Dagblaðið Vísir - DV - 06.01.1999, Blaðsíða 18
18
MIÐVIKUDAGUR 6. JANÚAR 1999
íþróttir
(£Íj ENGIAND
Dave Bassetí var í gær rekinn úr
starfl knattspyrnustjóra hjá Notting-
ham Forest. Ekki hefur verið ákveðið
hver muni taka við stjóminni en
Micky Thomas, aðstoðarmaður Bas-
setts, mun stýra liðinu þar til nýr
maður finnst.
Ron Atkinson er einn þeirra sem
hafa verið orðaðir við starfið en hann
er fyrrum knattspymustjóri hjá
Aston Villa og Sheffield Wednesday
og þá hefur nafn Stuarts Pearce ver-
ið nefnt en hann lék um árabil með
liðinu og stýrði því um tíma en hann
er nú leikmaöur hjá Newcastle. Nott-
ingham Forest situr í botnsæti ensku
A-deildarinnar og hefur ekki unnið í
síðustu 17 leikjum sxnum í deildinni.
Alex Ferguson,
stjóri United, hef-
ur allan leik-
mannahópinn til
að velja úr fyrir
leikinn gegn West
Ham á sunnudag-
inn. Gary Neville
og David Beck-
ham eru lausir úr
leikbanni sem
þeir vom i gegn
Middlesbrough á sunnudaginn og
þeir Ronny Johnsen og Paul
Scholes hafa jafnaö sig á flenstmni
sem herjaði á þá um helgina.
Lee Sharpe hefur verið lánaöur frá
Leeds United til ítalska A-deildar liös-
ins Sampdoria út leiktíðina. Sharp
hefur verið á sölulista hjá Leeds um
nokkxtrt skeið en hann var keyptur
frá Manchester United fyrir 500 millj-
ónir áriö 1996. Leikmaðurinn varð
fyrir alvarlegum hnémeiðsium sem
gerði það að verkum að hann lék fáa
leiki með Leeds.
Gerard Houllier, knattspymustjóri
Liverpool, hefur endanlega gengið frá
kaupum á norska vamarmanninum
Frode Kippe. Hann er 19 ára gamall
og hefur leikið með norska A-deild-
arliðinu Lilleström. Liverpool greiðir
77 milljónir fyrir Kippe en sú tala get-
ur hækkað en það fer eftir því hve
marga leiki hann spilar með aðallið-
inu.
Duncan Fergu-
son, hinn stóri og
stæðilegi fram-
herji Newcastle,
verður frá i ein-
hverjar vikur en
hann meiddist i
nára í leik gegn
Liverpool á dög-
unum. Ferguson
gæti þurft að
gangast undir að-
gerö og þá yrði hann frá knattspymu-
iökun í tvo mánuði.
David O’Leary, knattspymustjóri
Leeds United, er að leita af sterkimi
vamarmarmi en sem kunnugt er þá
meiddist Hoilendingurinn Robert Mo-
lenaar það ilia að harm leikur ekki með
á trmabilinu. Alan Stubbs, leikmaður
Celtic, er einn þeirra sem O’Leary hef-
ur verið að skoða og þá er hann með
portúgalska landsliösmanninn Beto í
sigtinu en hann ku vera sterkur spiiari.
ítalski vandræðagemlingurinn Pa-
olo Di Canio mætti ekki til Sheffield
Wedneday á mánudaginn eins og til
stóð og hann hefur nú rætt við for-
ráðamenn liösins um að fá dvelja i að
minnsta kosti einn mánuð til viðbót-
ar á Ítalíu. Sem kunnugt er var Di
Canio dæmdur i 11 vikna bann fyrir
að hrinda dómara. Hann var laus úr
banninu á öðrum degi jóla en lét
ekki sjá sig og allar likur em á að
hann hafi leikið síðasta leik sinn í
búningi Wednesday.
Andy Ritchie
.knattspymu-
stjóri hjá Oldham,
segir að Chelsea
eigi góöa mögu-
leika á að vinna
tvöfalt í ár, það er
úrvalsdeildina og
bikarkeppnina.
Ritchie, sem sá
sina menn tapa
fyrir Chelsea, 0-2,
í bikamum um síðustu helgi, segir að
leikmannahópur Chelsea sé feikilega
öflugur og breiddin mikil eins kom í
ljós þegar sjálfur stjórinn, Gianluca
Vialli, skoraði bæði mörkin.
Emmanuel Petit, sem skoraði 2
mörk fyrir Arsenal í 4-2 sigrinum á
Preston I bikarkeppninni í fyrra-
kvöld, segir að Alex Ferguson, stjóri
United, sé bara hræddur við lið
Arsenal þegar hann segi að Petit og
fleiri leikmenn i Arsenal-liðinu geri í
því að efna til áfloga i leikjum
Arsenal. „Það er ekki hægt að banna
mönmim að tala en þessi xunmæli
sýna að hann skíthræddur við okk-
ur,“ segir Petit. -GH
Aron Kristjánsson er hér í leik með Haukum á íslandsmótinu í handknattleik á síðasta keppnistímabili. Á innfelldu myndinni er Hulda Bjarnadóttir en þau
skötuhjú hafa bæði staðið sig mjög vel liði Skjern í Danmörku.
Aron Kristjánsson hefur slegið í gegn með Skjern í danska handboltanum:
Kau p ársi ns
- segja dönsku blöðin og hrósa íslendingnum í hástert
Kaup ársins segja dönsku blöðin
um kaup danska handknatt-
leiksliðsins Skjern á Haukamannin-
um Aroni Kristjánssyni. Aron gerði
tveggja ára samning við Skjern í
sumar og hann hefur svo sannar-
lega staðið sig vel með liðinu sem
hefur komið mikið á óvart á leiktíð-
inni. Skjern er nýliði í deildinni en
undir stjóm hins kunna þjálfara og
fyrrum leikmanns, Anders Dahls
Nilsens, er liðið sem stendur í 2.
sæti deildarinnar og á dögunum
tapaði liðið fyrir Kolding í fram-
lengdum úrslitaleik í bikarkeppn-
inni.
Aron á drýgstan þátt í
velgengninni
Ekstra Bladet sagði í frétt um
Aron á dögunum að hann ætti
drýgstan þátt í velgengni liðsins á
leiktíðinni og baráttukraftur hans
hefði svo sannarlega smitað út frá
sér. Aron er leikstjórnandi liðsins
og leikur stórt hlutverk í varnar-
leiknum. Hann hefur undatekn-
ingarlaust átt góða leiki með Skjern
í vetur og hefur skorað tæp 60 mörk
í þeim 12 leikjum sem liðið hefur
leikið í deildinni. Skjem gerði jafn-
tefli, 29-29, á heimavelli gegn Vrold
Skanderborg á sunnudaginn og
skoraði Aron 5 mörk. Skjem er í 2.
sæti með 17 stig en Danmerku-
rmeistararnir í GOG eru i toppsæt-
inu með 19 stig. Tólf lið era í A-
deildinni og keppnin er með sama
sniði og hér heima. Átta efstu liðin
tryggja sér sæti í úrslitakeppninni.
Markvörðurinn
handarbrotnaði
„Þetta hefur gengið vonum fram-
ar. Við erum nýliðar og því reikn-
uðu flestir með því að við yrðum að
berjast neðar á töflunni. Markmiðið
hjá okkur er samt enn að halda sæt-
inu í deildinni og allt annað er bara
plús. Anders Dahl er frábær þjálf-
ari og honum hefur tekist að móta
sterka liðsheild. Liðið hefúr náð
mjög vel saman. Varnarleikurinn
hefur verið góður og hefur það
skapað okkur mörg hraðaupphlaup.
Við voram hins vegar að lenda í
óhappi. Aðalmarkvörður okkur
handarbrotnaði á æfingu og verður
frá í 8 vikur og gæti sett strik í
reikninginn," sagði Aron í spjalli
við DV í gær.
Fullt á öllum heimaleikjum
Frammistaða Skjern í vetur hefur
gert það að verkum aö mikill hand-
boltaáhugi er í bænum og það heyr-
ir til undantekninga ef það er ekki
fullt hús á heimaleikjum liðsins.
Aron segir að Skjern eigi ágæta
möguleika á að geta náð langt í vet-
ur en lið eins og GOG og Kolding
séu líkleg til afreka.
- Hvemig metur þú muninn á
íslensku deildinni og þeirri
dönsku eftir að hafa spilað í
deildinni hér heima í nokkur ár?
„Það er svolitið erfítt að meta það
enda hef ég ekki séð neina leiki
heima í vetur. Miðað við deildina
heima í fyrra er þetta svipað en ég
held Scimt að það séu fleiri sterkari
lið í deildinni hér úti og að deildin
sé ívið sterkari en heima. Danskur
handbolti er á uppleið. Landsliðinu
gekk mjög vel í undankeppni HM og
tryggði sér farseðilinn til Egypta-
lands og það hefur auðvitað haft já-
kvæð áhrif í deildina. Það er mikið
af ungum og efnilegum leikmönn-
um í deildinni enda Danir með
bæði Evrópu- og heimsmeistarara í
U-21 árs flokki."
Vilja framlengja samninginn
Aron skoðaði aðstæður í Þýska-
landi áður en hann ákvað að gera
samning við Skjern og Viggó Sig-
urðsson, þjálfari Wuppertal, var
með hann í sigtinu. Forráðamenn
Skjern buðu hins vegar Aroni að
koma út í sumar og æfa með liðinu
og það tók þá ekki langan tíma að
ákveða að bjóða honum samning.
„Ég gerði tveggja ára samning við
Skjern sem ég sé ekki eftir. For-
ráðamenn liðsins hafa reynt að fá
mig til að semja til lengri tíma. Ég
vil ekki gera það strax heldur meta
stöðuna eftir næsta tímabil. Ég er
mjög ánægður héma og það hefur
ekki skemmt fyrir að mér hefur
gengið vel og hef fallið vel inn í lið-
ið. Anders Dahl hefur verið að gera
góða hluti. Hann er mjög virtur hér
í Danmörku og hann hefur mjög góð
áhrif á okkur leikmennina. Þá valdi
ég að fara frekar til Danmerkur út
af náminu en ég get stundað nám
við kennaraháskólann í fjarnámi."
- Aron hefur lítið fengið að
spreyta sig með íslenska landslið-
inu en ætlar hann ekki að kom-
ast í það aftur?
„Að sjálfsögðu stefnir maður að
því og hefur metnað til þess. Það
komast hins vegar ekki allir að í
einu en ef kalliö kemur þá er ég til-
búinn,“ sagði Aron.
Hulda best í liðinu
Unnusta Arons er Hulda Bjama-
dóttir, landsliðskona í handknatt-
leik og fyrrum leikmaður Hauka
eins og Aron. Hulda er eins og Aron
að spila með Skjem. Liðið leikur í
B-deildinni og er þar í 3. sæti.
Hulda, sem var lykilleikmaður í ís-
landsmeistaraliði Hauka fyrir
tveimur árum, hefur staðiö sig vel á
línunni og í vinstra horninu og er
einn besti leikmaður liðsins.
Það hefur auðvitað vakið athygli
að þau Aron og Hulda séu bæði að
spila með Skjem og Aron segir að
fólk í bænum viti alla vega hvar ís-
lendingamir búi í bænum. Aron
verður í eldlimmni um helgina en
þá mætir Skjem Viborg á útivelli og
verður leikurinn sýndur beint í
danska sjónvarpinu. -GH