Dagblaðið Vísir - DV - 16.04.1999, Blaðsíða 7
FÖSTUDAGUR 16. APRÍL 1999
7
DV
Fréttir
Steingrímur J. Sigfússon heimsótti gamla skólann sinn:
Er þetta Greenpeace?
- spurði einn nemendanna sem ræddu við þingmanninn
Steingrímur J. Sigfússon í hópi nemenda í Menntaskólanum á Akureyri. „Til hamingju með ákvörðunina." - Steingrímur óskar Snjólaugu Ólafsdótt-
DV-myndir gk. ur til hamingju með þá ákvörðun að ganga í Vinstri hreyfinguna - grænt
framboð.
DV, Akureyri:
Steingrímur J. Sigfússon, formaður
Vinstri hreyfingarinnar - græns
framboðs, útskrifaðist sem stúdent frá
Menntaskólanum á Akureyri fyrir 24
árum. í fyrradag leit Steingrímur þar
við í fylgd DV og gamlar minningar
skutu upp kollinum. „Þau voru góð,
árin mín hérna í MA. Ég var hérna á
heimavistinni einn vetur, bjó hjá
skyldfólki annan vetur, en síðasta vet-
urinn leigðum við nokkrir strákar
saman íbúð úti í hæ og þar var oft
ansi mikið fjör og skólameistari ekki
alltaf hrifinn. Já, það er orðið svona
langt síðan,“ sagði Steingrímur þegar
hann kom að skólahúsinu.
Hópur nemenda í 2. bekk varð á
vegi Steingríms þegar inn í skólann
var komið og voru stúlkur þar í meiri-
hluta. Hópurinn var meira en fús að
ræða aðeins við þingmanninn, en
krakkarnir sögðust í upphafi litið
skilja í pólitík. „Ég ætla að kjósa þá
sem ekki ætla að virkja og skemma
hálendið," sagði þó ein stúlkan í
hópnum strax, og virtist þingmaður-
inn meira en sáttur við þau orð. í kjöl-
farið urðu umræður um virkjunar-
mál, álver og umhverfismál almennt,
og virtust nemendurnir mjög „á línu“
Steingríms.
Hvaða græna er þetta?
Ekki voru þó allir með það á
hreinu hvað Vinstri hreyfingin -
grænt framboð er. „Hvaða græna er
þetta, er þetta Greenpeace?" sagði
einn strákurinn í hópnum. Þing-
manninum var skemmt og reyndi
að útskýra muninn á grænu fram-
boði og grænfriðungum. Krakkamir
sýndu umhverfismálum umtals-
verðan áhuga og virtust ekki vera
hlynnt álverum og annarri stóriðju.
Skoðanir þingmannsins og krakk-
anna voru hins vegar skiptari þegar
utanríkismálin og NATO bárust í
tal. „Við eigum að vera í NATO,“
sagði einn strákanna og sagði að við
yrðum að hafa vernd, því einhver
„kall“ í Rússlandi gæti beint að okk-
ur kjamorkuvopnum einn morgun-
inn, eins og hefði verið i fréttum á
dögunum. „Þú átt við Jeltsín, ætli
hann hafi ekki bara fengið sér einn
fyrir morgunmatinn," sagði Stein-
grímur og krakkamir skildu hvað
um var að ræða.
Stuðningur við NATO
Stríðsátökin á Balkanskaga bar
auðvitað á góma og Steingrímur átti
greinilega í vök að verjast - þar fóru
skoðanir hans og krakkanna ekki
eins vel saman og í umhverfismál-
unum. Krakkamir studdu greini-
lega loftárásir NATO á Kosovo.
Þessi mál vom rædd fram og aftur
og skipst á skoðunum, allt í góðu, og
þingmaðurinn var í góðu skapi.
Smátt og smátt fór þó að kvarnast
úr hópnum. Þessir krakkar, sem
era 17 og 18 ára, hafa sumir kosn-
ingarétt 8. maí en ekki virtust þau
vera búin að ákveða hvað þau ætl-
uðu að kjósa. „Ég kýs D-listann,“
sagði einn strákurinn. „Ég kýs U-
listann og ætla að ganga í flokkinn,"
sagði ein stúlkan - og Steingrímur
óskaði henni til hamingju með þá
ákvörðun. Fleiri tjáðu sig ekki um
hvað þau ætluðu að kjósa. Þannig
lauk þessum „fundi" og þingmaður-
inn hélt á brott, enda meiri funda-
höld úti í bæ fram undan.
-gk
Mellemrístet
Opnum kukkan fólf!