Dagblaðið Vísir - DV - 26.07.1999, Blaðsíða 2
2
MÁNUDAGUR 26. JÚLÍ 1999
Fréttir
Nýtt 3000 tonna varðskip eftir tvö til þrjú ár:
Fimm hundruð
síðna óskalisti
Nýtt varðskip fyrir Landhelgis-
gæsluna verður varla tObúið fyrr en
eftir tvö til þrjú ár, að mati forstjóra
Landhelgisgæslunnar. Nefnd um
smíði skipsins er búin að setja sam-
an óskalista um skrokklag og búnað
skipsins og er nú verið að prófarka-
lesa listann. Listinn sem er upp á
fjögur til fimm hundruð blaðsíður
verður síðan lagður fyrir ráðherra
til skoðunar.
Samhliða þessu starfi eru útboðs-
mál til athugunar. Þar hafa menn
velt því fyrir sér hvort hægt sé að
einskorða útboðið við íslenskar
skipasmíðastöðvar eða hvort einnig
þurfi að bjóða smíðina út í Evrópu.
Að sögn Hafsteins Hafsteinsson-
ar, forstjóra Landhelgisgæslunnar,
er orðið mjög aðkallandi að smíða
stærra fley en nýjasta skipið, sem er
Týr. Bendir hann á að fiskiskip sem
gæslan þurfi að sinna séu mörg
hver orðin mun stærri en íslensku
varðskipin og nærtækast er þar að
benda á norska nótaveiðiskipið sem
tekið var á dögunum fyrir að vera
með of litla möskva. Þar var varð-
skipið Óðinn harla lítið við hlið
þess norska. Þá hafi núverandi
varðskip afskaplega lítið að segja ef
koma þurfi stórum vélarvana flutn-
ingaskipum til aðstoðar við strönd
landsins. Ráðgert er að nýtt varð-
Varðskipið Óðinn virðist harla lítilfjörlegt við hliðina á þessu norska nóta- skip verði um 3000 tonn.
veiðiskipi. -HKr.
Drengur
hjólaði á bíl
Ungur drengur hjólaði á bíl á
Hellissandi um miðjan dag í fyrra-
dag. Bíllinn var á ferð og meiddist
drengurinn eitthvað. Samkvæmt
upplýsingum frá lögreglunni í
Ólafsvík var drengurinn fluttur á
sjúkrahúsið á Akranesi til athugun-
ar en fékk að fara heim í gær.
-hdm
Gestkvæmt hjá
Holtakjúklingi
Um 1500 hundruð manns heim-
sóttu Ásmundarstaði um helgina
og kynntu sér aðstöðuna. Þar rek-
ur Holtakjúklingur stærsta
kjúklingabú landsins. Starfsfólk
Holtakjúklings ákvað í kjölfar nei-
kvæðrar umræðu undanfarið að
opna sitt hús og leyfa fólki að sjá
hvernig málum værir raunveru-
lega háttað. Ríkharður Bragason,
bústjóri á Ásmundarstöðum, sagði
að helgin hefði gengið vonum
framar. „Hingað hafa komið um
1500 manns og öllum líst vel á það
sem þeir sjá hér enda höfum við
ekkert að fela. Hér eru allir í sum-
arskapi og hingað er komið fólk úr
öllum stéttum og landshlutum.
Við erum að gefa gestum okkar
kjúklinga og pylsur og allir eru
mjög ánægður og þiggja það með
þökkum. Fólk tekur meira mark á
því sem það sér og það sem það
borðar heldur en orðum eins
manns og skoðunum hans. Við
erum því mjög ánægðir og vonum
að staðreyndir fái að tala sínu
máli,“ sagði Ríkharður.
-bmg
Guðmundur
hjá ísfugli
Með frétt
Kj úklingamarkað
laugardag fylgdi
mynd af manni í
kjúklingabúi og
myndatexti þar
sem vitnað var í
Bjarna Ásgeir
Jónsson, fram-
kvæmdastjóra
Reykjagarðs, og
ófagrar lýsingar Heilbrigðiseftir-
lits Suðurlands á ástandi þar.
Maðurinn á myndinni heitir hins
vegar Guðmundur Hauksson og
starfar hjá ísfugli. Hlutaðeigendur
eru beðnir velvirðingar á mistök-
unum.
blaðsins um
í uppnámi á
y \\
, xl
fU, , J,
\
i t
Samkeppni við kínverskar skipasmíðastöðvar:
Erfitt að berj-
ast við þetta
- segir Ólafur Friðriksson hjá Skipalyftunni í Eyjum
Á næsta ári kemur í það minnsta
tugur nýrra fiskiskipa til íslands sem
smíðuð eru í Kína. Á sama tíma er
lítið um nýsmíðaverkefni hjá íslensk-
um skipasmíðastöðvum, sem margar
hverjar eru þó vel búnar til að sinna
slíkum verkefnum.
Ólafur Friðriksson, framkvæmda-
stjóri Skipalyftunnar í Vestmanna-
eyjum, segir erfitt að berjast við kín-
verskar skipasmíðastöðvar um smíði
fiskiskipa. Verðið sem Kínverjar setji
upp fyrir slíka smíði sé ekki nema
um helmingur af því sem sambærileg
nýsmíði kosti hér á landi. Segir Ólaf-
ur ástæðuna megi fyrst og fremst
finna í mun lægri launakostnaði í
Kína.
Skipalyftan í Vestmannaeyjum
sinnir nú eingöngu minni viðgerðar-
verkefnum en síðasta nýsmíði stöðv-
arinnar var hafnsögubáturinn í Eyj-
um. Segir Ólafur að þegar viðhalds-
verkin séu farin að kosta 20 milljón-
ir króna eða meira, þá sé nær undan-
tekningalaust leitað tilboða erlendis
frá. Flest stærri viðhaldsverkefni fari
því fram í Póllandi eða á Spáni, þar
sem vinnulaun eru lægri og einnig
hagstæðara verð á stáli.
„Það er erfitt að berjast við þetta,“
segir Ólafur. „Á sama tíma og ís-
lenskir útgerðarmenn fá einkaleyfi
til að veiða fískinn í sjónum mega
þeir gera hvað sem er við afrakstur-
inn.“
Skipalyftan er nú í hópi fjölmargra
íslenskra skipasmíðastöðva sem í
sameiningu hyggjast standa að smíði
á nýju varðskipi fyrir Landhelgis-
gæsluna. Það skip verður um 3000
tonn að stærð og búist er við að
skrokkurin verði smíðaður erlendis
en allt annað hér á landi. Ólafur tel-
ur að þetta verkefni geti orðið mikil
lyftistöng fyrir skipasmíðaiðnaðinn í
landinu.
-HKr.
Haraldur ásamt sonum sínum, ísólfi, Pálma og Sturlaugi og barnabörnum. DV-mynd DVÓ
Fjör í fimmtugsafmæli forstjóra HB
DV, Akranesi:
Haraldur Sturlaugsson, fram-
kvæmdastjóri útgerðar- og fisk-
vinnslufyrirtækisins Haraldar
Böðvarssonar hf. og fyrrverandi
knattspyrnukappi, varð fimmtugur
á laugardaginn. Hélt hann upp á af-
mælið í stóru tjaldi í garðinum
heima hjá sér. Margt góðra gesta
heiðraði samkomuna, meðal annars
ráðherrar, þingmenn, fólk úr hinum
ýmsu stéttum þjóðfélagsins og er-
lendir gestir.
Veislustjóri var Sigursteinn Há-
konarson (Steini í Dúmbó) og margt
var til skemmtunar. Um tónlist sáu
þau Inga Backman og Reynir Jónas-
son, Flosi Ólafsson flutti gamanmál
og margir fluttu ræðu, svo sem
Eyjólfur Sveinsson, stjórnarformað-
ur HB hf. og framkvæmdastjóri
Frjálsrar fjölmiðlunar, Steinunn
Sigurðardóttir, hjúkrunarforstjóri
og fyrrum bæjarfulltrúi Framsókn-
arflokksins á Akranesi, og Gunnar
Sigurösson, deildarstjóri Olís á
Vesturlandi og bæjarfulltrúi.
-DVÓ
Stuttar fréttir r>v
Flóttamenn vilja heim
Nokkur hluti albönsku flótta-
mannanna sjötíu og þriggja sem
komu hingað til lands í kjölfar
hörmunganna í Kosovo hafa lýst
áhuga á að snúa til síns heima
sem fyrst. Fulltrúar frá Rauða
krossi íslands fara til Dalvíkur og
í Fjarðabyggð í dag og á morgun
til að ræða við þá. Vísir.is greindi
frá.
Viil sölu erlendis
Þórarinn V. Þórarinsson, for-
stjóri Landssímans, sagði í helg-
arviðtali Dags
að auðveldasta
leiðin til að fá
erlenda fjár-
festa hingað til
lands væri að
kynna fyrir-
tæki á borð við
Landssímann
og selja hluta af honum á erlend-
um markaði.
Legsteini stoliö
Legsteinn var eyðilagður í
Gufuneskirkjugarði á fostudags-
kvöld, aðeins degi eftir að honum
hafði verið komið fyrir. Maður-
inn lést fyrir rúmu ári og hét Ósk-
ar Ingimar Husby. Legsteinninn
var brotinn af stöpli sínum og
fjarlægöur. Fjölskyldan er harmi
slegin yfir atburðinum.
Mikið um bílainnbrot
Aðfaranótt sunnudags var brot-
ist inn í 14 bila í miðbæ Reykja-
víkur og ýmsum verðmætum
stolið. Lögreglan hefur nú í haldi
aðila sem er sterklega grunaður í
þessu máli og öðrum. Vísir.is
gi’eindi frá.
Helgi Áss sigrar
Helgi Áss Grétarsson sigraði í
sjöundu umferð á tékkneska
meistaramótinu í skák sem nú
stendur yfir í
Pardubice.
Hann hefur ekki
tapað skák í sjö
umferðum og er
í 4.-9. sæti á
mótinu með 5
1/2 vinning þeg-
ar tvær umferð-
ir eru eftir. Róbert Harðarson tek-
ur einnig þátt og er með 3 1/2
vinning. Morgunblaðið greindi
frá.
Fyrsti búddamunkurinn
Fyrsti íslenski búddamunkur-
inn var vígður í gær. Hann heitir
Ásbjöm Leví Grétarsson og er 23
ára húsasmiður. Athöfnin fór
fram í miðstöð nýbúa á Skelja-
nesi.
Hagnaður Nýherja eykst
Hagnaður Nýherja hf. af reglu-
legri starfsemi á fyrri árshelm-
ingi 1999, fyrir tekju- og eigna-
skatt, jókst um 55% miðað við
sama tímabil árið áður og fór úr
41,6 m.kr. í 64,5 m.kr. Viðskipta-
blaðið greindi frá.
Hækkar veröbólguspá
Seðlabanki íslands hefur end-
urmetið verðlagshorfur fyrir
þetta ár í ljósi nýrra upplýsinga
um þróun vísitölu neysluverðs og
undirliggjandi stærða. Seðlabank-
inn spáir nú 3% verðbólgu milli
ársmeðaltala þessa og síðasta árs
og 4% hækkun frá ársbyrjun til
ársloka. Þetta er umtalsvert meiri
verðbólga en spáð var í apríl sl.
Viðskiptablaðið greindi frá.
Jarðsettur í dag
í dag verður Agnar W. Agnars-
son, sem var myrtur 14. júlí síð-
astliðinn, jarð-
settur í grafreit
ásatrúarmanna
við Gufunes-
kirkjugarð. Að
þeirri athöfn
lokinni verður
haldið til Við-
eyjar þar sem
minningarathöfn fer fram. Fjöl-
margir landsþekktir tónlistar-
menn munu mæta út í Viðey og
spila í minningu Agnars.
-hvs