fór í
hungurverkfall á gamlársdag þegar
Finnland gaf gamla góða markið
upp á bátinn og tók upp evruna,
sameiginlega mynt ellefu landa inn-
an Evrópusambandsins. Finnska út-
varpið skýrði frá þessu í gær.
Útvarpið hafði það eftir bóndan-
um Antti Pesonen að efnahags- og
hernaðarmaskína Evrópusam-
bandsins væri að gleypa heimaland
hans, land sem eitt sinn hefði veri
eitt fárra óháðra ríkja í Evrópu.
„Finnland hefur verið tekið inn í
myntsamstarfið og við höfum glat-
að okkar eigin mynt, gjaldeyris-
forða og peningastefnu," sagði
Pesonen. „Næsta skref verður að
tengja Finnland við sameiginlega
utanríkis- og öryggisstefnu Evrópu-
sambandsins sem þýðir hemaðar-
bandalag."
Á gjaldeyrismörkuðum í Evrópu
Nóg var aö gera í kauphöllunum í
gær, á öörum degi evrunnar.
stal japanska jenið senunni frá evr-
unni þegar gengi þess hækkaði
gagnvart Bandaríkjadollar og hafði
ekki verið hærra í nítján mánuði.
Evran sjáif gaf aðeins eftir gagnvart
dollar á öðram degi viðskipta með
hinn nýja gjaldmiðil.
Viðskipti í kauphöllum Evrópu
vora almennt lífleg í gær nema
hvað heldur dauft var yfir Frank-
furt.
Gengi evrunnar féll gagnvart jen-
inu, rétt eins og gengi Bandaríkja-
dollars. Evran náði sér þó aðeins á
strik undir lok viðskiptanna í gær.
Gengi hlutabréfa í kauphöllinni í
London, þeirri stærstu í Evrópu,
hækkaði um 1,3 prósent. Við lok
viðskipta hafði vísitalan ekki verið
hærri í fimm mánuði. Fjármálasér-
fræðingar þakka það góðu gengi
símafyrirtækja og lyfjaframleið-
enda, auk þess sem hækkun varð á
Dow Jones vísitölunni.
Dole enn aö
velta fýrir sér
forsetaframboði
Bob Dole, fyrram leiðtogi
repúblikana í öldungadeild
Bandaríkjaþings, sagði að það
myndi vera frábær byrjun á nýju
árþúsundi aö kjósa konu í emb-
ætti Bandaríkjaforseta. Hann
sagði þó að Elizabeth, eiginkona
sín, væri enn að velta fyrir sér
hvort hún ætti að sækjast eftir að
komast í Hvíta húsið í kosningun-
um á næsta ári.
Dole, sem sjálfur hafði ekki er-
indi sem erfiöi í þremur tilraun-
um sínum til að verða forseti,
sagði að frúin gæti blásiö nýju lífi
í Repúblikanaflokkinn.
„Við þurfum stefnuskrá, við
þurfum nýjar hugmyndir, við
þurfum að laða fleira fólk að
flokknum, einkum konur, blökku-
menn, fólk af asískum uppruna og
spænskumælandi," sagði Bob
Dole í sjónvarpsviðtali.
Uppreisnarmenn
í Kongó þræta
fyrir fjöldamorð
Uppreisnarmenn í lýðveldinu
Kongó myrtu að minnsta kosti
fimm hundruö óbreytta borgara,
þar á meðal konur og börn, um
áramótin, að því er fréttastjóri
kaþólskrar trúboösfréttastofu
skýrði frá í gær.
Leiðtogi uppreisnarmanna af
ættbálki tútsa sagði ekkert hæft í
ásökununum og sagði að allt hefði
verið með kyrrum kjöram undan-
farna daga á því svæöi þar sem
morðin áttu að vera framin. Ekki
tókst í gær að afla frekari upplýs-
inga frá meintum morðstað.
Frakkar og Kan-
ar áformuðu að
ræna Karadzic
Stjómvöld í Washington og
Paris skipulögðu í smeiningu ferð
sérsveita til að nema Radovan
Karadzic, leiðtoga Bosníu-Serba,
á brott. Hvorir tveggja gerðu sér
fulla grein fyrir því að Karadzic,
sem hefúr verið ákærður fyrir
stríðsglæpi, kynni að láta lífið.
Frá þessu er greint í nýrri bók
sem kemur út í þessari viku.
Frönsku sérsveitimar áttu að
gera lífverði Karadzics óvíga en
hinar bandarísku að góma stríðs-
glæpamanninn og koma honum
undir manna hendur.
Að sögn Toms Sanctons, blaða-
manns við tímaritið Time og ann-
ars höfundar bókarinnar, varð
ekkert af aðgerðunum, meðal
annars vegna tortryggni milli
Frakka og Bandarikjamanna.
Pitsukassar
Ódýrt
12“ ,minnst 2.100 stk.
Aðeins kr. 16 stk.
16“ ,mínnst 2.100 stk.
Aðeins kr. 21 stk.
Evrópumarkaður ehf.
Simi 698 3788