Dagblaðið Vísir - DV - 27.08.1999, Blaðsíða 5
FÖSTUDAGUR 27. ÁGÚST 1999
5
Fréttir
Mikið er um að vera í Dómkirkjunni en framkvæmdir standa þar sem hæst
núna. Margt hefur verið lagað og breytt í kirkjunni enda ýmisiegt farið að láta
á sjá vegna aldurs. DV-mynd Hilmar Pór
Vantar áhættukort vegna jarðskjálfta á höfuðborgarsvæðinu:
Reykvískar blokk-
ir hefðu staðist
jarðskjálftann
- segir Júlíus Sólnes
„Ef jarðskjálfti cif þeim styrk-
leika sem varð í Tyrklandi hefði
riðið yfir hér á landi hefði tjónið
orðið efnahagslegt frekar en það
að hús hryndu. Sprungur í hús-
um hér hefðu hins vegar orðið
verulegar og óvíst hvort hægt
hefði verið að lagfæra það allt.
Tjónið hefði sannarlega orðið
mikið,“ sagði Július Sólnes, pró-
fessor og sérfræðingur i burðar-
virkjum mannvirkja. „Við skul-
um gera okkur grein fyrir að
skjálfti af þeim styrkleika sem
varð í Tyrklandi hefur aldrei orð-
ið hér á landi svo menn viti.
Skjálftinn i Tyrklandi mældist 7,4
á Richter en mesti skjálfti sem
vitað er um hér á landi varð 1784
á Suðurlandi og er talinn hafa
verið 7,2 á Richter," sagði Július
Júlíus Sólnes.
og kvaðst sannfærður um að allar
þær blokkir sem við þekkjum í
Reykjavík og víðar um landið
hefðu staðist skjálfta eins og
þann sem varð í Tyrklandi, enda
byggingarhefð hér önnur en þar.
Hann sagðist hafa meiri áhyggjur
af því að ekkert áhættukort væri
til vegna jarðskjálfta á höfuðborg-
arsvæðinu:
„Það er til gróft áhættukort fyr-
ir landið allt en vantar sárlega
slíkt kort fyrir höfuðborgarsvæð-
ið, sérstaklega þar sem gera má
ráð fyrir að 80 prósent af öllum
byggingum á landinu séu þar.
Menn hafa ekki viljað ljá máls á
gerð slíks kort hvernig sem á því
getur staðið," sagði Júlíus Sólnes.
-EIR
Manndrápiö á Leifsgötunni enn í rannsókn hjá lögreglu:
Þórhallur verður
yfirheyrður aftur
- tekist verður á um ásetningsverk eöa ekki
Þórhallur Ölver Gunnlaugsson
verður yfirheyrður aftur hjá lög-
reglu i kjölfar viðtals í Mannlífi þar
sem hann ræddi m.a. um samskipti
sín og Agnars heitins Agnarssonar
hina örlagariku nótt þegar sá síðar-
nefhdi lét lífið eftir hnífstungur. Vel
á annan tug stungna voru á Agnari
á heimili hans þegar hann fannst
rúmum sólarhring eftir að Þórhall-
ur skildi þar við hann.
Þórhallur sætir enn geðrannsókn
en rannsókn lögreglu er á lokastig-
um. Þegar henni lýkur verður mál-
ið sent ríkissaksóknara sem gefur
út ákæru. Nokkuð ljóst þykir að
Þórhallur telst sakhæfur og að hann
fæst sakfelldur fyrir manndráp
enda voru engir aðrir á heimili
Agnars þegar hann lést. Þórhallur
hefur viðurkennt átök við Agnar en
ekki að hafa beitt hnífnum.
Það verður því tekist á um það
fyrir dómi hvort og hvenær ásetn-
ingur myndaðist hjá Þórhalli um að
bana Agnari heitnum. Á hinn bóg-
inn verður að teljast erfitt fyrir sak-
bominginn að neita ásetningi um
manndráp með hliðsjón af öllum
áverkunum á hinum látna þar sem
enginn annar var á staðnum.
Þórhallur Ölver situr nú á Litla-
Hrauni - í sama fangelsinu og hann
útbjó virðisaukaskattsskýrslur sem
færðu honum rúmar 300 þúsund
krónur „í tekjur" vikulega - þrátt
fyrir að Vatnsberinn, fyrirtæki
hans, væri ekki i teljandi rekstri.
Þetta gerði hann í 111 skipti, bæði
utan og innan fangelsisveggjanna.
Þórhallur var á sínum tíma dæmd-
ur fyrir að svíkja samtals hátt i 40
milljónir króna út úr skattayfirvöld-
um á árunum 1992-94.
Hann var dæmdur í tveggja og
hálfs árs fangelsi en var sleppt út á
reynslulausn þann 8. september síð-
astliðinn. Manndrápið í sumar telst
því rof á skilyrði þeirrar reynslu-
lausnar.
-Ótt
Áfengissala eykst
um 1,4 milljónir lítra
íslendingar drekka minnst Norðurlandaþjóða
Áfengissala hér á landi jókst úr
tæplega 12,5 milljónum lítra árið
1997 í 13,9 milljónir árið 1998 og er
um 11,7% aukningu að ræða. Þetta
er meiri sala en áður hefur mælst,
hvort sem reiknað er í hreinum
vínanda í heild eða á íbúa. Þetta
kemur fram í frétt frá Hagstof-
unni.
Umreiknað til hreins vínanda,
alkóhóllitra, svaraði salan til 1.164
þúsund lítra árið 1998 og var 10,9%
meiri en árið áður. Reiknað á
hvern íbúa, 15 ára og eldri, nam
salan 5,56 alkóhóllítrum og jókst
um 9,2% frá fyrra ári. Þetta er ívið
meira en fyrra metár, 1989, þegar
sala á sterkum bjór var heimiluð á
ný.
íslendingar drekka lítið
Samanburðartölur um sölu
áfengis á Norðurlöndum ná til árs-
ins 1997. Reiknað í alkóhóllítrum á
hvern íbúa, 15 ára og eldri, nam
áfengissalan það ár 12,8 lítrum í
Grænlandi, 12,1 í Danmörku, 8,5 í
Finnlandi, 5,9 í Svíþjóð og á
Álandseyjum, 5,3 í Noregi og 5,1
litra á íslandi.
Um sölu einstakra vörutegunda
á árinu 1998 má nefna að sala
rauðvíns jókst um 27%, koníaks
um 22%, líkjöra um 19% og bjórs
um 11% en sala á brennivíni dróst
saman um 13%. í þessum tölum er
ekki meðtalið það áfengi sem
ferðamenn eða áhafnir skipa og
flugvéla flytja með sér inn í land-
ið.
Skipting áfengissölunnar eftir
vöruflokkum hefur breyst talsvert
undangenginn áratug. Með til-
komu bjórsins dró mjög úr sölu á
bæði léttu víni og sterku. Síðan
hefur þróunin orðin sú að sala á
bjór og léttu víni hefur aukist en
sala á sterku áfengi hefur haldið
áfram að minnka þar til á síðasta
ári.
-bmg
Áfengissala hér á landi jókst úr tæplega 12,5 milljónum Iftra árið 1997 í 13,9
milljónir árið 1998 og er um 11,7% aukningu að ræða.