Dagblaðið Vísir - DV - 03.12.1999, Blaðsíða 22

Dagblaðið Vísir - DV - 03.12.1999, Blaðsíða 22
&ftí IV-'J Um daginn kafnaði gömul þýsk kerling í eigin rusli. Hún fannst örend undir haug af drasli sem hafði hrunið yfir hana. Kannski fékk hún Clairol-fótanuddtæki eða bumbubana í hausinn og rotaðist. Þá hefði nú verið gott fyrir þá gömlu að hafa SodaStream kolsýrutæki eða litla Ijósálfinn við höndina þegar hún rankaði við sér. Þá hefði hún getað stytt sér stundir þangað til hún dó. í 0 / I v-^a^aáfe^ i ¦*¦-'"' *w Kaupa, kaupa, kaupa. Jólaaug- lýsingarnar eru farnar að dynja á okkur, tími kaupæðis og taum- lausrar neysluhyggju er hafinn. Eins og greyið þýska kerlingin erum við að kafna í drasli, allar geymslur stútfullar af hlutum sem við notum ekki meir. En það sem er rusl i augum eins getur verið gersemar í augum annarra. Það er til nóg af gömlu dóti og líka fullt af f ó 1 k i sem vill kaupa gamalt dót. Samt eru ekki margir staðir i borginni sem selja notaða hluti á sann- gjörnu verði. V e r ð 1 a g antikverslana virðist miðast við að kúnnarnir skíti peningum. Núna heita allar skranbúðir antik hitt og antik þetta, svo sé hægt að rukka meira fyrir dótið. Það finnast þó allavega tveir staðir i Reykjavík sem versla með notað og stilla verðinu í hóf, Góði hirðirinn og Sala varnar liðseigna. Straujárn með sál Góði hirðirinn er nytjamarkaður Sorpu og líknarfé- laga. Þegar blaða- maður Fókuss leit þar inn tóku á móti honum ljúfir tónar úr Sound of Music. Við plötuspilar ann var fjölbreytt safn af plasti, allt frá gömlum þykkum 78 snúninga plötum til 33 snúninga vínylplatna. Þar mátti meðal ann- ars Finna góðan bunka af óspiluð- um plötum Gylfa Ægissonar, slatta af Abba og annarri sænskri þjóðlagatónlist, Mini Pops, jóla- plötu með Kenny Rogers og Dolly Parton og kristilega plötu sem ber hið frábæra nafn Glad Iim a Christian, allt á 200 krónur stykk- ið. Úrvalið í bókahillunum ber hnignun dónskukunnáttu íslend- inga vitni ef taka má mið af þvi magni danskra bóka sem þeir vilja losa sig við. íslenskar, enskar og skandinavískar ástar- og átakasög- ur eru þar í hilluvís. I einni hill- unni fann blaðamaður Kærlighed i Indien eftir metsóluhöfundinn Barböru Cartland. Barbara kerl- ingin er algjör klassi og var föl fyr- ir einungis 50 krónur. Algengt bókaverð var 50-200 krónur, lítið var um fagurbókmenntir en þeim mun meira af léttmeti. En það eru ekki bara plötur og bækur í Góða hirðinum, þar fæst flestallt til heimilis- ins. Húsgögn, t.d. sóf- ar, boðstofu- sett, hillur og skrif- borð, allt á viðráðan- legu verði. Heimilis- tæki og le irta u eru líka til í massa- v í s , glös og staup frá 30 krónum, mosagrænn áleggsskeri á 1000 krónur, straujárn með sál á 500 krónur, engin gufa en skilar sinu. Flottur gamall lampi var á 5000 krónur, málverk eftir óþekktan listamann á 9000 krónur og verðlaunabikar fyrir besta leikmann í körfubolta í 1. flokki 1985-6 á 50 krónur. SodaStream tækin upp- seld Ásta er forsvarsmaður í Góða hirðinum. Hún segir að alls kyns dót komi inn, stund- ' um fái þau heilan bílfarm ^af forstjóraskrifborðum, stundum slatta af rúmum eða marga kassa af loft- ljósum. Lögmál framboðs og eftirspurnar ræður þar eins og annars staðar, ef mik- ið er til af rúmum fást þau ódýrt, ef lítið er til eru þau hækkuð örlítið svo alltaf sé til eitthvað af öllu. Það er breiður kúnnahópur sem kemur í Góða hirðinn. Ásta segir að það séu ekki bara þeir sem berjast i bökkum og eiga lítinn pening sem koma og versla hjá henni. Fínar frúr reka lika inn nefið, oft vantar þær einn bolla í stellið eða vilja bara róta í kössunum eins og hinir. Leikfélög og propsarar koma reglulega til hennar í leit að leikmunum. Unga fólkið er líka farið að koma í auknum mæli, „Það sem var kannski ógeðslega „korní" í fyrra er að detta inn núna," segir Ásta. Þegar Fókus var á ferðinni voru SodaStr- eam tækin uppseld, en þau eru alltaf vinsæl svo og fótanuddtækin sem koma alltaf reglulega inn og seljast jafnóðum. Góði hirðirinn er ekta staður fyrir þá sem hafa ekki mikla peninga á milli handanna eða eru að byrja að búa og svo þeirra sem vilja bara vera öðruvísi. Amerískt skran Ef Góði hirðir- inn er heimilisleg konubúð þá er Sala varnarliðseigna hardcore stráka- búð, engin helvítis söngleikjatón- list, bara þögnin og vélalykt í loft- inu. Þar er fullt af tölvum, tækjum og alls kyns tólum sem maður veit ekkert hvað er en má órugglega finna einhver not fyrir. Vegna upprunans minna þessir hlutir einna helst á eitfhvað úr X-Files eða gömlum njósnamyndum. Þó þeir hafi ekki neitt sýnilegt notagildi eru þeir alla- vega upplagðir í hvers konar nytjalist. Ef mann vantar vara- hluti í ameríska drekann sinn fer maður örugglega fyrst í Sölu varnarliðs- eigna, líka ef mann vantar einhvers konar skrúfur, bolta og annað smádót úr málmi, allavega var til meira en nóg af því. Blaðamaður gekk á milli rekka í véladeild- inni og i skrúfubarnum og klóraði sér í hausnum enda ekki fróður um skrúfur og pung- laus í þokkabót. Það sem vakti meiri athygli hans var gífurlegt úrval af tölvum og lyklaborðum frá ýmsum framleiðendum, t.d. Macintosh, Panasonic, Dest, Zenith Data Systems og Magna- vox. Þarna voru líka ógrynni af skjaiaskápum, flestir á um 12.000 krónur en annars var það ókostur að fæstir hlutirnir voru verð- merktir nema nokkrir stólar og bækurnar sem kosta allar 100 krónur, nokkru ódýrari en sektin sem er komin á þær á bókasafninu á vellinum því margar voru merktar því. Lækningatæki og ís- lenskir karlmenn Eitthvað var af hermannafatn- aði, úlpum, buxum, húfum og nær- kjólum ýmiss konar að finna þarna inni. Að ekki sé minnst á furðuhluti eins og Super chef, insulated food and beverage container, sem kemur sér vel á stór heimili eða bara fyrir bruggið, gamlan plötu- spilara með hátalara eins og úr MASH-þátt- unum, mælitæki í gulum járnkassa, skjá til að skoða dag-' blöð á filmum eins og í bíómyndunum og sænskt apparat með þremur mæl- um og slöngu sem virtist vera ein- hvers konar lækn'- ingatæki. Það eina sanna íslenska i Sólu varnarliðseigna voru karlarnir sem vinna þar, þöglar týpur, margir búnir að vinna þarna ára- tugi og voru ekkert að blanda óþarfalega geði við þá sem rákust inn heldur héldu sig baka til. Það er alveg tilvalið, svona rétt fyrir jólin, að reka nefið inn í einhvern af þeim stöðum sem selja notaðar vörur, það er aldrei að vita hvað maður rekst á, svo er líka bara gaman að gramsa og upplifa þessa skranbúðastemningu sem maður fmnur einna helst í skransölum og mörkuðum i útlöndum. Og ef mað- ur kemst ekki lengur inn í geymslu til að ná í jólaskrautið er upplagt að taka til í henni, losa sig eitthvað af draslinu og leyfa öðr- um að njóta þess, þó ekki nema t'il þess að geta komið nýju drasli fyr- ir i geymslunni eftir jól. -ubk ET~ f Ó k U S 3. desember 1999

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.