Dagblaðið Vísir - DV - 27.08.1999, Blaðsíða 10
10
FÖSTUDAGUR 27. ÁGÚST 1999
Spurmngin
Ætlar þú í berjamó í ár?
Sonja Maggý Magnúsdóttir nemi:
„Já, ég fer í berjamó uppi í sumar-
bústað."
Ósk Halldórsdóttir nemi:
„Kannski, ég veit það ekki. En það
getur vel verið að ég tíni ber í
hrauninu þar sem ég bý i Hafnar-
firði.“
Elsa Jónsdóttir bankafulltrúi:
„Já, við ijölskyldan fórum í Þjórsár-
dalinn. Þar er svo mikið af berjum."
Einar Örn Einarsson vélvirki:
„Því miður, já. Fjölskyldan ætlar í
Skagafjörð, hún hefur svo rosalega
gaman af þessu. Ætli ég verði ekki
að koma með.“
Karítas Anna Pétursdóttir, nemi í
Langholtsskóla: „Ég veit það ekki.“
Haukur Rúnar Magnússon nemi:
„Nei, ég ætla ekki í berjamó. Ég hef
engan áhuga á því.“
Lesendur__________________
Rússar og veiði-
leyfin langsóttu
- hve lengi þurfum við að bíða?
Rússneskur sjávarútvegsráðherra og gestir þiggja veitingar í heimsókn á ís-
landi.
Pistil þennan sendi austfirskur
sjómaður:
Það er ekki eðlilegt hversu illa
okkur íslendingum gengur oft að ná
rétti okkar gagnvart erlendum þjóð-
um og erlendum samtökum sem við
erum aðilar að. Það virðist sem við
þurfum sífellt að sætta okkur við alls
konar málamiðlanir, eða þá að beita
brögðum til að ná fram okkar rétti.
Jafnvel þeim sem búið er að semja
um að eigi að gilda. - Dæmigert er
samkomulag sem við íslendingar
gerðum við Norömenn og Rússa um
veiðar í landhelgi þessara þjóöa.
Samkvæmt samningi milli þjóð-
anna áttu íslendingar að fá að veiða
4.500 tonn af þorski í lögsögu Rússa í
Barentshafi, hið ’sama gilti um veið-
ar í norsku lögsögunni. Allt stendur
sem samið var um við Norðmenn, en
gagnvart Rússum stendur allt fast,
a.m.k. þegar þetta er skrifað (mið-
vikud. 25. ágúst). Og það sem verra
er, það virðist enginn vita hvenær
eða hvort nokkuð verður staðið við
samninginn af hálfu Rússa.
Hér á landi var rússneski sjávar-
útvegsráðherrann í heimsókn fyrir
nokkrum dögum. Hann staðhæfði
að íslensku skipin gætu byrjað veið-
ar hvenær sem væri í rússnesku
lögsögunni. En þegar til á að taka
gengur það bara ekki upp því leyfin
til staðfestingar frá Rússum vantar.
Opinberir aðilar hér, þ.m.t. sjáv-
arútvegsráðuneytið staðfestir þetta,
og því verður ekkert úr veiðum
skipa okkar í bráð. Helst er að skilja
að íslensku skipin, sem nú eru
stödd í Barentshafi, þurfi fyrst að
sigla heim og síðan aftur út - ef leyf-
in þá fást yfirleitt - til þess að geta
hafið veiðar. Mörg skip sem nú eru
stödd á þessum slóðum myndu
byrja veiðar strax ef tilskilin leyfi
hefðu borist hingað.
Sjávarútvegsráðherra, sem tók á
móti og var með hinum rússneska
starfsbróður sínum, hefði að sjálf-
sögðu átt að krefjast skriflegrar
staðfestingar frá hinum síðamefnda
um að við gætum hafið veiðarnar
strax. Ekkert hefði verið auðveldara
fyrir rússneska ráðherrann en að
senda skeyti til síns heima ef hann
hefði vilja hafa samráð þar við ein-
hverja embættismenn og láta þá
senda leyfin hingað samstundis.
Ekkert af þessu gerðist, og er því
komið sem komið er, og missum við
líklega af þessari 4.500 tonna veiði í
rússnesku lögsögunni.
Helgi Hjörvar líti sér nær
Rannveig skrifar:
Lítil frétt í DV vakti athygli mína
um daginn, en þar var haft eftir
Helga Hjörvar, forseta borgarstjórn-
ar Reykjavíkur, að Jón Ólafsson
hefði ekki borgað krónu í kosninga-
sjóð Reykjavíkurlistans. Ekki er víst
að margir hafi trúað orðum Helga í
þessari frétt þar sem hann segir iðu-
lega það sem hentar hverju sinni.
Fyrir kosningar sagði Helgi til að
mynda að nú ætti að lækka skatta og
gjöld á borgarbúa en eftir kosningar
stórhækkaði R-listinn bæði skatta og
gjöld.
Ummæli Helga Hjörvars um fjár-
mál R-listans og Jón Ólafsson passa
hins vegar ekki við ummæli sem
hafa verið höfð eftir Jóni sjálfum. Að
sögn Hannesar Hólmsteins Gissurar-
sonar prófessors sagði Jón Ólafsson
sjálfur við hann, að hann hefði
styrkt kosningasjóð R-listans. Varla
fer hann að skrökva þessu prófessor-
inn, enda hefur Jón Ólafsson enga
tilraun gert til að vefengja þessi um-
mæli Hannesar eða bera það sjálfur
til baka á annan máta.
Annars er naumast að Helgi er til-
búinn að tala fjálglega og gefa yfir-
lýsingar um íjármál Jóns Ólafssonar
og R-listans en þegir hins vegar um
sín eigin vafasömu fjármál. Eins og
kom fram í fjölmiðlum fyrir síðustu
borgarstjórnarkosningar margbrutu
félagarnir Helgi og Hrannar skatta-
lög, greiddu eða vangreiddu svört
laun starfsfólks sins, héldu eftir inn-
heimtum vörslusköttum ríkissjóðs
og svo mætti lengi telja.
Það er merkilegt að Helgi Hjörvar
skuli gefa yfirlýsingar út og suður
um fjármál annarra en neiti að ræða
eigin fjármál, t.d. vantalda fjármuni
til starfsfólks síns og ríkissjóðs.
Girðingaæði á aðalbrautum
Friðrik Jónsson skrifar:
Það er ekkert nýtt að við íslend-
ingar viljum girða allt af sem hægt
er að girða. Halldór Laxness víkur
að þessu í bókum sínum, fleiri en
einni. Og enn erum við að; það er
ekki nóg með að girt sé upp til
sveita, girðingar má finna um alla
Reykjavík og þó einkum og sér í lagi
á aðalbrautum borgarinnar. Sann-
leikurinn er sá að girðingar í gatna-
kerfinu í borginni eiga ekki aö sjást.
Sérstaklega er eftirtektarvert
hvemig borgin leggur sig fram um
að aðskilja stórar og mikið eknar
götur, eins og Miklubraut og Hring-
braut. Fyrst koma „eyjur“, sem
borgin kallar „grænar eyjur“ en eru
oftast gular og illa hirtar á sumrin,
og siðan þessar girðingar sem eiga
víst að vama því, eins og ég sagði
hér fyrr, að mannskapurinn á gang-
stéttunum labbi yfir götuna í allri
umferðinni. Eða er þetta kannski
lin<gjníflHÍD)/Á\ þjónusta
allan sólarhringinn
Lcsendur geta sent mynd af
sér með bréfum sínum sem
birt verða á lesendasíðu
Sérstaklega er eftirtektarvert hvernig borgin leggur sig fram um að aðskilja
stórar og mikið eknar götur, eins og Miklubraut og Hringbraut, segir m.a. í
bréfinu. - Á Hringbrautinni.
gert fyrir dýrin? Og hvaða dýr þá?
Maður sér svona nokkuð hvergi í
löndum sem eru þó þekkt fyrir
mikla umferðarmenningu og mun
færri óhöpp í umferðinni en hér hjá
okkur. Hún var sláandi myndin í
DV sl. þriðjudag af gömlu konunni
sem búið var að „girða af ‘ rétt hjá
heimili sínu og komst ekki yfir
Miklubrautina. En þarna er opin-
bera kerfið í framkvæmd í einni af
sínum verstu myndum.
DV
Ónóg lækkun
jarðgangagjalda
Þorleifur hringdi:
Mér flnnst sem venjulegum bif-
reiðaeiganda, sem fer þónokkrar ferð-
ir í gegnum HvalQarðargöngin, ekki
sæmandi af rekstrarfyrirtæki þessara
ganga að lækka ekki einstöku og al-
mennu gjöldin. Aðeins stórir aðilar og
þeir sem kaupa kort til langtíma eða
fyrir tíðar ferðir fá afslátt. Ég er viss
um að hinir almennu bíleigendur,
sem fara ekki mjög oft en þónokkrar
ferðir af og til, eða yfir sumartímann,
mynda stóran hluta umferðarinnar
um Hvalfjarðargöngin. Það heföi þvi
verið sanngjarnt að veita afslátt af öll-
um gjöldum en ekki bara sumum. En
okkur, hinum almennu bifreiöaeig-
endum, þ.e. fólksbílanna, er ávallt ætl-
að að bera þyngstu byrðarnar i sam-
göngumálunum.
Samgöngubætur
í stað flugvallar
Jens P.K. Jensen skrifar:
Grein Hildar Guðjónsdóttur um
Reykjavíkurflugvöll í DV á þriðjudag-
inn sl. er eins og töluð úr mínum
munni - svo ég noti vinsælt orðatil-
tæki. Við íslendingar erum allt of
hræddir við breytingar. íhaldssemi er
ágæt en henni má ekki fylgja stöðnun.
Ég et þeirrar skoðunar að fénu sem
veija á í endurbætur á flugvellinum í
Vatnsmýrinni væri betur varið í tvö-
földun Reykjanesbrautar og undirbún-
ing á flutningi innanlandstlugsins til
Keflavíkur. Tvöfóldun Reykjanes-
brautar er skilyrði fyrir honum og
tvöfóldunin myndi einnig stórminnka
slysahættu á brautinni. Þá tilheyrir
Keflavík landsbyggðinni og því yrði
um tilflutning á störfum frá Reykjavík
til landsbyggðarinnar að ræða. Ættu
stjórnmálamenn því að styðja málið.
Górillan hættir
Sigmundur hringdi:.
Það er slæmt ef satt er það sem
fram kom í DV á dögunum, að ákveð-
ið hefði verið að slá útvarpsþáttinn
King Kong á Bylgjunni af. Ég hef
hlustað á þennan þátt í mörg ár og
haft ánægju af. Þátturinn er líklega sá
eini sem getur skákað hinum hvers-
dagslegu poppþáttum annarra stöðva.
Umsjónarmennimir Jakob Bjamar og
Steinn Ármann hafa staðið sig afar
vel í stjórn þáttarins. Ég skora á yfir-
stjórn Bylgjunnar að endurskoða
ákvörðunina og tryggja okkur, fóstum
hlustendum King Kong, að þátturinn
verði ekki látinn víkja. Það jafnast fátt
á við þennan þátt.
Nýr flugvöllur kostar
20-30 milljarða
Kristinn Sigurðsson skrifar:
Furðulegt er að fólk sem kýs að
kalla sig „Betri byggð“ vill Reykjavík-
urflugvöll burt þótt það þýddi skatta
upp á 20 til 30 milljarða á íbúa höfuð-
borgarinnar því alvöruflugvöllur kost-
ar í kringum sömu upphæð. Við feng-
um Reykjavíkurflugvöll og Keflavíkur-
flugvöll einnig gefins og höfum aldrei
byggt alvöruflugvöll í þéttbýlinu hér
suðvestanlands, í mesta lagi ’eina og
eina flugbraut. Ég bý nálægt flugvell-
inum og ég vona að R-listinn og D-list-
inn reyndar líka verði einu sinni sam-
mála um að Reykjavíkurflugvöllur
verði hér áfram og þjóni okkur og
landinu öllu um ókomna framtíð.
Aulaleg ákvörðun
Ragnar Þórisson skrifar:
Ég hef verið dyggur hlustandi King
Kong-þáttanna og oft dáðst að
skemmtilegri ósvifninni og hlegið dátt
að gálgahúmomum. Þess vegna þótti
mér með hreinum ólíkindum að lesa í
DV sl. þriðjudag um að forráðamenn
Bylgjunnar heföu ákveðið að fella að
velli þennan konung útvarpsþáttanna.
Þeir Jakob Bjamar og Steinn Ármann
hafa verið eini valkostur þeirra sem
nenna ekki að hlusta á síbyljuna á hin-
um rásunum eða kúltúrsnobbið hjá
Ríkisútvarpinu. King Kong er ferskur
þáttur þar sem allt er látið fjúka og
húmorinn hafður i öndvegi. Þetta er
kannski hluti skýringarinnar á að
þessum vinsæla útvarpsþætti er hent
út af dagskrá Bylgjunnar? Ég er
hræddur um að margir geri eins og ég;
hætti einfaldlega aö stilla á FM 98,9.