Dagblaðið Vísir - DV - 21.07.1999, Blaðsíða 21

MIÐVIKUDAGUR 21. JÚLÍ1999
4?-
Sviðsljós
Hausttískan í París:
Villt og fútúrísk
Lúxus, dómsdagur og villt hug-
vitssemi hafa einkennt tískuvikuna
í París hingað til. Sérfræðingarnir
segja að það hafi alls ekki farið fram
hjá helstu tískuhönnuðum heims að
nýtt árþúsund er að ganga í garð.
Á mánudaginn sýndi Bretinn
John Galliano ímyndunarrík sköp-
unarverk sín. Gestir voru trylltir og
sögðu að það hefði verið eins og að
fletta í gegnum bók með mörgum
tímabilum að horfa á sýninguna.
Gcdliano væri nánast eins og sagn-
fræðingur. Fyrirsæturnar klæddust
ýmist leðurvestum í skæruliðastíl
eða damaskjökkum með refaskinn-
um og tíbeskri gæru eða teknókjól-
um í flúorlitum.
Meiri lúxusblær var yfir fatnaði
Stephanes Rollands og Emanuels
Ungaros þó sjá mætti sígaunaáhrif
hjá þeim siðarnefnda. Rolland, sem
sýndi fyrir Jean-Louis Scherrer
tískuhúsið, þótti greinilega hafa
orðið fyrir áhrifum frá
Balkanlöndunum. Sameiginlegt með
verkum þeirra allra var hversu fút-
úrísk þau voru.
Spænski hönnuðurinn Paco
Rabanne er sannfærður um að spá-
maðurinn Nostradamus hafi séð fyr-
ir tortímingu Parísarborgar 11.
ágúst næstkomandi. Ótti Rabannes
við framtíðina endurspeglast samt
sem áður ekki svo mjög í fötunum
sem hann hannar. Þau þóttu fremur
einkennast af bjartsýni en spádóm-
um um dómsdag.
Sýningu breska hönnuðarins Al-
exanders McQueens var gríðarlega
vel fagnað i París. McQueen sýndi
nýja línu fyrir Givenchy-tiskuhúsið.
Fyrirsætur hans voru gínur með
höfuð úr plexígleri.

Naomi Campell skartar hér
dragsíðum kvölkjól eftir ítalska
hönnuðinn Valentino.
Stuttur kvöldkjóll úr gegnsæju efni
eftir Spánverjann Rabanne.
Franska tískuhúsið Christian Dior kynnti þennan gegnsæja silkikjól á
tískuviku í París á dögunum. Hönnuðurinn er hinn breskættaði John
Galliano og er kjóllinn hluti af haustlínu hans. íburðarmiklir skartgripirnir
vöktu mikla athygli.
Leitar í smiðju
Díönu heitinnar
Margir hafa viljað líkja þeim
Sophie Rhys-Jones, hertogaynju
af Essex og eiginkonu Játvarðar
prins, við Díönu heitna prinsessu.
Sophie sjálf hefur einatt haldið
því fram að þessi samanburður
fari í taugamar á sér. Þrátt fyrir
það hefur hún nú leitað til Gwynn
nokkurrar Doncaster um að ann-
ast klæðnað sinn í Buchingham-
höll. Það væri svo sem ekki í frá-< n
sögur færandi ef ungfrú Doncast-
er hefði ekki einmitt annast fatn-
að Díönu á tímabilinu 1992 til
1996. Siðan þá hefur hún verið í
þjónustu Elísabetar drottningar
og fengið fyrir sömu laun og væri
hún þjónustustúlka.
Ungfrú Doncaster er víst ánægð
með að vera komin í þjónustu
Sophie og vonast til að fylgja
henni þegar hún dvelur í Bagshot
Park. Heimildarmenn innan hall-
arinnar segja þetta eitt hið besta
sem gat komið fyrir Sophie.i k>,
„Kona sem hefur reynslu af því
að vinna með Díönu, sem var
rómuð fyrir glæsileika, hlýtur aö
kunna sitt fag, sagði
hallarstarfsmaður í samtali við
Sunday Mirror.

i:jj
EPfti
Suðurlandsbraut 16,
simi 588 9747.
Borgartúni 36.
sími 568 8220.