Dagblaðið Vísir - DV - 20.09.1999, Blaðsíða 2

2
MÁNUDAGUR 20. SEPTEMBER 1999
Fréttir
íslendingar vilja kaupa 51% í Stoke:
Stoke handa Guðjóni
- landsliðsþjálfaranum boðinn kaupréttur og bónusar
„Asgeir er með umboð fyrir minn
hóp, Áburðarverksmiðjuhópinn, og
ef hann hefur gert eitthvað sem
honum finnst vera sniðugt er það
honum frjálst. Og ef svo er þá býst
ég við að haft verði samband við
mig eftir helgi. En það væri allt gert
með fyrirvara þeirra aðila sem að
málinu koma og ég hef svo sem ekki
ljáð máls á neinu enn þá,“ sagði
Haraldur Haraldsson í Andra, innt-
ur frétta af fyrirhuguðum kaupum
íslenskra kaupsýslumanna á knatt-
spyrnufélaginu Stoke City í
Englandi. Haraldur sagðist enga
hugmynd hafa um væntanlega með-
eigendur síns hóps í Stoke.
Hannað utan um Guðjón
Ætlun íslendinganna er að kaupa
51% í Stoke. Það er Kaupþing hf.
sem stýrir samningaviðræðum Is-
lendinganna við eigendur Stoke en
samkvæmt greiningu Kaupþings á
Stoke og áætlun um kaupin er gert
ráð fyrir að Guðjón Þórðarson
landsliðsþjálfari taki að sér að stýra
félaginu. Meðal hugmynda að þókn-
un fyrir starfskrafta Guðjóns er að
hann fái árlega kauprétt að 1,5% af
hlutabréfum félagsins á genginu 1,0
auk launa og bónusa frá félaginu
vegna sölu leikmanna og sölu að-
göngumiða. Þess utan á Guðjón að
fá ýmislegt smálegt eins og hús-
næði, bíla, flutning greiddan og
flugmiða.
Eignarhaldsfélag í Lúxem-
borg
Áætlað er að kaupendur þurfi að
leggja út sex milljónir punda, eða
um 700 milljónir króna, þar af um
400 milljónir fyrir hlutabréfin sjálf,
en afgangurinn fer í leikmanna-
kaup, uppgreiðslu lána og æfingaað-
stöðu. Hugmynd Kaupþings er að
kaup íslendinganna, sem skiptast
eiga í sjö aðskilda aðila, verði fjár-
mögnuð að flmmta hluta leyti með
lánum í gegnum dótturfyrirtæki
Kaupþings í Lúxemborg og að eign-
arhaldsfélagið um kaupin verði
skráð þar í landi.
Stoke City skuldar nær 350 millj-
ónir króna í yfirdrætti hjá við-
skiptabanka sínum. Rekstrartap
Stoke á síðustu leiktíð nam um 60
milljónum króna en nær 200 millj-
óna hagnaður var á leiktíðinni þar
á undan. Stoke lék síðast í efstu
deild árið 1984. -GAR
Það var tignarleg sjón þegar stór hópur Land Rover-eigenda styrktu hver annan í Land Rover-trúnni með hópakstri
á laugardagsmorgun. DV-mynd S
Ingvar Helga-
son látinn
Ingvar Júlíus Helgason for-
stjóri lést í Reykjavík á laugar-
dag. Hann var á 72. aldursári.
Banamein Ingvars var krabba-
mein.
Ingvar fæddist að Vífilsstöð-
um og ólst þar upp. Hann lauk
prófi frá Samvinnuskólanum í
Reykjavík 1948. Ingvar hóf þá
störf hjá Helga Lárussyni frá
Klaustri og starfaði síðan hjá
Innkaupastofnun ríkisins
1951-60. Ingvar sneri sér alfar-
ið að rekstri eigin fyrirtækis,
Ingvars Helgasonar hf., árið
1960 sem þá flutti inn leikföng
og gjafavöru. Fyrirtækið hóf
síðar innflutning og sölu bif-
reiða. Árið 1993 stofnaði Ingvar
og fjölskylda fyrirtækið Bíl-
heima ehf. Ingvar var meðal
stofnenda Junior Chamber á ís-
landi og var fyrsti forseti sam-
bandsins 1960-61. Hann átti
sæti í stjórn Bílgreinasam-
bandsins 1984-88.
Eftirlifandi eiginkona Ingv-
ars er Sigríður Guðmundsdótt-
ir.
Leiðrétting
Rannsóknarlögreglumaðurinn
Steinarr Kr. Ómarsson var rang-
feðraður í myndatexta með umfjöll-
un DV um stóra fikniefnamálið á
laugardag. Hann var þar sagður
Ólafsson og er beðinn velvirðingar
á mistökunum.
Samfylkingin í mótbyr:
Ekki stofnuð í Ijósi kannana
- segir Margrét Frímannsdóttir, talsmaður Samfylkingar
„Það er ekkert sem bendir til ann-
ars en að það sé fullur vilji til þess
að til verði formleg stjómmálasam-
tök. Ég heyri ekki aðrar óskir en
þær að það verði hið fyrsta," sagði
Margrét Frímannsdóttir, talsmaður
Samfylkingar, í samtali við DV um
hvað líði stofnun stjórnmálaflokks
Samfylkingar.
Margrét segir að landsfundir Al-
þýðubandalagsins, Alþýðuflokksins
og Kvennalistans muni á næstu
tveimur mánuðum fjalla um það
undirbúningsstarf að stofnun flokks
sem fram hefur farið í sumar og
taka ákvörðun um málið. Aðspurð
um hvort einhverjar hindranir séu í
vegi fyrir því að stofna flokkinn,
sagði Margrét að það væri óábyrgt
að fullyrða eitthvað um það á þessu
stigi. „Það er verið að stofna Sam-
fylkinguna í kjördæmunum, það er
búið á Vestfjörðum og Austurlandi
og verður gert um næstu helgi á
Vesturlandi og svo áfram i öðrum
kjördæmum.
Samkvæmt könnun DV á fylgi
stjórnmálahreyfmga, sem birt var í
síðustu viku, hefur fylgið við Sam-
fylkinguna rýmað verulega frá því
kjörfylgi sem hún hlaut í kosning-
unum í vor. Hvort i því ljósi sé ekki
Margrét Ásta Ragnheiður
Frímannsdóttir. Jóhannesdóttir.
rétt að flýta flokksstofnun og treysta
þannig Samfylkinguna í sessi sagði
Margrét: „Við stofnum hvorki flokk
né gerum annað bara í ljósi skoð-
anakannana. Við erum núna að
undirbúa okkur pólitískt fyrir vet-
urinn og það eru mjög mörg mál
sem við munum leggja áherslu á í
þinginu sem örugglega munu skila
okkur einhverju en þessi vinna okk-
ar með Samfylkinguna og hver
framtíð hennar verður mun líka
skila sér mjög vel í framtíðinni. Það
er ég sannfærð um. Þess vegna
erum við kannski tilbúnari en ella
að taka einhverri niðursveiflu,"
sagði Margrét Frímannsdóttir.
“Það er vandamál hreyfingar sem
ekki er orðin að stjómmálaflokki að
hún nær sér ekki á strik. Þess
I vegna er það
| grundvallaratriði
| að flokkurinn
f verði til sem fyrst.
* W En þaö verður að
vanda það verk,“
segir Ásta Ragn-
heiöur Jóhannes-
dóttir alþingismað-
Guðrún ur í samtali við
Ögmundsdóttir. DV. Guðrún Ög-
mundsdóttir al-
þingismaður sagði við DV að hún
teldi að neikvæð umræða um los-
arabrag á Samfylkingunni hefði
skaðað traust almennings á henni.
„En það er verið að vinna að því að
stofna stjórnmálaflokk til að gera
þetta allt stöðugra og þingmanna-
hópurinn hefur aBa burði til að
standa sig mjög vel,“ sagði Guðrún.
Aðspurð um það hvenær flokkur
veröur stofnaður sagði Guðrún að
sér fyndist ekki að fjölmiðlar ættu
að stjórna því með því aö setja
þrýsting á samfylkingarfólk. „Allt
hefur þetta sinn gang en samkvæmt
þeim gangi sem nú er á þessum mál-
um ætla ég að það geti orðið næsta
vor, vorið 2000.“
-SÁ
Sandgerði:
Rostungur afhjúpaöur
DV, Suðurnesjum:
Davíð Oddsson forsætisráðherra
afhjúpaði í Fræðasetrinu í Sand-
gerði síðdegis á fóstudag uppstopp-
aðan rostung, sem er gjöf Grænlend-
inga til Sandgerðisbæjar. Rostung-
urinn var veiddur í bænum
Sisiumiti á Grænlandi og var af-
hentur Davíð Oddssyni í Græn-
landsheimsókn hans á síðasta ári.
Rostungur er á bæjarmerki Sand-
gerðis en svo skemmtilega vill til að
bærinn Sisiumiti hefur einnig rost-
ung í sínu bæjarmerki. Hann var
siðan stoppaður upp sl. vetur af
Spánverjanum Manuel Arjona
Cejudo hamskera og Ingólfi Jóns-
syni, tengdasyni hans. -A.G
Davíð Oddsson afhjúpar uppstopp-
aðan rostung í Fræðasetrinu Sand-
gerði. DV-mynd Arnheiður
Stuttar fréttir i>v
Breytt form
Friðrik Sophusson, forstjóri
Landsvirkjrmar,
leggur til að
þegar verði
byrjað að undir-
búa breytingar
á rekstrarformi
fyrirtækisins.
Hann segir í
bréfi til eigenda
fyrirtækisins að hlutafélagavæð-
ing orkufyrirtækja yrði lyftistöng
fyrir íslenska veröbréfamarkaðinn
og sé forsenda fyrir samkeppni á
raforkumarkaði. RÚV greindi frá.
Húsnæöisekla
Háskóli íslands hefur ekki hús-
rými til að hýsa alla þá nemendur
sem skráðir eru í skólann. Há-
skólinn hefur tekið sal í íþrótta-
heimili Vals á leigu til að kenna
hjúkrun og sjúkraþjálfun. RÚV
greindi frá.
Farmur boöinn upp
Farmur skipsins Erlu var aug-
lýstur til nauðungarsölu með al-
mennu útboði í kjölfar úrskurðar
almennrar málflutningsdeildar al-
ríkisdómstóls Kanada. Farmur
skipsins er um 135.300 brúttó af
frosinni rækju sem nú er í kæli-
geymslu í Nýfundnalandi.
Ágreiningur um flokk
Ágreiningur er innan fram-
kvæmdastjórn-
ar Alþýðu-
bandalagsins
um hvort og
hvernig flokk-
urinn eigi að
koma að stofn-
un þingflokks
Samfylkingar-
innar. Árni Þór Sigurðsson gagn-
rýnir hversu langt forysta banda-
lagsins hefur gengið í þá átt og
segir að hún verði að fá umboð
landsfundar til að undirbúa stofn-
un nýs flokks. Bylgjan greindi frá.
Lengsti vinnudagur
Vinnutími á íslandi er sá
lengsti í Vestur-Evrópu.
Skemmstur er vinnutíminn í Nor-
egi þar sem menn eyða þremur
mánuðum skemmri tíma á ári í
vinnunni en hér. RÚV greindi frá.
Vaxtahækkun
Sparisjóðsstjóri SPRON segist
ganga út frá því að til vaxtahækk-
unar komi hjá Sparisjóðunum líkt
og bankastjórar íslandsbanka,
Búnaðarbanka og Landsbanka
hafa lýst yfir. Búist er við að
hækkunin verði í samræmi við
0,6% vaxtahækkun Seðlabankans
til innlánsstofnana sem tekur
gildi í dag. RÚV greindi frá.
Vinna tjón
Jón Reynir Magnússon hjá SR-
Mjöli segir að alþjóðleg umhverf-
issamtök eigi eftir að valda ís-
lenskum fiskiðnaöi miklu tjóni,
þau vinni leynt og ljóst gegn fisk-
veiðum.
Erill í lofti
Alls fóru 427 flugvélar um
stjómsvæði Flugstjórnarmiðstöðv-
arinnar á Reykjavíkurflugvelli á
laugardag, þar af 344 í vesturátt.
Er það líklega annasamasti dagur
ársins þar á bæ. Mbl. sagði frá.
Ný sjónvarpsrás
Markús Örn
Antonsson út-
varpsstjóri
sagði í viðtali
við Morgun-
blaðið að hugur
hans standi til
þess að Ríkisút-
varpið hefji út-
sendingar á nýrri sjónvarpsrás á
næsta ári.
Vikið úr stjórn
Verkalýðsfélag Reyðarfjarðar
samþykkti á almennum fundi fé-
lagsins ályktun þess efnis að
Hrafnkeli A. Jónssyni, ritara Al-
þýðusambands Austurlands, yrði
vikið úr stjórn þar sem hann, með
aðgerðum sínum á Fljótsdals-
heiði, hefði unnið gegn hagsmun-
um launafólks á Austurlandi.
Mbl. sagði frá. -hlh